Ismaily Club Swimming Teams, Ismaili Club Stadium, Ismailia (2026)

18/06/2023

سهل جدا تلاقى مدرب بيصفر ويقول هوب🏊
بس صعب جدا تلاقى بطل سابق ومدرب محترف ومحترم❤️🏊
النهادرة عيد ميلاد المدرب الخلوق مصطفى عبدالفتاح كل سنة وهوا طيب وعقبال مليون سنه جاية ونشوفه فى احسن حال دايما إن شاء الله 💛💙🏅💪🇺🇦
🇺🇦🏊💪🏅💛💙

16/06/2023

اى مقارنة هتدفن الرياضى و هتقصر عمره فى المنافسة...
🏊🇺🇦💙💛🏅
متقارنش نفسك غير بنفسك القديمة
و متقارنش ابنك غير بمستواه القديم
🏊🇺🇦💙💛🏅
لو قارنتو بنفسو صح هيوصل و هيكسب الناس الى انت بتقارنو بيهم صدقنى ..
👌🏊🏻‍♀️🏊🏻‍♀️💙
🏊🇺🇦💙💛🏅

16/06/2023

Legends were born 🏊🏅❤️
New legends will rise again 🏊🏅🏊🏅❤️
World championship in Tokyo 14 - 30 July 2023
🏊🇺🇦🏅💛💙🏊

15/06/2023

بما إن دي أيام بطولات 🥇🏆
🏊🏅🇺🇦💛💙
فدول كام نصيحة مهمين جدًا لكل ولادنا 🏊🏼

- بلاش مشروبات الطاقة لأنها ممكن تأثر عليك بالسلب أيام البطولة خاصة لو انت مش متعود عليها

- مشروبات الطاقة بتحفز عندك الأنسولين لدقائق بعد كده بينزل عن معدله الطبيعي ويحصل خمول

- الفاكهة شيء أساسي معاك ما بين السابقات أو قبل السبق بساعات

- يفضل آخر وجبة تكون مصدرها كارب معقد تكون قبل السبق ب 4 ساعات (الخبز الأسمر - الأرز - الشوفان - حبوب الذره - البازلاء)
🏊🏅🇺🇦💛💙
- الابتعاد عن العصائر المصنعة لانها تقوم بزيادة سكر الدم والخمول بعد ذلك

- يفضل عدم شرب العصير الطبيعي قبل السبق مباشرة لعدم وجود الألياف التي تم فقدها في الخلاط

- الأفضل أكل ثمرة الفاكهة كاملة، لأحتوائها على الألياف

- حاول قبل النوم تكون محمل كارب كويس ويكون كارب معقد عشان جسمك يفضل يمتصه قبل وأثناء النوم
🏊🏅🇺🇦💛💙
- التمر ده مهم جدا جدامعاك أثناء السبق

- الكميات بتختلف لاعب عن للتاني لكن خليك متأكد أنك لو أخدت إجمالي الكاربوهيدرات 250 جرام متنوع ودي أقل نسبة هتسد احتياجك في السبق

- الابتعاد عن أي مأكولات غريبة عن اللاعب مهما كانت مفيدة لأنها ممكن تسبب ليه اضطرابات في المعدة والأفضل الاكل اللي متعود عليه

- لو متعود على المنبهات خد كوباية قهوة قبل النزول من البيت

أهم حاجة الفطار قبل السبق

بالتوفيـــــق ❤️
🏊🏅🇺🇦💛💙

14/06/2023

انضم لفرق السباحة بالنادى الإسماعيلي 🇺🇦🏊🏅💛💙
🇺🇦🏊🏅💛💙

13/06/2023

بوست سباحين و مدربين و أولياء أمور مستنياه ‼️
🇺🇦🏊🏅💛💙
غلطات بيعملها ولى الأمر للسباح توديه فى داهية و تقضى على عمره فى السباحة..🚫

