https://www.facebook.com/203204979811862/

مــــعـــــــ ع الماشي ـــــلومة, The World, Cairo (2026)

01/06/2020

نداء وفكرة إجابية ورسالة إلى
رئاسة الجمهورية، رئاسة الوزراء، وزارات الصحة والصناعة والأوقاف وشعب مصر العظيم
كلنا عارفين إن أعداد الإصابات بفيرس كورونا في زيادة
وفيه ناس لا قدراهم الثقافية ولا المادية تستوعب يعني ايه حجر منزلي او عزل
كتير من المتعلمين يقدروا ينفذوا الحجر والعزل بس مع الاسف تنفيذ الحجر المنزلي لكبار السن او الاطفال هايكون صعب ولازم جهات مختصة هي اللي تقوم بالدور ده
ومن رأيي تقبلوا مني الفكرة دي هنساعد بعض بيها عشان نعدي الأزمة
والأزمة دي بتتلخص فمجموعة من النقاط زي
قلة وعي من بعض الناس ودي راجعة لقلة ثقافة وإمكانيات مادية.
قلة أماكن العلاج وقلة في العلاج نفسه
قلة مادية لتوفير اماكن العلاج والعلاج
وطبعا ده مأثر على شرايح كتير من الشعب كتجار وحرفيين وغيرهم
فأنا بقترح إننا نواجه الأزمة دي باننا نتبرع بالمال باي مبلغ نقدر عليه للمستشفيات للمساجد للكنائس للجامعات ومن الفلوس دي نشغل التجار والحرفيين بانهم ينشئوا شبه مخيمات للمرضى في ساحات وجانين الجامعات والمستشفيات واي اراضي فضاء
يعني النجارين يشتغلوا بأجر رمزي لعمل غرف او حاويات للمرضي
تجار الاخشاب تجار التكيفات مخازن او شركات الادوية تشارك باسعار رمزية لانشاء المخيمات دي
منها شغلنا ناس وعالجنا ناس وساعدنا بعض
وانا اول واحد باذن الله تبرع باللي هقدر عليه للمستشفيات والمساجد واي صندوق تبرع لمواجهة الأزمة دي
الشعب المصري إتبرع قبل كده فالسبعينيات عشان ننتصر فالحرب، وجه الوقت اللي نكرر اللي عملوه اجدادنا عشان ننتصر فالحرب دي باذن الله
برجاء نشر الفكرة على أوسع نطاق.

01/06/2020

نداء وفكرة إجابية ورسالة إلى
رئاسة الجمهورية، رئاسة الوزراء، وزارات الصحة والصناعة والأوقاف وشعب مصر العظيم
كلنا عارفين إن أعداد الإصابات بفيرس كورونا في زيادة
وفيه ناس لا قدراهم الثقافية ولا المادية تستوعب يعني ايه حجر منزلي او عزل
كتير من المتعلمين يقدروا ينفذوا الحجر والعزل بس مع الاسف تنفيذ الحجر المنزلي لكبار السن او الاطفال هايكون صعب ولازم جهات مختصة هي اللي تقوم بالدور ده
ومن رأيي تقبلوا مني الفكرة دي هنساعد بعض بيها عشان نعدي الأزمة
والأزمة دي بتتلخص فمجموعة من النقاط زي
قلة وعي من بعض الناس ودي راجعة لقلة ثقافة وإمكانيات مادية.
قلة أماكن العلاج وقلة في العلاج نفسه
قلة مادية لتوفير اماكن العلاج والعلاج
وطبعا ده مأثر على شرايح كتير من الشعب كتجار وحرفيين وغيرهم
فأنا بقترح إننا نواجه الأزمة دي باننا نتبرع بالمال باي مبلغ نقدر عليه للمستشفيات للمساجد للكنائس للجامعات ومن الفلوس دي نشغل التجار والحرفيين بانهم ينشئوا شبه مخيمات للمرضى في ساحات وجانين الجامعات والمستشفيات واي اراضي فضاء
يعني النجارين يشتغلوا بأجر رمزي لعمل غرف او حاويات للمرضي
تجار الاخشاب تجار التكيفات مخازن او شركات الادوية تشارك باسعار رمزية لانشاء المخيمات دي
منها شغلنا ناس وعالجنا ناس وساعدنا بعض
وانا اول واحد باذن الله تبرع باللي هقدر عليه للمستشفيات والمساجد واي صندوق تبرع لمواجهة الأزمة دي
الشعب المصري إتبرع قبل كده فالسبعينيات عشان ننتصر فالحرب، وجه الوقت اللي نكرر اللي عملوه اجدادنا عشان ننتصر فالحرب دي
برجاء نشر الفكرة على أوسع نطاق

