Lejnay Nawchay Frankfurt.ليژنه ى ناوچه ى فرانكفورت

20/06/2026

پرسەو ماتەمینی

كل نفس ذائقة الموت

بەداخێکی زۆرەوە ئەمڕۆ بەیانی ٢٠/٦/٢٠٢٦ کاک ( هوشیار عبدالعزیز ئۆرەیی ) برای هەڤاڵ ( دیار عبدالعزیز ئۆرەیی ) کارگێڕی ناوچەمان بەهۆی نەخۆشیەکی کوتوپڕ کۆچی دوایی کرد ، لەم بۆنە خەمناکەدا بەناوی خۆم و گشت هەڤاڵانم لە لیژنەی ناوچەو لیژنە ڕێکخراوەکان و گشت ئەندامان و دۆستانی پارتیمان لە ناخی دڵەوەپرسەو سەرەخۆشی خۆمان ئاڕاستەی هەڤاڵ دیارو بنەماڵە بەڕێزەکەیان دەکەین و خۆمان بە هاوبەشی پرسەو ماتەمیان دەزانین و لەیەزدانی مەزن تکاکارین سەبرو ئارامیان پێ ببەخشێت و دواناخۆشییان بێت ، خوای گەورە ڕۆحی کۆچ کردو بە بەهەشتی بەرینی خۆی شاد بکات .
إنا لله وإنا إليه راجعون

عدنان بكر
لێپرسراوی ناوچەی فرانکفۆرت

20/06/2026

به شداری بەخاک سپاردن و پرسەی خوشکە سانیە سید محمد

ڕۆژانی ١٨-١٩/٦/٢٠٢٦ هەڤاڵ ( سەفین غفوری ) کارگێڕی ناوچەمان بە یاوەری هەڤاڵان ( زوهێر کێستەیی )بەرپرسی ڕێکخراوی هایدلبێرگ و ( محمد غفوری ) بەرپرسی ڕێکخراوی سینسهایم بەشدار بون لە مەراسیمی بەخاک سپاردن و پرسەی خوالێخۆشبو ( سانیە سید محمد ) لە شاری هایدلبێرگ بەهۆی نەخۆشیەکی درێژ خایەن کۆچی دوایی کردبوو ، بەناوی پارتیمانەوە سەرەخۆشیان لە باوک و کەسوکارو بنەماڵەکەی کردو ئامادەی هەموو هاوکاریەک بون .

14/06/2026

کۆبونەوە ڕێکخراوی کوێلن

ئەمڕۆ یەک شەممە ڕێکەوتی ١٤/٦٢٠٢٦ لەسەر داوای ڕێکخراوی کوێلن هەڤاڵ ( عدنان بکر ) بەرپرسی ناوچەمان بەشداری کرد لە کۆبونەوەی ئاسایی لیژنە ڕێکخراوەکە ، تیادا وێڕای سوپاس ودەستخۆشی لە بەرپرس وکارگێڕانی ڕێکخراو لە سەر بارودۆخی گشتی ڕونکردنەوەی پێویستی ئاڕاستەی هەڤاڵان کردو باسی لە گرنگی کاری ڕێکخستن وپتەو کردنی ڕیزەکانی ڕێکخستن کردو داوای لەهەڤاڵان کرد پەیرەوی لە ڕێنماییە کانی سەروی خۆیان بکەن و هەوڵ بدەن سیاسەتی ڕاست ودروستی نەتەوەیی پارتیمان وجەنابی سەرۆک بارزانی بکەنە سەرمەشقی کارەکانیان و لەو چوارچێوەیەداڕونکردنەوە بدەن بۆ ئەندامان و دۆستان و جەماوەری پارتیمان ، پێویستە بەگژ سیاسەتی چەواشەکاری ناحەزانی پارتیمان بچنەوەو ڕاستی ودروستی سیاسەتی پارتیمان بخەنە پێش چاوی هەموو لایەک بە تایبەت لە تۆڕەکۆمەڵایەتیەکانی سۆشیال میدیا ، لە تەوەرێکی تردا گوێی گرت لە پرسیارو پێشنیارو ڕەخنە و سەرنجی هەڤاڵان و بە سنگێکی فراوانەوە وەڵامی هە موی دایەوە ، شایانی باسە هەڤاڵ جمال حمە علی بەرپرسی لیژنەی ڕێکخراو دەستەی کارگێڕ بە گەرمی بەخێرهاتنی بەرپرسی ناوچەیان کردو سوپاسیان کرد کە بەدەم داخوازیەکەیانەوە هاتوەو بەشدار بووە لە کۆبونەوەکەیاندا، لە کۆتاییدا بەڕێزەوە بە ڕێکرا .