١- ولى آمر بياخد ابنه يوديه لمدرب تانى زيادة عشان يصلح حاجات معينة و هو شايف ان ده احسن...ده من أخطر الحاجات لأنه بيدخل اتجاهات مختلفة فى الأحمال و التكنيك وده بيبوظ النغمة العضلية و العصبية وده بنسبة كبيرة بيجيب اصابات غير انك هتربيه على الكذب والخداع للمدرب.
" التدريب الزائد كمين " فى أولياء امور فاكرين لو مرنوا ابنهم مع كذة مدرب و اكثر من وحدة تدريبية ان مستوى ابنهم هيعلى....ممكن يعلى فى أول الفترات بعد كدة هيعمل ثبات فى المستوى لفترات طويلة و الأحساس بالحمل الزائد و الاجهاد و هبوط المستوى وممكن للأصابة.😅
🇺🇦🏊🏅💛💙
٢- اتنين سباحين بيتمرنوا مع نفس المدرب الانين عملوا نتايج هايلة جدا واحد خد الكاس والتانى لا.....ولى امره بيبهدله و يحسسه بخيبة الامل وبيكسر نفسه لأنه فشل انه ياخد الكاس و بعديها يكلم المدرب يقوله عالج الموقف عشان الولد متدمر نفسيا......." الغيرة القاتلة " من ولى امر السباح الى كان بطل مصر و عنده ارقام قياسية لسباح تانى معاه فى نفس النادى و بيعوم عومات مختلفة تماما وبعد ما كسب السباح التانى ابتدى بقى الى هو انا مش بحب ابنه و مش بهتم بيه و مش بفرح لما يكسب و عايزه بقى ينزل كل السباقات كلها و الطويلة كمان فا كانت فرصة لرئيس الجهاز عنده فى النادى انه يمشى من عندى و يروح لمدرب تانى و يفشل معاه و يرجعلى تانى و يرجع يكسب بس ازاى ولى الامر ما يرجعش لعادته القديمة و الولد ميكسبش عمومى و هو ١٤ سنة لحد ما بطل سباحة. 😎
🇺🇦🏊🏅💛💙
٣- ولى امر دايما بيتكلم مع اولياء امور الفريق على عيوب المدرب و لو رقمه وحشه هنروح لمين و او حصل كذة هنروح لمين و يبتدى يدور.....انت بتخلى ابنك يفقد ثقته فى مدربه و ثقته فى نفسه و عنده ١٠٠ مبرر انه يعمل وحش.🤔

٤- من سباحة ضعيفة لسباحة قوية و بقت تكسب كل سباقات التخصص بتاعها و ولى امرها بيشورلها على الجزمة الى هتضرب بيها لو منزلتش كسبت كل فرقتها فى سبق مش سبقها أو سبقها...بتقوم السباحة متنزلش السبق روحت قطعت كل مايوهاتها بالمقص واعتزلت فى قمة مجدها.😏
🇺🇦🏊🏅💛💙
٥- سباح بطل متربى على ايد مدرب طموح من و هو ٥ سنين كسبان اخر ٣ بطولات كاس احسن سباح و رقم منطقة و جمهورية و عشان اصابه من طفرات النمو فا مدرب الفيتنس اقنعها انه مدرب غلط و لازم تروح لمدرب خبير من الكبار....البنت دى بعد ما خفت بطولة تجيب دهب او فضة والى بعدها مبقتش تشمها.🤨

٦- لو ولى امر بيدرب ابنه سباحة مع مدرب والفيتنس مع مدرب تانى.....لازم يكونوا عاملين connect ببعض جامد جدا عشان ميحصلش اى اصابات او اى شغل غلط.☝️
🇺🇦🏊🏅💛💙
٧- ولى الأمر الى بيختار لأبنه مدرب السباحة الى معاه سباحين كتير و ابطال مصر وابنى عايم جمب مين و مش بيبص للمدرب الكفئ....مش مقياس ابدا لأختيار مدرب بالعكس ممكن المدرب التانى ده فاهم السباح و بيديله حاجات نفسية و حاجات تانية المدرب الكبير ده مش بيديها فا ده مش مقياس خالص.😑