14/06/2019

" ✨💡
اللى هيكمل البوست ده للآخر هيكون بيحب عادل امام واعماله بجد" 💜💜
( عادل امام ) .. 💫
اتولد فى 17 مايو1940 ( 78 سنه ) .. في قرية شها مركز المنصورة بمحافظة الدقهلية في مصر .. تخرج من كلية الزراعة جامعة القاهرة .. بدأ حياته الفنية على مسرح الجامعة ومنها للسينما وكانت بدايته عام 1962 بأدوار صغيره .. و بدأت شهرته في منتصف سبعينات القرن العشرين وذلك من خلال أدواره الكوميدية الممزوجة بالطابع السياسي ..
تم اختياره عام 2000 سفيراً للنوايا الحسنة في المفوضية العليا لشؤون اللاجئين التابعة للأمم المتحدة وبكده بقا معروف على المستوى السياسي العالمي ..
طبعا عمل افلام كتير جدا من اول بدايته فى انا وهو وهى ( 1964 ) لحد الألفينات وزهايمر ( 2010 ) ..
بس كلمنا انهارضه هيبقا على المسلسلات اللى عملها الفنان العظيم عادل امام .. 1968 : النشال .. 1971 : مين و لا مين .. 1972 : الفنان والهندسة .. 1973 : ساحرة .. 1975 : الرجل والدخان .. 1978 : كيف تخسر مليون جنيه ..1978 : أحلام الفتى الطائر ..1980 : دموع في عيون وقحة .. 1996 : ماستر سين .. 2012 : فرقة ناجي عطا الله .. 2013 : العراف .. 2014 : صاحب السعادة .. 2015 : استاذ و رئيس قسم .. 2016 : مأمون وشركاه .. 2017 : عفاريت عدلي علام .. 2018 : عوالم خفية

رغم عدد المسلسلات اللى بدأها من 1968 اللى هو تقريبا بعد بدايته ب 8 سنين فى مجال التمثيل بس شهرة عادل امام ف المسلسلات وعلى شاشة التلفزيون بدأت مع احلام الفتى الطائر (1978) .. وطبعا لما يبقا المسلسل تأليف وحيد حامد وإخراج محمد فاضل ومشارك عادل إمام فى بطولته عمر الحريري و ماجدة زكي و رجاء الجداوي وعبد الوارث عسر وابطال كتير تانيه .. ومن احلام الفتى الطائر لدموع فعيون وقحه ( 1980 ) او جمعة الشوان زى مناس كتير مميزه المسلسل بالاسم ( ده المسلسل اللى كان عادل امام فيه بطل للمسلسل وسط الفنانين وجوا المسلسل كمان لانه كان بطل مصرى وجسوس ) .. ومن 1996 لرمضان 2012 رجعلنا عادل امام بمسلسل فرقة ناجى عطا الله اللى كان ليه نجاح كبير اوى رجع عادل امام لشاشة التلفزيون تانى ومن 2012 بدأ كل سنه وكل رمضان يطل علينا بمسلسل جديد ليه قصه ومسلى وبيناسب كل الاعمار وفيه سياسه وكوميديا وقصه وكل الفروع زى معودنا وكان بيقدم ابطال جديده وكتيره بيطلعهم من خلال المسلسل بتاعه وبعد فرقة ناجى عطا الله جه مسلسل العراف وصاحب السعاده واستاذ ورئيس قسم ومأمون وشركاه وعفاريت عدلى علام لحد مسلسل عوالم خفيه 2018 اللى إتعرض فى رمضان اللى فات ..

