Државен инспекторат за земјоделство

15/04/2025

Денеска директорот на Државниот инспекторат за земјоделство, Васе Анакиев, заедно со министерот за земјоделство Цветан Трипуновски, оствари работна посета на откупниот пункт на „МН Компани“ во село Моноспитово, во Општина Босилово.

Директорот Анакиев истакна дека постигната е одлична цена за пролетната зелка, што долго време не се има случено и значително ќе влијае на девизниот прилив во струмичкиот регион.

Цената на пролетната зелка не паднала под 35 денари за килограм, а просечната откупна цена изнесувала 43 денари – што претставува извонредна вредност за земјоделците. Очекуваниот род од оваа реколта се проценува на околу 40.000 тони, што ќе донесе околу 30 милиони евра во регионот од извозот на зелката.

Според Анакиев, ваквите резултати се резултат на успешната соработка помеѓу откупувачите и земјоделците, што е пример за добра пракса и планско работење.

11/04/2025

Директорот на Државниот инспекторат за земјоделство, Васе Анакиев, денес реализираше работна средба со директорот на Управата за заштита на растенијата, Небојша Милосављевиќ, и шефот на Граничната фитосанитарна инспекција на Република Србија, Иван Томашев.

Според информациите од Државниот инспекторат за земјоделство, Анакиев во текот на посетата во Белград разговараше за чекорите кои се преземаат за поедноставување на постапката за извоз на млади компири од Република Северна Македонија во Република Србија.

На состанокот се дискутираше и за бројни тековни прашања кои се од огромно значење за пласманот на производите на македонските земјоделци на српскиот пазар.

Анакиев нагласи дека соработката помеѓу овие институции ќе продолжи и во иднина, со цел да се гарантира непречен извоз и да се интензивираат трговските врски во земјоделскиот сектор помеѓу двете држави, бидејќи, како што се наведува во соопштението, “нашата работа е секогаш посветена на промовирање и заштита на интересите на земјоделците.”

14/02/2025

05/02/2025

Погледнете дел од емисијата 'Бразди' каде директорот на Државниот инспекторат за земјоделство Васе Анакиев зборуваше за неодамнешните случувања со извозот на градинарски култури во Р. Хрватска

This is "Директорот на ДИЗ Васе Анакиев во "Бразди"" by Jana Dzaleva on Vimeo, the home for high quality videos and the people who love them.

02/02/2025

Денеска во 12 часот на Канал 5 Телевизија, директорот на Државниот инспекторат за Земјоделство Васе Анаиев ќе биде дел од неделното издание "Бразди". Зборуваме за актуелни теми за моменталниот откуп на тутунот и контролите на нашите инспектори.

24/01/2025

Во врска со праткатана свеж кељ (Brassica oleracea var sabauda) од Република Хрватска, која била идентификувана како небезбедна од страна на хрватската царинска служба при увозот не е констатирано присуство на пестициди.

Првично во медиумите се појавија соопштенија кои не се точни бидејќи посочуваа пратки на зелка, а во конкретниов случај станува збор за свеж кељ. Според Хрватскиот извештај, се утврдило присуство на забранета активна материја imidacloprid во производот, којашто од 1.12.2020 во рамки на Регулативата на ЕУ 2020/1643 е забранета за употреба. Извозот е остварен на 9.1.2025 година а пратката која што била заджана на граничниот премин е со вкупно количество од 2700кг.По добивањето на оваа информација, Државниот инспекторат за земјоделство направи 20 вонредни контроли од страна на внатрешни фитосанитарни инспектори кај регионалниот откупувач и извозник, при што е констатирано дека земјоделскиот производ свеж кељ е откупен од земјоделско стопанство во с.Јосифово, Валандово.

