Step by step خطوة بخطوة للاستشارات التربوية

16/04/2022

13/04/2022

👈 تدريب للأطفال ( العاديين وتأخر اللغة ) :-
📍 ينمي مهارات اللغة التعبيرية .
📍 يعزز المفاهيم حول الاشياء .
📍يستطيع التدريب علي إجابة الاسئلة البسيطة
👏 نستخدم هذا التدريب كلعبة مع الام والاخوة ونطبق الفكرة معلي باقي الاشياء الاخري الموجودة في المنزل .
شكرا ✨ ل ( أنامل) جزاكم الله خيراً

01/04/2022

كيف يدرك طفلي الصيام ؟
سأل طفل امه هو احنا بنصوم ليه يا ماما ؟!
الأم طبعا من دون ادني شك اجابته عشان يا حبيبي نحس بالفقراء
ف الولد ماشاءالله نبيه 🙃
قال يا ماما طب ما الفقراء كمان بيصوموا ؟
الحقيقة إن ده موقف بيتكرر كتير حتي لو مفهمناش وقتها
طب يلا نعيد الموقف ده تاني ونشوف هنقول ايه مع بعض
ماما احنا بنصوم ليه؟
لان الصيام يا حبيبي بيعلمنا الصبر
إزاي !
اولا :- ننتظر علي الطعام والشراب اساسيات الحياة من وإلي اوقات محددة ( من الفجر حتي المغرب ) امتثالا لأمر الله
الانتظار ده بيعلمنا الصبر بيقوي قدرتنا علي الاحتمال بيخلينا نتحكم اكتر في نفسنا يقوي شخصيتنا وعزيمتنا اكتر وكمان تربية للنفس
ربنا سبحانه وتعالى هيجازينا خير كتير اوي في الدنيا والاخره وفي الحديث القدسي ( إلا الصوم فإنه لي وانا اجزي به )
واحلي فرحة للصائم فرحة الافطار وفرحته بجزائه يوم لقاء ربه 🥰😍❤️❤️

اذا كان الطفل اصغر ولا يقوي علي الصيام نساعده بالتشجيع والتدريب ( صيام متدرج ) ينصح البعض ان يصوم من الفجر للظهر او العصر
وينصح بعض الاطباء ان يتناول الطفل وجبة الإفطار ويمسك عن الطعام من الظهر او العصر حتي المغرب لسببين :-
أولا لأن وجبة الإفطار ضرورية جدا للأطفال .
ثانيا حتي يفرح بصومه مع الاسرة اثناء الإفطار ويشعر بقيمة الصوم والتدريب عليه 💓.

25/03/2022

كل سنة وكل المتابعين بخير ❤️ ودوماً في تقدم وازدهار وأقرب الي الله
نهنئ أنفسنا وإياكم بقرب قدوم شهر الخير والغفران 💓
شهر رمضان المبارك 🎊
🔥🔥ا نتظرونا في بوست خاص عن ( ازاي اوصل لابني فكرة الصيام والفائدة من الصيام بطريقة تناسب عمره )
هل الصيام عشان نحس بالفقراء زي ما كانوا بيقولولنا زمان 🙋؟
طب ما الفقير كمان بيصوم ؟
واذا كان الصوم عن الاكل🫕 لنشعر بالفقير الجائع إذن لم نصوم عن الماء ايضاً؟
كل هذا واكثر سوف نتحدث عنه بشئ من التفصيل في البوستات القادمة
انتظرووووووونا 🎉💥🔥🔥

