أسماء إبراهيم

أسماء إبراهيم كاتبة روايااات

14/02/2022

"على نية قضاء حاجتي وحاجتك."
إستغفِروا

' أن الله أذ أراد أن يجمع بين قلبين سيجمع بينهما ولو كان بينهما مداد السموات والأرض ' 💙
14/02/2022

' أن الله أذ أراد أن يجمع بين قلبين سيجمع بينهما ولو كان بينهما مداد السموات والأرض ' 💙

شيماء سيف
11/02/2022

شيماء سيف

12/08/2021

التفاصيل 🌓 :
وجهين لعمله واحدة ، ممكن اول متشوف الكلام متفهمش يعنى ايه التفاصيل وجهين لعمله واحدة !؟
بأختصار كدة ان التفاصيل دى ممكن تكون حاجة بتفرحك أوى وترتب كل الدوشه اللى جواك بس فى نفس الوقت هى حاجة مميته جدا مهما كانت نسبه الفرحه بتاعتها ، يعنى نقدر نقول سلاح ذو حدين ، ومن هنا اظن الفكرة والكلام بقى أوضح واسهل شويه ونقدر نتكلم فيه بحريه وسهوله يتفهم بيها .
من الكلام كدة نقدر نفهم ان التفاصيل دى اى حاجة صغيرة ممكن تحصل فى اليوم وممكن برده تكون حلوة او وحشه ولأننا قولنا انها حاجات صغيرة ف بالتالى الناس مش هتاخد بالها منها ودة لأنها حاجات صغيرة مش لانها مش مهمه ، ودة الصح والطبيعى والشائع كمان ، لكننا عارفين ان لكل قاعده شواذ ؛ طب ايه الحاجه الشاذة اللى ممكن تحصل هنا !؟
الحاجة الشاذة دى بتختلف فى درجاتها كمان ، بتبدأ بأن بعض الناس بياخدوا بالهم من التفاصيل دى ، وناس بتركز فيها ، وناس تانيه تبدأ تحللها ، لحد أما نوصل للناس اللى بتقصر فيها كل التفاصيل سواء بالسلب او الايجاب وبتمر بكل المراحل بتاعتها المختلفه كمان ، طب يعنى ايه برده الكلام دة !؟
تعالوا نفهم سوا واحدة واحدة يعنى ايه الكلام دة وايه اللى بيحصل فى كل مرحله !!!
اول حاجه اننا ناخد بالنا من التفاصيل ، يعنى ايه !؟ يعنى : ان حد يعمل اى حاجة صغيره ممكن اول مرة مناخدش بالنا منها بس مع تكرار الحاجة دى والموقف هنبدء نلاحظ مجرد ملاحظه ، ان فى حاجة متغيرة او حاجه بتحصل او ان فى حاجة مش طبيعيه فى الموضوع حتى لو كانت بالايجاب برده زى مثلا : ان حد يكون مركز فى تفاصيلك وتلاقيه كل مرة بيقول ويعمل الحاجات اللى انت بتحبها فأنت بتلاحظ وتاخد بالك ودة بيعود عليك بالفرحة .
تانى مرحله بقا : ان الإنسان يركز فى التفاصيل دى ، فى ناس هتقول وايه الفرق انه يلاحظها ويركز فيها ، يعنى ايه الفرق بين المرحلتين ، وهنا هقولك ان فى فرق كبير اوى انك تلاحظ التفاصيل دى بسبب تكرارها وتبقى حاجة تفرحك او تزعلك ولكنها شئ عابر غير مهم بالمرة ، يختلف تماما عن انك تركز فيها وتبقى مستنى تحصل واما تحصل تبدء تحللها عشان تعرف معناها وتبدء تبقى محور التفكير وتقصر على يومك وحياتك بشكل سلبى حتى لو كانت تفاصيل ايجابيه وتدخل نفسك فى مراحل مختلفه وتعب وتوهان وحاجات تانيه كتير من مجرد انك ابتديت تركز اوى فى التفاصيل دى وتستنى انها تحصل وانك رابط حياتك عليها لو حصلت هتفرح ولو لا هتزعل والناس اللى ممكن يومها يتقفل بمجرد ان حصل موقف صغير لا يذكر محدش اخد باله منه غيرها وزعلها بجد وساعتها الحياه تقف وهكذا واكننا بنمر فى دائرة مقفوله .
وهنا الشخص دة مش بيكون نكدى او بيحب يعقد كل حاجة بالعكس دة شخص مر بصعوبات كتير اوى فى حياته ، بدأ يهرب منها فى صورة انه مستنى اى حاجة كويسه تعيشه وتحفزه للأيام الجايه ، بدأ يركز فى التفاصيل والوشوش على أمل تحصل حاجة تفرحه حتى لو من غير قصد اللى عملها ، ولكن بالرغم من كدة كان بيلاقى حاجات تزعله وتحبطه اكتر من الواقع اللى هرب منه والحياة اللى كان عايش فيها ، والاصعب من كدة انه بدأ يسكت لان محدش بيحس ولا بيشوف التفاصيل غيره وبس وبدأ انعزاله يزيد ويزيد ويزيد يوم بعد يوم ، فحقيقى رفقاً بالناس دى ، الناس الحساسه اللى بتسرح كتير وتعيط اكتر من غير سبب ، وهما مش بيحبوا النكد زى مأنت فاكر وبتقول ولكن هما بقوا كدة لأن سبب الدوشه اللى جواهم اكبر بكتير من اى حاجة هيحكوها ، لان الناس دى نضيفه بجد كل ذنبهم انهم فكروا يهربوا من الواقع الاليم لخيال اكثر ألماً .
وعشان كده التفاصيل وجهين لعملة واحدة ، وسلاح ذو حدين 🌚🌝

