09/04/2020
أساليب التربية الصحيحة 🧐🧐
من أكبر الأخطاء في التعامل مع الطفل.. هي بدء التفاوض معاه وهو بيبكي.. ليه🤔🤔
✔1- وهو بيبكي بيكون حرفيًا مش سامعك.. لإن مخه العلوي بيكون غير مُفَعَل بسبب سيطرة مخه السفلي المسئول عن البقاء (اضرب/اهرب/تجمد) فمحاولتك لإقناعه بالمنطق غير مجدية تمامًا. لازم تنقل السيطرة لمخه العلوي الأول.
✔2- بدء التفاوض وهو بيبكي بيعلمه إن فعل البكاء هو اللي بيأثر عليك فـ هايستخدمه على طول، بدل ما يتعلم يتفاوض على اللي عايزه من غير بكاء.
✔3- تكرار بكاء الطفل واستمراره وعدم سماعه ليك هايخلوك في الآخر تتعصب طبعًا، وتلجأ للتهديد أو العقاب أو الغضب..
وده بيرسل للطفل 3 رسائل في غاية الخطورة
👇👇👇👇👇👇
أ) ماما مش حاسة بيّا، ماما مش فاهماني.. ومع التكرار، ماما ما بتحبنيش. (وده شرخ في العلاقة بينكم وعلاقتك القوية بطفلك هي أساس نجاحك في تربيته).
ب) ماما أضعف من إنها تتحمل بكائي، أنا مش حاسس بالأمان معاها. (فقد الحب والأمان هم أساس كل الاضطرابات النفسية والشخصية والسلوكية عند الأطفال،فبتكون النتيجة طفل معندوش ثقة بنفسه، عصبي، مش بيعرف يخلي زمايله يحبوه، بيكذب، عدواني، بينسى، مش بيركز .
ج) ماما بكائي بيعصبها يبقى أنا عرفت أضايقها إزاي لما هي كمان تضايقني (هايتحول البكاء والصراخ لرد فعل انتقامي من الأم أو الأب لإغاظتهم في أي موقف مش عاجب الطفل)
طيـب تعمـل إيه🤔
✔1- إوعى تقول "ما تعيطش" (العياط بيساعده يهدى من سيطرة هرمونات الكرب في مخه السفلي).
✔2 انزل لمستوى طوله وممكن تلمسه، تمسك إيده الاتنين.. تحوَّط عليه بذراعك وبجسمك، خصوصًا في حالة البكاء الشديد عشان ما يؤذيش نفسه
✔3- قولُّه "أنا مستني تهدى وتوقف عياط عشان أعرف أسمعك".
✔4- إوعى ترد على حاجة بيقولها وهو بيعيط مهما استفزك الكلام، والتزم بالهدوء والثقة (خلي بالك انت كده اللي مسيطر تماما) وفقط كرر الجملة دي: "وداني مش بتقدر تسمعك وانت بتعيط، أنا مستنيك، يلا امسح دموعك ووقف العياط عشان وداني تعرف تسمعك).
✔6- ركز جدًا في النقطة دي.. لو مش قادر يبطل عياط لوحده هاتساعده بإنك تحتوي مشاعره ، لإن إحساسك بيه هايخلي مخه يقلل من حدة البكاء ومظاهر الزعل اللي بيوَصَلّك بيها مشاعره لإنه مش محتاجهم خلاص
وده بإنك تقول: "انت شكلك زعلان جدًا جدًا"، أو: "أنا عارف إنك زعلان جدًا.. كان نفسك تقعد تلعب أكتر، حاجة تزعل فعلا". بس كده.. ما تزودش عن كده، وما تكمِّلش بإيجاد الحلول أو التفاوض أو محاولة إقناعه.. مجرد إقرار بالمشاعر فقط لا غير.
✔7- مش عارف برضُه يهدى؟.. التزم بهدوءك وخليك فاكر ضبط المشاعر. انت نفسك كشخص راشد بتعجز عنه أحيانا، ما بالك بطفل مخه العلوي المسئول عن الضبط غير مكتمل النضج، فالتزم بهدوءك.
✔8- ساعدُه بهدوء: "أنا شايف إنك زعلان قوي، لكن واثق إنك تقدر تهدّي نفسك وتوقف العياط و دلوقتي عشان نعرف نتكلم خليني أساعدك
بُص فوق كده، بُص أنا شايف إيه، هايقولك "إيه؟" وينتبه، قولُّه
"شايف وش ولد جميل" كنت متأكد إنك تعرف توقف العياط، يلا بقى نمسح الدموع من على وشك".🧒👦
✔9- ابدأ التفاوض أو الكلام أو النقاش..
✔10-تعالى على نفسك وحاول تنَجَح التفاوض لصالحه قدر الإمكان، خصوصا في بداية تنفيذك للطريقة دي في الحوار، عشان يثق في جدوى الكلام معاك، فيلجأ له بدل العياط
✔11- اُشكُره و قوله"أنا متشكر إنك وقفت عياط عشان نعرف نتكلم، بحب قوي لما نتناقش مع بعض زي الكبار، انت كل يوم بتكبر وأنا فخور بيك".
✔12_طريقة الحوار هي مفتاح نجاحك في تربية ابنك، وبناء علاقة قوية معاه، وهي كمان مفتاح تعديل سلوكه أو تعديل مسار العلاقة
📌 17 N _ Hadayek El Ahram _ Giza
📞 01001071057 _ 01156167286
