Wie sind die Öffnungszeiten?

Montag 09:00 - 12:00 13:00 - 17:00 Dienstag 09:00 - 12:00 13:00 - 17:00 Mittwoch 09:00 - 12:00 13:00 - 17:00 Donnerstag 09:00 - 12:00 13:00 - 17:00 Freitag 09:00 - 12:00

Konsullata e Përgjithshme e Republikës së Kosovës në Cyrih

Startseite
Schweiz
Zürich
Konsullata e Përgjithshme e Republikës së Kosovës në Cyrih

Konsullata e Përgjithshme e Republikës së Kosovës në Cyrih
Generalkonsulat der Republik Kosova in Zürich
Consulate General of the Republic of Kosova in Zurich

Konsullata e Republikës së Kosovës në Cyrih, në vazhdimësi publikon në këtë faqe, njoftimet e ndryshme, udhëzimet, shpalljet etj. Konsullata, nuk punon gjatë ditëve të fundjavës dhe në festat zyrtare të Republikës së Kosovës dhe të shtetit pritës.

15/09/2026

Shefi i Misionit Konsullor të Republikës së Kosovës në Cyrih, z. Vigan Berisha, mori pjesë në mbrëmjen përshëndetëse të organizuar me rastin e përfundimit të mandatit të dr. don Anton Uka, Udhëheqës i Misionit Katolik Shqiptar në Luzern.
Me këtë rast, z. Berisha, i shprehu mirënjohjen për bashkëpunimin e vazhdueshëm dhe konstruktiv me Misionin Katolik Shqiptar në Luzern, si dhe për kontributin e dr. don Anton Ukës në nisma dhe aktivitete me rëndësi për mërgatën shqiptare në Zvicër.
Z. Berisha, i përcolli dr. don Anton Ukës, urimet më të mira për shëndet, sukses dhe mbarësi në angazhimet e tij, duke vlerësuar bashkëpunimin e ndërtuar gjatë mandatit të tij në krye të Misionit Katolik Shqiptar në Luzern.

14/09/2026

Sot, në Gasthaus Albisgütli në Cyrih, kishim kënaqësinë të merrnim pjesë në “Knabenschiessen 2026 Festbankett”, një nga ngjarjet tradicionale të Cyrihut.
Në këtë ngjarje morën pjesë përfaqësues të autoriteteve, ushtrisë, policisë, korit konsullor, mbështetës dhe sponsorë, shoqata mike, përfaqësues të mediave, si dhe bashkëpunëtorë vullnetarë.
Gjatë mbrëmjes patëm kënaqësinë të bashkëbisedonim me z. Mario Fehr, anëtar i Qeverisë së Kantonit të Cyrihut (Regierungsrat) dhe Drejtor i Sigurisë së Kantonit të Cyrihut (Sicherheitsdirektor).
Mirënjohje për "Schützengesellschaft der Stadt Zürich", për mikpritjen dhe organizimin, si dhe për të gjithë organizatorët dhe pjesëmarrësit.
“Knabenschiessen”, mbetet një traditë e veçantë e Cyrihut, që bashkon komunitetin, kulturën dhe brezat në një atmosferë festive.

14/09/2026

NJOFTIM

Konsullata e Përgjithshme e Republikës së Kosovës në Cyrih njofton qytetarët se të enjten, më 17 shtator 2026, nga ora 10:30 deri në ora 15:30, për shkak të disa punimeve teknike, nuk do të jetë e mundur ofrimi i shërbimeve konsullore.

Lusim qytetarët që shërbimet konsullore t’i planifikojnë jashtë këtij orari.

Ju falënderojmë për mirëkuptimin.