المسلسل اللى بجد كان بالنسبالى رقم 1 وسط مسلسلات رمضان .. ورغم ان المسلسل +16 بس مافيهوش اى ايحائات ولا شتايم ولا مناظر بالعكس ده محتواه حلو جدا جدا .. عادل امام تقريبا جاب ورقه وقلم وقعد كتب المشاكل اللى حصلت فمصر من اول سنه 2017 ل 2018 وقعدت اتكلم عنها ف المسلسل بتاعه ومقدم الشرطه او الامن الوطنى بصوره كويسه لان بجد هما فيهم ناس كويسين ومقدم برضه الصوره الوحشه فجانب تانى .. عادل امال من اول حلقه ف المسلسل وهو بيتكلم عن قضايا فساد ف البلد وحلقه ورا حلقه بيكشف وبنكشف معاه الفساد والفاسدين اللى ف البلد .. اتكلم عن الادويه الفاسده .. فشلم التعليم .. بيع الاعضاء .. تجاره الدين .. الميول الانحرافيه .. فساد الملاجئ وتجاره البنات وخطف الاطفال .. تزوير الشهادات لناس ليها مناصب كبيره .. اتكلم عن فساد المحاميين .. والتجاره اللى بتحصل وسط المكاتب الكبيره .. وفساد الاعلام وحجات كتير جدا وقضايا كتير جدا ..
وضيوف شرف طالعين ف المسلسل ولو حلقه وحده بس طالعين وهما بقالهم سنين مشتغلوش يعنى كمان شغل كل فنان كان قاعد فبيته وبطل يشتغل زى ( بسام رجب وناجى سعد و محمود عامر وناصر سيف و جمال عبد الناصر ومحمود مسعود و عماد محرم وزينب وهبى وحسن العدل وعزه بهاء وحلمى فوده و صبرى عبد المنعم ) وطبعا دول اللى هيفتكرهم اكتر ويفتكر اعمالهم الجميله الناس اللى اكبر من الجيل بتاعى ..
غير ضيوف الشرف الكبيره اللى جت فى المسلسل زى ( سمير غانم وهادى الجيار و هناء الشوربجى واشرف زكى ) ..
غير كالعاده الوجوه الجديده او فنانين صغيرين لسه فاول مشوارهم انا واثقه انهم هيبقو ليهم مستقبل كبير جدا بعد اداورهم ف المسلسسل ده زى (هند عبد الحليم و نور قدرى و خالد انور و ساره نور ) ..
كمان المسلسل بيقدم كوميديا حتى لو سوده بس كوميديا حلوه ولذيذه مناسبه ومش رخمه وخصوصا ان اسلوب عادل امام الكوميدى اللى اتعودنا عليه موجود وخصوصا برضه ان فتحى عبد الوهاب اللى وازن كوميديا المسلسل موجود بدور كبير وكويس وكان وجهين لعمله وحده ظابط قوى وشاطر فشغله ودمه خفيف وكوميدى وكنت بستنى مشاهده ..
بجد برافو لكل اللى شارك ف العمل ده من تأليف ( أمين جمال .. محمد محرز .. محمود حمدان ) لاخراج ( رامي إمام ) اللى بجد كان منسينى انه ابن عادل امام اصلا وكنت فاكره بس انه مخرج شاطر جدا ومعيشنى جوا الاحداث ومتفاعله معاها جدا وجهده وشغله ده كان باين فكل المسلسلات اللى اخرجها لعادل امال من اول ناجى عطا الله لحد صاحب السعاده .. ومن مأمون وشركاه لحد عوالم خفيه ..
وبجد برافو تانى لكل ممثل وفنان عظيم شارك ف العمل ( صلاح عبد الله واسامه عباس وفتحى عبد الوهاب وهبه مجدى وبشرى واحمد وفيق وطارق صبرى وعبد الرحمن حسن وخالد عليش ورجاء الجداوى ومى سليم ) وطبعا طبعا ( رانيا فريد شوقى ) اللى دورها حلو جدا ف المسلسل ورابط الاحداث ببعضها ومن خلال دورها اللى حسسنى انى جوا روايه او جوا شخصيه ف البوليس السري والرموز كشفت قضايا كتير او قدمت القضايا لهلال كامل او عادل امام ..
شكرا عادل امام .. شكرا لكل طاقم العمل .. 👏👏
" مصدر التواريخ من ويكيبيديا "

08/06/2019

معلومه على الماشى 👇👇👇👇
أبناء واقارب ممثلين ظهرو مؤخرآ فى مسلسلات رمضان ٢٠١٩

17/07/2018

الذين لا يتذكرون الماضي محكوم عليهم تكراره....
جورج سنتيانا

كتب الفيلسوف الإسباني-الأمريكي جورج سنتيانا في كتابه “حياة العقل”، أن الذين لا يتذكرون الماضي محكوم عليهم تكراره. وهو يعني أن المعرفة والاعتقاد في نظره ينشأن عن تفاعل بين عقولنا وبين العالم المادي، لا عن التفكير المجرد.
غالبا ما يساء فهم كلام سنتيانا بخصوص تذكر الماضي، أنه يقصد أن نتذكر الكوارث التي حصلت في الماضي حتى لا تتكرر. وكذلك يتحدث عن فكرته عن “التقدم”، فلأجل أن يكون التقدم ممكنا، لابد لنا من تذكر التجارب الماضية والتعلم منها أيضا، من خلال رؤية الطرق المختلفة في إنجاز الأمور. فالعقل الانساني يبني معتقدات جديدة من خلال التجارب، وهكذا نستطيع تفادي تكرار الأخطاء. التقدم الحقيقي في نظر سنتيانا ليس مسألة ثورة وإنما عملية تبنٍّ؛ أن نأخذ ما تعلمناه من الماضي لبناء المستقبل. الحضارة تراكم، بناء على ما مضى

07/07/2018

معلومه ع الماشى ⬇⬇
دورة العاب البحر المتوسط لسنة 2018 للاولمبياد ..
"حققت مصر 42 ميدالية، بواقع 15 ذهبية و11 فضية و16 برونزية منذ انطلاق البطوله
وتقع مصر فى المركز الخامس بمنافسات البحر المتوسط، متفوقة اليونان "
👌..
الرياضه مجالات كتير غير الكوره الله العظيم ✋

