كلية الحاسبات والمعلومات - جامعة الزقازيق Fci_zu

25/04/2026

تتقدم ا. د/ أمل فاروق عميد الكلية والسادة الوكلاء والسادة أعضاء هيئة التدريس ومعاونيهم والجهاز الإدارى بالكلية بالتهاني للشعب المصري كله بمناسبة أعياد تحرير سيناء. 💐
كل عام ومصر قوية وحرة آبية في قلب كل مصري

22/04/2026

جدول الامتحانات الشفهيه والعمليه للعام 2025-2026 الفصل الدراسي الثاني

15/04/2026

تتقدم أسرة كلية الحاسبات والمعلومات بخالص العزاء والمواساة لمعالي الأستاذ الدكتور/ سيد سالم، أمين عام الجامعة، في وفاة شقيقة سيادته. اللهم اغفر لها وارحمها وأسكنها فسيح جناتك وألهم الأهل الصبر والسلوان.
وتقام صلاة الجنازة عقب صلاة الظهر الأربعاء من مسجد الجزارين بقرية كفر إبراش - مركز مشتول السوق بمحافظة الشرقية، والعزاء قاصر علي تشييع الجنازة.

12/04/2026

تحت رعاية الاستاذة الدكتورة امل فاروق عميد كلية الحاسبات والمعلومات جامعة الزقازيق،
والاستاذ الدكتور وكيل الكلية لشئون التعليم والطلاب،
وتحت اشراف دكتور احمد الرفاعي

في اطار حرص الكلية على دعم طلابها بشكل واقعي وعملي، تم إطلاق مبادرة FCI Mentorship Program، الموجهة لطلاب الفرقتين الثالثة والرابعة، والتي تهدف الى تقديم المتابعة والارشاد المهني لتأهيل الطلاب وفقًا لاحتياجات سوق العمل.

للتسجيل في المبادرة، يرجى ملء النموذج من خلال الرابط التالي:
https://forms.gle/aPeAnREG8caGu4Sx7

اخر موعد للتسجيل: السبت 18 ابريل 2026

FCI Mentorship Program هي مبادرة موجهة لطلاب الفرقة الدراسية الثالثة و الرابعة ، هدفها الأساسي هو المتابعة والإرشاد المهني لتأهيل الطلاب وفق احتياجات سوق العمل

07/04/2026

Procrastination Loop ليه بنأجل رغم إننا عارفين إن وراها مشاكل؟ 😵‍💫

كلنا مرينا بالسيناريو ده:
عندك مهمة
تفتح الموبايل شوية
تقول هبدأ بعد 10 دقايق
وفجأة اليوم خلص! 😶

💡 ده مش كسل ده اسمه Procrastination Loop (دايرة التسويف)

🔄 الدايرة بتمشي إزاي؟

😰 عندك مهمة كبيرة او صعبة
😵 تحس بتوتر / ضغط
📱 تهرب لاي حاجة اسهل (موبايل – سوشيال ميديا)
😞 تحس بالذنب
🔁 ترجع تأجل تاني

📉 وتفضل تلف في نفس الدايرة

المشكلة الحقيقية مش انك مش عايز تشتغل لكن لان المهمة كبيرة زيادة او مش واضحة او مرهقة نفسيا

✅ ازاي تكسر الدايرة؟

1. اقفل مصادر التشتيت
📵 حدد إيه اللي بيضيع وقتك (موبايل – Tabs كتير) وحاول تبعده قبل ما تبدا

2. فكر في اول خطوة مش النتيجة
بدل: لازم اخلص الشابتر كله
قول: هفتح الشابتر واذاكر اول 10 صفحات بس
🎯 البداية الصغيرة بتكسر الرهبة

3. اشتغل 10 دقايق بس
قول لنفسك هبدأ 10 دقايق ولو مش عايز أكمل هقف
💡 غالبًا هتكمل لوحدك!

