حروف متناثرة

09/12/2025

01/12/2023

ناس بكري قالوا :
إلّي يكسب شليڨة بعد عراه، يبدى يمشي و يتلفت وراه.
كول من التوت العالي و إذا طاح خليه للذراري.
السطل كي تعبيه بالفلوس يبقى ديما سطل.
اللقمة إلّي ماكش عارق عليها و لو تشرب عليها الماء تبقى ديما شارق.
ما غاضتنيش من الكامل المكمّل بش تغيضني من الهامل المڨمل.
إلّي يمشي بالمظاهر عمرو ما يفرّق بين لمسخ و الطاهر.
زلقة الساقين توجع الركايب و زلقة اللسان توجع الحبايب، أما زلقة الأيام مصايب ما كيفها مصايب.
تعديت على العين و العين ما أحلى ماها، غاضتني مُهرة الخيل جحش البهايم خذاها.
عمرو الخاتم ما يولي خلخال، و عمرو المال ما يرفع الأنذال.
أحفر البير بإبرة و ما تطلبش من الرخيص فأس، يجيء نهار و تكسب الخبرة و اللحاس يبقى طول عمرو لحاس.
كان جت كلمة سامحني ترجّع إلّي فات، راي كلمة البركة فيك ترجّع إلّي مات.
العشرة إلّي هانت يا ريتها ما كانت.
هان الحرير حتى ربطوا بيه الحمير.
لا يعجبك راجل بحبوح و لا يعجبك لباسو، و لا يعجبك حيط منقوش حتى تشوف ساسو.
يا سعد إلّي عندو بنية، منها بنية و منها وخية، و يا سعد إلّي عندو زوز فستق مخلط باللوز.

08/05/2023

لعلنا من بعد بعُد نلتقِ
لعلنا

29/03/2023

29/03/2023

29/03/2023