01/07/2018

معلومه ع الماشى ⬇⬇
" النساء ناقصات عقل ودين " ده اللى هكتب عنو انهارده ..
معظم الرجال بيقولو الجمله ديه ك إذلال لينا او مثلآ عشان يقللو منا او يخرجونا من اى نقاش سواء بهزار او بجد بس هما فاهمين الجمله ديه غلط تمامآ .. هما مش عارفين قد ايه احنا بنضايق منها ورايهم ده بيئاثر فينا .. عشان كده انا حبيت اتكلم عن الجمله ديه ومعناها الصحيح ..
* سُئل فضيلة " الشيخ محمد متولي الشعراوي " عن معنى أن النساء ناقصات عقل ودين .. قال الحديث كلو ووضح بعده شوية حجات ..
" ففي الصحيحين من حديث أبي سعيد الخدري رضي الله عنه قال ( خرج رسول الله صلى ‏الله عليه وسلم في أضحى أو فطر إلى المصلى ‚ فمرَّ على النساء فقال : يا معشر النساء ‏تصدقن فإني رأيتكن أكثر أهل النار ‚ فقلن : وبم يا رسول الله ؟‏ قال : تكثرن اللعن وتكفرن العشير ‚ ما رأيت من ناقصات عقل ودين أذهب للب الرجل ‏الحازم من إحداكن ‚ قلن : وما نقصان ديننا وعقلنا يا رسول الله ؟ قال: أليس شهادة المرأة ‏مثل نصف شهادة الرجل ‚ قلن : بلى ‚ قال : فذلك من نقصان عقلها ‚ أليس إذا حاضت لم تصل ولم تصم ؟‏ قلن : بلى ‚ قال : فذلك من نقصان دينها ) "
* العقل يعني " أن تمنع نوازِعك من الانفعلات ولا تفعل إلا المطلوب فقط "
" إذن فالعقل جاء لعرض الآراء واختيار الرأي الأفضل ومنع اختيار الآراء بالعاطفة .. والمرأة تتميز بالعاطفة لأنها معرضة ( لحمل الجنين _ احتضان الوليد ) .. الذي لا يستطيع أن يُعبر عن حاجته .. ( الست بتحس بابنها من قبل حتى ميكتمل ) .. فالصفة والملكة الغالبة في المرأة هي العاطفة .. ولأن عاطفة المرأة أقوى .. فإنها تحكم على الأشياء متأثرة بعاطفتها الطبيعية وهذا أمر مطلوب لمهمة المرأة .. ( لما بيحصل مشكله و الأب يزعق لابنه عشان جاب درجات وحشه مثلا او عشان يعنفه و الأم تمنعه او مثلا تخليه يخفف العقاب مع ان ممكن تكون هى اللى اشتكت للاب بس بتعمل كده بحكم طبيعتها بحكم " قلب المرأه " ) ..
وبذلك فالنساء " ناقصات عقل "
* أما ناقصات دين فمعنى ذلك " أنها تُعفى من أشياء لا يعفى منها الرجل أبدا ً.. فالرجل لايُعفى من الصلاة او الصيام بينما هي تُعفى كذلك عدة أيام بعد الحمل .. والرجل لا يُعفى من الجهاد والجماعة وصلاة الجمعة والمرأه معفوه من ذلك تمامآ .. وبذلك فإن مطلوبات المرأة الدينية أقل من المطلوب من الرجل "
وبذلك فالنساء " ناقات دين "
* الموضوع اتصنف غلط والله يا جماعه .. اتصنف زى مكل حاجه بتتصنف ضدنا .. احنا مش ناقصين .. الست ام واخت و حبيبه وزوجه وجده وخاله وعمه ومهندسه ودكتوره ومدرسه ورسامه ومغنيه وممثله وحتى داعيه .. احنا مش ناقصين .. احنا بكلمه نتراضى وبكلمه ننسى كل حاجه.. احنا البيت اللى بتجرو عليه بعد تعبكم .. احنا الى بحنيتنا بنتحول من زوجه لام لولادها وجوزها كمان .. احنا مش ناقصين ✋

