Sheikh Zayed City - مدينة الشيخ زايد

Sheikh Zayed City - مدينة الشيخ زايد كل ما يخص مدينة الشيخ زايد فى مكان واحد 🤍🇪🇬

01/06/2026

خبر عظيم جدا ومش قادر أستوعبه
إذاعة القرآن الكريم هتذيع بكرة تلاوات جديدة للشيخ العظيم محمد صديق المنشاوي، هتتذاع لأول مرة من أكتر من ٥٠ سنة.
وهي تلاوات معروفة بالمصحف المفقود

31/05/2026

الساعه ٤ ونص الفجر اليوم وقفتني الست دى عند سنتر A plaza ب الحي ال١٦

فكرتها ست كبيره محتاجه تروح اخر الشارع و معاها شنطه قولت اعمل خير اوصلها خليتها تركب و افاجئ بعد ما اتحركت بسالها رايحه فين تقولي لففنا اخر الكوكب ، معاك موبايل تتصل ب الكوكب يجيبلنا سلاح ل السعوديه الخ...
ركنت و نزلتها مكنتش عاوزه تنزل بس نزلتها و لقتيها واقفه تشاور ل عربيات تانيه رفعت الازاز قولتها امشي من هنا قالتلي انا مشلوله مع العلم بتمشي عادي و واقفه علي رجلها

الحمد لله ربنا ستر الله اعلم كانت ممكن تعمل اي او تطلع اي من الشنطه الي معاها او جائز شاربه الله اعلي و اعلم

مشاركة من بدون إسم

28/05/2026

في جزار في منطقتنا معروف انه هو وأولاده اول ما الأذان يأذن يسيبوا كل حاجة ويروحوا يصلوا -ربنا يبارك-

النهاردة عديت لقيته مغمي الاضاحي كلها
مشغل قرآن

بيمسك كل واحدة لوحدها في ناحية تانية في مكان يخلصها والدم يتمسح ويبدأ في اللي بعدها

انا وقفت اتفرج زي العيال 😂 عشان بس اشوف حد ملتزم بتطبيق السنة بحذافيرها

ودا مش بعيد على حد معظم الصلاة، إن ربنا يوفقه ويشرفه ويكرمه بتطبيق سنة النبي صلى الله عليه وسلم في عمله
وربنا أعلم بحاله بس أحسبه موفق ومسدد هو وأولاده بأكتر من كدا لأن ربنا أكرم الأكرمين

وبالمناسبة كان الموقف مهيب وانت حاسس إن دي شعيرة عظيمة لله

على النقيض تشغيل المهرجانات وعدم الالتزام بالسنة في الرحمة بالحيوان بتتحول الشعيرة لمجرد عرض مثير مضحك وهم بيحاولوا تسعين الف مرة يمشوها ويوقعوها ..

نسيت أقول إن الامر مبياخدش ثواني في فكها وسحبها وتوقيعها واكمال عملية الاضحية يعني

قال العلامة عبدالرحمن بن ناصر السعدي رحمه الله: العبد إذا أقام صلاته على الوجه المأمور به, كان لما سواها من دينه أحفظ وأقوم.

كل سنة وكل مسلم طيب

يارب لا نحصي ثناءا عليك أنت كما أثنيت على نفسك الحمد لله أن أنعمت علينا ووهبتنا الإسلام -بغير استحقاق منا-

مشاركة من بدون إسم

28/05/2026

هدوء ما قبل زحمة بالليل..🩵

فى عالم موازي 😂
28/05/2026

فى عالم موازي 😂

فكرة خروجة حلوة فى العيد وتنفع الصبح او بالليلتأجر فترة خاصة فى حمام سباحة انت واصحابك او أسرتك وتبعد عن الزحمة وتستمتع ...
25/05/2026