Инспекцискиот надзор беше спроведен кај 20 земјоделски стопанства меѓу кои и производителот од кој потекнува свежиот кељ, и се земени мостри за да се утврди дали има присуството на забранената активна материја. По добиениете резултати од Државната Фитосанитарната Лабораторија беше констатирано дека нема присуство на ниту една забранета активна материја во земените примероци. Во рамки на акцијата беа изречени решенија за водење на евиденција и глоба во износ од 700 евра, по истиот основ.

Во изминатите денови беа извршени дополнителни проверки и анализи, а директорот на Државниот инспекторат за земјоделство, Васе Анакиев, во рамки на изјавата за медиуми апелираше дека водењето на листа за евиденција на третирање на растенија и растителни производи е неопходно.
Во продолжение на оваа информација, директорот на Државниот инспекторат за земјоделство, Васе Анакиев, во изјава за медиумите изјави:„Државниот инспекторат за земјоделство во континуитет ги следи сите аспекти на безбедноста на земјоделските производи што се извезуваат или увезуваат во нашата држава. Нашата основна задача е да обезбедиме гаранција дека производите кои ги испорачуваме на странските пазари, како и оние што ги увезуваме, не содржат забранети или опасни активни материи кои можат да претставуваат ризик за здравјето на луѓето. Во случајот со кељот извозен во Хрватска, по извршените контроли и анализи, можеме да потврдиме дека нема присуство на опасни материи. Но, и понатаму ќе продолжиме со интензивни надзори за да осигуриме безбедност на сите земјоделски производи во нашата држава.“
Иако во Македонија пазарот на пестициди кои содржат imidacloprid е веќе регулиран, и понатаму се изведуваат редовни и вонредни инспекциски надзори. На овој начин, се осигурува дека земјоделците ги следат законските регулативи и дека не се користат забранети хемикалии кои можат да доведат до затруени производи.

За дополнителни информации, граѓаните се упатуваат да ги следат сите нови извештаи и да се консултираат со надлежните органи.

17/01/2025

Државниот инспекторат за земјоделство денеска го означува почетокот на вештачкиот мрест на Охридската пастрмка.
Во рамки на денешната акција беа изловени 63 полово зрели единки, а од нив се оплодени и инкубирани 70.000 икри.
Денешните активности се одвиваа во соработка помеѓу Државниот Инспекторат за земјоделство и Хидробиолошкиот завод Охрид, а целосната програма е финансирана од Министерството за земјоделство, шумарство и водостопанство.
Рибите кои беа уловени, на крајот на акцијата беа вратени во жива состојба во водите на Охридското Езеро.
Инспекторите од ДИЗ и понатаму ќе ги следат и поддржуваат процесите за подобрување на состојбата на рибниот свет, особено на значајните врсти за нашиот регион, како што е пастрмката.

12/12/2024

Денеска директорот на Државниот инспекторат за земјоделство, Васе Анакиев, заедно со инспекторите од ДИЗ, беа во контрола на откупните пунктови за тутун во прилепскиот регион.

За време на остварената контрола беше констатирано дека откупот тече во нормални услови и интензитет. Тутунот од прва класа се откупува по цена од 375 денари, додека кај едена компанија откупувач е постигната цена од 400 денари по килограм.

Директорот Анакиев посети неколку пунктови од вкупно пријавени 287 на територијата на државата. Во текот на извршените контроли е утврдено дека се пријавени 305 ваги.

Воедно, од Државниот Инспекторат на Земјоделство е констатирано дека од почетокот на откупот, до сега се откупени вкупно 6.360.485,24кг 1 класа тутун, 13.485,59кг втора класа и 556,81кг трета класа тутун. Вкупната бројка е 6.374.550,44кг, додека просечната откупна цена изнесува 376,00 денари. Од овие количини исплатени се вкупно 57% од откупените количини кон тутунарите.

Инспекторите на ДИЗ остануваат и понатаму на терен каде будно ќе го следат и контролираат откупот.

