المجلس القومى للمرأة

04/08/2023

30/04/2023

بعد إذن مسلسل "جعفر العمدة "اللي أكل دماغ الناس الفترة اللي فاتت ؛ فيه خبر تاني مهم وحصل في نفس التوقيت تقريباً بس الفرق إن الخبر ده من الحاجات اللي تفرح وتستحق إنها تتعرف.. في كلية هندسة جامعة حلوان فيه فريق اسمه "بيكسلز" مكون من 16 شاب وشابة.. شباب مصريين مبتكرين ودماغهم ألماظات.. صمموا قفاز ذكي -(جوانتي)
عشان يستخدمه الصم اللي عندهم مشكلة في الكلام وبيعبروا عن كلامهم بـ لغة الإشارة.. بيعمل إيه القفاز ده؟.. أى حد بيتكلم بلغة الإشارة لو لبس الجوانتي ده في إيده وبمجرد ما يشاور بيه ومن خلال مجموعة من المستشعرات هتترجم الحركة بتاعت الإيد وهتتحول لصوت مسموع يسمعه الشخص اللي واقف قدامه بدون ما يكون محتاج يتعلم لغة الإشارة عشان يفهمه!.. الشباب سموا القفاز Smart gloves pixels'21.. الموضوع حصل قبل كده بره مصر من شهور بس المرة دي عمله شباب مصريين بإمكانياتهم البسيطة وبشكل مبهر.. دي مش آخر خطوة في المشروع وأكيد فيه خطوات تانية عشان تحسنه أكتر لكنها الخطوة الأهم خصوصاً إن القفاز عامل نتايج حلوة.. شباب مصري يبسط ويفتح النِفس وإيديهم تتلف في حرير.. كل الحب والله.. شابوه لكم

20/03/2023