فكرة خروجة حلوة فى العيد وتنفع الصبح او بالليل

تأجر فترة خاصة فى حمام سباحة انت واصحابك او أسرتك وتبعد عن الزحمة وتستمتع

او تأجر ملعب كورة وتلعبوا كورة حتي لو ملكوش في الكورة هتبقي تجربة جديدة وممتعة

تقدروا تعملوا كدا مع Top Speed Academy واسعارهم كويسة جدآ هتكلفكم أقل بكتييير من أى خروجة فى مطعم او كافيه ✅

ولو حبيتوا الموضوع تقدروا تشتركوا معاهم او لأطفالكم فى تمارين كورة وسباحة هتبدأ بعد العيد

مكانهم :- زايد وصلة دهشور - أمام بوابة بيڤرلي هيلز داخل مدرسة نورديك
واتس :- 01099302961

25/05/2026

تعرض طفل اليوم لهجوم من الكلاب الضاله في الشيخ زايد
انهاردة للاسف اتعرض ابن جارنا الاستاذ هاني رفعت ادمن جروب مجتمع زايد، طفل عمره ٨ سنوات للعض واصابات متفرقة بالجسم نتيجة هجوم الكلاب عليه ربنا يشفيه ولازم يكون في حل للموضوع

بداية من الغدهيبدأ موسم الهجرة من مدينة الشيخ زايد..
24/05/2026

بداية من الغد
هيبدأ موسم الهجرة من مدينة الشيخ زايد..

بص تدابير ربك بتمشي ازاي ..اتنين من امبابة راكبين المترو في الجيزة واحد ومعاه واحدة منتقبة، واحد شك في المنتقبة عشان كان...
24/05/2026

بص تدابير ربك بتمشي ازاي ..

اتنين من امبابة راكبين المترو في الجيزة واحد ومعاه واحدة منتقبة، واحد شك في المنتقبة عشان كانت غريبة يعني الهيئة كدة والوقفة فيهم حاجة، فالامن وقفهم يعرف ايه دول فطلعت المنتقبة راجل لابس نقاب.

لابس كدة ليه يا معلم؟

قالك ان الواد اللي عاليمين ده كان شغال سواق عند راجل كبير عنده ٨٠ سنة، كان بيوصله من البيت للشغل، فكان بيغفله ويسلت فلوس من شقته، لانه كان شايف عنده في البيت فلوس كتيرة وحاجات تغري اي حد، فالراجل بعد اربع شهور اكتشف ان السواق اللي دخله بيته بيسرقه، مرضيش يحبسه راح ممشيه، قوم ايه، تطلع في دماغ السواق فكرة ان طالما راجل عجوز وعايش لوحده وفي حاله، يبقا يروح يربطه وينهي حياته ويكمل على باقي الشقة والفلوس.

هيعمل كدة لوحده ازاي؟

ابن اخته ما شاء الله مسجل سرقة بالاكراه وهربان من مؤبد، ييجي يساعده وبالمرة يطلعله بقرشين، عملية مقشرة ومحدش بيزور الراجل ده، بس هوا عشان مسجل ووشه معروف يلبسه نقاب ويروحوا بالمترو، وفعلا لبس النقاب وركبوا المترو سوا وسبحان الله وهما رايحين في الطريق اتشك فيهم واتقفشوا.

يعني لولا ان فيه واحد شك فيهم وقرر يفتشه كان زمان الناس صحيت على خبر العثور على الحاج اللي عنده ٨٠ سنة متربط وبلا روح في شقته في العباسية، بس غالبا والله اعلم ان فيه بينه وبين ربنا عمار، لو اجتمع اهل الارض على ان يضروك بشيء، لم يضروك الا بشيء قد كتبه الله عليك، سبحان الله.

شكرا ✌️

صورتهم نزلت انهارده 24 مايو 2026 على صفحة وزارة الداخلية

Address

6 October City

Website

Alerts

Be the first to know and let us send you an email when Sheikh Zayed City - مدينة الشيخ زايد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category