26/03/2021

فضفضه 🥺💔 :
اول مرة اكون محتارة وانا بكتب ، مش لاقيه كلام اكتبه ولا حاجة تتقال ، بس اتعودت انى اما ازعل اكتب ، يعنى بطلع اللى جوايا فى الكتابه على هيئه حكايه ، بس ياترا الحكايه النهاردة عن ايه !؟ ، فى الحقيقة هى حاجات كتير اوى ؛ دوشه وفوضى ؛ حتى مش لاقيه مسمى ليها ، بس كل جزء فيها ملوش علاقه بالتانى ، كل جزء من روايه وحكايه قديمه ، ممكن نبدء بالعشم : العشم اللى بيقتل كل حاجة حلوة جوانا لو مكانش فى مكانه الصح ، العشم عامل زى الثقه لو اتكسرت مش هتتصلح تانى ، ممكن تتلزق وتحاول تعدى الدنيا بس لو نفس الجزء اتكسر مرة تانيه هيجيب القديم والجديد ؛ مش عارفه لحد دلوقتى الكلام دة صح ولا غلط ، بس احنا بشر بطبيعتنا بنتعشم فى الناس اللى حوالينا ، الناس اللى بنحبها ، الناس اللى بتكون شبهنا ، او اللى كنا فاكرينهم شبهنا ، عارف احساس انك عملت كل حاجة حلوة للشخص وملاقتش نفسك فى الاخر ، قدمت كل حاجة جواك عشان تلاقيه مبسوط وفى النهاية اكتشفت انك مش موجود ، طب عارف احساس التوهان والدوشه اللى جواك ، طب عارف احساس انك بتعتذر على اى حاجة عشان بس متزعلش اللى قدامك وتمشى المركب وبرده بيزعل والمركب بتتقلب بيك لوحدك ، مش عارفه ليه الإنسان اما بيخسر حد بيحبه الدنيا بتقف ، طب ليه الناس وقت الخناق بتفتكر الوحش وبس 🥺 ، ليه مش بتشوف الجزء الحلو ، الناس اللى باقيه ، الشخص اللى بيضحى ، طب عارف احساس الخذلان عامل ازاى !؟ انا بجد تعبت ، ناس كتير ممكن تقول انى بقول كلام كبير واكيد الموضوع كبير ، بس زى مبيقوله العتاب من باب المحبه ، فالزعل كمان بيكون على قد غلاوة الشخص ومكانته ، عمر الزعل مكان عالموقف على قد مهو الشخص ، ان الانسان يفكر مليون مرة انه هان على حد عمره مكان بيسيبه زعلان للحظه ، انه عاش عمره كله يدور على حد هو مبيدورش عليه .
مش عارفه كتبت قد ايه ولا حتى ايه الكلام اللى كتبته ، بس اللى اعرفه انه طالع من جوايا ، طلع بتعب لحد الفرهدة وهينتهى بالنوم زى كل مرة ، ممكن يكون دة اصغر جزء جوايا ، ممكن يكون الباقى مش عارف يطلع ، ممكن يكون كل الكلام ملوش علاقه ببعض ، بس انا بقاوم بقالى كتير اوى وبحاول ابقى كويسه ، ممكن ابان انى قويه وواقفه على حيلى بس اما بقع الواقعه بتطول ، بس فى النهاية بقوم لوحدى ، بقوم ساندة نفسى وبس ، بطمن كل الناس ، بحب كل الناس وبعمل عشانهم كل حاجة حلوة ، فى المقابل مش لاقيه اللى يطمنى ولا حد بيعمل لوحده حاجه حلوة عشانى من غير مناسبه ، حاجه تفرحنى بجد ، مع انى والله بفرح بأقل حاجة 💔 ، بمجرد كلمه حلوة حتى لو عارفه انها كدب 🥺 بس حتى ديه مش موجوده ، والله انا مش وحشه ولا استاهل كل دة بجد 💔 مستاهلش اى حزن ولا وجع ولا اى حاجه من اللى بكتبه ، بس عند ربنا زى مبقول كل مرة هو احسن وعنده كتير ، واكيد خير ليا حتى لو انا مش شايفه دة فى الوقت دة بس الحمد لله يااااارب 💔🥺