ڕاگەیاندنی ل.ن. فرانکفۆرت

14/06/2026

ڕاگەیاندراوی كۆبوونەوەی فراوانى
كۆمیتەی ناوەندیی پارتی دیموكراتی كوردستان

بەسەرپەرشتی جەنابی سەرۆك مه‌سعود بارزانی، كۆمیتەی ناوەندیی پارتیمان، بە ئامادەبوونى بەڕێزان جێگرانى سەرۆک و هەڤاڵان ئەندامانى کۆمیتەى ناوەندى و بەرپرسى لقەکان، ئەمرۆ شەممە ١٣ ى حوزەیرانى ٢٠٢٦، كۆبوونەوەی فراوانى خۆی ئەنجام دا.
كۆبوونه‌وه‌ دواى ساتێك وه‌ستان بۆ ڕێزگرتن له‌ گیانی پاكی شه‌هیدانی كوردستان، سه‌روه‌ریان بارزانی نه‌مر و كاك ئیدریسی هه‌مشه‌ له‌یاد، کۆمەڵێک بابەتى سیاسى، ڕووداو و گۆڕانکارییەکان، پەیوەندییەکان و کاروبارى ناوخۆى پارتیمانى خستە خشتەى تەوەرەکانى گفتوگۆکردن و بیروڕا گۆڕینەوە و، بۆ ئەو بابەتانەى کە پێویست بوو بڕیار وەرگیرا.

تەوەری یەكەم/ بارودۆخى گشتى؛ لەم تەوەرەدا تیشکخرایە سەر شەڕى نێوان ئەمریکا و کۆمارى ئیسلامى ئێران، کە لە کۆتایى مانگى شوباتى ئەمساڵەوە دەستى پێکرد و کاریگەری و دەرهاویشتەکانى ئەو شەڕە لەسەر عێراق بەگشتى و هەرێمى کوردستان بە تایبەتى، کە لە چەندین بواردا زیانى بە عێراق و کوردستان گەیاندووە، وێڕاى ئەوەى هەرێمى کوردستان بەشێک نەبووە لەو شەڕە، بەڵام بەداخەوە تاوەکو ئێستاش کە شەڕ ڕاگیراوە، هێرشى هاژەک و دڕۆنى بۆ سەر هەرێمى کوردستان ڕانەگیراوە و زیانێکى زۆری هەبووە و دەیان بریندار و شەهید بە ناحەق لە ئاکامى ئەو هێرشانە بوونەتە قوربانى، ئەوە جگە لەوەى زیانێکى مادى زۆری هەبووە و جوڵەى بازرگانیان سست کردووە، هەروەها هێرشى سەر کۆمپانیاکانى نەوت زیانێکى زۆرى بە دامەزراوەکان و ژێرخانى وزە گەیاندووە و بۆتە هۆى ڕاگرتنى بەرهەمهێنانى نەوت، ئەمەش نەک تەنیا بۆ هەرێم بەڵکو بۆ عێراقیش زیانێکى گەورەیە. ئەم دەرهاویشتانە و بەردەوامى هێرشەکان بوونەتە هۆى دڵەڕاوکێى خەڵکى کوردستان، ئێمە لە پارتى دیموکراتى کوردستان باوەڕمان وایە کە چارەسەرى کێشەکان لە رێگاى گفتوگۆ و لێکتێگەیشتن لە قازانجى هەموو لایەکە و ناوچەکە بە هەرێمى کوردستانیشەوە چیتر زەیانمەند نابن.

