Contractivas fusiun CADI

25/06/2017

Gratulaziun alla nova vischnaunca fusiunada Breil/Brigels (y) :-)

http://m.rtr.ch/novitads/grischun/surselva/breil-andiast-e-vuorz-fusiuneschan

29/03/2017

Oz da Denise Alig ella SO - dat ei era ina discussiun a Sumvitg e Medel?

26/03/2017

Co vinavon ella Cadi?

Ella responsabladad ein ussa las suprastonzas communalas, resp. ils presdents communals.

Las radunonzas da vischnaunca da Sumvitg e Medel han buca aunc giu la pusseivladad da s'exprimer en caussa. Suenter haver inoltrau varga 900 suttascripziuns ella Cadi eisi mo legitim ch'ins dat era leu la pusseivladad da saver far la discussiun davart l'iniziativa.

Suenter vesan ins co vinavon. (mira era video Telesguard)

http://www.rtr.ch/novitads/grischun/surselva/cadi-iniziativa-da-fusiun-e-giud-maisa

Il na da Tujetsch dal venderdi ha era influenzà il cussegl communal da Trun glindesdi saira.

26/03/2017

Co vesa ei ora mumentan ella Cadi pertanent "ir en contractivas da fusiun"?

- Tujetsch NA
- Mustér GIE
- Trun ha la veglia d'examinar las pusseivladads
- Sumvitg ?
- Medel ?
- Breil decida il zercladur davart la fusiun cun Andiast e Vuorz

Ed uss? Il comité ei dil meini - suenter haver inoltrau varga 900 suttascripziuns ella Cadi - ch'ins astga spitgar ch'ins meina era ellas vischnauncas da Sumvitg e Medel la discussiun davart l'iniziativa per aschia udir il meini da lezzas radunonzas da vischnaunca.

18/03/2017

Status quo en Tujetsch - in clar "na" alla iniziativa. Nus deplorein quei e sperein che las vischnauncas da Trun (decisiun Cussegl da vischnaunca gliendisdis sera), Sumvitg (decisiun radunonza da vischnaunca igl avrel) e Medel (buca aunc tractau) vesan ils avantatgs dall'iniziativa. La vischnaunca da Mustér ha gia detg "gie".

Nus vulein buca mo administrar e conservar il contonschiu. Cun las contractivas da fusiun vulein nus sesviluppar vinavon ed effectuar ella Cadi ligiontamein discussiuns surdad igl avegnir da nossa regiun ed aschia sperar ch'ins anfli communablamein las meglieras schligiaziuns pusseivlas pil futur e per nos vegnents suenter.

- era senza Tujetsch.

http://www.rtr.ch/novitads/grischun/surselva/tujetsch-di-definitiv-na-a-la-fusiun-cadi

Sco la suprastanza ed il cussegl, ha la radunanza communala da Tujetsch detg cler na a l’iniziativa 'Fusiun Cadi'.

17/03/2017

Oz venderdis ha la radunonza da vischnaunca a Tujetsch liug. Nus sperein che la populaziun tujetschina pren ina decisiun positiva e dat la schanza dad ir en contractivas.

18/02/2017

Il Cussegl da vischnaunca da Mustér ha decidiu ier sera sco emprema vischnaunca unanimamein d'ir en contractivas da fusiun. Quei fa grond plascher - engraziel fetg. (y)

Cun gronda speronza mirein nus enviers las proximas decisiuns en las ulteriuras vischnauncas.

http://m.rtr.ch/novitads/grischun/surselva/muster-dat-glisch-verda-per-tractativas-da-fusiun

Il cussegl da vischnanca ha decidì unanimamain d’approvar l’iniziativa per contractivas da fusiun per la Cadi.

15/02/2017

Grond engraziament a Mario Flepp pil sustegn!

13/02/2017

Ei "ira en contractivas" da fusiun senza Tujetsch in'opziun (el cass che tschellas quater vischnauncas acceptassen l'iniziativa)?

Il comité d'iniziativa en mintga cass quitass quei donn e spera che la populaziun Tuatschina vesa quei auter che sia politica...

http://m.rtr.ch/novitads/grischun/surselva/fusiun-cadi-er-senza-tujetsch-in-opziun

L’iniziativa per lantschar contractivas da fusiun en la Cadi divida las opiniuns.

02/02/2017

Il Cussegl da vischnaunca da Tujetsch ha cun 7 encunter 4 vuschs refusau l'iniziativa d'ir en contractivas da fusiun. Nus deplorein quella decisiun. A Tujetsch decida sco proxim la radunonza communala davart l'iniziativa.

Ils 17 da fevrer 2017 decida il Cussegl da vischnaunca da Mustér davart l'iniziativa. La suprastonza communala propona legreivlamein in "gie". (y)

http://m.rtr.ch/novitads/grischun/surselva/tujetsch-parlament-cunter-contractivas-da-fusiun

Cussegl da vischnanca da Tujetsch di na cun 7 encunter 4 vuschs.

28/01/2017

Preziai lecturs

Cuorta posiziun dil comité d'iniziativa enviers las renfatschas che nus havein survegniu a vesta da nossa posiziun sin il messadi dalla suprastonza communala da Tujetsch arisguard las "contractivas da fusiun":

La suprastonza communala da Tujetsch ha publicau avon cuort sia posiziun enviers l'iniziativa. Quella ei deplorablamein curdada ora negativa - quei ei lur bien dretg. Il comité d'iniziativa ha sinaquei criticau la posiziun dalla suprastonza sco arroganta ed igl agir da lezza senza grond respect. Daco exact san ins leger els artechels sin quella pagina. Sin fundament da quella essan nus vegni attaccai persunalmein. Nus vulein explicar clarmein: Nus havein buca attaccau las persunas, e schon insumma buca la populaziun Tuatschina. Sulettamein la posiziun dalla suprastonza communala e gliez ei tenor noss'opiniun era legitim.

Tier la posiziun dil comtié d'iniziatia va ei pil bien da nus tuts, per in svilup persistent e sco davos era per in bien avegnir sisum la Surselva. La suprstonza communala da Tujetsch denton ha ina posiziun egoistica e mira mo sin ils agens interess. Quei ei tenor nies manegiar buca bien e fa tema a nus. Oz eis ei numnadamein prudent da sesarver e buca da s'isolar. Contractivas da fusiun ei ina buna schanza d'anflar bunas schligiaziuns regiunalas a liunga vesta per nos vegnents suenter.

Nus engraziein era a quellas persunas ch'ein buca da nies meini pil dueivel respect.

Il comité

27/01/2017