31/10/2024

Директорот на Државниот инспекторат за земјоделство Васе Анакиев, денеска присуствуаше а порибување на рекреативната зона Акумулација Стрежево, Битолско. Во рамки на акцијата водите на Стрежево беа порибени со рибен подмладок од сортите крап и речна пастрмка кои беа набавени од репроцентарот Акватика од Неготино.

Државниот инспекторат за земјоделство со своите инспектори од одделението за рибарство со аквакултура, согласно надлежностите во рамки на Законот за рибарство и аквакултура, изврши проверка на документацијата и мерење на порибителниот материјал на дигитална вага пред пуштање во водите на Акумулацијата Стрежево при што се утврди дека порибениот материјал е во вкупна количина од 150кг пастрмка и 200 кг крап.

Главна цел од спроведувањето на овие активности е збогатување на рибниот фонд на водите на територијата на националниот парк.

29/09/2024

Директорот на Државниот инспекторат за земјоделство Васе Анакиев, денес присуствуваше на манифестацијата „Денови на кочанскиот ориз“ во с. Оризари, кочанско, каде што со симболично зажнејување на оваа житна култура официјално се означи почетокот на годинешната жетва на ориз.

Манифестацијата е поддржана од Министерството за земјоделство, шумарство и водостопанство, а е во организација на Општина Кочани.

Од разговорите со земјоделците првичните информации говорат дека ќе има зголемен род, богата жетва и согласно тоа квалитетот ќе биде добар. Инспекторите од ДИЗ ќе бидат постојано на терен и ќе го следат претстојниот откуп, со што се гарантира заштита на производителите.

Во однос на загриженоста на производителите во однос на државните резерви на увозен ориз, според информации на инспекторатот, министерот за земјоделство Трипуновски информираше дека нема простор за загриженост бидејќи во Република Македонија сериозна количина на увозен ориз нема, и онаа количина што е во минимални рамки, се контролира во однос на квалитетот и безбедноста.

Во својата изјава министерот се осврна и на тоа дали домашниот ориз ќе се откупува за стокови резерви при што посочи -„Веќе со заклучок на Влада задолжена е Агенцијата за стокови резерви да ги измени сите правилници, уредби и програми и нормално да се предвидат средства за 2025-та година каде што оризот согласно Законот за стокови резерви ќе се откупува за чување за потребите на државата“.

21/09/2024

Денеска директорот на Државниот инспекторат за земјоделство Васе Анакиев, заедно со Министерот за земјоделство Цветан Трипуновски оствари работна средба со преработувачите на пиперка.

На средбата се дискутираше за текот на откупот на пиперката, при што беше потврдено дека откупните цени мора да се почитуваат согласно првичниот договор на стартот на откупната сезона. Инспекторите од Државниот инспекторат за земјоделство секојдневно се на терен и ја надгледуваат состојбата и текот на откупот.

Во заедничка изјава до медиумите Трипуновски и Анакиев согласни: "Напорно работиме за да бидат задоволни македонските земјоделци. Македонија заслужува подобро и поквалитетно земјоделство."

04/09/2024

Денеска директорот на Државниот инспекторат за земјоделство Васе Анакиев, беше во посета на преработувачите на пиперка ајварка во Гевгелискиот регион.

Посетата се одвива како резултат на загриженоста на земјоделците за малиот застој во текот на откупот на пиперката куртова капија. Како што информираат преработувачите, простор за загриженост нема и тие апелираат за смиреност кај земјоделците. Тие гарантираат дека сите произведени количини ќе бидат откупени во целост, веднаш откако тие ќе успеат да го преработат оние капацитети кои веќе ги имаат откупено.

Како што информира директорот Анакиев, договорената цена останува загарантирана, и покрај неопходниот период на забавен тек на откупот, поради комплексноста на самиот производствен процес, но и краткиот рок на свежина на производот. Инспекторатот за земјоделство, и понатаму е активно на терен следејќи го текот на откупот од производителите, до откупувачите и крајно до преработувачите.