تەوەرى دووەم/ پەیوەندییەکانمان لەگەڵ حکومەتى فیدراڵ؛ سەرەڕاى بەرزى و نزمى لە پەیوەندییەکان، بەڵام بەردەوام هەوڵمانداوە هەر کێشە و گرفتێک هەبێت لە سێبەرى دەستوورى هەمیشەیى عێراقدا چارەسەر بکرێت، هەرچەندە کێشەکان کەڵەکەکراون و کەمتر هەوڵى چارەسەرکردنیان دراوە، بەڵام پارتیمان ڕێگاى بەردەوامى لە گفتوگۆ و دۆزینەوەى ڕێگەچارەى گرتۆتەبەر، بە تایبەتى لە بوارى بودجە و شایستە و مووچەى فەرمانبەرانى هەرێمى کوردستان هەموو هەوڵێک دراوە بە سەردانیکردن و ڕەوانەکردنى شاند بۆ بەغدا بە ئامانجى چارەسەرى و لادانى کۆسپ و ئاستەنگەکان.
بۆ پێکهێنانى کابینەى نوێى حکومەتى فیدراڵ بە سەرۆکایەتى بەڕێز عەلى زەیدى پشتیوانیمان هەبووە و بەردەوامیش دەبین لە هاوکارى و پشتیوانیکردن بەو هیوایەى هەروەکو رێککەوتنیش لەگەڵ چوارچێوەى هەماهەنگى کراوە، چیتر چارەسەرى کێشەکان فەرامۆش نەکرێن و دەستوور وەکو خۆى جێبەجێ بکرێت و شایستە داراییەکانى هەرێمى کوردستان و مووچەى مووچە خۆران لەکاتى خۆیدا رەوانەى هەرێمى کوردستان بکرێت.
شایەنى باسە کۆبوونەوە جەختى لە پشتیوانیکردنى بەرێز عەلى زەیدى سەرۆکوەزیرانى حکومەتى فیدراڵى کردەوە لەو هەنگاوانەى دەستپێکردووە بۆ ڕووبەڕوبوونەوەى گەندەڵى و گێرانەوەى سەروەت و سامانى خەڵکى عێراق بۆ خەزێنەى حکومەت و رێگرتن لە بە فیڕۆدانى سامانى وڵات.

تەوەرى سێیەم/ دەستپێشخەریەکەى جەنابى سەرۆک بارزانى لە جەژنى قورباندا؛ ئەم دەستپێشخەرییە لە ڕوانگەى بەخەمەوەبوونى کوردستانە لەم بارودۆخە هەستیار و ناسکەى کە هەموو ناوچەکە پێیدا تێدەپەرێت، هەروەها ئەو هەموو ڕووداو و گۆڕانکاریانەى ڕودەدەن کە بەشێکیان ئاڵنگارى و مەترسى لەگەڵ خۆیان دەهێنن. کۆبوونەوە ئەم دەستپێشخەریەى جەنابیانى بەرزنرخاند، کە کێشەکانى لە ڕاگەیاندن و شەقامەوە گواستەوە بۆ سەر مێزى گفتوگۆ.
بۆ جێبەجێکردنى ناوەرۆکى دەستپێشخەریەکە لیژنەیەک لە ئاستى دەستەى کارگێڕى مەکتەبى سیاسیمان دەستى بە سەردان و پەیوەندیکردن لەگەڵ لایەنە سیاسییەکان کردووە بۆ گفتوگۆ و دۆزینەوەى چارەسەرى پێویست بۆ کێشەکان و ڕزگارکردنى پڕۆسەى سیاسى هەرێمى کوردستان لەو چەقبەستنەى تێیکەوتووە، تاوەکو ئێستاش ئەم دەستپشخەریە و هەوڵەکان بەردەوامن بەو هیوایەى هەموولایەک بە لەبەرچاوگرتنى هەستیارى بارودۆخەکە و گرنگى ڕووداوەکان، بەرپرسیارانە بەرەو چارەسەرى هەنگاو بنێن.

تەوەرى چوارەم/ کۆبوونەوە لە ڕوانگەى هەست بە بەرپرسیاریەتى نەتەوەیى و نیشتمانى و باوەڕى تەواو بە یەکترقبوڵکردن و پێکەوەژیان لە کۆمارى عێراقى فیدراڵدا، پشتگیرى لە هەنگاوەکانى بەرێز سەرۆکى هەرێمى کوردستان دەکات، هەروەها پشتیوانى هەنگاو و هەوڵەکانى بەڕێز سەرۆکوەزیرانى هەرێمى کوردستان بۆ چارەسەرى کێشەکان لەگەڵ بەغدا لە هەموو ڕوێکەوە بەتایبەتى لە بابەتى شایستە داراییەکان و مووچەى مووچەخۆرانى هەرێم دەکات، کۆبوونەوە بەباشى زانى بەردەوامى بەم هەوڵ و هەنگاوانە بدەن.