17/03/2022

التبول اللا ارادي الجزء الثاني 🙋
كنا في منشور 📣 سابق اتكلمنا عن حيل بسيطة عن التبول اللا ارادي
النهاردة هنتكلم عن بعض المكونات الطبيعية اللي تقدر تعتمد عليها كل الامهات مع اولادهم :-
1- العسل :-
يعتبر العسل من اهم المكونات الطبيعية التي تساعد في علاج التبول اللا إرادي عند الاطفال لأنه يساعد في تهدئة الاعصاب وإزالة حدة التوتر ؛كما يساعد الجسم في التخلص من السوائل الزائدة في الجسم قبل الخلود إلي النوم ومن أفضل الانواع ( عسل السدر الجبلي ) .
2- الزنجبيل :-
إضافة ١/١٠ من كمية العسل زنجبيل وخلطهم مع بعضها جيداً ثم يتناولها الطفل قبل النوم كل ليلة ملعقة تعطي نتائج إيجابية .
( إضافة 20 جرام زنجبيل علي 200 جرام من العسل )
3 - البابونج :-
من أهم المشروبات التي تساعدنا جميعاً على الاسترخاء وتستخدم من قديم الازل كعلاج فعال وآمن علي الاطفال لتقليل التبول اللا إرادي .

14/03/2022

(وما توفيقي الا بالله)
خبر عظيم لكل متابعينا ❤️❤️
تم بحمد الله وفضله إنطلاق الجلسات الافتراضية اون لاين ( جلسات. تخاطب - جلسات استشارات تربوية ونفسية للأطفال)
و عشان المناسبة السعيدة دي عملنا مسابقة كبيرة 🎉 هيفوز فيها 10 اشخاص 💝🙂
أول 5 معانا هيكون فائز بجلسة تقييم وتشخيص تخاطب واضطرابات النطق 🍀🗣️ مجانية لمدة 45 دقيقة أون لاين ( بحضور ولي الامر )
المجموعة التانية 5 فائزين بجلسة استشارات نفسية وتربوية للأطفال مجانية 45 دقيقة اون لاين 😻✨ ( بحضور ولي الامر )
طب ازاي أحدد انا عاوز اكسب في المجموعة الأولي ولا التانية ؟ 🤔😌
🎯 شرط المسابقة للمجموعة الأولى اكثر 5 اشخاص متفاعلين بالتعليقات علي البوست ✅
والمجموعة التانية ؟؟؟؟؟
اكثر 5 اشخاص متفاعلين بالمنشن لأصحابهم 💜🧡 ✅

المسابقة تبدأ وسيتم الإعلان عن نتائج المسابقة والفائزين بالجوائز قريباً 💥😻✨✨✨✨🎉🎉🎉🎉

07/03/2022

من افضل ما قيل في التربية ❤️❤️❤️
اذا كان لديك أي استفسار فوراً ارسل لنا عبر رسائل الصفحة الخاصة وسنقوم بالرد عليك في أقرب وقت ممكن 🌹🌹🌹

06/03/2022

عاوزة اتأكد إن ابني معندوش مشكلة في النطق بس هو لسه رضيع 🙂 المفروض اعرف ازاي ؟! (0-6) شهور
✨ فحص السمع 👂في عمر اليوم
✨ بيقدر ينتبه علي الاصوات العالية 📢
✨ بيتواصل بصرياً مع أمه في وقت الرضاعة - وقت اللعب .
✨ يصدر ايماءات وإشارات مناسبة 😼😬🤨🥱 .
✨ يصدر اصوات ( ضحك - بكاء - المناغاة) 🙂😆😭
👈 لو عاوزة تعرفي اكتر عن حالة طفلك 😌🧩 اتواصلي معانا علي رسائل الصفحة الخاصة 👍 وسيتم الرد عليك في أقرب وقت ممكن 🌹🌹🌹 .

