Këshilli Kombëtar Shqiptar Zyra në Medvegjë

19/03/2026

Asnjë projekt i paraparë nga TK për vendbanimet ku jetojne shqiptarët në Medvegjë pë vitin 2026!

Në seancën e fundit të Kuvendit Komunal Medvegjë, është marrë vendim mbi shpërndarjen e mjeteve të rregullta të Trupit Koordinues për vitin 2026 për Komunën e Medvegjës.

Vlera e mjeteve është rreth 45 milion dinarë dhe të gjitha këto mjete, si zakonisht orientohen në projekte kapitale - ndërtim dhe mirëmbajtje të rrugëve.
Siç mund te shihet nga dokumenti i bashkengjitur, në vendbanimet shqiptare nuk ështe paraparë të financohet asnjë projekt i ndërtimit të infrastrukturës rrugore, duke vazhduar kështu traditën e gjatë diskriminuese nga pushteti lokal dhe qeveria e Serbisë, megjithë faktin që gjendja e infrastrukturës rrugore në fshatrat etnike shqiptare dhe ato të perziera është jo-humane.

12/02/2026

Në organizim të KKSH, në Medvegjë sot ishin Këshilltarët e Arsimit pran Ministrise se Arsimit z. Muhamet Mustafa dhe z. Llukman Limani te cilet mbajten trajnim me mësimdhënesit shqiptar të Medvegjës kryesisht në temën e notimit sumativ dhe formativ.
E falënderojmë personelin e shkolles fillore ne Banje te Sijarines dhe atë të Shkolles Fillore nga fshati Tupalle për bashkepunimin dhe vijimin e trajnimit.

04/02/2026

Në zyrën e Këshillit Kombëtar Shqiptar në Medvegjë sot u zhvillua takimi i rregullt i punës me delegacionin e Misionit të OSBE nga Zyra Rajonale në Bujanoc në përbërje të z. Antonios Balaskas, z. Iljasa Musliu dhe z. Ivica Stamenoviq.

Përpos shkëmbimit mbi situatën e pergjithshme politike dhe te sigurisë ne bisedë u perfshinë edhe temat vijuese:

1. Pasivizimi nga e cila praktike diskriminuese kan pesuar 90% te shqiptarëve të Medvegjës: raportuam mbi ato pak raste te qytetareve qe kan provuar te rikthejne adresen e tyre ne Medvegjë me ç'rast po u nenshtrohen procedurave te pambarim të verifikimit etj që ne praktike kan zgjatur nga disa muaj deri ne disa vite edhe atë shpesh me epilog negativ. Raportuam edhe mbi egzistencën e rasteve te reja te pasivizimit ne komunë.

2. Çështja e punësimit të punonjësve shqiptarë në administraten komunale ku jemi skajshmerisht te nën-përfaqësuar, ku rrjedhimisht ne mbledhjen e fundit te Kuvendit Komunal asambleistet shqiptar nuk e kan votuar Planin Kadrovik për vitin 2026.

3. Çështja e objketit me rendesi historike e shkollës së vjetër "Te Xhamia" për të cilin rast organet komunale gjate tërë vitit të kaluar nuk kan dhënë miratim për ndërhyrje konzervuese.

4. Projekt-rezoluta për Luginën në Kongresin Amerikan HR6411.

5. Vizita e Shefit te Misionit të OSBE në Serbi Ambasadorit Marcel Pesko si dhe Komisionerit të Lartë për Pakica z. Christophe Kamp në Luginë të Preshevës.

6. Çështja e Fondeve të bllokuara të Kosovës dhe Shqipërisë të dedikuara per KKSH dhe çështja e Ministrisë për Pakica ne Serbi. Qëndrimi i perfaqësuesve politik shqiptar mbetet që politika e dirigjuar e ministrit Demo Berisha ështe tërësisht e dëmshme për interesat e komunitetit shqiptar prandaj vet qendrimi i ministrit paraqet pengesen kryesore per bashkepunim eventual.

7. Tema tjera relevante.

21/01/2026

21/11/2025

Në kuadër të programit kulturor “Nëntor Lugine”, me mbështetje të Ministrisë së Turizmit, Kulturës dhe Sportit të Republikës së Shqipërisë, nën monitorimin e Ambasadës së Republikës së Shqipërisë në Beograd dhe me mbështetjen e Këshillit Kombëtar Shqiptar:

më datën: E Hëne 24 Nëntor 2025, ora 17:00
Në Qendrën e Kulturës në Medvegjë

Organizohet Manifestim Kulturoro-Artistik:

-Shfaqje folklorit burimorë - Shoqeria "Rrezet e Medvegjë"
-Shfaqje e folklorit, valleve dhe muzikë popullore - Ansambli "Presheva"
- Prezenti i Gatimeve/Ushqimeve Tradicionale nga Medvegja.

*Hyrja është pa pagesë.

Ju mirëpresim,