14/03/2026
السلام عليكم ورحمة الله وبركاته، وصح رمضانكم.
حبيت نقول كلمة فقط. وأنا داير دورة في تيكتوك صادفت بعض اللايفات من ناس من قريتنا، وبصراحة بعض التصرفات والهضرة ما تعجبش. كأنو ما كاينش ناس من عايلتهم ولا من قريتهم يشوفو فيهم، والاحترام لازم يكون حاضر خاصة في شهر رمضان.
اللايف ولا صناعة المحتوى ما فيها حتى عيب، بالعكس حاجة مليحة كي تكون فيها كلمة طيبة ولا محتوى محترم. بصح كي توصل للهضرة القبيحة وقلة الحياء، هنا لازم الواحد يوقف ويراجع روحو.
الكلام هذا ماشي موجه لكل الناس، كاين بزاف ناس محترمين ويقدمو محتوى يشرف. بصح كاين قلة خرجت على الحدود، ولهذا نقولها غير كتنبيه: ردّو بالكم على رواحكم.
القرية تاعنا معروفة بالناس الطيبة والرجال، وخليونا نبقاو نشرفوها خاصة في هاذ الشهر الفضيل.
