15/01/2026
🔴رساله من احد عمال الدليفري
هنشرها زي ماهيا علشان للاسف فيه بينا ناس متربوش وميعرفش يعني اي جبر خواطر واحترام الناس
انا شغال دليفري في التجمع كان معايا اورد امبارح في النرجس 2 رنيت علي العميل
السلام عليكم يا فندم الدليفري معاك ….
قام قالي حسابك كام يبني بأسلوب غير لائق قلتله 280 يا فندم قالي ماشي وقفل
فضلت واقف قدام الفيلا حوالي نص ساعه الي 40 دقيقه ومعايا اوردرات تانيه متأخره والله وجبت اوردره هوا الاول
هوا اصلا مكنش في البيت لو قالي كدا كنت وديت الاوردرين الي في واحد منهم اتلغي بسبب تأخيره كنت وديتهم لحد ما جه
المهم لاقيته داخل عليا بالعربيه بيقولي خد يبني تعالا هنا
الفكرة انه شاب يعني لو حد كبير عادي يبني ويا حبيبي واي حاجه تمام لكن دا شاب
راح قالي حط الحاجه علي سقف العربيه وهوا راكب حطيتها قالي انتي بترزعها كدا لي وقام سوري في اللفظ شـ*ـاتم وعامل صوت ببقه
واقسم بالله خدت الفلوس وانا نفسي مكـ*ـسوره ومشيت حسيت انها الشغل دا اهـ*ـانه
مع ان الواحد والله شغال بالحلال في الجو دا يعني المفروض في تقدير او علي الاقل يبقي في احترام متبادل
انا راجل متعلم وبدرس في كليه سياحه وفنادق قسم ارشاد سياحي بس بشتغلها بالحلال والله
ياريت لو تنزلها معلش علشان لو في الصفحة يحس حتي وميكررهاش مع حد تاني
واقسم بالله سبت الشفت وروحت الشقه بسببه حسيت ان الشغل في اهـ*ـانه والله
اسف علي الاطاله