04/03/2022

الوحدة 💔 اصعب شعور للإنسان البالغ ؛ إنه يحس بالغربة وسط مجتمع من الناس .
لكن السؤال هنا هل الاطفال عندهم شعور الوحدة ؟؟؟؟
شعور الأطفال بالوحدة يأتي اولاً من سوء الفهم الناشئ بين الاهل والاولاد ؛ مع متاعب الحياة وعبء المسؤلية يفقد الاهل قدرا من استيعابهم لاولادهم .
لما👈 طفل ينسحب اجتماعيا من اي لقاءات او تجمعات عائلية خوفاً من التنمر او تفادياً لأي هزار ووضعه تحت الضوء .
لما طفل يشعر إن محدش فاهمه ولا حاسس بيه خصوصاً اطفال ( ADHD) يلجأ إلي الصمت - العدوانية - تجاهل الاوامر - الكذب وغيره .
لما 👈طفل يتحول للعند ويتعمد اظهار اللامبالاة في تصرفاته املاً منه لجذب الاهتمام ليه او رد فعل ما اتجاه بعض المواقف .
لما طفل يهمل مظهره الخارجي ونضافته الشخصية ليس لديه القدرة للشعور بذاته وتقديرها بحق .
لما 👈طفل ميقدرش يعبر عن نفسه ويوصف مشاعره سواء بالكلام او حتي بالبكاء ( الصمت الاختياري - اضطراب التلعثم ).🗣️
لما 👈طفل يعاني غارق في مشاعره مش قادر حتي يطلب مساعدة ❤️‍🩹
لذلك لابد🧩 وضروري أتابع أطفالي بشكل دوري؛ لا أطمن للتغيرات النفسية التي تطرأ عليهم كما انه لابد ان اكون علي دراية بما يحدث في حياة صغيري قدر المستطاع.
🎯 تقوية علاقتي بابني هي الضمانة الوحيدة لتجاوز كل الصعوبات اللي بنمر بيها سوا 🧡🧡
👇 اذا كنت تعاني مع أطفالك بهذه المشكلة الكبيرة يرجي فقط التواصل عبر رسائل الصفحة وسنقوم بالرد عليك في اقرب وقت ممكن 🌹🌹🌹🌹🌹

01/03/2022

أحد أهم وأقوي تدريبات المشاعر والانفعالات
مناسب لكل الاطفال وخاصةً أطفال التوحد
فقط ادخل على الرابط التالي لمشاهده الفيديو 👇👇👇👇👇👇👇
https://youtu.be/cm3782LNqZ4

28/02/2022

-انا وديت ابني في مدرسة انترناشيونال وبنتكلم معاه انجليزي في البيت 😊
طب والعربي ؟
-هااااا 🙄
كل الدراسات والتوصيات برا وجوا بتأكد على ✍️ ضرورة اتقان الطفل في السنوات الثلاث الاولي للغته الأصلية ( اللغة الأم)
- مظبوط لكن انا بحب ابني يكون معاه لغة تانية متمكن منها هتساعده كتير لما يكبر .
- كلام حضرتك علي عينا وراسنا لكن يفضل حضرتك ده بعد ما يتقن اللغة العربية تماما قراءة وكتابة يعني بعد ٧ سنين .
- طب انا لو معملتش كده هيحصل ايه؟؟
سؤال حلو 😊 بتعرفي تعدي لحد كام 😂 :-
👈 عدم القدرة على اكتساب مهارات نطق اللغة العربية بشكل صحيح.
👈 صعوبات التعلم لمهارات اللغة العربية الاكاديمية والقراءة والكتابة والاملاء ( تأثير مباشر علي مستواه الدراسي)
👈 انخفاض في قدرته علي التواصل مع أهله وأصحابه خصوصاً لو بيقيم في دولة عربية .
🎯 عشان كده ضروري منستعجلش في قرار مهم زي ده ومهما كانت اللغات التانية مهمة وفرص العمل بيها اكبر و و و و لكن إنه يتقن لغته الأساسية ده ضرورة لابد منها .
للاستفسار يرجي التواصل عبر رسائل الصفحة الخاصة
دمتم بخير وعافية. 🌹

25/02/2022

https://youtu.be/5DatU3spT9s
انشطه التطابق والتصنيف الالوان الاساسية بخامات بسيطة موجوده في كل بيت ....تابعونا وادعمونا باللايك والشير
اضغط على الرابط لمشاهدة الفيديو ... منتظرين تعليقاتكم واقتراحتكم 😊

هذا التدريب مناسب لفئات ثلاث سنوات فما فوق يساعد الطفل على مهارات الفرز والتمييز والتطابق وتقوية قبضة اليدمتنسوش لايك وشير subscribe