30/06/2018

معلومه ع الماشى ⬇⬇
بوست انهارده هيبقى عن " مسرحيه " ..
سنة ٢٠٠٠ الفنان العظيم جدآ ( محمد صبحى ) افتتح مهرجان المسرح للجميع للدور الاول ب ٣ مسرحيات قصرو فينا واتعلقنا بيهم جدآ " لعبة الست _ كارمن _ سكة السلامه " بنفس فريق العمل تقريبآ
هتكلم انهارضه عن " مسرحية كارمن "
كارمن هى مسرحيه من اعظم اعمال الفنان محمد صبحى المسرحيه مأخوذه طبعآ عن ( اوبرا كارمن لچورچ بيزيه )
قصة مسرحيه كارمن عن الحريه والديكتاتوريه والاتنين سوا ف الواقع السياسى اللى احنا بنعيشه ..
سؤالين قدمهم محمد صبحى لينا ف المسرحيه ديه " هل الحريه المطلقه التى يصل بها الناس لحد الغوغاء والفوضى تستلزم وجود ديكتاتور لكبح جماحها !؟ " ام " وجود الديكتاتور الذى يقهر الناس فى الاصل هو السبب الذى يدفعهم للمطالبه بالمزيد من الحريه حتى يصلوا للفوضى !؟ "
وطبعآ رمز الحريه ف المسرحيه هى سيمون او كارمن ورمز الديكتاتور هو الفنان محمد صبحى .. المسرحيه ديه طبعآ موسيقتها لعمر خيرت من بعد چورچ بيزيه عشان كده اغانى المسرحيه كلها جميله جدآ ..
ف المشهد اللى ف الصوره ديه محمد صبحى بيشرح تقريبا الممثل المسرحى كمهنه وككل حاجه بيقول " مهنة الممثل بتعتمد على ٣ ادوات رئيسيه العقل وجسمه والجهاز التنفسى .. عقله لان شغلته بتبدأ بعقله عشان تصل لعقول الناس و ديه اهم اداه .. جسمه ديه مشكلته لان العازف بيبقى ف ايده آله يستطيع انو يضبط اوتارها عشان يعزف عليها انما الممثل مشكلته ان جسمه هو آلته التى يجب ان يضبط اوتارها كى يستطيع العزف عليها نغمات صحيحه تصل للجمهور .. الجهاز التنفسى عشان ينظم الاداء بتاعك بين الجمله والجمله .. خلينا ف العقل لان هو اهم اداه عند الممثل .. ازاى الممثل بيكتشف عقله بيشتغل ازاى ف ١ على ٦٠ من الثانيه يقدر ياخد order ويدى نفس ال order ده فنفس الوقت .. لازم الممثل يدرب عقله بسرعه على ده " والكلام ده انا اول مره اسمعو فحياتى كلها .. مسمعتهوش فاى ورشه ولا مع اى مخرج اشتغلت معاه بس لما طبق محمد صبحى على الكلام ده تدريب كنا بندربو ف البروفات وادربت عليه مع كل مخرج تقريبا اسمو " المرايه " وانا مكنتش اعرف ايه فايدة التدريب ده بس عرفت دلوقتى فايدته وعرفت ان كل تدريب ليه فايده لينا ع الخشبه ( ان ف ١ على ٦٠ من الثانيه اخد order م اللى قدامى ع المسرح واعمل زيو .. اشيل مثلا غلتطو .. اسندو لو نسى الكلام .. افهمو من عنيه .. من اى اشاره يعملها ) وفنفس المشهد قال تدريب تانى انو يدى امرين لعقله فنفس الوقت وعمل نص وشه بيضحك والنص التانى بيعيط .. وعمل كده فعلآ وصدقته جدآ ..
وف مشهد تانى من المسرحيه خلى الفرقه تقف چيست ك نوع من التكدير يعنى ..
ف المسرحيه مثل محمد صبحى حياة اى فرقه شغالا ع المسرح ب كواليسها بورشتها .. ومثل برضو دوره ف المسرحيه كمخرج او " ديكتاتور صغير زى مبيقول على نفسه طول المسرحيه "
اسلوب المسرحيه او اسلوب محمد صبحى عمتآ ف التمثيل هو حاجه كده اسمها " الميلودرامى " وده عمتآ اسلوب الممثل الكوميدى ع المسرح من بين اساليب التمثيل الكوميديه المختلطه بين السخريه المباشره اوالتعليقات الساخره اوالافتعال او عمل كاركتر معين .. محمد صبحى سواء ف التمثيل او الاخراج فهو ديمآ بيتبع اسلوب الخطاب المباشر منفردآ بالجمهور فى مقدمه مسرحياته وفى آخرها .. وف آخر المسرحيه لما قتل كارمن وقتل معاها رمز الحريه كانو عاوزين يموتوه قال كلام كتيير اوى للجمهور كمخاطبه مباشره منو لجمهور المسرح والتلفزيون .. ومن ضمن الكلام اللى قالوه " انا مين عشان اموت .. ده انا ديكتاتور صغير يدوب لسه فحضانه من كتر خوفى م الخوف والكذب والخيانه قررت اعمل ديكتاتور .. كارمن هى حره وانا اللى ديكتاتور !؟ وانتو عايشين كماله ولا عايشين عواله ولا كماله طابور !؟ كارمن رمز الحياه وانا اللى شرير وقاتل !؟ .. الدنيا من البدايه محترفه فصناعه الشخص الديكتاتور .. سايبين الكون بحاله بظلمه وجايين عليا انا وتقوله ديكتاتور !؟ وكارمن هى البريئه الضحيه !؟ .. اصرخ بعلو صوتك وانا اقول معاك قولو لا للحروب ولا للخيانه قولو لا للخضوع لا للخداع قولو لا للى باع واللى لسه هيبيع .. قولو لا والسلام " وطبعآ ده باختصار شديد .. انا عن نفسى بعتبر ان ده اعظم مشهد واعظم كلام واعظم نهايه ..
محمد صبحى عندو دلوقتى ٦٨ سنه وعمرو محسسنا بيهم على طول مرح وكوميدى وعمرو مقدم اى عمل هلس او فيه حاجه مش كويسه ..
وهيقدم الدور التانى من نفس المهرجان بس المره ديه ب ٦ مسرحيات من ضمنهم على مانا متذكره تقريبآ ( خيبيتنا _ غزل البنات _ سمع هس _ الجزء التانى من كارمن عن ' اوديب ' ) وهيبقو برضو بنفس فريق العمى والبطوله النسائيه هتبقا " غاده رجب تقريبآ " وبيحضر للمسرحيات ديه من ٢٠١١ ووقف الشغل فيها عشان الثورة بس حاليآ هو شغال وان شاء الله نسمع انهم نزلو قريب ..