Konsullata e Përgjithshme e Republikës së Kosovës në Cyrih

13/09/2026

Të dielën kishim kënaqësinë të marrim pjesë në festën e kombeve në Rorschach, një aktivitet i veçantë kulturor që sjell së bashku komunitete të ndryshme dhe krijon hapësirë për njohje, bashkëpunim dhe bashkëjetesë.
Gjatë vizitës, u ndalem në stendat e Kosovës dhe Shqipërisë, ku u prezantuan traditat, kultura dhe gastronomia shqiptare, si dhe kishim mundësinë të bashkëbisedojmë me bashkatdhetarë të shumtë të pranishëm në këtë aktivitet.
KulturFest Rorschach, dëshmon edhe një herë se kultura është një urë që afron njerëzit dhe komunitetet, duke krijuar mundësi të rëndësishme për dialog dhe mirëkuptim të ndërsjellë.
Mirënjohje për z. Nagip Memedi dhe Shoqatës Kulturore Iliria nga St. Gallen, për organizimin dhe përkushtimin në realizimin e këtij aktiviteti.

11/09/2026

Sonte, në hapësirat e Konsullatës së Përgjithshme të Republikës së Kosovës në Cyrih, u mbajt promovimi i romanit “Zemrat pas Maleve”, të autorit Blerim Ramadani, një vepër e frymëzuar nga një ngjarje e vërtetë e Luftës së Dytë Botërore.

Aktivitetin e hapi Shefi i Misionit, z. Vigan Berisha, i cili përshëndeti të pranishmit dhe theksoi rëndësinë e promovimit të krijimtarisë letrare, veçanërisht të veprave që trajtojnë ngjarje historike dhe kontribuojnë në ruajtjen e kujtesës kolektive. Të pranishmëve iu drejtua gjithashtu Zëvendësambasadorja e Republikës së Kosovës në Bern, znj. Shukrije Ramadani.

Në vijim, z. Bardhec Berisha, z. Tonin Nikolli dhe z. Bujar Salihu, nga Shoqata e Krijuesve Shqiptarë në Zvicër, folën për veprën, përmbajtjen dhe dimensionin e saj letrar e historik. Ndërkaq, autori Blerim Ramadani ndau me të pranishmit rrugëtimin e krijimit të romanit dhe sfondin historik mbi të cilin është ndërtuar rrëfimi.

Romani “Zemrat pas Maleve” sjell në vëmendje një ngjarje të vitit 1944, kur dy aviatorë amerikanë, pas rrëzimit të një bombarduesi B-24 Liberator në malet e Bistrës, u strehuan dhe u mbrojtën nga shqiptarët e zonës. Në qendër të rrëfimit qëndron Besa, e trajtuar si shprehje e humanizmit, besnikërisë dhe sakrificës në rrethana lufte.

Mbrëmja u përmbyll me bashkëbisedim me autorin dhe të pranishmit mbi veprën dhe historinë.

10/09/2026

Kënaqësi e veçantë të mirëpresim në Konsullatën e Përgjithshme të Republikës së Kosovës në Cyrih anëtarët e Studio artistike FENIX-Valle dhe Kulturë Shqiptare në Winterthur, të prirë nga z. Arsim Berisha dhe z. Petrit Bytyqi.
Gjatë takimit patëm mundësinë të bashkëbisedojmë me anëtarët e studios për veprimtarinë e tyre, angazhimin me fëmijët dhe të rinjtë, si dhe për rolin që luan kultura në ruajtjen dhe përcjelljen e traditës shqiptare te brezat e rinj.
Puna e shoqatave, studiove dhe organizimeve kulturore shqiptare në Zvicër përbën një kontribut të rëndësishëm në kultivimin e gjuhës, traditës dhe vlerave tona kombëtare në mërgatë.
Konsullata e Përgjithshme e Republikës së Kosovës në Cyrih, vlerëson këto angazhime dhe mbetet e gatshme për bashkëpunim me komunitetin dhe organizimet e tij në fushën e kulturës dhe edukimit të brezit të ri.

09/09/2026

Kishim kënaqësinë të mirëpresim në Konsullatën e Përgjithshme të Republikës së Kosovës në Cyrih, përfaqësuesit e Lidhjes së Spitex-ve dhe Infermierëve Shqiptarë në Zvicër, “Alba Health”, në krye me z.Ekrem Hasani, kryetar.
Gjatë takimit u diskutua për mundësitë e bashkëpunimit dhe çështje me interes të përbashkët, në funksion të fuqizimit të profesionistëve shqiptarë të shëndetësisë dhe mërgatës sonë në Zvicër.

