Laila kids clinic إســــال د. لــيــلــى شوقى

27/12/2025

🥰🥰🥰🥰🥰

06/10/2025

طبيعي ولا مش طبيعي🤔🤔😊😊😻😻

✅ طبيعى الطفل حديثى الولاده انه يعمل حمام بعد كل رضعة بس مش الطبيعى انه وزنه مايزيدش عشان نفرقه عن حساسية الالبان

✅ طبيعى وزن الطفل حديثى الولاده يقل بعد الولاده بس وزنه يزيد كيلو الا ربع فى المتوسط شهريا اول ٤ شهور .

✅ طبيعى الطفل حديثى الولاده الخنفره بس الخنفره البسيطه اللى ما تأثرش على التنفس .

✅ طبيعى الطفل مايعملش حمام ومعانا لاسبوع بس لازم اول ٣٦ ساعة يعمل حمام براز .

✅ طبيعى مع بعض الاطفال الترجيع من اول يوم وده بياخد وقت ممكن ل ٦ شهور او سنة بس مش الطبيعى ان وزنه مايزيدش .

✅ طبيعى سرة الطفل تقعد لحد ٤٥ يوم لحد ما تقع بس مش الطبيعى ان السره تبقى خضره كلها ومافيش فيها اى علامات الالتئام والتجلط .

✅ طبيعى فى بعض الاطفال النفس بيزيد وبيحتاج حضانة بنسميها ارتفاع النفس المؤقت للاطفال بس مش طبيعى اننا نستبعد الاسباب المرضية لسرعة النفس وامراض القلب .

✅ طبيعى طفلك يكون عنده صفرا خفيفة من اليوم التانى او التالت بس مش طبيعى صفرا من اول يوم .

✅ طبيعى سندة الرأس تقعد ل ٥ شهور بس مش طبيعى لو أخرت عن ٥ شهور .

- طبيعى التسنين يأخر بس مش طبيعى انه يأخر عن سنة وشهر .

✅ طبيعى الطفل يقعد للسابع او التامن لحد ما يقعد لوحده بس مش طبيعى بعد العاشر ولسه ما قعدش .

✅ طبيعى الطفل يمشى ومايحبيش بس معانا لسنة ونص بعد كده ندور على المشكلة .

✅ طبيعى البرد لطفلك يكون معاه سخونة بس مش طبيعى السخونه زايده خصوصا فوق ٣٩ درجة او كحة ببلغم اصفر او اخضر .

✅ طبيعى يكون فى شوية سخونة بسيطه مع التسنين بس مش طبيعى اسهال ونزلات معوية وشعبية.

✅ طبيعى كلام الطفل يأخر بس على سنة ونص يكون قايل كلمات ولو بسيطة .. كلمات تكفى مش لازم جُمل .

✅ طبيعى السخونة مع التطعيمات بس مش طبيعى اننا نطعم الطفل وعنده سخونه عالية نأخر التطعيم لحد السخونة ماتخف .

✅ طبيعى دور البرد والرشح ييجى للطفل مرة او اتنين بس مش طبيعى ان ابنك طول الشتاء مناخيره نازله ورشح وكحه مستمرة لازم نفكر فى الحساسية .

25/09/2025

خطر في اللانش بوك
يا أمهات خلوا بالكم على صحة ولادكم 💖
❌ بلاش نحط جبن نباتي (مليان زيوت مهدرجة).
❌ بلاش المصنوعات (لانشون – بسطرمة – برجر).
❌ بلاش العصير المعلب (سكر ومواد حافظة).

