ميت مسعود اليوم

04/06/2026

تعلن المدرسة الابتدائية التجريبيه بقريه ميت مسعود
عن بدء التقديم لإفتتاح فصل
الصف الثاني الإبتدائي التجريبي
العدد 18 طالب وطالبه
للأاستفسار التوجه إلي المدرسة

04/06/2026

هو #سؤال واحد للناس ال بتعمل كده. 🤔
- وخصوصاً علي طريق الترعه و المشروع والرياح ....
- هو يعني النص متر ده هو اللي هيغنيك ؟؟! 😡
أنت بتاكل في الطريق وتضايق إلي رايح و وال جاي .
سواء بعربية او علي رجليه . علشان اييييه ؟؟
محصول ارضك هيزيد قد ايه.. هتكسب كاام يعني ؟؟!..
وكل سنه ورا سنه عمال تسحب علي الشارع لما خلاص قرب يختفي .....
اتقوا الله ... وراعوا حرمه الطريق

M.s

04/06/2026

نشر الفضايح ده من أخطر الذنوب اللي بقينا بنستهين بيها في السوشيال ....

ربنا قال بسم الله الرحمن الرحيم
*﴿إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ﴾* النور:19
يعني مجرد إنك تحب الفضيحة تنتشر = عذاب أليم. ما بالك اللي بينشرها بإيده؟

*النبي ﷺ قال:*
*"من ستر مسلماً ستره الله في الدنيا والآخرة"* رواه مسلم
*"لا يستر عبداً في الدنيا إلا ستره الله يوم القيامة"* رواه مسلم

تخيل: انت بتستر عيب واحد، ربنا يستر عيوبك قدام 8 مليار بني آدم يوم القيامة.

أسباب تخليك توقف نشر/شير الفضايح فوراً:*

1. *الجزاء من جنس العمل :-
اللي تفضحه اليوم، بكرة فضيحتك تنتشر. الدنيا سلف ودين....
2. *انت مش قاضي :-
ممكن الفيديو مفبرك، ممكن تاب، ممكن اتظلم. هتشيل ذنب ظلمه ليه؟. ...
3. *الشيطان بيفرح :-
: هدفه يوقع بين الناس ويكسر هيبتهم. متبقاش أداة ليه.....

*طيب لو شوفت فضيحة قدامك تعمل إيه؟*
1. وقف الفيديو/الصورة. متكملش
2. امسحها/اعمل بلوك للصفحة اللي بتنشرها .

ربنا يسترنا فوق الأرض وتحت الأرض ويوم العرض ...

04/06/2026

#رساله لكل الأباء والأمهات
في موضوع مهم ، 👇👇
حافظوا علي بناتكم ، الواحد مصدوم من الي بقا يسمعه .....
، قعدت مع مجموعة شباب يعني مابين ١٦ الي ٢٠ سنه ، بحيث افهم تفكيرهم ازاي ولو معلومات بسيطه بس انا كنت قاصد موضوع معين ، وهو علاقة الولد والبنت ،
اكتشفت ان في الزمن اللي احنا فيه ممكن البنت هي اللي تبدأ كلام مع الولد "عادي" ، وتبدأ العلاقة بينهم تطور ، وممكن توصل "عادي" انها تبعت له صورها ومش بس كده ، ممكن عادي تكون بتكلم الشاب ده فيديو كول وتحود الكاميرا علي اي حد من اهل بيتها وكل ده والبنت مفكره أنه عادي مفيهاش حاجه ، لحد ما توصل العلاقه لمقابلات في احدي الشقق والغريب اللي لاحظته معظمهم بنات صغيره ما بين ١٢ و ١٨ سنه وكمان سيدات متزوجه وكمان البنت وامها !! ،
طيب الغريب الاكتر انهم من بيوت محترمه جدا علي حد وصفهم ، وأن فيهم بنات اهاليهم حافظه قرآن وملتزمين جدا ، وفيه اللي اهاليهم دكاتره ومهندسين وكل الفئات حرفيا .
فيه من البنات دول اللي اصحابهم بالشكل ده وفيه ان هي الوحيده اللي في الشله كده وهي ممكن تجر بنات تانيه معاها ،
طيب دخلتي في علاقة مع شاب وتبعتيله صورك .... هو بياخد بقي صورك وبيوريها لأصحابه ويتفاخر قدامهم انك صحبته، وفيه اللي مش بيرضي يوري صورك لحد ،،،، وفيه اللي مصاحب صاحبتك اصلا ، وده بيتم عن طريق ان صاحبة البنت تحس بغيره فتقوم تتواصل مع الشاب ده وتبدأ علاقة معاه وهكذا !!!

فقولتلهم انتم بالكلام اللي قولتوه ده، الصح لو واحد هيتقدم لبنت ....جميل أنه يسأل عن أهلها ولكن دي مش صوره حقيقية للبنت نهائيا، الصح أنه يسأل شباب بقي ويعرف اذا كانت متسجله عندهم ولا لأ😒 ، (انا بقول كده وعارف تنفيذه مستحيل )، ولو مش مستحيل .... هتعمل ايه مع البنات اللي لهم علاقات خارج المحافظه اصلا وبتعمل اللي هي عايزاه عشان محدش يعرف عنها حاجه ، وصاحبتها بس هي اللي عارفه !!!

