جمعية أصدقاء الطفولة

24/11/2025

24/11/2025

من اسبوع عملت جلسه مع ام عندها طفله جميلة
البنت عندها مشاكل في الاخراج خاصة الحمام الصلب

حاولت افهم منها كثير ايه حاصل
اخر الجلسه قالتلي ان البنت قالت ليها ان الناني
الي بتدخل معاها الحمام
بتعمل تشطيف بشكل فيه زغزغة
والبنت بتجيب ايد الام وتطلب منها نفس الشيئ

فالأم فهمت الي 💔حصل

ومن هنا بدأت القصة

مش بقول كدا عشان أرعبك
بس بقول كدا عشان اقولكم
مافيش طفل هيتعرض لموقف ومش هيظهر عليه علامات
⬅️ونزلت ليكم فيديو فيه ٥إشارات
تقولكم انتبهوا حتى لو غلط
مهم جدا تشوفوا الفيديو عشان نتعلم نعرف ونلاحظ أطفالنا صح ونعرف
ان اي ضغظ نفسي او توتر بيمر بيه الطفل هيظهر عليه في شكل علامات جسدية حتى لو مش بيتكلم

عندي طلب
⬅️⬅️مهم مهم مهم
❌بلاش نستني المشكله تحصل عشان نبتدي نحلها
محتاجين نمنع❌ أصلا انها تحصل

١- مافيش حد يغير لاطفالكم غيركم
٢- بلاش تودوا حضانات والطفل لسه مش خالع الحفاض
إلا لو الام مضطره جدا
وفي الحاله دي نختار بثقه والاختيار هنا مش مكان واسع وحيطان وشكل على الفاضي

فيه كمان اختيار المدرسة والتاني وعملت ليكم كورس كامل عن اختيار الحضانة واعداد الأطفال الي الحضانة وطرق متابعة الطفل في الحضانة
وتدريبات حمايه الأطفال من التحرش والتنمر في الحضانة

٣- متسبوش ولادكم تلعب مع أطفال اكبر منها سنا في مكان مقفول عشان دا باب كوارث

٤- بلاش علاقتكم مع ولادكم كلها امر ونهي
الحب مهم في النص وهو الي بيخلي الطفل مش يخاف ويتكلم

٥- مش بنبوس أطفال في فمهم كفايه بالله عليكم

٦- الاطفال مش بتقعد على رجل اي حد

٧- الطفل من حقه يرفض حد يقبله وقت السلام
مش عيب ولا غلط ولا قله احترام

٨- بلاش تهينوا ولادكم بالض/رب
لانه بيقلل نظرتهم لنفسهم ولاهميه جسمهم وحدودهم

٩- مش بقول للطفل اقعد وخذ حاجة حلوة
دا نفس أسلوب استدراج اي شخص للطفل وقت اي حادث

حاجات كثير اوي اوي محتاجين نشتغل عليها لو عايزين نحمي ولادنا من كل موقف مر بيه ياسين واي طفل مر زيه بنفس الموقف

اي حد مشافش فيديو اللعبه السر
وفيديو اعراض وعلامات تعرض الأطفال للتوتر النفسي
يكتب تعليق وهيتم ارسال الحلقات

واي حد عايز يشترك في كورس اعداد طفلك الي مرحلة الحضانه والمدرسة وتدريبات حماية الأطفال من التحر/ش والتنمر
يكتب تعليق وهيتم ارسال التفاصيل ليكم كاملة .

24/11/2025

24/11/2025

24/11/2025

ايه اللي حصل باختصار في حادثة مدرسة “Seeds”
ظهرت شكوى من ولية أمر بتتهم 3 عمال وفرد أمن إنهم “تحر..شوا” بأطفال في مرحلة الروضة بعد اليوم الدراسي.

وبعد التحقيقات الوزارة وضعت المدرسة تحت إشراف إداري ومالي كامل.

بما أننا كل فترة والتانية نسمع عن حادثة مشابهة بتفاصيلها للحادثة دي معنى كدا الخطأ والسبب متكرر طيب فين الخطأ هنا:

❌نظام مراقبة مش محكم للمتابعة حركة الأطفال داخل المدرسة لحد بوابات الخروج.
❌إشراف ضعيف على الأطفال وتحركاتهم للباص بعد انتهاء اليوم الدراسي.
❌التهاون في عقاب لأي شخص ينتهك حقوق الطفل.
❌غياب المراقبة والأمن في النقاط العامية البعيدة عن الكاميرات في المدرسة.

📌طيب نعمل إيه كأهالي؟

1) اتأكدي من إجراءات الحماية في المدرسة
اسألي بصراحة:
• مين بيبقى مع الطفل بعد انتهاء اليوم؟
• الكاميرات بتتراجع؟
• في سيستم خروج ودخول واضح؟
• هل في سياسات مكتوبة لحماية الطفل؟

لو المدرسة اتوترت من الأسئلة… اعرفي إن ده مؤشر خطر وامشي من المكان .

2) علمي طفلك “حقه في جسمه”
بأسلوب بسيط على قد سنه:
• “محدش يلمسك من غير إذن”
• “لو حد ضايقك صرخ وأجري.
• حتى لو هددك هو جبان وضعيف تعالي قولي عليه فوراً”
قولي كلامك مش بخوف بالعكس بثبات وقوة وثقة.

