الصفحة الرسمية > لمدرسة البنابوة الإبتدائية

23/08/2024

20/10/2014

من أجمل الفنادق في العالم - الصين !

30/09/2014

31/07/2014

أخطر كلام ممكن تسمعه الفترة دي

كلام مهم علشان تخرج من العيد باقصى استفادة و حماس علشان تحقق احلامك و أهدافك

ركز معايا كدا و أقرأ الكلام دا بقلبك بنية إنك تطبق و تخلي حياتك سعيدة ممتعة زي ما أنت عايز

في الدنيا فيه منهجين :

أولا :
منهج الشيطان (الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاء )

اي شخص حاسس بخنقة و ضيق و ضياع الشيطان بيخليه يعمل 3 حاجات

1- يفكر في السلبيات الي هو فيها فتبدأ تزيد بصورة قوية
2- يفكر في الحاجات الي نقصاه فيحس بنقص أكبر و أكبر
3- بيفكر في العقبات الي في انتظاره فبيفضل قاعد في مكانه

و نتيجة الكلام دا فشل و تعاسة و خنقة و دمار نفسي في الدنيا و دا الهدف الي عايز يوصله الشيطان

ثانيا :
منهج الله (وَاللّهُ يَعِدُكُم مَّغْفِرَةً مِّنْهُ وَفَضْلاً )

علشان تتبع منهج الله صح لازم تعمل 3 حاجات

1- تركز على النعم الي عندك الي الله مغرقك بيها بس انت للأسف اتعودت عليها فمبقيتش تحس بيها
مثال : ( امتى اخر مرة شكرت ربنا انك بتعرف تكتب ؟! هتقولي ياااااه عمري
لكن تعالى مثلا لا قدر الله اعمل حادثة و ايدك تبوظ ! ساعتها هتفتكر ربنا و هتدخله في الموضوع علشان يرجعلك ايدك زي ما كانت فأنت ناسي اصلا الله و نعمه )

2- ركز على الفرص الي قدامك (والله بيجيلك في اليوم اكثر من 1000 فرصة بس انت الي مش منتبه ولا مركز فبيضيعو)

3- ركز على الإمكانيات الي الله اعطاها ليك الي ممكن بيها توصل لكل إلي انت بتتمناه بجد
اسمع كدا ربنا و هو بيتكلم عن قدراتك و بيقول ( من نطفة خلقه فقدره (قدره هنا بتشديد الدال معناها أعطاه القدرة للوصول لأي شيئ هو عايزه) ثم السبيل يسره( وسهلك كمان الطريق الي يوصلك))

والنتيجة الي هتحصل للي هيتبع المنهج دا إنه هيعيش في قمه الراحة و السعادة و السلام الداخلي و عمره ولا هيخاف ولا هيحزن وهيوصل لكل شيئ هو عايزه بسهولة و يسر

(فَمَنْ تَبِعَ هُدَايَ فَلَا خَوْفٌ عَلَيْهِمْ وَلَا هُمْ يَحْزَنُونَ)
(فَمَنِ اتَّبَعَ هُدَايَ فَلَا يَضِلُّ وَلَا يَشْقَى )

ياترى النتايج الي في حياتك بتقول إنك متبع منهج مين ؟!

العيد فرصة علشان تستمتع و تتكتك بهدوء و روقان و تعيد ترتيب أوراقك علشان ترجع أقوي و أروع لتحقيق احلامك و أهدافك
وخليك عارف إن من عدل الله إنه مستحيل يخليك تفكر في شيئ و لم يعطيك الإمكانية لتحقيقه
طالما الهدف جالك في دماغك اعرف انك عند دلوقتي كل الي يوصلك ليه بس انت مش واخد بالك

يالا فكر و تكتك و طبق و ربنا معاك وعيد سعيد على الجميع مليئ بالفرحة الي من حيث لا تحتسبو يا رب :)

عبدالرحمن عمرو :)