الحل بسيط :

ركزوا في تربيتكم لاولادكم ، لازم تكون فاهم ان التربيه مش انك توفر المأكل والمشرب والملبس بس ،
التربيه هو انك تقرب من أولادك وتتكلم معاهم في كل شئ ،تكون فاهم ان وجودك مهم في حياتهم ومتخلوش المسافات تزيد بينكم وتركزوا في التربيه الاسلاميه الصحيحه وتعرفوهم العيب والصح والغلط واللي ما يصحش ومش تسيبوهم للافلام بتاعت اليومين دول واصحابهم اللي متعرفوش عنهم حاجه وموضوع أنه عادي جددا انهم يخرجوا يروحوا كافيتيريات، وتروح تبات عند صاحبتها والحوارات دي .... ممنوع نهائي

البنات :
حافظوا علي نفسكم وهجيبلك الموضوع من الاخر ، نظره الشاب من دول ليكي هي تسليه وهو معندوش استعداد نهائي يتجوزك عشان اللي عملتيه معاه والتجاوزات اللي حصلت بينكم .

بالمناسبه لو بتقلب في تليفون أولادك عشان خايف عليهم ، لو شوفت برامج زي اله حاسبه وكده ، افتحه عادي لان فيه امكانيه انك تغير شكل البرامج وساعات بيحطوا عليه باسورد كمان ،

كل اللي اقدر اقوله قولته ، عشان الناس تبقي عارفه الواقع فعلا ويمكن ده جزء بسيط لاني قعدت مع مجموعة شباب بسيطه ومن فئه واحده وحبيت انقله لكم ،

كده عملت اللي عليا ، واتمني كل اب وام يرجعوا للأصل ويشوفوا هما اتربوا ازاي وعلي ايه ويعملوا زيهم مع أولادهم بغض النظر عن اللي بيحصل حواليهم ......

04/06/2026

وجهنا نصائح كثير لكل الشباب اللي بيجري بالموتوسكل .
وهنفضل ننصح وياريت الأهل تتدخل معانا لمصلحة أبنائهم

#نصيحة لكل شاب بيجري بالموتوسيكل على الطريق...
الدنيا يا اسطي مش مستاهلة ثانية تهور، والسرعة الزايدة مش رجولة ولا شطارة، بالعكس ممكن في لحظة تضيع عمرك أو تتسبب في أذى لحد مالوش ذنب. علشان مستعجل
أهلك مستنيينك ترجعلهم بالسلامة، وصحابك وأحبابك نفسهم يشوفوك بخير. هدي سرعتك، وامشي بالعقل، واتوكل علي الله . ومتبقاش سبب تحزن اهلك عليك .
فكر في أمك وابوك الي هيقعد يجري وراك في المستشفيات . دا لو ربنا طول عمرك أصلا . فكر في كم الفلوس الي المفروض تتصرف لعلاجك والعمليات عليك وانت مرمي علي السرير . فكر في كم شخص ملوش ذنب ممكن يتأذي بسبب تهورك . فأهدي وانت سايق مش علشان خاطر حد . لا علشان خاطر اهلك ياسيدي

وقرر من النهارده . تهدي ومتخليش شيطانك بضحك عليك
ربنا يحفظ شبابنا جميعًا من كل سوء.🤲
M.s

04/06/2026

03/06/2026

03/06/2026

ماشاء الله .. 🤝
تم #الانتهاء من تركيب أكثر من 85 ٪ من الانترلوك بشوارع المقابر. ما عدا شارع أو اثنين وأمام بعض المقابر بشكل فردي . كما هو موضح في أخر الصور ... 👇👇

#خالص الشكر إلي جميع أهالي قرية ميت مسعود الكرام على تعاونهم ومساهمتهم سويا كل عائله علي حدي في تنفيذ أعمال تركيب الإنترلوك بالمقابر، 💪💪
لقد أثبتم أن أهل البلد يدٌ واحدة وقلبٌ واحد، يعملون معًا من أجل خدمة الصالح العام والحفاظ على مكانة مقابر القرية لتكريم موتانا . وتوفير سبل الراحه للأحياء أيضا .
الشكر موصول لكل من ساهم من جميع عائلات البلد #للمشاركة بماله أو جهده أو وقته أو فكرته، فكل مساهمة كان لها أثرها في إنجاح هذا العمل الطيب. الذي يحتذي به بين البلاد الأخري ..
#نسأل الله أن يجزي الجميع خير الجزاء، وأن يديم على قريتنا روح التعاون والمحبة، 🤲
(( فنحن بحق أسرة واحدة. ))
M.s

03/06/2026

أكثر الذين ماتوا .... كانوا يظنون أن فى العمر مُتسع للتوبة.... فأدركهم الموت وهم غافلون!!
فاللهم توبة قبل الموت ..

03/06/2026

⭕👇👇 عااااجل 👇👇 ⭕
إرتفاع شديد في درجات الحرارة ولمده 15 يوم
#تبدأ الأربعاء والخميس الحراره 39°
#وتستمر لمدة 12يوم ثابته عند37°
#وهواء ساخن بسرعه24 كم
#اللهم اجرنا من النااار ومن عذاب النار 🤲
M.s