٨- فى فروق فردية نفسية و فسيولوچية وبدنية بين ابنك وزملائه فلا تتجاهلها " اعرف ابنك ".
بتختلف الموهبة من شخص للتانى فكل واحد عنده موهبة ممكن تكون هى سبب تفوقه على منافسيه فى المرحلة العمرية فدور على موهبة ابنك بهدوء وعقل.👀
🇺🇦🏊🏅💛💙
٩- " المقارنة العمياء بالأخرين هلاك " مش كل من اتعلم سباحة واتدرب عليها بطل.....و مش كل الى اتدرب مع مدرب قوى بطل....المقارنة مش هتسبب غير التشتت وعدم الثقة فى النفس و الضغط التفسى وفقدان الأمل.........فى ولى امر يقعد يقارن ابنه ببنت قوية معاه فى الفريق او ولد قوى معاه فى الفريق و يقعد يقوله بص على كذة و كذة ده غير انه بيفضل يعايره بالفلوس الى بتدفع عليه لدرجة ان الولد من كتر الخوف و عدم الثقة فى النفس واقف على الاستارت مش باصص للكابتن و عمال يدور على ولى امره فى المدرجات و فى الاخر ينط بدرى.❌
🇺🇦🏊🏅💛💙
١٠- " لا مجال للحقد والغل والكره والحسد " متتمناش لحد الشر عشان ابنك يتفوفك عشان التفوق فى عدم وجود منافس فشل...غير ان " كما تدين تدان " و الى هتدعى عليه هيترضلك " و لك المثل ".....فى مرة ولى آمر دعى على منافس ابنه انه ينط بدرى و ياخد DQ عشان ابنه تفوق فى السبق ده و يدخل تتابع النادى و يجيب ميدالية لكن رد ربنا كان سريع و ابنه هو الى اتهز على الاستارت و خد DQ " الرياضة أخلاق " خليك دايما مؤمن ان ربنا هيدى كل واحد على قد تعبه و نيته و لازم تخلق الشعور ده و تربى ولادك عليه فى حياتهم كلها.🤷‍♂️
🇺🇦🏊🏅💛💙
١١- " السباحة ليست ميدالية و أرقام فقط " متخليش دايما كل تفكيرك فى الأرقام و الميداليات و لو ابنك مجبش كل ده فهو اتعلم رياضة و كسب كل فوائدها
" فوائد سيكلوچية و مورفولچية و فسيولوچية و بدنية " لمستقبل ابنك اليست تكفيك ؟ اعلم جيدا ان فرحة ولى الأمر بميدالية أو كأس فرحة لا تعادلها بعدها فرحة لكن تمهل واحسبها صح....بعد ١٠ سنوات الميدالية و الكئوس هتكون ذكرى لكن صحة ابنك و جسمه و نفسيته و اخلاقه واقع هيفضل معاه العمر كله و هيكون سلاحه فى الحياه.😍

١٢- " لا تجبر ابنك على رياضة معينة " ساعد ابنك فى اكتشاف موهبته و متخليهوش يلعب رياضة معينة عشان اخواته بيلعبوها او عشان انت عايزه يلعب اللعبة دى.....شوف هو حابب ايه و خليك وراه عشان الحب هو نص الطريق للأنجاز و التألق.☺️
🇺🇦🏊🏅💛💙
١٣- " الضغط النفسى " ولى آمر تعبان و رايح جاى مع ابنه و بيقعد يقوله احنا بنصرف عليك قد كدة و بندفعلك قد كدة و أى حاجة بنجيبهالك و مش حارمينك من حاجة و لما نشوف النتيجة فى الأخر و متكسفناش.....طبعا الكلام ده كله ( مدمر ) لأى حد و بينزل البطولة خايف انه يعمل وحش......و بالنسبة للضغط النفسى فى سباحين عاملين سيزون حلو جدا و تدريب على اعلى مستوى و يجوا قبل السبق و هما رايحين البطولة فى الطريق ولى الامر يسمع ابنه كام جملة كدة ( متخليش فلان يكسبك - عايزك اول فرقتك عشان فلا ميعيرناش - متضيعش كل تعبنا ده و تنط بدرى - الخ....) كل الكلام ده يخلى الولد ينزل السبق متوتر و التوتر ده يخلى حمض ال Lactic يتفرز بدرى فا الولد درعاته و جسمه يتكلبشوا فى الماية من التوتر او من الخوف من فلان.......وفى ضغط نفسى كبير جدا على السباح وانه لازم يعمل كويس جدا فى البطولة لدرجة ان الولد كان بيتصاب فى فترات غريبة جدا مثل التيبر و اصابات خطيرة.😔
🇺🇦🏊🏅💛💙
١٤- " عادات صحية غلط " مرة ولى آمر آكل ابنه عسل ابيض كتير جدا قبل السبق فا الولد جاله Attack فى الماية و نزلنا جبناه من الماية.😡

