رابطه مزارعي الكمون في المنيا

23/01/2025

21/09/2024

يوجد تقاوى ايسون وكمون درجه نقاوه 97فى المئه خاليه من الامراض الفطريه

02/04/2024

ابيع ولاا استني ؟؟؟
سؤال يراود كل مزارعين #الكمون هذه الأيام
ابيع بكام وامتي ؟؟؟
وفى البوست دا حتكلم عن المزارعين فقط ونخلى التجار فى منشور اخر وال تقريبا حيبقي بعد العيد ان شاء الله تعالي
اولاا
انا كا مزارع لو عندي محصول #كمون جديد ابيع ولاا استني
السؤال يمكن الإجابة عليه فى عدة نقاط اولها لازم المزارع يعرف حجم ونوع وجودة محصوله اولاا علشان يعرف يقرر صح
يعني لو محصولك جودته عاليه جدا فى اللون والدرس والحجم والنضافة ومجفف ١٠٠% اكيد مش حتبيع بالسعر زي ال جودته اقل منك خصوصا ان فى مزارعين كتير هذا الموسم زرعو #كمون لأول مرة ومعندهمش خبرة كفية
وهنا لازم تتأكد من محصولك مرغوب بأنك
تعرض محصولك للعرض للتجار وتشوف سعر كل واحد اي ومواصفات ال طالبها كل تاجر
ثانيا خلاص عرضت محصولك وعرفت نسبة جودة #الكمون بتاعك اي وساعتها تقرر
لو كان محصول جيد ومرغوب ومحطوط سعر أعلى من ال سمعتو اخر مرة يبقي تقسم الكمية كلها على ٣ دفعات بيع
يعني مثلاا لو محصولك طن حتعرض للبيع ٣٥٠ كيلو فقط
بسعر السوق وطبعا تختار التاجر كويس علشان اكيد حيرجع يكلمك تاني ويقولك انو محتاج تاني
و تبتدي تعرض فيها بعد العيد مباشرة ودا حيبقي السعر ال حيستقر عليه السوق لفترة ممكن من ثلاث اشهر ل ٤ أشهر على الاقل وغالبا حيبقي ثابت لان العرض كتير زي ما وضحنا قبل كدا وحيبقي افضل سعر تبيع بي هو بعد العيد
طيب لو #الكمون مصاب بالفحة او اي فطريات او اي مشكلة
ومحدش عاوز يشتريه .
طبعا محدش حيشتري منك غير لو سعرك اقل من السوق بفارق كبير أو يكون جه وقت ما فيش كمون فى البلد خالص وتبيعو بسعر أعلى من ال جودته أعلى وهنا مش حتغامر علشان زي ما قولنا ان العرض كتير وكل التجار حاليا بتشتري وقت الموسم وبتنقي على وش القفص زي مابيقولو .
اما الدفعة الثالثة والاخيرة للعرض والبيع لمحصولك حتكون فى نهاية شهر ١٢ إلى منتصف شهر يناير القدم بإذن الله
وحيكون أعلى سعر حتبيع بي وكدا انت اشتغلت خزين ولازم تعرف تكون بتخزن محصولك كويس جدا وللعلم الكمون فى تخزينه مش مرهق ولاا مكلف بس حتبقي راكن فلوسك لمدة سنة
وهنا ما سمهوش احتكار اسمه بتحافظ على راس مالك لان فى غيرك كتير بيعرض والبدائل كتير
يعني لو انت عندك إمكانية تركن فلوسك كل الفترة دي
فى غير معندهوش إمكانية وعاوز يسد قسط او أجرة عمال او ارض التزامات شخصية ومحتاج يبيع علشان يسيل فلوس ويدور العجلة فى محصول اخر او اي شي يلزمه فلوس فى أرضه
وأخيرا جينا للسؤال الأهم بعد ما عرفنا نبيع امتي
والسؤال الأهم ابيع بكام ؟