4. استخدم Time Blocking
⏱️ 25–45 دقيقة تركيز + بريك
خلي المذاكرة موعد ثابت مش حسب المزاج

5. ابني عادات بسيطة
- نفس المكان
- نفس الوقت
- نفس الروتين
🧠 مخك هيربط المكان بالتركيز تلقائي

6. كافئ نفسك 🎉
بعد كل Session:
- بريك
- حاجة بتحبها
✔️ ده بيخلي مخك يربط الشغل بحاجات ايجابية

كل ما تبدا اصغر كل ما الدايرة تتكسر اسرع 💪

07/04/2026

تتقدم ا. د/ أمل فاروق عميد الكلية والسادة الوكلاء والسادة أعضاء هيئة التدريس ومعاونيهم والجهاز الإدارى بالكلية بالتهنئة للإخوة المسيحين بعيد القيامة
كما تمتد التهنئة للشعب المصري كله بمناسبة أعياد الربيع أعاداها الله علي الجميع بالسلام والأمان والفرح والسرور.

06/04/2026

Study Smarter Not Harder💡
بتقعد بالساعات تذاكر بس النتيجة مش قد التعب؟ 🤔
الحقيقة ان المشكلة غالبًا مش فيك لكن في طريقة المذاكرة

اأول حقيقة لازم تعرفها:
❌ القراءة ≠ مذاكرة

انك تقرأ الشابتر او تعيده 3 مرات
مش معناه انك فهمته او هتفتكره!

💡 المذاكرة الصح = Active Learning (تعلم نشط) يعني تبقى مشارك مش مجرد متلقي

✅ تذاكر إزاي بذكاء؟

1. خليك الinstructor 👨‍🏫
اشرح لنفسك بصوت عالي
لو معرفتش تشرح يبقى لسه مفهمتش كويس

2. اسأل نفسك بدل ما تقرأ بس

3. حل مش بس اقرأ

4. ذاكر على فترات (مش مرة واحدة)
⏱️ 30–45 دقيقة كل يوم افضل بكتير من 5 ساعات قبل الامتحان
✔️ اسمها Spacing Effect
وبتخلي المعلومة تثبت اكتر

5. بلاش Multitasking ❌
📱 مذاكرة + موبايل = تركيز ضعيف
🎯 ركز على حاجة واحدة بس

6. غير المكان لو زهقت

7. اعمل Quiz لنفسك 📝
اختبر نفسك بدل ما تستنى الامتحان ده من اقوى طرق التثبيت

8. خطط اسبوعك
📅 حدد هتذاكر ايه وامتى
المذاكرة العشوائية = ضغط وتراكم

⭕مش مهم تذاكر كام ساعة المهم بتذاكر ازاي

⭕ ساعة مذاكرة صح احسن من 3 ساعات قراءة بدون تركيز

06/04/2026

بمناسبة امتحانات الميد خلينا نتكلم عن حاجة كلنا بنمر بيها وهي Test Anxiety (قلق الامتحانات) 😰

لو الامتحانات بتخليك متوتر، قلبك بيدق بسرعة، ومش عارف تركز فانت مش لوحدك 🤝

القلق قبل الامتحان طبيعي، لكن لما يزيد عن حده ويأثر على تركيزك وادائك هنا لازم نتعامل معاه صح

علامات ممكن تحس بيها:
- توتر + افكار سلبية
- صعوبة في التركيز
- تسويف او هروب من المذاكرة
- صداع / ارهاق / ضربات قلب سريعة

🎯 ازاي تسيطر على قلق الامتحانات؟
1- ابدأ بدري
كل ما تذاكر بدري القلق بيقل 👌

2- غير الكلام اللي في دماغك
بدل انا مش فاهم حاجة، قول انا بعمل اللي عليا وده كفاية
افكارك بتأثر على ادائك اكتر ما تتخيل🧠