١٥- فى أولياء الأمور بيفضلوا يحسسوا اولادهم ان السباحة دى مهمة جدا جدا جدا لدرجة انهم بيضغطوا نفسيا جدا على الولاد و يخليهم يعملوا وحش......... و فى أولياء امور بتعاقب ولادها بالضرب و الاهانة امام اصدقائهم وده بيخلى شخصيتهم ضعيفة و غير قادرين على المنافسة.🤕

١٦- فى السباح الى بيجيله اصابه عند مدرب و ولى امره ياخده و يروح لمدرب تانى و المدرب التانى يقوله سيبها علينا احنا هنعالجهالك و ده طبعا اى كلام......اصبر عند المدرب الى حصلت عنده الاصابه عشان هو الوحيد الى عارف شغله ايه و يخففله ازاى.🤭
🇺🇦🏊🏅💛💙
١٧-فى أولياء أمور بتغيب عيالهم من تمرين السباحة كتير عشان مذاكرة و عشان امتحانات و عشان يروحوا لأهلهم و يقلولك مش التمرينة دى الى هتضيع مستواك ....... ( لا حضرتك التمرينة دى الى ممكن تضيعه ) و يجوا فى البطولة يطالبك بالنتيجة و حضوره اصلا ٨٠٪؜ و اقل كمان......حضرتك دى لعبة فيها حاجة اسمها احمال تدريبية و فك حمل عشان البرنامج يبقى معمول صح عشان تنزل تحسن رقمك ان شاء الله فى البطولة....و بيبقى ليك راحة سلبية اسبوعية حوالى ٢٢ ساعة.....فا تخيل بقى انت مثلا اجازتك خميس و خدت اربع اجازة يبقى انت دخلت فى حوالى ٩٠ ساعة راحة و للعلم انت من بعد ٣٠ ساعة بتبتدى تفك ماية جامد....غير انك المفروض ماشى ببرنامج مثلا فى السيزون ٥٠٠ كيلو و ليه فك معين....فا انت حضرتك منه ٣٨٠ كيلو و بتفك فك الى عام ٥٠٠ فا اكيد فى نتيجة مختلفة تماما انت و حظك بقى...( غير انك ممكن تتصاب سهل جدا فى التمارين و انت مش منتظم فى الحضور او ميعاد تسخينك ) و كل ده عشان مفيش فكر الثقافة الرياضية عند أولياء الأمور فى مصر.
🇺🇦🏊🏅💛💙
١٨- فى أولياء امور مش بتخلى ابنها يكمل البطولة عشان خفض فى المستوى بس لازم يكمل عشان يتعرف على الاقل ايه سبب خفض المستوى.😒

١٩- التدخل فى التمرين من ولى الامر و دى ليه كدة و يشمعنا ده بيعمل كدة و ده بيخلى فى تشتت من السباح و عدم الثقة فى مدربه الى بتتنقل من ولى امره.🧐

٢٠- " كل الى عندهم ضغط و سكر عايزين يسعدوا غيرهم " فى ولى الأمر الى بيعمل كل حاجة لأولاده بيأكلهم و يشربهم و يعملهم اكل بين التمرين و المدرسة و يحضرلهم شنطة المدرسة و التمرين و يصحيهم للمدرسة و لتمرين الفجر و رايح جاى لدكاترة و تمارين و مدارس و دروس و آخر بهدلة و لما ابنها يقول ( اى ) تجرى عليه بكل دموعها و عايشة فى ١٠٠٪؜ ضغط عصبى لنفسها و ١٠٠ ٪؜ بتنقل ضغط عصبى لأولادها من غير ما تحس و هى فى بالها انها كدة بتحميهم و ده خوف عليهم و عايزاهم احسن الناس و هى كدة عاملة الى عليها.......بالعكس انتى كدة هيجيلك امراض الدنيا و الاخرة بدرى و هتنقلى كل السلبيات النفسية ليهم و مش هتخلى عندهم اعتماد على النفس خالص و بعد كل ده لما تقفى قدام ربنا و يسألك مالك ؟
🇺🇦🏊🏅💛💙
هتقوليله أصل عيالى كنت عايزاهم يبقوا كويسين....طيب انتى مين قالك..انا قولتلك ليس عليك هداهم...وما انت عليهم بوكيل وما انت عليهم بحفيظ....ما يتفلق.....عايز تطلعى ابنك فاشل اقفى فوق دماغه...عملت ؟ سويت ؟ هيجننك انت و هو.....حبيبى دى سخنة عايز تتلسع روح....و اسيبه يجرب و يقع و يقوم و ميتكلش ان فى حد هيسنده دايما و مستنيه يقومه.😋

