12/06/2026
👩🔬👩🏫 A coruñesa Celia Brañas 👀👇 foi unha precursora do acceso das mulleres ao ensino, á actividade profesional e, por suposto, á ciencia, en tempos nos que estaba vetado ou moi restrinxido.
Tamén foi pioneira na defensa dun ensino das ciencias físicas e naturais en consonancia cos movementos de renovación pedagóxica da época, o “ensino activo”, baseado non só na teoría, se non na demostración experimental, actividades prácticas, visitas a fábricas, actividades na natureza... destacando o “carácter eminentemente práctico e de aplicación” destas materias.
En liña con isto, Celia entendeu que a súa responsabilidade de educadora non se debía restrinxir ao espazo das aulas e desenvolveu un notable labor divulgativo.
E chegou a propoñer a creación dunha estación de bioloxía mariña en Galicia, en concreto na Coruña, o que estivo relacionado coa súa posterior creación en Marín (1932).
O día 12 de xuño de 1948 falece na Coruña a científica Celia Brañas Fernández-Miranda. Nada na Coruña en 1880, é considerada unha das pioneiras na incorporación da muller á ciencia. En 1908 comezou a traballar como profesora na Escola Normal da Coruña da que foi directora da Escola en varias ocasións. Poñente -en 1919- no Primeiro Congreso de Estudos Galegos, organizado polo Instituto de Estudios Gallegos da Coruña, defendeu nel o tema da importancia que para Galiza tería a creación dunha estación de bioloxía mariña na Coruña. Logrou que en 1920 o Museo Nacional de Ciencias Naturais de Madrid organizase un curso de bioloxía mariña na Coruña, que sería precursor da creación -en 1932- da estación biolóxica de Marín.
Na imaxe, Celia no centro cos membros do Instituto de Estudios Gallegos.
Para saber máis: https://acorunhadasmulleres.gal/celia-branas/
