10/04/2026
كنت سعيد جدًا إني أكون جزء من اجتماع الهيئة البرلمانية للحزب مع وزير المالية، وشرفت بحضور المناقشات المهمة دي اللي اتكلمنا فيها بصراحة عن هموم الناس واحتياجاتهم في الفترة الصعبة دي.
بجد الاجتماع ده عكس إن في رغبة حقيقية من الدولة إنها تشتغل على سياسات مالية تخفف الضغط عن المواطنين، وده شيء مهم جدًا في ظل الظروف الاقتصادية الحالية.
من الحاجات الإيجابية اللي اتطرحت، التيسيرات الضريبية، وخصوصًا موضوع إلغاء الأعباء على التصرفات العقارية بين أقارب الدرجة الأولى، ودي خطوة إنسانية قبل ما تكون اقتصادية، لأنها بتدعم استقرار الأسرة المصرية.
واتكلمنا كمان عن أهمية الشفافية في الموازنة، عشان المواطن يبقى شايف الصورة بوضوح وواثق في القرارات اللي بتتاخد.
وطبعًا كان في تأكيد على ضرورة استمرار دعم الفئات الأولى بالرعاية، لأن دول أول ناس لازم نحطهم في أولوياتنا.
اللي حابب أقوله كمان إن المرحلة دي محتاجة مننا كلنا نكون على قلب رجل واحد، ونقدّر حجم التحديات الكبيرة حوالينا، سواء اقتصاديًا أو بسبب الظروف الجيوسياسية، ولازم نتكاتف ونساند بعض عشان نعدّي المرحلة دي بسلام.
كل الشكر والتقدير للنائب الدكتور أحمد العطيفي، رئيس الهيئة البرلمانية لحزب حماة الوطن بمجلس النواب، على هذا الاجتماع المهم ومخرجاته اللي بتمس حياة الناس بشكل عام