للعلم ! ☝️
تخيل ان ممكن مدرب كويس جدا + سباح كويس جدا + سيزون كويس جدا + فيتنس و چيم كويسين جدا + تغذية كويسة جدا + ( موقف بسيط سلبى او كلام سلبى ( انت فاكره ايجابى ) تقوله لابنك قبل السبق يخليه يتشتت او يخاف او يتوتر ) = بطولة وحشة
ضيعت كل التعب والمجهود بتاع المنظومة كلها فى سيزون طويل بأقل حاجة انت شايفها تحفيز ليه 🙂
🇺🇦🏊🏅💛💙
المنظومة الناجحة ✅
سباح مجتهد و ملتزم و محترم بيحترم الكبير قبل الصغير و أخلاقه كويسه.
مدرب سباحة بيراعى ربنا فى شغله و مجتهد و طموح.
مدرب فيتنس و چيم نفس الكلام و على اتصال بمدرب السباحة للتنسيق مع بعض.
تغذية سليمة جدا عشان الجسم ميعطلش السباح فى مسيرته.
ولى الامر دوره يتلخص في : انه بيدفع و يوصل و يساعد السباح ماديا فى كل حاجة على قدر المستطاع و عدم التدخل فى السباحة ولا التمرين ولا البطولة لأنها حياة السباح الشخصية و يكون ثقته بالمدرب كبيرة جدا و يساعده و يشجعه فى الفوز و الخسارة دايما فى ضهرة و يشجعه.
و كل المنظومة دى عليها ( صفاء النيه )علي حسب نيتكم ترزقون،،
🇺🇦🏊🏅💛💙

12/06/2023

اسطورة السباحة المصرية ك / نبيل الشاذلى🏊

12/06/2023

🔴مش هتوصل للميداليه 🥇🥈🥉لو..
بتيجي التمرين بالظبط ... لازم تكون موجود قبلها بربع ساعه ع الاقل تسخن ارضي وترتب ادواتك ع الحاره اللي هتنزل فيها
‏
🔴مش هتوصل للميداليه 🥇🥈🥉لو
معتمد ع والدك او والدتك هما اللي يجهزولك شنطه التمارين والادوات ..لازم انت تشوف ادواتك وتأكد عليها قبل متنزل مره واتنين
🇺🇦🏊🏅💛💙
🔴مش هتوصل للميداليه 🥇🥈🥉لو
بتتعامل مع الاحماء انه مجرد مسافه بتعومها وخلاص هتوصل لما تقتنع انه الاحماء دا جزء اساسي من الوحده التدريبيه ولازم تهتم بكل عضله هتشغلها في الاحماء عشان مش يجيلك شد عضلي او اصابه لما تدخل علي الجزء الرئيسي
🇺🇦🏊🏅💛💙
🔴مش هتوصل للميداليه 🥇🥈🥉لو
بتتعامل مع المجموعه او الطلب اللي انت بتشتغله مع المدرب انه لازم اشد في اول تكرار واخر تكرار بس ..لكن المفروض انك تحقق التكرارات كلها بالشده المطلوبه اللي الكابتن شارحها ليك وتحقيقك كام سواء الشده كانت ١٠٠-٩٥-٩٠-٨٠..الخ
🇺🇦🏊🏅💛💙
🔴مش هتوصل للميداليه 🥇🥈🥉لو
في وقت الراحه البينيه بين المجموعات او الراحه بين التكرارت واقف بتلعب مع اللي جنبك وواقف تايهه هتوصل لما تركز مع الكابتن بيقول ايه ويصلح أخطاء لمين في وقت الراحه او لو هتعملوا مرونه تهتم بيها مش مجرد مسافه هتعومها
‏ 🇺🇦🏊🏅💛💙
🔴مش هتوصل للميداليه 🥇🥈🥉لو
في كل تكرار انت عومته ومش سألت علي رقمك ...هتوصل لما كل تكرار ياكابتن انا جبت كام داخل ال٥٠م الاولي كام الرابعه كام ال١٠٠م التانيه كام الترن كويس البريك اوت ..الخ لازم تحسس مدربك انك عاوز توصل وهو هيساعدك وهيدعمك