04/03/2018

السحتوت
عملة قيمتها ربع مليم يعنى الجنيه بيساوى 4000 سحتوت وكان بيتكتب عليه عبارة ( من ربع عشرالقرش ) والاسم ده كان جاى من سوريا وفلسطين . – اما ( المليم ) فسموه كده على اسم الكلمة الفرنسية « Millieme» ،بمعنى ( جزء من ألف ) ،وكان الجنيه المصرى بيحتوى على ألف مليم ،وأول مليم مصرى تم سكه كان فى عهد السلطان حسين كامل ،سنة ( 1335هجرية-1917ميلادية) - (النكله ) دى كانت بتساوي مليمان يعنى 8 سحتوت ودى جت من الكلمة الانجليزية nickel ومعناها النيكل الانجليزى . -( الربع قرش ) مليمان ونصف المليم تساوى 10 سحتوت ( التعريفه) خمسة مليمات وجايه من الكلمة الانجليزية tariff ومعناها الاجرة اما ( الصاغ ) فهو أصله تركى،ومعناه( سليم ) فكانوا بيسموا القرش السليم قرش صاغ – اما ( النص فرنك ) هو القطعة المعدنية الفضية اللى قيمتها قرشين لان الفرنك الفرنسى ساعتها كان قيمته 4 قروش . - ، اما (الشلن ) فده فى الاصل عملة انجليزية، فالريال المصرى كان (20 قرشا) وكان بيساوى ( 4 شلنات) انجليزى shilling ،يعنى كل 5 قروش مصرى تساوى « شلن» انجليزى،فطلعوا عليه الناس اسم شلن - ( بريزة ) وتوازي عشرة قروش، وسميت بهذا الاسم حين طلب الوالي محمد سعيد باشا (1854-1863م) من "المسيو براناي" في باريس عام 1862م صك عملة مصرية جديدة تحمل اسمه وتاريخ ضربها، ولكن مات الوالي سعيد باشا قبل وصول العملة لمصر وتولى الحكم الخديوي إسماعيل عام (1863- 1879م) الذي رفض استخدامها تقربا للسلطان العثماني (عبد العزيز) حيث أنها لم تحمل اسم السلطان، وأعيد ضربها مع إضافة اسم السلطان وتاريخ توليه الخلافة، فلما تداولها المصريون أطلقوا عليها "الباريزة" نسبة إلى أنها ضربت في باريس –( الريال ) والاسم ده من زمان اوى من ايام الاساطيل الاسبانية اللى كانت بتيجى بالريال الاسبانى للدول العربية ومعنى كلمة ريال ( ملكى ) . وسموه المصريين على القطعة الفضة ام 20 قرش . - تسمية (الجنيه ) ليست عربية وإنما هي إنجليزية لعملة إنجلترا التي كانت متداولة بها منذ أربعمائة عام مضت وهي Guinea (ينطق: جِني بالجيم المصرية)، ومع أن الجنيه الإنجليزي كان غير مستخدم عند إصدار الجنيه المصري، إلا أنه كان مساويا له تقريبا من حيث الوزن. وأول سكة للجنيه كانت فى عهد محمد على باشا . - ( مصارى ) التى ترمز للنقود المصرية حتى الان فى الدول العربية فتعود الى كلمة « مصرية» التى أطلقها العرب على العملة المصرية ( البارة) .
منقول

08/01/2018

معلومه ع الماشى ⬇⬇
البوست بتاع انهارده بيتكلم عن الفنانه الجميله سناء جميل او " ثريا يوسف عطا لله " سناء جميل اتولدت فى المنيا (27 أبريل 1930) وتوفت فى القاهره (22 ديسمبر 2002) .. يعنى عاشت (72 سنة) .

