Retal fun reading activities

21/05/2023

صباح الخير
النهارده إن شاء الله أول يوم لينا في المكتبة
في قليوب ..
لو المكان بعيد عليكم ممكن تعملوا نفس فكرتنا ..
أو تشاركونا اونلاين بأنشطة (فيديو تلخيص كتاب- رسمة لكتاب - ڤويس اوڤر لمشهد من كتاب )
أو تبعتوا رسومات ل د.هدى تعملها تحليل
دعواتكم لينا بالتوفيق و هنصور أنشطتنا في المكتبة و ننزلها تقولولنا رأيكم 🥰

20/05/2023

20/05/2023

مستنيينكم بكرة اول يوم لينا سوا في مكتبة " فكرة "
الاحد و الاثنين و الثلاثاء من الساعة ١٢ للساعة ٢ إن شاء الله
زودنا على المكتبة كتب علمية و روايات انجليزي و قصص دينية و اكتر من روايات الرعب
عشان نرضي كل الأطراف
بنفكركم بوجود د. هدى صبري معانا بكرة و هتحلل الرسومات مجانا بكرة فقط
الرسم بالقلم الرصاص لوجه شخص

16/05/2023

انا ادمن جديد معاكم ع الصفحة
د.هدى صبرى د.هدي صبري
اخصائى ارشاد نفسى وأسرى
ومتخصصة فى تحليل رسومات الاطفال
هكون معاكم ومع بنوتتنا ريتال
علشان نساعد بعض فى حل مشكلات الاطفال النفسية وتوجيه قدراتهم ومواهبهم والكشف عنها أيضا
كل تحليل الرسومات له سن معين
من سن ٤ سنوات فى البنات إلى نهاية العمر
و٥ سنوات للاولاد فيما فوق
ودة طبقا للدراسات والخبرات
علشان مانظلمش الطفل بتفسير حاجة هو مايقصدهاش
طب لو طفل ما شاء الله رسم حاجة لها معنى من قبل السن دة يبقى دة عنده قدرة ادراكية معينة ومافيش مشكلة هنتعامل معاه
وحتى الأمهات يرسمو كل ده له هدف ومدلول وبيوجه القدرات وبيعرفنا وبيخلينا نفهم ذواتنا كويس

ازاى هتكون مساعدتى ؟
- باذن الله هكون موجودة مع ريتال يوم الاحد القادم من الساعة ١ ظهرا للساعة ٢ ظهرا
والثلاثاء أيضا من الساعة ١ إلى ٢

طب واللى مش قادر يجى بنفسه؟
- بردو هنشتغل اونلاين عادى جدا
اهم شىء الرسومات يكون الطفل قاعد براحته مايعرفش أن فيه حد هيحللها
قاعد سرحان مع نفسه فى مكان هادىء أو البيئة العادية اللى متعود عليها علشان يعبر براحته

هتبعتولى ازاى؟
عن طريق الصفحة عادى

وغالبا هحتاج اقابل الام مرة على الأقل كل اسبوعين

بالنسبة لجلسات الإرشاد النفسى والأسرى واى مشورة تربوية
طبعا مش هتكون اونلاين
دى لازم جلسة نصف ساعة على الأقل علشان نعرف نطلع بنتائج جيدة ومرضية

اى استفسار اكتر اتمنى تبعتولنا على رسائل الصفحة وهنرد عليكم بأى تفاصيل باذن الله
🥰
*صور استرشادية من مواقع أخرى

15/05/2023

أهلا بأعزائي القراء

سنتحدث اليوم عن موضوع ليس اغلب الناس تعرفه
و هيساعدنا نختار الرواية اللي هنحب نقراها حسب تصنيف بنحبه
و هو ان جميع القصص التي من الممكن أن تخطر على بالكم هي ٣٦ قصة فقط مع اختلاف الاحداث و الشخصيات لنتعمق في الموضوع اكثر

وفقاً للكاتب “جورج بولتي” في عام 1895 عندما أصدر كتابة “الحبكات الدرامية ال 36 “، والذي وضع نظرية أن أي قصة في العالم من الأساطير او قصص الأنبياء او الروايات والأفلام والمسلسلات لن تخرج عن سياق 36 حبكة درامية مهما اختلفت عناصرها الداخلية،
فسوف نقوم بذكر بعض الحبكات.