🔴مش هتوصل للميداليه 🥇🥈🥉لو
كل تكرار تعومه تقول لنفسك انت تعبت كفايه كدا قول للكابتن عاوز اريح دي عاوز اطلع الحمام تعمل حجه انك بتضيق النظاره ...هتوصل لما تعرف ان كل تكرار متعلق بمستواك
‏ 🇺🇦🏊🏅💛💙
🔴مش هتوصل للميداليه 🥇🥈🥉لو
أرقامك عشوائيه ف التمرين
‏
🔴مش هتوصل للميداليه 🥇🥈🥉لو
غيابك عشوائي ...السباحه استمراريه ودأ مبدأ من مبادئ التدريب الرياضي اللي مدربك بيشتغل بيه مدربك هينجح بيك انت لان في مبدأ متوقف عليك وهو الاستمراريه لكن بشكل عشوائي هتضيع تعبك سواء بقا سيزون او اسابيع وتعب والدك ووالدتك وأهلك ومدربك انت مش هتضر نفسك بص على مين كانوا ف ضهرك وانت خذلتهم......
‏ 🇺🇦🏊🏅💛💙
‏للاسف واقع بشوفه مع اغلب السباحين وربنا يقدر كل مدرب علي جميع سباحينه ويوفقهم ويوفقه 🙏

12/06/2023

حلول لتفادي الانقطاع المتكرر عن السباحة
🇺🇦🏊🏅💛💙
1-اختر لنفسك زميل في التدريب يحفزك باستمرار.
2-ضع لنفسك هدفا يناسب مع ظروفك الاجتماعية و الصحية.
3-برمج اوقات التدريب خارج اوقات العمل.
4-ابدا برنامجك التدريبي باختبارات حتى تستطيع مقارنة النتائج المحققة .
5-لا تتكلم عن تائجك الايجابية باستمرار.
6-لا تقارن نفسك بالاخرين .
7-ركز على المكتسبات النفسية لممارسة السباحة .
8-احرص على وضع برنامج غذائي صحي .
9--تجنب السهر .
🇺🇦🏊🏅💛💙

11/06/2023

من اهم العوامل التي تساعد السباح على تحقيق نتائج جيدة في السباحة هي
🏊🇺🇦🏅💪💙💛
1. التكنيك الصحيح التركيز عَلى التكنيك وعلى drills من وضع الجسم لحركة اليدين والأكتاف ووضع الخصر وحركة الساقين وكمان الاستارت والترن
2. التغذية السليمة هي من اهم العوامل للنجاح ،حيث. اثبتت دراسة علمية في جامعة سيدني في استراليا ان التغذية تشكل ٥٠بالمئة من كفاءة الرياضي و٤٠ بالمئة تدريب وworkout والعشرة بالمئة الباقية هي للنوم
🏊🇺🇦🏅💪💙💛
3. النوم والراحة من اهم الحاجات التي تساعد على تعافي العضلات من تعب وآلام التدريب
4. تدريب الارض dryland trainings
5. الالتزام بالتدريب وعدم التغيب عنه لانه كل يوم ماتروح التمرين فيه تخسر يومين من اللي تدربتهن يعني تقطع عن التمرين أسبوع تخسر أسبوعين تدريب
6. سماع كلام المدرب لانه هو الشخص الوحيد اللي عنده خبرة في هذا المجال
🏊🇺🇦🏅💪💙💛
7. التدرب بقوة والوصول لسرعة السباق او تحاول توصل سرعة السباق race base في التدريب (١٥ سنة وفوق)والتركيز على التكنيك (تحت ١٥سنة)
8. خلي عندك ثقة في النفس ورح رياضية ومتقارنش نفسك بالسباحين اللي معك انت لما تسبح تسبح ضد الوقت وليس ضد السباحين الآخرين
9. والاهم من كل هذا إنّو ترضي الله سبحانه وتعالى لانو مفيش حدا رح ينفعك غير ربنا
🏊🇺🇦🏅💪💙💛

Ismaily Club Swimming Teams

18/06/2023

16/06/2023

16/06/2023

15/06/2023

14/06/2023

13/06/2023

12/06/2023

12/06/2023

12/06/2023

11/06/2023

Address

Telephone

Website

Alerts

Contact The Organization

Shortcuts

Share

Category