26/12/2023
📸 ألق نظرة على هذا المنشور على فيسبوك
https://m.facebook.com/story.php?story_fbid=815439557259620&id=100063807501943&mibextid=NOb6eG
للزوجات،
وياريت الأزواج يبعتوه لزوجاتهم،
نصيحه مني عفي زوجك 💕💕
لان عفه الزوج مش معاشره وبس ، كل راجل احتياجاته مختلفه عن التاني،
النقطة الأولى :
أساس الزواج انك تعفي زوجك ..
وهي وظيفتك من يوم ما اتجوزتي ..
انتي كزوجه مطلوب منك انك تعفي زوجك بحسابات زوجك ، بحساباته هو ، مش بحساباتك انتي !
لو زوجك يتعف بالمعاشره .. عفيه بالمعاشره،
لو زوجك يتعف بالمغازله .. عفيه بالمغازله،
لو زوجك يتعف بالأكل ، نوعيله في الأكل،
لو زوجك يتعف بالنظافه ، خلي بيتك علي سنجه عشره،
لو زوجك يتعف بالاولاد .. عفيه بالأولاد ،
لو زوجك يتعف بالمنظر ، لبس وكوافير وجيم ، عفيه بده،
لو زوجك رومانسي كوني رومانسيه ،
لو زوجك عملي خليكي عمليه ،
لو زوجك اجتماعي خليكي اجتماعيه،
لو زوجك يتعف بانه عايز حد يتكلم معاه، اتكلمي معاه، بعيد عن الواد والبت والطبيخ فضي نفسك ليه واتكلمي معاه بدل ما يدور علي اللي تتمني تفضاله،
هتقوليلي ودوره هو ايه ؟
هقولك ليه دور والف دور كمان ،
بس احنا في بلد بتفرم الرجاله ، ماتكونيش مفرمه معاهم ، دي نقطه،
النقطه التانيه :
كل ست تقدر تخلي جوزها يجي زي الحمل الوديع يشرب من ايدها،
الدفه في ايدك انتي،
دايما تلاقي واحده تشتكي من انها عامله لزوجها كل حاجه ومش عاجبه!
لأ،
هو مش مش عاجبه ،
هو حساباته غير حساباتك!
ومش هيطمر فيه عمايلك لانه مش عايز ده،
الموضوع بسيط،
هو أصلا مش عايز كل ده يكون علي حسابه ،
هو عايز يجي يلاقيكي صاحيه تحكي معاه شويه حتي لو قصرتي في الباقي!
هو عايز كده!
غيره عايز يجي يلاقي العيال مصحصحين وقاعدين له ،
غيره عايز يرجع يلاقي شموع وورود ،
غيره عايز يرجع يلاقكي علي سنجه عشره،
المهم هو عايز إيه؟
مش انتي فاضيه لإيه!؟
وهتتسألي عن كل ده!
هتتسألي عن عفه زوجك!
لانك انتي مسؤله عنها!
واعرفي انك لما بتعفي زوجك بتعفي مجتمع بحاله!
تاني بقولك :
عفي زوجك بحساباته هو ، لا بحساباتك ولا بحسابات اهلك،
ومتروحيش تشتكي لصحبتك!
لأن صحبتك بتعف زوجها بحسابات زوجها،
واللي هي مختلفه عن حسابات زوجك!
فمش هتفيدك بحاجه!
انتي كده عملتي اللي عليكي معاه وتمام!
علامات ان ده تمام انك تلاقيه مايبصش بره،
هيكون عامل زي واحد شبعان قاعد علي سفره،
مش هيبص لحد لانه شبعان حتي لو مقالش انه هو شبعان!
👈 وانتي كأخت لما تسمعي مشكله واحده ماتقعديش تسخنيها علي زوجها،
زوجها حر معاها،
لو مش هيطلب من زوجته هيطلب من مين!؟
يا أختي العزيزه حافظي علي بيتك،
والله الطلاق ده حاجه بشعه،
و 90% من اللي عملوه ندموا وان لم يعترفوا بذلك،
يا اختي انتي لو قعدتي اتكلمتي مع زوجك وفهمتوا بعض 80% من مشاكلكم هتتحل،
لا دي مشاكل مش هتحصل من أصله!
بإذن الله
منقول