تەوەرى پێنجەم/ بابەتى ناوخۆى و ڕێکخستنەکانى پارتیمان؛ لەم تەوەرەدا گفتوگۆى پێوست لەبارەى ڕێکخستنەکان و ئەرکى ئۆرگانەکانى پارتیمان کرا، بۆ ئەم مەبەستە پێشتر لیژنەیەک پاڵپشت بە پەیڕەوى ناوخۆ، هەروەها بە لەبەرچاوگرتنى بارودۆخى ئێستاى کوردستان دیراسەیەکى هەمەلایەنەى ئەنجامداوە. ئەم دیراسە و، ئەنجام و پێنشنیار و ڕاسپاردەکانى دەبنە نەخشەڕێگاى هەنگاوەکانى داهاتوو و ئەوەى پێویستە ئەنجام دەدرێت.

شایەنى ئاماژەیە، کۆبوونەوە لە کەشێکى حزبى و خەمخۆرانە بۆ چارەسەرى کێشە و گرفتەکانى خەڵکى کوردستان و، جوڵەپێکردنى پرۆسەى سیاسى کوردستان و توندوتۆڵترکردنى پەیوەندییەکان لەگەڵ حکومەتى فیدراڵ و لایەنە سیاسییە شیعە و سونەکانى عێراق، بەرێوەچوو.

كۆمیته‌ی ناوەندیی
پارتی دیموكراتی كوردستان
١٣ـی ٦ـی ٢٠٢٦

13/06/2026

كۆنفرانسی ئەکادیمی دیاسپۆرای کورد لە ئەوروپا

ئەمڕۆ شەممە ڕێکەوتی ١٣/٦/٢٠٢٦ لە شاری (بۆن) لە ئەڵمانیا کۆنفرانسی ئەکادیمی کورد لە ئەوروپا سازکرا بەبەشداری ژمارەیەکی زۆر لە ڕۆشنبیران و ئەکادیمستانی کوردو نوێنەری لایەنە سیاسیەکان و کەسایەتیەکان لە هەموو ووڵاتانی ئەوروپا ، لەو چوارچێوەیەدا بەڕێز شیفا بارزانی سەرپەرشتیاری گشتی فیدراسێۆنی ڕەوەندی کوردستانی بەشدار بوو ووتارێکی پێشکەش کرد ، هەروەها هەڤاڵ ( عدنان بکر ) بەرپرسی ناوچەمان بە نوێنەرایەتی پارتیمان و بەڕێز بەرپرسی لقی٦ئەوروپا بەشداربو ، بەناوی لقی٦ پیرۆزبایی بەستنی ئەم کۆنفرانسەی لە سەرپەرشتیارانی کۆنفرانس کردو هیوای سەرکەوتنی بۆخواستن و ئامادەیی پارتیمانی دەرپڕی بۆهەموپشتگیریەک کە خزمەت بە کوردو کوردستان و دۆزی ڕەوای نەتەوەکەمان بکات .

ڕاگەیاندنی ل.ن.فرانکفۆرت

07/06/2026

سەردان و بەسەرکردنەوەی هەڤاڵان

لەدرێژەی کارو چالاکیەکان دوانیوەڕۆی ئەمڕۆ یەکشەممە ڕێکەوتی (٧/٦/٢٠٢٦ ) هەڤاڵ (عدنان بکر ) بەرپرسی ناوچەمان بە یاوەری هەڤاڵ جمال حمە علی کارگێڕی ناوچە وهەڤاڵ فایز مستەفا کارگێڕی ڕێکخراوی کوێلن سەردانی هەریەک لە هەڤاڵان ( فتاح حسکیلۆ ) و ( فڵامەرز سعید ) یان کرد لە سنوری ڕێکخراوی کوێلن ، هەردو ناوبراو لە ڕێکخستنە دێرینەکانی پارتیمانن لە ئەڵمانیاو دەروێشی ڕێبازی پیرۆزی بارزانی ن و هەر لەسەرەتای شۆڕشی ئەیلولەوە هاوکارو پشتیوانی شۆڕش و هێزی پێشمەرگەی کوردستان بون و لەڕێکخستن کاریان کردووە ، بەداخەوە لە ئێستادا بە هۆکاری هەڵکشانی تەمەن و نەخۆشی لە ماڵەوەن ، بەناوی پارتیمان ئامادەیی هەموو هاوکاریەکیان بۆ دەربڕین و مێژوی خەباتی پڕ لە شانازیان بە بیر هێنانەوەو سوپاسیان کردن بۆ سۆزو وەفاو دڵسۆزیان لە پێناو کوردو کوردستان و ڕێبازی پارتی و بارزانی ، لە بەرامبەرداهەردولا دڵخۆشی خۆیان دەربڕی بەم سەردان و بەسەر کردنەوەیەو دوپاتی وەفاداری خۆیان کردەوە .