17/03/2021

فضفضه 🥺💔 :
ممكن الكلام اللى هيتقال دة يبقى ملوش عنوان بس اكيد ليه معنى ، يعنى مجرد فضفضه جوه القلب وخلاص ، او نصيحه لوجه الله ، او اى مسمى تانى .
من فترة صغيرة عرفت حاجة حلوة اوى ، كانت سبب فى راحه كبيرة اوى بالنسبالى بعد فترة تعب وحزن كبيرة ، ممكن تكون واضحه لناس كتير وعرفينها وممكن لا ، وممكن برده ناس تكون عرفاها بس رافضه ومش قادرة تصدقها زى مأنا كنت بعمل كدة ، بس جرب تصدقها زيى كدة هتحس براحه فوق الوصف ، وهى : ان مش لازم كل انسان يعاملك بالطريقه اللى انت بتعامله بيها ؛ مش لازم عشان انت بتحب حد يكون هو كمان بيحبك ؛ مش لازم عشان تكون بتعتبر ان حد صاحبك هو كمان يعتبرك صاحبه ، مش لازم عشان انت حاطط انسان فى مكانه معينه فى قلبك هو كمان يحطك فى نفس المكانه دى ، مش كل الناس بتعمل كدة ، بس فى الوقت اللى هتصدق الكلام دة وتقتنع بيه وتبطل تزعل نفسك وتجرى ورا اوهام فى دماغك انت وبس ومتشغلش حد غيرك هتبقى ريحت نفسك نص راحه ومشيت نص الطريق ، اما بقا النص التانى دة اما تصدق برده وتعمل بالمقوله اللى هقولها دلوقتى ، لا وكمان ياريت تخليها قاعدة فى حياتك كلها وهى : " لكم منى ما رأيته منكم " يعنى بالبلدى كدة تعامل كل انسان بمعاملته ، بلاش العشم الزايد والنبى عشان فى الاخر مبيكسرش غير صاحبه ، بلاش تحط نفسك فى مكانه كبيرة عند الناس عشان لو هما مش حطينك فى المكانه دى فعلا انت هتتوجع وتزعل اوى ، واسوء انواع الزعل واحساسه اما تزعل على نفسك ، بس ساعتها مش هيكون العيب فيهم ولا الذنب ذنبهم ، لا بالعكس هيكون ذنبك انت فى وجع قلبك دة ، لأنك بتتوقع حاجات مش موجوده اساسا ، وبتحط نفسك فى مكانه مش ليك فى قلوب الناس دى ، فبلاش تفرض نفسك على حد ، عزز نفسك لانها غاليه اوى ، وياريت تصدق احساسك لانه فى الغالب دة لو مكنش دايما بيكون صح ، ومرة تانيه بقولك بلاش العشم الزيادة لأنه والله مبيكسرش حد فى الاخر غير صاحبه 🥺