✅ كل ما كان الأكل طبيعي وطازة، كل ما حافظنا على مناعة وصحة اطفالنا

09/08/2024

👌👌👌

25/04/2024

😂😂😂

حسي بتأنيب ضمير وانا بسحب الكحكة التاسعة
ضميري :

30/03/2024

الربيع وتقلبات الربيع اللي كلنا عارفينها بلاش كل الناس تنصح الأمهات يخففوا و يتقلوا بدون الرجوع للأرصاد و تقلبات الجو....🙄
اسكندريه بالذات لسه عليها شويه لاستقرار الجو
مفيش داعي للتسرع
تخفيف الملابس الافضل يكون بشكل تدريجي🥰

غير كده بيدخلوا في أدوار تعب خصوصا أطفالنا الحلوين اللي بيعانوا من الحساسيه سوا جيوب انفيه او صدريه
بلاش نصايح غريبه علشان حقيقى الأمهات مش ناقصه!🤩🤩

05/03/2024

⛔ أهم قواعد ادخال_التغذيه_المنوعه_للرضيع:

نبدأ بنهاية الشهر الرابع

الغذاء الأول الذي نبدأ به هو مشتقات_الرز و الخضار ثم الفواكه.

نبدأ بكميات قليله و بنوع_واحد وتتم الزيادة بالتدريج. ويفضل البدأ بالخضار المطبوخه

يفضل عدم خلط أكثر من نوع من الخضار والفواكه قبل عمر 7 أشهر

من المهم عدم ادخال نوعين من الاغذيه بنفس الوقت وأن يكون هناك فاصل 3_5 ايام على الاقل

❌ لا يجوز اعطاء الماء قبل الشهر 4

❌ ممنوع الملح والسكر قبل عمر السنة⁦.

❌ لا ينصح بعصير الفواكه تحت السنه
⁦✍️⁩ ببداية الشهر ال 5 نعطي الرز والخضار والفواكه
⁦✍️⁩ بداية الشهر ال 6 ندخل صفار البيض والتمور والشوفان
⁦✍️⁩ ببداية الشهر ال 7 بياض البيض والقمح
⁦✍️⁩ ببداية الشهر ال 8 ندخل اللحوم (_لحم الدجاج الرومي الارانب_سمك)
⁦✍️⁩ بداية الشهر ال 9 ندخل الاجبان والزيوت
⁦✍️⁩ بعد السنه ندخل اللحوم الحمراء و العسل واللبن البقري

14/09/2023

- هل مفيد شرب المشروبات #الغازية أثناء فترات القيء والاسهال..؟؟

- شرب المشروبات الغازية أو السفن أب مضر لعلاج الطفل المصاب بالاسهال أو القيء: فهي لا تغني عن محاليل معالجة الجفاف بل انها تؤخر الشفاء كذلك.

- حيث تحتوى على السكر بنسبة تصل إلى سبع أضعاف المسموح به و تكاد لا تحتوى على الأملاح الضرورية للطفل . و فوق ذلك فهى تضر حيث أنها قد تزيد من الإسهال و تسبب إنتفاخ لدى الطفل .

- و نعود فنأكد أن أفضل سوائل لمعالجة الجفاف الرضاعة الطبيعية للأطفال الرضع و المحلول الطبى لعلاج الجفاف المتوافر بالصيدليات ( الذي يحتوي على الصوديوم والبوتاسيوم والكلور ORS)... .

دام أطفالكم سالمين 😍😍

09/06/2023

جمعه مباركة 🤲

09/06/2023

متخففيلي يا تيتة أوام يا تيتة...
شغليلي المروحة والتكييف يا تيتة...
ده الحر هيبهدلني.. هيبهدلني ياتيتة💃..
البيبي المولود بني آدم.. بيحس بالحر والبرد زى وزيك
والتدفئة الزايدة ممكن تسببله مشاكل زي ارتفاع بدرجة الحرارة والجفاف وزيادة الصفرة
المواليد تلبس بنص كم عادي وتقعد في
والمروحة.