3) شوفي علامات الخوف عنده زي:
• تبول لا إرادي
• صمت مفاجئ
• كوابيس
• خوف غير مبرر من أشخاص معينين
• تعلق زائد بيكي ورفضه للمدرسة.
كل دي إشارات لازم ناخدها بجدية واوعي تخافي تجيبي حق ابنك لأن المتح.حرش مخفش وهو بينهم حقوق جسمه.

واخيراً ربنا يحمي ولادنا ويبعد عنهم كل شر وكل أذى يارب 🙏🏻



أمان الأطفال. انتهاك الأطفال. حماية الطفل في المدرسة. التربية والوقاية. حقوق الطفل
حماية أطفال الروضة. سلامة الأطفال في المدارس

24/11/2025

حادث الاعتداء على الأطفال في المدرسة 😞😞😞😞

الأم اللي بتحكي كانت مفهمة بنتها و موعياها.. و عاملة كل اللي ممكن يتعمل ..
بتقضي وقت معاها و بيتكلموا كل يوم ..

بافكَّر من ساعتها .. ايه اللي ممكن يتعمل :

١. من اهم الحاجات اللي نعلمها لولادنا قبل ال KG .. اهم والله من الحروف و الارقام:
استخدام الحمام لوحدهم .. مش محتاجة دادة ولا مساعدة من اي حد ..

٢. حمامات فصول ال KG بتكون "جوا" الفصل !
الطفل مش محتاج يروح لوحده و لا مع دادة في اي مكان مش تحت عيون المدرسة

٣. مافيش عمال تدخل غير بعد ما آخر طفل يمشي ..
في المدراس اللي اشتغلت فيها .. كنت أنا و المُدرسة التانية اللي بننضف بعد الفطار و بعد الغدا مع الولاد .. بيمسحوا ترابيزاتهم و ينضفوا مكانهم
شيفت التنضيف كان بيبدأ من المغرب ل بالليل.

أطفال ال KG .. يبقوا تحت عين المدرسة و بتعدهم باستمرار … ما ينفعش بأي حال من الأحوال أطفال تتساب مع عاملة !
هي مش مؤهلة انها تكون مسؤولة عن اطفال ولا حتى نص ولا ربع ساعة في اليوم .

مسؤولية كبيرة اوي .. ما ينفعش فيها أي تهاون !

ربنا يصبرهم 💔

23/11/2025

23/11/2025

جماعة بجد اصحوا بالله عليكم
لو مربين ولادنا
على القيم والجمال والأخلاق
بس فيه محيط
اسود للاسف
مليان كثير من الأشياء الغير مناسبة للأطفال

وعليه لازم لازم من الصغر
نربي ولادنا تربية
تخلي فيه مساحة ان ولادنا تحكي
وولادنا تفهم الفرق بين الايذااااء وبين الامان !

١- لازم نعلم الولاد من حقهم يقولوا ❌ لا !
اوقات (لا ) بتكون مهمه جدا
✅لا لاي حد يضربني
✅لا انه حد ياخد حاجتي
✅لا انه حد يقبلني بالعافيه وقت السلام في العائلة
!
لا دي اوقات كثير مهمه جدا دا ومهم نعلم الاطفال متى لا مقبوله ومتى لا مرفوضة🌸

٢- ممنوع ممنوع التقب/ بيل في الفم✋✋
هتقوليلي متعقدهاش لا مش بعقدها عشان
بعدين لما بنروح الحضانة بيجربوا يعملوا كده مع بعض وده بيسبب نقل أمراض وجراثيم وانتهاك لحدود الجسم وانفتاح أكبر من الصح، أنا مش المفروض أصلا كمربي أعمل كده لأن ولادنا مش ملكنا، أنا المفروض أتعامل مع بنتي أو ابني اني أحترم أجسادهم وأحترم حدودهم ف الطفل كمان برا يبقى عارف انه يحافظ على جسمه وحدوده ولما يتحط في أي موقف بالشكل ده مع غريب أو قريب يرفضه.

٣- لازم نعلم الأطفال اداب الاستئذان🛑
يعني ايه طفل من اول سنتين ميتعلمش ! انه مينفعش ندخل غير لما نخبط ومينفعش حد يدخل علينا غير لما يستأذن
هتقوليلي مش هيفهم في سنتين
هقولك ابتدي سنتين عشان لما يوصل ٣ يكون فهم

٤- لازم نعلم الأطفال المناطق الخاصة
هي خاصة بكل حد فينا ✋

❌فمينفعش نغير ليهم والباب مفتوح
✅لما الطفل يخلع الحفاضة ويدخل التويليت عفوا
لازم الباب يكون مقفول
او لو بيخاف يكون متوارب على الاقل .

٥- اقعد ساكت وإلا هعمل فيك كذا وكذا
التهديد في التربية طول الوقت كوسيلة للتوجيه بتعلم الطفل ان التهديد لاحقا
برا البيت يخاف يقوله لا
لانه اتعود انه اتهدد

شاركوا البوست مع غيركم عايزه نرفع الوعي بينا وبين بعض عايزين نحمي ولادنا معلومة واحدة ممكن تحمي أطفال كثير 💙

💙💙

دعاء كرسون /
اخصائية تعديل سلوك
موجهة منتسوري للطفولة المبكرة