05/03/2021

الحظ 💜 :
يعنى ايه حظ !؟ ، وليه ناس كتير بتقول انا معنديش حظ ؛ انت محظوظ ؛ انا حظى وحش ؛ انا حظى كدة طول عمرى ، وكلام كتير من دة ، كل دة كلام بيدور جوانا بس مش اى حاجة جوانا بتكون صح ولا نقدر كمان نحكم عليها بالفشل والغلط ، بس فى حاجات بنفهمها ونقرر على اساسها الصح من الغلط ، زى بالظبط معطيات الهندسه : بما ان ؛ اذن ، لحد اما نوصل ياترى اذن دى هتكون نتيجه صح ولا غلط !؟
" لولا اختلاف الازواق لبارت السلع " وبرده اختلاف الآراء فى اى موضوع مطروح للمناقشه بيخلق مزيج من الحلول والاراء ودى حاجة مفيدة عشان كل انسان يختار الاحسن له ، بس بشرط ان كل الآراء دى يكون متفق عليها يعنى اكتر من طريق قدامك وانت تختار تمشى فى اى واحد فيهم .
اما بقى فى موضوع الحظ دة فمن رأيئ : ان مفيش حاجه اسمها حظ ، ممكن نستبدل كلمه حظ دى بكلمه نصيب ، يعنى لو حاجه حلوة حصلت يبقى لينا نصيب فيها وخير لينا وفرحه كانت متعلقه بالحاجة دى ؛ والعكس صحيح برده ملناش نصيب فيها ، زى مبيقولوا كدة : لو كان خيرا لبقى .
من هنا ممكن نعرف ان مفيش انسان محظوظ ومفيش حاجه نلبسها تجيبلنا الحظ ؛ لكن فى حاجات لينا نصيب فيها ؛ حاجات مكتوبه لينا ؛ حاجات وجودها بيبقى خير كبير فى حياتنا ، الخير والنصيب والمكتوب احسن بكتير من كلمه حظ 💜💜💜

04/03/2021

الحياه 💜 :
بالرغم من اختلاف وصف الناس ليها بدايه من : الرحله للمسرح للدائرة ، يعنى نقدر نقول انها شملت أسامى كتير ومعانى اكتر ، إلا انهم اتفقوا على ان لكل شخص فى الحياة دى حكايه وحدوته هو بطلها ، فهى فعلا رحله الانسان بيختار فيها الأماكن اللى هيزورها ويعمل فيها ايه كمان ، ومسرح وسيرك كبير كلنا جواه عبارة عن عرايس بتحركنا الايام والمواقف ، يعنى ممكن نقول انها عامله زى الفيلم كله بيمثل ويلعب على بعضه والانسان بقا بيختار إما ان : يؤدى دوره بإتقان عشان يبقى ممثل شاطر ويفوز فى النهاية ؛ ولا يلعب ويتسلى ويقضيها ويفضل طول عمره كومبارس ، وناس تانيه تقول انها دائرة بنلف كلنا جواها فى نفس المكان المقفول اللى ملوش اخر غير فى حالة واحدة بس وهى : إن الدائرة دى تتفتح وتتكسر ويبدأ كل واحد يقع منها بدوره وميعاده ودى ساعتها بتكون النهايه ، نهايه اللعبه والحياة .
ويبدأ من هنا التفكير فى كل حاجة خاصه فى الرحله دى : ياترى ليه بدأت !؟ ايه الغرض منها !؟ ياترى ليا فائدة فى اللعبه دى ولا هخرج منها زى مدخلت !؟ طب ياترى امتى هتنتهى وهتنتهى ازاى !؟ طب ليه بدأت من الاول !؟ طب ياترى هبقى ممثل شاطر وافوز فى النهاية ولا هبقى كومبارس معملتش حاجة غير التسليه !؟ ، اسئله كتير بتدور فى ذهن كل انسان او الاغلبيه العظمى ، ممكن يكون جزء من الاسئله دى ليه إجابات وكتيرة كمان ، بس جزء تانى ملوش إجابات ، او ممكن يكون العقل البشرى لسه متوصلش لإجابات الأسئلة دى ، فى الوقت دة المفروض الانسان يبص لنص الكوبايه المليان والاجابات اللى فى أيده ، عشان يبقى ممثل شاطر ويفوز فى النهاية ، بس بقا الكومبارس هو اللى بيبص على النواقص دايما مش عشان يكملها لا ابدا بيبص بس عشان يعترض وفى الاخر بيلاقى الناس اتقدمت عنه وهو معملش اى حاجة فى حياته غير الفشل وانه ضيع عمره وبس ، عشان كدة لازم كل انسان يبص كويس للنص المليان عشان يقدر يخرج من الحياة دى ناجح وممثل شاطر كمان اما يجى وقته ودائرته تتفتح عشان يخرج منها 💜💜💜