لو حتبيع كل الكمية دفعة واحدة يبقي مكسب قريب افضل واحسن لك وتبيع بالسعر العالمي وتدور العجلة
ايوا زي ما قرأت كدا حتبيع بالسعر العالمي المتداول
وهو سعر الكمون الهندي بورصة الكمون فى العالم وكل الدول بتمشي وراه بس علشان الكمون المصري اعلى منو فى الجودة فانت حتبيع بأعلي منو ب ١٠٠ او ١٥٠ دولار فى الطن مش اكتر من كدا
يعني لازم كا مزارع تعرف ان محصولك مرتبط بالدولار صعود او هبوط مع الاخذ فى الاعتبار ان الراجل المستورد ال برا مش حياخد الكمون المصري بسعر أعلى من الهندي ب ١٠٠ دولار على الأكثر وهنا حيكون مكسب المصدر مش مكسبك انت علشان انت كا مزارع اول يد وبعدك التاجر والمصدر ال عاوز هو كمان يكسب فلازم تربط الأحداث مع بعض وتابع كويس جدا سعر المحصول ال تعبت وشقيت فيه وتعرف ان من ضمن اسباب وصول الكمون لسعر ٥٠٠ج الموسم ال فات
كان بسبب منع استيراد الكمون الهندي او بمعني اخر صعوبة دخوله العام الماضي بسبب قرارات هئية سلامة الغذاء ال سحبت عينات من الجمارك واتضح ان الكمون الهندي غير مسموح بدخوله البلاد الاا بمطابقة الشروط الموصفات المصرية لهئية الرقابة على السلع الغذائية وحتي ان كان السبب الحقيقي
عجز فى الدولار فى البلد
وقلة استيراد السلع وهذا هو توجه الدولة منذ عامين فى تقليل فاتورة الاستيراد من الخارج بسبب عجز الدولار والتشجيع على الإنتاج والتصنيع ولكن دخول. الكمون الهندي هذا العام ليس بصعب مثلما حدث العالمين السابقين
وكل دا ومقولتش لحد مزارع بيع بكذا او بكذا
لكن السعر العالمي للكمون الهندي ومعروف و فى نزول يوما من بعد يوما لكثرة المعروض هناك
وابتدء من ٣٣٠٠ دولار للطن ل ٣١٧٥ دولار اليوم
وهنا نتذكر سعر الكمون الهندي الذي
كان ب ٣٨ج و البلدي ٥٢ ج فى عام ٢٠١٦
و ٤٢ج للهندي و ٥٨ للبلدي ٢٠١٧
و ٤٨ ج للهندي ٦٣ ج للبلدي ٢٠١٨
و جاءت ٢٠١٩ منع دخول الكمون الهندي ودخل انواع اخري
سنغافورة و تركي وكان السعر
اقل من ٤٥ ل ٥٠ج
و ٦٢ للهندي و ٧٤ للبلدي
٧٥ للهندي و ٩٠ للبلدي
وفى ٢٠٢١ استيراد الكمون الهندي
وابتدء ب ٤٣ نزول #الكمون الهندي مرة اخري
والبلدي ٥٠ج
٢٠٢٢
٧٨ للهندي و ٨٠ للسوري و ٩٠ بلدي
وجاءت
٢٠٢٣ 😊😊😊😊 العام السعيد على المزارعين والعام التعيس على مزارعين الهند
حرائق فى الهند مع منع دخوله للبلاد من هئية سلامة الغذاء المصرية بسبب المبيدات وعدم توفر الدولار للمستوردين
وابتدء السعر اول الموسم ب
١٥٨ للهندي فى اول الموسم لحد ما وصل ل ٢٦٠
وتوقف استيراده من المستوردين لعجز الدولار و عدم وامكانية استيراده بسبب قلة المحصول هناك لحد ما وصل ٣٣٠ج فى اول شهرين من الحصاد
وابتداء البلدي محصول جديد وكان سعيدا على المزارعين والتجار والمصدريين 😊😊😊
وابتدء ١٨٠ بلدي اول الموسم وركب الصاروخ ⬆️⬆️⬆️
ومشى جنب الهندي فى السعر وسابقوه كمان بخطوة لحد ما وصل ٣٦٠ ج فى اول ثلاث شهور بس
وركب ال ٤٠٠ ج بعد كدا
وشوفنا بعدها عند ال ٤٤٠ و ٤٥٠ وكل دا تجاري وليس قطاعي
لان سعر الهندي وقتها كان وصل فعليا فى بلده إلى ٧٥٠٠ دولار للطن بدون اي تكاليف و دولار سوق سودا مضروب وقتها ب ٥٠ج مش ب ٣٠
ومن كل هذه السنوات التى مرت لازم تعرف ان
الموضوع مش جديد على السوق
ونزول سعر #الكمون الهندي العالمي هذا الموسم
ل ١٦٠ج اي النصف
واقع وحقيقي بسبب كثرة المحصول ووصوله
ل 900 الف طن إنتاج هذا العام وتعتبر الهند
اول دولة منتجة بنسبة ٧٠% من العالم
وثانيها سوريا ١٣%
و ٥ % تركيا
و ١٢ % لمصر
انت متخيل الفارق بين كل الدول المنتجة وبين الهند وحدها
لذلك هم بورصة السعر والكل بيمشي وراها الاا
لو الدولار ارتفع فى مصر ممكن وقتها نتابع سعر أعلى فى #الكمون البلدي
كل دي أمور لازم انت كا مزارع تعرفها علشان هو دا تفكير المصدر والتاجر قبل ما يشتري منك لازم يبقي عارف كل دا واكتر كمان
ومش حقول لحد بيع او ما تبعش او يبيع بكام بس نقول سعر عادل واقعي متداول و زي كل مزارع حر فى زرعه
كمان التاجر حر فى فلوسه والسوق ماشي على الكل وربنا يرزق كل الناس #مزارعين وتجار ويحسن السوق للجميع

30/03/2024

كمون بلدى مصرى 2024

31/01/2024

كمون عمر 35 يوم ❤️

26/01/2024

تحية خاصة لأحدث المتابعين لي! يسرني انضمامك! Sayed Ats, Abo Malik, خالد فياض, اشرف راجح, Tarek Nageh, احمد الاسيوطى, سلام سلام, السعيد اسماعيل, ابو بسطاوي بسطاوي, ياسين ياسين ياسين ياسين, ناصر ابو الحاج على, خالد الودعي الودعي