#المساعدة و التوسل :
هي مشهورة في كرتونات الاطفال و افلام الاكشن

#الإنقاذ:
حبكة مشهورة في روايات الأبطال الخارقين
#جريمة يتبعها الانتقام :
من أشهر الحبكات الدرامية في أفلام الأكشن وأكثرهم في جذب تعاطف المشاهدين مع البطل في محاولة بحثه عن الانتقام والتي تأتي دائما مع مزيج من حبكات اخري مثل الهروب والمطاردة.
#الانتقام بين الاقارب:
اشهر الحبكات الدرامية منذ قديم الأذل … منذ قصة قابيل وهابيل مروراً بهاملت ل”شكسبير”..
#الملاحقة :
الحبكة الأشهر في الأفلام البوليسية حيث تتكون من الهارب والملاحق فأحياناً تتعاطف مع الهارب وأحيانا مع الملاحق.
#الكارثة:
اكثر الحبكات الدرامية شهرة في الفترة الأخيرة في موجة روايات نهاية العالم وهي تتكون من معاناة الأبطال بعد او اثناء حادثة من شأنها انهاء العالم.
#سوء الحظ:
حبكة تستطيع من خلالها صنع محتوى أكثر حزناً وأيضاً أكثر كوميدية
#التمرد:
الحبكة الأكثر إلهاماً للشباب حيث تتكون من طاغية أو ظالم والأشخاص المتمردين عليه.
#المغامرة الجسورة:
#الاختطاف:
بالطبع هناك اكثر و لكن سوف يكون المنشور ممل و لا يستحق القراءة
#ريتال💗

14/05/2023

آهلا بأعزائي القراء
كنت حابة اقول ان القراءة ليها مستويات مختلفة
أولهم : هي المرحله اللي لسه بتبتدي
و دي بتحتاج انك تحاول تعرف نوع الكتب اللي بتفضلها علشان تبدأ
و في البدايه بتتعرض لضغط بسبب اللي بيتن-مروا على الناس اللي بتقرا
و نصيحتي ليهم ماتتأثروش بكلام الناس
و ماتضغطش على نفسك في القراءة عشان تقرأ عدد من الكتب ده هيكرهك في القراءة مش هيحببك فيها
ثانيًا:هي المرحله اللي حصيلتها في القراءة متوسطة و دول بيكون خلاص عرفوا نوعهم المفضل لكن محتاجين يتعرفوا اكتر على باقي انواع الكتب و قراءة عدد اكتر من الصفحات المعتاده عشان يوصلوا للمرحلة الاخيرة
ثالثًا و الأخير: المحترفين و دول بيكون الهدف بتاعهم عدد معين من الكتب بيحددوه لنفسهم كل سنه و يشوفوا قدروا يخلصوا العدد ده و لا
و فيه منهم في المرحلة دي بيبتدي في كتابة كتب شخصية ليه

ملحوظه: فتور القراءة بييجي في أي مرحلة و هبقى اعمل بوست يعني ايه فتور و إزاي نحله

و بس دي كانت مراحل القراءة.
و شاركوني في التعليقات انتوا في انهي مرحلة ، و شكرا
#ريتال 💗

12/05/2023

الفكرة مش انك تعرف تقرأ الفكرة انك تعمل تحدي يخليك تعرف تكمل قراءة 👏
#ريتال

12/05/2023

حاجة من الحاجات اللي بعملها و انا بقرأ استعين بڤويس اوڤر لمشهد من الرواية أو اعملوا بنفسي
شوفوا الريلز اللي جاية
https://www.facebook.com/reel/198889639206165?mibextid=9drbnH&s=yWDuG2&fs=e

12/05/2023

فيه نماذج تلخيص كتير نقدر نستخدمها زي ما هي أو نظبط فيها وفقا لاحتياجنا أو مستوى اللي بيقرأ
عايزينه يتعلم يحكي حكاية
عايزينه يعرف عناصر القصة
عايزين نرفع درجة وعيه بالأحداث و الصح و الغلط
عشان كده من الأفضل في أول مستويات القراءة يبقى فيه حد كبير بيتابعنا عشان يوجهنا للصح
دي نماذج كتير استعنت بيها من الانترنت تقدروا تطبعوها أو تعملوا زيها على برنامج وورد
#ريتال

12/05/2023

الناجح يبحث عن "الشمعة "لتنير مساره نحو إكمال طريق النجاح و الفاشل يبحث عن "شماعة "ليعلق عليها فشله

كتاب خوف ٣
#ريتال

30/04/2023

أهلا بيكم انا ريتال و دي فكرتي 😀 عشان كده الصفحة بإسمي 🙈
هنشترك مع بعض في مشروع يشبه الصالونات الفكرية زمان 😀
صالون ثقافي نبعد بيه عن الأفكار الاستهلاكية و نبقى منتجين هنبني فيه شخصياتنا و عقولنا و نتعلم ازاي نتكلم مع بعض و نفكر مع بعض

و زي أنشطة المكتبات اللي بتتعمل في الصيف
هنقرأ و هنلخص و هنرسم و نعمل شغل فني بإيدينا
هنكتب قصصنا الخاصة و نناقش أفكارنا
و هنزود أنشطة تانية بأفكاركم معانا
و هنشير معاكم الأنشطة اللي بنعملها عشان تشتركوا معانا أو تعملوا زينا لو أنتم بعيد عننا 🥰
Read and tell us 📖
Read for us🤗
Act Out Your Favorite Book 💜📚
Summarize what you read 📝
Share your thoughts 💭✴️
Write And Illustrate Your Own book 📚
Make A Craft From A Book🧶🧮🎹
Draw A Scene From Your Favorite Book 🎨🖌️
لو عجبتكم الفكرة شيروها عننا 🥰
#ريتال 💗