09/06/2025
لقيت عيان متوصله خرطوم في راسه ومتركب في جهاز غريب فبسأل التمريض ، هو ايه دا ؟؟ قالي دي حاجه اسمها EVD
🔴يعني إيه External Ventricular Drainage (EVD)؟
📌هو أنبوبة بلاستيك رفيعة (catheter) بيدخلوها جوه بطينات المخ علشان تسحب السائل النخاعي (CSF) اللي بيبقى حوالين المخ والنخاع الشوكي.
💧السائل ده ليه وظيفة مهمة جدًا… بيحمي المخ ويمتص الصدمات، لكن لو اتجمع بزيادة، ممكن يعمل ضغط عالي جوه الجمجمة وده خطر جدًا!
⚙️الأنبوبة دي بتتوصّل بجهاز تصريف خارجي شغال بالجاذبية… يعني كمية السائل اللي بتنزل بتعتمد على ارتفاع غرفة التصريف بالنسبة لراس المريض.
🔁نفس الفكرة بالظبط بتتعمل في الظهر واسمها Lumbar Drain، خصوصًا بعد عمليات العمود الفقري… بتقلل الضغط على مكان الجراحة وبتمنع إن السائل النخاعي يهرب من الجرح.
🧠ملحوظة: لازم نتابع كمية السائل اللي بتتصرف ونتأكد إن الجهاز متظبط في نفس المستوى الصح، عشان لا يسحب أكتر من اللازم ولا يسيب السائل يتجمع!
احنا مش بنهبد
احنا بنوصل معلومه 🌺