سناء جميل ممثلة مصرية اتولدت في محافظة المنيا لأسرة قبطية مسيحية ودرست في المعهد العالي للفنون المسرحية وعملت في الفرقة القومية واشتهرت بأدائها الجيد باللغة الفصحى واللغة الفرنسية ..

اختار لها الفنان المسرحي زكي طليمات اسم «سناء جميل» ليكون اسمها الفني بدلا من اسمها الحقيقى "ثريا يوسف عطالله"، حين مثلت مسرحية «الحجاج بن يوسف». ظلت تعمل في المسرح إلى أن رفضت الفنانة فاتن حمامة دور نفيسة في فيلم «بداية ونهاية» فرشحها المخرج صلاح أبو سيف للدور، وكانت بدايتها الفعلية حيث حققت شهرة كبيرة في هذا الفيلم الذي أنتج عام 1960 .

نشات الفنانه وسط عائله صعيدية تتمسك بالتقاليد والعادات التابعة للصعيد ولكن هى تحدت عائلتها من أجل الدخول فى عالم الفن والشهرة مما ادى الى مقاطعة عائلتها لها حتى وقت وفاتها .

هويتها المفضلة الخياطة، وكانت سناء بارعة فى فعل ذلك فقامت بتفصيل بعض الملابس التي كانت تستخدمها فى بعض الاعمال الفنية الخاص بها.

سناء جميل تزوجت من الكاتب الصحفي الكبير لويس جريس في منتصف الستينات
التقت بزوجها عن طريق زميلة صحفية سودانية اسمها خديجة، كانت تدرس الصحافة فى مصر، وكانت مبهورة بتجربة «روز اليوسف»، التي كان لويس يعمل بها صحفيًا، وقبل رحيلها إلى الخرطوم، أقامت حفلاً كبيرًا لتوديع أصدقائها فى منزل سناء جميل، وكان لويس جريس أحد المدعويين للحفل، وهناك كان لقاؤه الأول بالفنانة سناء جميل، وعندما قرر لويس جريس الخروج من منزلها، سألته سناء جميل مازحة: «يا لويس معاك تلاتة تعريفة؟»، فرد عليها: «معايا قرشين صاغ»، فردت قائلة: «طيب عال خالص، أنا هستنى تليفونك بكرة الساعة 12 الصبح»، وكانت هذه هى بداية قصة حب سناء جميل ولويس جريس " قصة الحب العظيمه يا جماعه " .. يحكي «لويس» عن تفاصيل الزفاف موضحًا أنه ذهب مسرعًا ليتمم زواجهما في الحال بعدما علم أن سناء مسيحية، لكن القس رفض لعدم وجود مدعوين، فقام «لويس» بتأجير ٧ سيارات تاكسي ليملأها بزملاء المجلة الذين كانوا كلهم تقريبًا مسلمين، وتوجه بهم إلى الكنيسة .. يقول لويس إن مصطفى أمين وغيرهم من أساتذة وزملائه قالو له العديد من النصائح لإبعاده عن حبيبته النجمة سناء جميل، معللين ذلك بأن شهرتها قد تؤثر على وضعه كصحفي مغمور وقتها، وتضعه في حرج، فضلًا عن أن شهرتها قد تضغى على أي شهرة أو مجد مهني قد يحققه طالما ظل اسمه مقرونًا باسمها، ولكنه لم ينصت لأي من تلك النصائح .. تم الزواج بين الحبيبين، عام 1961، ولكن الفنانة الراحلة آثرت ألا تنجب كي تتفرغ بشكل كامل لعملها .. يقول لويس في أحد حواراته الصحفية عن سناء إنها «كانت تطرب لصوت الأذان، وتحب الاستماع له، حتى أنها ذات يوم فوجئت بتغيير شيخ الجامع المقابل لمنزلهما بشارع المنيل وكان المؤذن الجديد صوته سيئاً فطلبت منه الاتصال بالشيخ الشرباتى، وزير الاوقاف فى وقتها وطلبت منه الحضور للمنزل لتناول الشاى، والاستماع لصوت آذان العصر للتعرف على مدى سوء صوت المؤذن، وفى خلال أسبوع استجاب لها الوزير وقام بتغيير المؤذن خصيصا حتى تستطيع سماع الآذان كما اعتادت عليه».

فقدت الفنانة سناء سمعها بسبب الفنان الكبير عمر الشريف، حيث قالت الفنانة فى أحد الحوارات الصحفية أنها تعرضت إلى صفعة قلم على وجها من الفنان عمر الشريف بعد ان اندمج فى أول عمل لها أثناء تجسيد المشهد وقام بصفعها قلما حقيقيا ادى الى فقدها السمع بإحدى إذنها.