3- اهتم بنفسك
نوم – اكل – بريك
❌ مش طول اليوم مذاكرة = انتاجية اعلى

4- روح بدري اللجنة
متوصلش متأخر وتزود توترك، سيب لنفسك وقت تهدى

5- استخدم طرق تهدئة سريعة، جرب تمرين التنفس:
خد نفس 4 ثواني >> واطلعه 4 ثواني >> كرر كذا مرة وهتحس بهدوء

6- بلاش تقارن نفسك بغيرك
كل واحد ليه سرعته وطريقته، ركز على ورقتك وبس

7- نظم وقتك جوه الامتحان
اقسم الوقت على الأسئلة ولو سؤال وقف معاك سيبه وارجعله تاني

8- سيب النتيجة بعد ما تخلص
✔️ عملت اللي عليك؟ خلاص
متفكرش كتير في اللي فات

9- اطلب مساعدة لو محتاج
سواء من دكتور – اصحاب – او اي دعم متاح 🤝

القلق مش ضعف ده رد فعل طبيعي، المهم تتعامل معاه صح مش تسيبه يسيطر عليك👌👏

05/04/2026

الجدول الدراسي لمواد المفتوحة عملي

03/04/2026

Ghost Tasks: الشغل الخفي اللي بيستنزف طاقتك بدون ما تحس!

في وسط المحاضرات، الشغل، والتاسكات اليومية، في نوع شغل تاني خفي مش بيظهر في الجدول ولا على الـ to-do list 👀
النوع ده اسمه Ghost Tasks

يعني إيه Ghost Tasks؟
هي كل الحاجات اللي بتشغل دماغك طول الوقت من غير ما تكون مكتوبة:
- ردود لسه مرجعتش عليها
- مشاريع مأجلها
- قرارات محتاج تاخدها
- حاجات هعملها بعدين

المشكلة إنك بتخلص يومك حاسس إنك معملتش حاجة بس مرهق جدًا!

Ghost Tasks بتسبب إيه؟
- إرهاق في اتخاذ القرارات (Decision Fatigue)
- نسيان أو لخبطة في توزيع المهام
- تعطيل الشغل (Bottlenecks)
- احساس دائم إن كل حاجة متراكمة

✅ طيب نحلها إزاي؟
1. فضّي دماغك (Mental Dump)
اكتب كل اللي في دماغك مرة واحدة (يفضل اول الاسبوع او يوم الجمعة):
- ناس محتاج ترد عليهم
- مهام متأجلة
- حاجات إدارية
- توقعات الأسبوع

2. صنّف المهام
قسمها لفئات:
- محتاجة تفويض
- محتاجة قرار
- سريعة (أقل من 5 دقايق)
- محتاجة وقت مخصص

3. خلي عندك مكان واحد لكل حاجة
بدل ما تكون موزعة بين الورق، الواتساب، او دماغك:

Notion
Asana
او حتى ملف واحد منظم

31/03/2026

تتقدم معالي الأستاذة الدكتورة أمل فاروق
عميدة كلية الحاسبات والمعلومات بجامعة الزقازيق،
وبالأصالة عن نفسها، وبالنيابة عن السادة أعضاء هيئة التدريس والعاملين بالكلية، بخالص العزاء وعظيم المواساة إلى البشمهندسة/ميرنا مجدي المدرس المساعد بقسم نظم المعلومات
في وفاة والدها ـ رحمه الله رحمةً واسعة ـ.
نسأل الله العلي القدير أن يتغمد الفقيد بفيض رحمته، وأن يجعل قبره روضةً من رياض الجنة،
وأن يُلهم البشمهندسة ميرنا وأسرتها وذويها الصبر الجميل والسلوان، ويربط على قلوبهم، ويجعل هذا المصاب رفعةً في الدرجات وتكفيرًا للسيئات. وإنا لله وإنا إليه راجعون،
ولا حول ولا قوة إلا بالله العلي العظيم.