13/02/2024
عايزين تقضوا ع السوق السوداء
1-اكتب سعر المنتج وتاريخ الانتاج وانتهاء الصلاحية عليه(اللي هيخزن سلعة هيلبسها عشان تاريخ الانتاج) واعمل حملة في التلفزيون والنت بقايمة فيها سعر كل حاجة وان محدش يشتري الا بالسعر المطبوع علي المنتج ولو لقي غير ده يتصل بخط ساخن
2- فعل دور جهاز حماية المستهلك ومباحث التموين وخط ساخن (شغال بجد) واعمل مركز لوجيستي خاص بكل منطقة فيه ناس من مباحث التموين وحماية المستهلك وقوة شرطة بيتحركوا في نفس اللحظة اللي بيوصلهم فيها البلاغ لحظيا
3- حملات بتنزل تلف من الجهات دي علي انهم مواطنين بيشتروا عادي هيخلي التاجر يفكر الف مرة قبل ما يزود عن السعر المعلن
4- غرامة فورية ٥٠ الف جنية وبتزيد حسب الكميات ومصادرة السلع وفي حالة التكرار تشميع المكان نهائيا وقضية عقوبتها حبس وغرامة ومنع مزاولة اي نشاط تجاري لصاحب النشاط
5-في اقل من اسبوعين هتكون قضيت علي السوق السوداء مع كام واحد هيتحبسوا ويتعملهم قواضي الباقي حتي لو فاسد هيخاف