18/05/2023

خلوا بالكم علي اطفالكم من فييروس الروتا .. نشط جدا الايام دي .. علاجه مش سهل خالص
التطعيم للطفل مش كافي لمنع الاصابة .. يعني ممكن يكون طفلك اخد التطعيم ويصاب عادي ودا وفقا لحالات كتير اتصابت وكانت واخده التطعيم .. طيب ايه فايدة التطعيم ؟ .. بيقلل من خطورة الفايرس عند الاصابة وبيكون العلاج اسهل والاعراض اخف شوية

ايه هي اعراض المرض ؟
بيبدأ بقئ ثم القئ يزيد .. بعدها ارتفاع درجة حرارة تدريجي .. ثم اسهال بسيط وبيتزايد بشكل كبير .. وقتها لازم زيارة الطبيب بسرعة

امتي يبقي المرض يبقي دخل في مرحلة الخطورة الاولي ؟
القئ اكثر من ٤ مرات في ٢٤ ساعة .. الاسهال اكثر من ٦ مرات ..ارتفاع درجة الحرارة وعدم الاستجابة للخافض

طيب هل في مسمي تاني للمرض ؟
طبعا ممكن الدكتور يقول نزلة معوية او برد المعدة
وفي نوعين للنزلة المعوية اللي هي الروتا .. معوية بكتيرية او فيروسية .. الاخطر الفيروسية لأن علاجها بيطول شوية

طيب امتي يكون الخطر كبير .. لما القئ يتزايد والاسهال ستمر كل ساعة او ساعتين .. يعني الطفل يسهل كل ساعتين او ساعة واوقات بيسهل كل نص ساعة او اقل .. وقتها لو حتي الطبيب كاتب للطفل محلول ملحي اللي هو غالبا بيكون هيدرسيف الطفل مبيقدرش يعوض السوائل اللي نازله منه وبيكون معرض للجفاف ووقتها لازم لازم لازم الذهاب للمستشف و يمكن الحجز وتعاطي محاليل عن طريق الوريد حتي لو الطفل رضيع

ايه هي درجات الجفاف ؟
جفاف بسيط ومتوسط وخطير ودا وفقا للاعراض اللي بتتظهر علي الطفل .. والاعراض دي بتزيد وبتخلي الجفاف يتخطي المراح الاولي البسيطة للخطيرة كلما اتأخرنا في العلاج بالمحاليل الوريدية .. يعني عامل الوقت هو الشئ الاساسي في العلاج

ايه هي اعراض الجفاف ؟

الطفل بيبقي ملهوف علي شرب المية او اي عصاير حتي بيبقي ملهوف علي شرب المحلول الملحي اللي في البداية بيكون رافضة

الطفل وشة بيخس وجسمه بيبدل وعنيه بتدخل لجوا وبيبقي همدان طول الوقت .. ساعتها لازم لازم الذهاب للمستشفي

طيب مدي خطورة المرض وامكانية العلاج

مجرد البدء في العلاج الامور بتبدأ تستقر مع الوقت وهما في مستشفيات الاطفال بيبقوا فاهمين

دورة الفايرس بتخنلف من حالة لاخري ممكن تبقي اسبوع او اسبوعين

وصايا

متديش ابنك مضاد حيوي عم طريف الفم .. غلط بيزود الاسهال وبيهيج جدار المعدة والطبيب اللي يكتب المصاد الحيوي عن طريق الفم بيبقي مش فاهم

ابعدي عن اي طعام مليين زي الكوسة مثلا واظبي علي الرضاعة الطبيعية

لو الطفل بيرضع صناعي يفضل تغيير نوع اللبن الي اي لبن fl

متضغطيش علي الطفل بالاكل طالما بياخد محاليل .. هي بتعوضه لكن لازم نعود المعدة علي الاكل بشكل تدريجي

25/01/2023

الناس اللى بتقول الأوميجا بتقوى الذاكرة.. الأوميجا متاخده من السمك والسمك معروف معندوش ذاكرة أساسًا؛ فلامؤاخذه يعنى
كان السمك نفع نفسه..