08/09/2026

Konsullata e Përgjithshme e Republikës së Kosovës në Cyrih, organizon promovimin e romanit “Zemrat pas Maleve”, të autorit Blerim Ramadani, një vepër e frymëzuar nga një ngjarje e vërtetë e Luftës së Dytë Botërore.

Romani, sjell në vëmendje një histori të vitit 1944, kur dy aviatorë amerikanë, pas rrëzimit të një bombarduesi B-24 Liberator në malet e Bistrës, u strehuan dhe u mbrojtën nga shqiptarët e zonës, të cilët rrezikuan jetën e tyre dhe të familjeve të tyre.

Në qendër të rrëfimit qëndron Besa, si shprehje e humanizmit, besnikërisë dhe gatishmërisë për të mbrojtur tjetrin edhe në rrethanat më të vështira.

Promovimi do të jetë njëkohësisht një hapësirë bashkëbisedimi me autorin mbi letërsinë, historinë, kujtesën si dhe mbi ndërthurjen e kërkimit historik me rrëfimin letrar.

📅 11 shtator 2026
🕖 Ora 19:00
📍 Konsullata e Përgjithshme e Republikës së Kosovës në Cyrih
Eugen-Huber-Strasse 19A, 8048 Zürich

Për pjesëmarrje, ju lutemi të konfirmoni praninë në:
📧 [email protected]

08/09/2026

Organizuar nga Agjencia Italiane për Tregtinë (ICE), FDI Desk Switzerland, sonte patëm kënaqësinë të marrim pjesë në aktivitetin: “Itali–Zvicër: Një platformë strategjike për Evropën Jugore – Investimi në Itali në kohë të pasigurisë gjeopolitike”, organizuar nga Agjencia Italiane për Tregtinë (ICE), FDI Desk Switzerland.

Një mundësi e vlefshme për të njohur nga afër përvojën dhe qasjen italiane në diplomacinë ekonomike, promovimin e investimeve dhe forcimin e bashkëpunimit institucional.

Gjatë aktivitetit patëm kënaqësinë të bashkëbisedojmë me Konsullin e Përgjithshëm të Italisë në Cyrih, z. Mario Baldi, si dhe me përfaqësues të institucioneve dhe sektorit ekonomik.

07/09/2026

Kishim kënaqësinë e veçantë të merrnim pjesë në koncertin matinée, një aktivitet i bukur kulturor që solli tingujt e muzikës baroke dhe klasike në një atmosferë të veçantë.
Ishte kënaqësi të ishim pjesë e këtij organizimi dhe të shijonim një repertor të zgjedhur, të interpretuar me përkushtim nga artistët pjesëmarrës, ndër ta edhe pianisti shqiptar Leutrim Aliji.
Artistët tanë në mërgatë, vazhdojnë të japin një kontribut të çmuar në jetën kulturore dhe në promovimin e vlerave tona.

Adresse

Eugen-Huber-Strasse 19a
Zürich
8048

Öffnungszeiten

Montag	09:00 - 12:00
	13:00 - 17:00
Dienstag	09:00 - 12:00
	13:00 - 17:00
Mittwoch	09:00 - 12:00
	13:00 - 17:00
Donnerstag	09:00 - 12:00
	13:00 - 17:00
Freitag	09:00 - 12:00

Telefon

+41433430171

Webseite

https://ambasadat.net/Zvicer

Benachrichtigungen

Lassen Sie sich von uns eine E-Mail senden und seien Sie der erste der Neuigkeiten und Aktionen von Konsullata e Përgjithshme e Republikës së Kosovës në Cyrih erfährt. Ihre E-Mail-Adresse wird nicht für andere Zwecke verwendet und Sie können sich jederzeit abmelden.