اتحاد طلاب كليه الصيدله جامعه جنوب الوادى

06/10/2025

مبارك لاختيار معالى العميد ا.د. اشرف محمد ابوالوفا بقرار وزارى للمرة الثانية على التوالي عضوية اللجنة الدائمة لترقية الأساتذة والأستاتذة المساعدين للفارماكولوجى والصيدلة الاكلينكية بالمجلس الأعلى للجامعات

05/06/2025

“في العيد بنبدأ صفحة جديدة، فيها راحة ورضا وأمل لبُكرة أحسن…”
اتحاد طلاب الكلية بيهنّيكم بمناسبة عيد الأضحى المبارك، وبيتمنّى ليكم عيد كله فرحة وراحة وقلوب متطمنة ♥️

ما بين لحظة عيد ونسمة فرحة، بنفكركم دايمًا إننا موجودين علشانكم، وسند ليكم في كل خطوة 🙏
استمتعوا بالعيد، وارجعوا بطاقة جديدة تكملوا بيها المشوار 💪🌟

كل سنة وأنتم بخير، وعيدكم مبارك 🎉

01/06/2025

طب أعمل إيه أكتر من اللي عملته؟

دخل الامتحان وهو مذاكر،
راجع وحل وبصمج كويس،
وخرج حاسس إنه أدى اللي عليه،

بس بعدها راجع حله للامتحان،
واكتشف إنه غلطان كتير كتير أوي مع إنه كان مذاكر كويس!
بدأ يُحبَط،
أنا فعلًا تعبت!
أنا عملت اللي عليا!
طب أعمل إيه أكتر من كده؟!

لكن الحقيقة ي صديقي إن فيه حاجات برّا إيدك،
أنتَ مش مسؤول عن عبث الأسئلة،
ولا عن الوقت اللي ما كفّاش،
ولا عن الكلمة اللي ما لمحتهاش وغيّرت معنى السؤال تمامًا،

أنت مسؤول عن السعي بس،
عن تعبك اللي بذلته،
عن النية اللي كانت جواك،
عن كل لحظة قعدت تذاكر فيها بضمير،

الدرجات ما بتمثّلكش،
والنتيجة مش دايمًا بتعبر عنك،
كلها قَدر ربنا ليك وحكمته،
فما تظلمش نفسك،
ولا تسيب الإحباط يسيطر عليك،

أنت اجتهدت، وده في حد ذاته نجاح!
وحقك مش رايح، حتى لو الدنيا ما إدّتكش،
فيه رب دايمًا شايف وعادل،
ومابيضيّعش أجر مَن أحسن عملًا، لا في الدنيا ولا في الآخرة!

13/05/2025

تعديل لائحة طلاب الصيدلة فارما دي للمساوة مع باقي كليات القطاع الطبي ، خمس سنين دراسية للتخرج و سنة تدريب اجباري (امتياز) بمكافأة مالية لمزاولة المهنة

07/05/2025

في أجواء من الفخر والاعتزاز، اختتمنا فعاليات الأنشطة الطلابية للعام الجامعي الحالي، بحضور كريم من:
• السيد الأستاذ الدكتور أشرف أبو الوفا، عميد الكلية
• السيد الأستاذ الدكتور محمد صفوت، وكيل الكلية لشؤون التعليم والطلاب وأمين عام الاتحاد
• السيدة الأستاذة الدكتورة إيمان عبد الرحيم، وكيلة الكلية للدراسات العليا والبحوث.

شهد الحفل تكريم أعضاء هيئة التدريس على جهودهم المتميزة، والطلاب المتفوقين في مختلف الأنشطة، إلى جانب مراسم تنصيب اتحاد طلاب الكلية للعام الجديد.
كل الشكر لكل من ساهم في إنجاح هذا اليوم، ونتمنى دوام التميز والتوفيق لجميع أبنائنا الطلاب🤍🌷

30/04/2025

26/04/2025

يتقدم اتحاد طلاب كلية الصيدلة بخالص التهاني والتبريكات لسعادة
الأستاذة الدكتورة/ عبير سعد، بمناسبة صدور قرار ترقيتها إلى درجة أستاذ مساعد بقسم الصيدلانيات.
متمنين لها دوام التوفيق والنجاح، ومزيدًا من التقدم والتميز العلمي

30/03/2025

كل سنة وانتو طيبين يا شباب، عيد فطر سعيد عليكم وعلى أهاليكم جميعًا. 🌙✨

باسم اتحاد طلاب كلية الصيدلة، بنحب نهنيكم بالعيد ونتمنى لكم أيام مليانة فرحة وسعادة. ربنا يجعلها مناسبة خير علينا كلنا، ويوفقنا دايمًا إننا نكون على قد المسئولية ونقدم لكم كل اللي يفيدكم ويساعدكم.

استمتعوا بالعيد، وكل سنة وانتو بخير! ❤️

اتحاد طلاب كلية الصيدلة
رئيس الاتحاد: زياد سعد
نائب رئيس الاتحاد: أماني عصام

12/03/2025

هاااااااااام 🚨🇪🇬🇪🇬
تم مد فتره المدن الجامعية لتصبح الساعه 9 مساءا بدلا من الساعه 8 مساءا خلال شهر رمضان 🌙🇪🇬
كل عام وطلاب الجامعه بخير 🌙❤️

24/02/2025

“🎨✨ كلية الصيدلة بالتعاون مع كلية التربية النوعية ✨🎨

مستنيينكم بكرة في الملتقى الفني بكلية الصيدلة! 💥

📅 الثلاثاء 25/2
🕙 الساعة 10 صباحاً

يوم كله فن وإبداع وجو حلو هنستمتع فيه كلنا! 🌟
ماتضيعش الفرصة وتعال شاركنا اللحظات الحلوة ❤️🎶