02/03/2021

الصحاب والعلاقات المرهقه 🥺💔 :
علاقه الصحاب بتكون من ارقى واعظم العلاقات بين البشر ، بتكون مبنيه عالحب والصدق والإخلاص واجمل القيم ، بس الاهم من ده بقا يعنى ايه علاقات مرهقه !؟ وبتكون عبارة عن ايه !؟ :
هى كلمه واضحه اوى جايه من الإرهاق يعنى انسان مرهق ، يعنى تعب وزهق وفقدان الشغف ، علاقه بتاخد كل الطاقه والحيويه والحب والشغف والنور اللى جوانا ، علاقه بتخلع القلب من مكانه والروح من جذورها ، شوف بقا اما الاحساس دة يحصل مع الصحاب اللى المفروض هما السند والأمان ؛ الجزء الحنين والمريح ؛ النور فى الليالى والمواقف الضلمه وكل اللغبطه اللى جوانا ؛ متخيلين معايا كدة ان الجزء دة يبقى مرهق ؛ المكان الآمن والحرم المقدس يبقى متعب ، تخيل تفقد الشغف والحياه من جواك ؛ المكان اللى كنت بترتاح فيه يبقى نفسه اللى بقى بيتعبك .
؛ الشخص اللى كنت بتجرى عليه وتحكيله على وجعك بقى هو نفسه جزء من الوجع دة اللى مش عارفه تحكيه لحد ، اصلك هتحكى ايه كدة !؟ هتحكى تعبك ولا خذلانك ولا إرهاقك ، هتقدر تحكى اصلا للشخص اللى كان أمانك ولا هيبقى مصدر الضلمه والخوف اللى جواك ، اسئله كتيرة بتدور جوانا بس للأسف ملهاش إجابات مريحه ، تخيل الحياة وهى ارهاق فوق ارهاق كدة .
بس فى وسط الدوشه والزحمه اللى جواك دى هتلاقى نور ، ايوة نور وحاجات حلوة كتير ، نور ربنا ونور الحق اللى جواك ، نور كل حاجة حلوة كنت السبب فيها فى يوم من الايام ، هتلاقى الحياة اللى بجد جواك انت ، دور عليها بنفسك ، دور لوحدك من غير حد ، متشغلش نفسك بالناس ، خليك ورا احلامك ؛ ورا نور قلبك ؛ ورا إيمانك ؛ ورا كل حاجة حلوة فيك ، ساعتها بس هتلاقى الحياة ؛ هتلاقى الراحة والسعادة اللى بجد ؛ هتلاقى إجابه كل سؤال جواك ؛ هتلاقى نفسك ، انت المفتاح ؛ انت الحل 💜💜💜

19/02/2021

لا ننتمى للواقع 🥺💔 :
الجمله دى غريبه اوى من حيث المعنى والموضوع والمضمون كمان ، فى ناس كتير بتسأل نفسها يعنى ايه الكلام دة !؟
دلوقتى بقا هنعرف بإختصار كدة معنى الكلام دة وازاى بيحصل وليه الإنسان بيحس بيه !؟
بعد كل خطوة فى حياتك هتحس احساس غريب جواك وهو : انك مش شبه حد ؛ مش شبه المكان ولا الزمان اللى انت فيه ؛ مش شبه حتى نفسك اللى كنت متعود عليها ، بمعنى اصح ( لا ننتمى للواقع ) ، بتبقى مش عارف حاجه ، ولا انت عارف انت عايز ايه ولا تعمل ايه !؟ ، حاسه بتعب ، حاسس بطلوع الروح ، مش لاقى حل كل اللى بتعمله انك تقعد فى مكان ولا شبهك ولا شبه روحك ؛ تقعد مع ناس مش حاسس انهم زيك ، عارف احساس التوهان اللى جواك ؛ الصوت اللى دايما بينادى عليك من جواك ؛ التعب ؛ التوهان ؛ الحيرة ، كل اللغبطه والتعب اللى ملوش حل ولا اخر ، احساس انك عايز تكمل عشان متكونش لوحدك فى الحياة دى ؛ وفى نفس الوقت مش قادر تكمل من جواك فى المكان دة .
دى الحكايه كلها بس ياترى بقا فى حل !؟ فى فايدة من الكلام والنقاش فى الموضوع ده !؟ ممكن نسيب النهايه مفتوحه فى الموضوع دة واكيد مش هيكون اخر كلام ،
بس حبيت اختم اليوم بكلام وبشرة سيدنا محمد صل الله عليه وسلم وهو : طوبى للغرباء 💜💜💜

18/02/2021

الامان 💜 :
يعنى ايه الاحساس بالامان !؟
مع مين احس بالامان !؟
ايه فايده الامان دة !؟
انا نفسى احس بالامان !!
كل ده كلام و اسئله بتدور جوانا ممكن نكونوا عارفين اجابتها بس مش عارفين ان دى الاجابه ؛ زى بالظبط التلميذ فى الامتحان ممكن يكون عارف اجابه سؤال بس مش فاكر انهو سؤال اللى دى اجابته ، عشان كدة بيفضل الإنسان فى صراع بين تفكيره واحتياجاته ؛ بين العقل والقلب ؛ بين السؤال والجواب ، عشان كدة دلوقتى هنعرف ايه معنى الكلام دة كله .