ڕاگەیاندنی
ل.ن. فرانکفۆرت

03/06/2026

کوردی / عربي

پەیامێک لە سەرۆک بارزانییەوە

ئێوارەی ڕۆژی چوارشەممە، 3ی حوزەیرانی 2026، سەرۆک مەسعود بارزانی لە تۆڕی کۆمەڵایەتی ئێکس پەیامێکی بڵاو کردەوە.

دەقی پەیامی سەرۆک بارزانی؛

ماوەیەكە بە هۆی ئەو بارودۆخە سیاسییە تایبەتەی هاتۆتە ئاراوە، هەندێ لایەن باس لە چەكی پێشمەرگە دەكەن و لەوبارەیەوە لێكدانەوەی هەڵە و بۆچوونی ناڕاست دەخەنەڕوو. لێرەدا پێویستە هەموو لایەك ئەوەیان لەبیر بێت كە پێشمەرگە لەدایكبووی خوێن و ڕەنج و فرمێسكی گەلی كوردستانە.
چەكی پێشمەرگە، پارچەئاسن و جبەخانە و ئامرازی شەڕکردن نییە. چەكی پێشمەرگە مێژوو و فیداكاری و كەرامەت و بیروباوەڕیەتی. چەكی پێشمەرگە ئەو سۆز و پابەندبوونەیە كە هەمیشە بۆ گەل و خاك و نیشتیمانەكەی هەیەتی........................................

رسالة من الرئيس بارزاني

نشر الرئيس مسعود بارزاني، مساء اليوم الأربعاء، 3 حزيران 2026، رسالة على منصة إكس.

وفيما يلي نص رسالة الرئيس بارزاني:

"منذ فترة، وإثر ما طرأ من ظروف سياسية خاصة، قامت بعض الأطراف بالتحدث عن سلاح البيشمركة وطرح تأويلات خاطئة وتوجهات غير صائبة بشأنه. وهنا ينبغي أن يتذكر الجميع أن البيشمركة وُلِدَت من رحم دماء ومعاناة ودموع شعب كوردستان.

إن سلاح البيشمركة ليس مجرد قطع من حديد أو ترسانة أو أدوات للقتال فحسب؛ فسلاح البيشمركة يعني تاريخها وتضحيتها وكرامتها وعقيدتها، وسلاح البيشمركة هو ذلك الإخلاص والعهد الذي تحمله دائماً تجاه شعبها وأرضها ووطنها"

31/05/2026

پیرۆز کردنی یادی یۆبیلی زێڕینی شۆڕشی گوڵانی پیرۆز

ئەمڕۆ یەکشەممە ڕێکەوتی ٣١/٥٢٠٢٦ لە بارەگای لقی٦ یادی یۆبیلی زێڕینی شۆڕشی گوڵانی پیرۆز بەرز ڕاگیرا بە سەرپەرشتی لێپرسراوی لقی٦ و بە ئامادەبونی دەستەی کارگێڕو بەرپرسی لیژنە ناوچەکان و کارگێڕانی ناوچە و بەرپرسی لیژنە ڕێکخراوەکان ، لەو چوارچێوەیەدا هەڤاڵ ( عدنان بکر ) بەرپرسی ناوچەمان و ژمارەیەک لە کارگێڕانی ناوچەمان و بەرپرسی ڕێکخراوەکان ئامەدەبون و ڕێزلێنانی لقی٦ بەڕێزیان پێ بەخشرا .

ل.ن.فرانکفۆرت
بەشی ڕاگەیاندن

27/05/2026

25/05/2026

ڤیدیۆ.. نێچیرڤان بارزانی پێشوازی لە نامۆ فازڵ کرد و 'دەستخۆشی و پیرۆزبایییەکی گەرمی ئاراستەی کرد بۆ ئەو دەستکەوتە نێودەوڵەتییە باڵایە'