13/06/2026
🇽🇰 Kosova e Lirë – 27 Vjet Kujtesë, Krenari dhe Emocion 🇽🇰
Në përvjetorin e 27-të të Çlirimit të Kosovës, Konsullata e Përgjithshme e Republikës së Kosovës në Mynih organizoi më 12 qershor 2026 një mbrëmje festive dhe kulturore, e cila bashkoi rreth 100 bashkatdhetarë, ndërmarrës, mjekë, pedagogë, avokatë, punonjës shkencorë dhe përfaqësues të shoqatave shqiptare në Bavari.
Me praninë e tij në këtë mbrëmje, na nderoi edhe z. Radi Sowayed Alajmani Ambasador i Katarit në Hungari, mik i Kosovës, me të cilin bashkëpunimi gjatë mandatit të tij në Mynih ka qenë i shkëlqyer, duke kontribuar kështu në thellimin dhe forcimin e mëtejshëm të raporteve miqësore ndërmjet dy vendeve.
Në fjalën e tij, Konsulli i Përgjithshëm z. Afrim Nura rikujtoi rrugëtimin historik të Kosovës drejt lirisë dhe pavarësisë, duke nderuar dëshmorët dhe luftëtarët e Ushtrisë Çlirimtare të Kosovës, si dhe duke shprehur mirënjohje për mbështetjen e aleatëve ndërkombëtarë dhe rolin e pazëvendësueshëm të diasporës.
Programi vijoi me pjesën kulturore dhe shkencore, ku Dr. med. Skender Munishi prezantoi temën “Nga psikiatria gjermane – bazament i psikiatrisë botërore: Kontributi im për shëndetin mendor shqiptar”, duke ndarë përvojën e tij profesionale në Gjermani dhe Kosovë. Prezantimi u ndoq me interes të madh dhe u shoqërua me një sesion të hapur pyetje–përgjigje, si dhe me shpërndarjen dhe promovimin e librave të tij, të cilët u dhuruan për të pranishmit.
Gjithashtu, të ftuarit vizituan ekspozitën “Kosova – Histori dhe Bukuri” të fotografit nga Kosova Sefer Aliqkaj, e cila solli përmes imazheve një pasqyrë të veçantë të historisë dhe bukurive të Kosovës.
Mbrëmja u mbyll në një atmosferë të ngrohtë miqësore, me koktej rasti, bashkëbisedime dhe promovim të shijeve tradicionale dhe verërave “Made in Kosova”.
Gëzuar 27-vjetorin e Çlirimit të Kosovës 🇽🇰
Lavdi e përjetshme dëshmorëve të kombit.
🇩🇪 🇽🇰 27 Jahre Freiheit des Kosova
Anlässlich des 27. Jahrestages der Befreiung des Kosova veranstaltete das Generalkonsulat der Republik Kosova in München am 12. Juni 2026 einen festlichen Abend mit rund 100 Gästen aus der 🇽🇰 Diaspora in Bayern.
Generalkonsul Afrim Nura erinnerte an den Weg des Kosova zur Freiheit und würdigte die Opfer und Kämpfer der UÇK sowie die Unterstützung der internationalen Partner und der Diaspora. Zu den Ehrengästen zählte auch Herr Radi Sowayed Alajami, Botschafter Katars in Ungarn und ein Freund des Kosova.
Im kulturellen Teil hielt Dr. med. Skender Munishi einen Vortrag über psychische Gesundheit und präsentierte seine Bücher, die den Anwesenden überreicht wurden. Ergänzt wurde das Programm durch die Fotoausstellung „Kosova – Geschichte und Schönheit“ von Sefer Aliqkaj.
Der Abend klang bei einem gemeinsamen Empfang mit Spezialitäten und Weinen aus dem Kosova in herzlicher Atmosphäre aus.
Herzlichen Glückwunsch zum 27. Jahrestag der Befreiung des Kosova. 🇽🇰