اولا كدة يعنى ايه امان !؟ :
الامان يعنى اطمئنان ؛ يعنى تكون متطمن وانت مع حد ؛ مش حاسس بخوف من اى حاجة فى العالم ؛ ولا اذى من اى شخص ؛ مش شايل مسؤوليه حزن او حتى فرح ؛ بيبقى شعور غريب من السكينه ممزوج بالسلام النفسى ؛ انت متقبل اى حاجة هتحصل طالما متطمن .

ثانيا بقا مع مين نحس بالأمان !؟ :
والكلام فى الجزء والمجال دة يطول شرحه ، الاشخاص اللى بنحس معاهم بالامان كتير اوى بدايه من الطفل الصغير : اللى بيحس بالامان مع امه وبس اما يترمى فى حضنها ؛ خلاص كدة هو اتطمن واتحمى من الدنيا ومافيها ؛ الطفل دة بيشيل مامته مسؤوليه كبيرة اوى وهى : إنها تحافظ عالأمان دة ومتخذلهوش لانه لو اتخذل منها هيكون فقد ثقته فى العالم لان هى العالم بالنسباله ، وبرده الكلام دة ينطبق على اى شخص تحس معاه بالامان بجد ؛ الأمان اللى كنت بتحسه مع الام ؛ اى شخص تحس معاه انك متطمن ومش شايل هم حاجة ؛ عشان كدة الخذلان من الشخص دة بيبقى بمثابه الموت ، وهنفتح الكلام برده من ناحيه تانيه وهى : الأمان مع الله : ودة بقا اللى اغلب الناس بتحس بيه اما تبقى مع ربنا وتطمن ، بالبلدى كدة زى مبيقوله : تسلم امرها لله ؛ وتبقى فى رحاب ربنا ، ساعتها بتكون راضيه بقضائه واى حاجة هتحصل ؛ اذا كان اما بيكون الامان دة مع شخص عادى بتبقى متطمن معاه ، اومال بقا لو مع رب الناس كلهم ولله المثل الاعلى طبعا ، بس تقريبا دى الحاله الوحيدة اللى ممكن الانسان ميتعرضش فيها للخذلان .

وثالثا بقا ودة الاهم ايه فايدة الامان !؟ :
فايدته من معناه انك تبقى متطمن وراضى وسعيد ، عندك اقتناع باللى هيحصل مهما كان ؛ بتبقى طاير من الفرحه والسعادة وحاسس انك مالك الدنيا كلها لو اتطمنت بجد .

عشان كدة اخر حاجه حاول تطمن لو لاقيت الامان دة فى اى شخص ؛ اطمن بجد وارضى بس رضا حقيقى مع الانسان الصح ، ودى حاجه مش بالساهل انك تلاقيها ؛ فى ناس بتعيش عمرها كله تدور عالحضن اللى تترمى فيه متطمنه ومبتلاقيهوش ؛ ساعتها بس اقدر اقولك انك تطمن فى رحاب الله وبس ، لان مرارة الخذلان اللى هتلاقيها مع الشخص الغلط هتنسيك حلاوة الأمان اللى كنت بتدور عليها وتحلم بيها 💜💜💜

16/02/2021

مرحباً عزيزى الهارب ، كيف حالك اليوم ، أود أن أعتذر لك إن كان عالمك سئ و أيّامك مُملّه و الأوقات تمُّر عليك ببُطئ قاتل ، أعتذر لأن جميع من حولك خذلوك و أذوك و لأنك مُحاط بالمُغفّلين اللذين لا يعرفون قيمتك جيداً ، أعتذر لعيناك التى تحمل الحُزن ، أعتذر لقلبك الذيى يتحمّل الألم ، أنت جميل و أجمل من هذا الحُزن ، إبتسم من أجلى اليوم أيضاً 💜..!

Address

Alexandria

Website

Alerts

Be the first to know and let us send you an email when أسماء إبراهيم posts news and promotions. Your email address will not be used for any other purpose, and you can unsubscribe at any time.

Shortcuts

Share

Category