الممثل الوحيد الذى طلبت منه الفنانة الراحلة سناء جميل التمثيل معه كان الفنان أحمد زكى، الذى حادثته الفنانة القديرة الراحلة سناء جميل هاتفيًّا، وقالت له: «عايزه أمثّل معاك قبل ما أموت»، فاستجاب الفنان أحمد زكى وتعاونا معًا في فيلمين، هما «سواق الهانم»، و«اضحك الصورة تطلع حلوة».

عانت الفنانة الراحلة سناء جميل فى آخر أيامها من سرطان الرئة، وظلت فى المستشفى لمدة ثلاثة أشهر، وكان يؤرقها منظر وجهها، وتسأل زوجها ما إذا كان قد تشوّه، وقد أسرّت لزوجها الكاتب الصحفى الكبير لويس جريس، بأنها لو عاد بها الزمن إلى الوراء كانت ستتوقف عن التمثيل، وتفصل ملابس بتصميمات مميزة، وتنجب أولادًا يملؤون حياتها.

عندما توفيت الفنانة سناء جميل، رفض دفنها على الفور، وأمهل نفسه ثلاثة أيام لنشر إعلان الوفاة فى كل الصحف المصرية والأجنبية، على أمل ظهور أى من أقاربها للمشاركة فى جنازتها، ولكن دون جدوى، فلم يظهر أحد، ودُفِنت سناء جميل فى اليوم الرابع من وفاتها، وخرجت جنازتها من كنيسة العباسية.

سناء جميل هي السيدة الأرستقراطية التي تتحدث الفرنسية، وايضا يمكنها النطق ببعض الكلمات العربية، وهي أيضًا الفلاحة زوجة العمدة القوية التي تحرك المشهد من الخلفية وتتخير له الزوجة الثانية لأجل الابن المرجو، وهي التاجرة التي تدخن الشيشة وتقف في وجه أعتى الرجال وأكثرهم رقيًا لتنقل للمجتمع والحكومة صورة واقعية مريرة عن توحش رأس المال وسطوته .

الفنانه عظيمه .. سناء جميل

08/01/2018

من 2013 ل 2018 .. بعد 5 سنين الصفحه هترجع للنشاط تانى ..
معلومه ع الماشى .. ممكن نقول اربع عشر معلومات فبعض كده ..
فن .. تاريخ .. سينيما .. تلفزيون .. مسرح .. دين .. موضه .. اكل .. نشاطات مختلفه . كل حاجه .. صفحة معلومه ع الماشى " الشامله " لو دخلت الصفحه مش هتندم خالص .. هتطلع كل يوم ب ,,

22/11/2013

الأوشبتي هي تماثيل تشبه المومياوات كانت توضع في المقابر المصرية القديمة بملامح تشبه ملامح المتوفى (صاحب المقبرة). وكانت تصنع من الحجر أو الفيانس أو الخشب أو البرونز وفي بعض الأحيان من الطين المحروق.
كلمة أوشبتي مشتقة من الفعل المصري القديم (وشب) بمعنى يُجيب ومن هنا اتت تسمية تماثيل أوشبتى بمعنى تماثيل المجاوبين وقد سجل عليها في مراحل من تاريخ مصر القديمة نصوص دينية كنوع من الخدمة الرمزية مرتبطة بالديانة الوزيرية في مصر القديمة ابتداء من الدولة الوسطى، كانت هذه التماثيل تقوم بدور المزارع في العالم الاخر حيث توجد حقول تحتاج إلى حرث وحصاد مثل حقول الدنيا تماما ويعيش فيها الصالحون، لذلك صورت هذه التماثيل أحيانا وعلى ظهرها مقطف من الخوص وفأس كما تدل نصوص كتاب الموتى المسجلة على التماثيل هذا الدور. وقد بدؤوا في الدولة الوسطى بوضع تمثال واحد ثم وصلت إلى 403 في الدولة الحديثة، لا تشمل فقط تمثالا واحداُ لصاحب المقبرة بل تماثيل تشبهه تكفي أيام السنة بكاملها وتحتوي أيضا تماثيل الكتبة والرؤساء والمشرفين، اما في العصور المتأخرة فقد عثر على صناديق خشبية بها أعداد كبيرة وصلت 700 تمثال, وأجمل النماذج التي عثر عليها مجموعات توت عنخ امون التي تشير إلى الاعتقاد السائد في ذلك الوقت بأن الاوشبتى كان يشمل الملوك وباقى الرعية كجزء من الاعتقاد في عدالة أزوريس الذي يكلف الملك بالعمل في الحقول مثل رعيته.

مــــعـــــــ ع الماشي ـــــلومة

01/06/2020

01/06/2020

14/06/2019

08/06/2019

17/07/2018

07/07/2018

01/07/2018

30/06/2018

04/03/2018

08/01/2018

08/01/2018

22/11/2013

Address

Website

Alerts

Contact The Organization

Shortcuts

Share

Category