27/08/2026
ਅਸੀਂ ਗੁਰਬਾਣੀ ਨੂੰ ਗੁਰੂ ਜਰੂਰ ਮੰਨਦੇ ਹਾਂ,ਪਰ ਗੁਰੂ ਮੁਤਾਬਿਕ ਅਸੀ ਦਿਨ ਦਾ ਇੱਕ ਪਲ ਵੀ ਨਹੀ ਗੁਜ਼ਾਰਦੇ।
ਕੱਲ ਜੋ ਨੇਪਾਲ ਵਿੱਚ ਵਾਪਰਿਆ ਹੈ ਉਸ ਦਾ ਬਹੁਤ ਅਫਸੋਸ ਹੈ।
ਕੁਦਰਤ ਅੱਗੇ ਅਰਦਾਸ ਹੀ ਕਰ ਸਕਦੇ ਹਾਂ ਕਿ ਸੱਚੇ ਪਾਤਸ਼ਾਹ ਅਕਾਲ ਪੁਰਖ ਵਾਹਿਗੁਰੂ ਜੀ, ਜੋ ਇਸ ਬਿਪਤਾ ਦੇ ਸ਼ਿਕਾਰ ਹੋਏ ਹਨ, ਉਹਨਾਂ ਨੂੰ ਆਤਮਿਕ ਬਲ, ਮਰੇ ਹੋਇਆਂ ਨੂੰ ਆਤਮਿਕ ਸ਼ਾਂਤੀ ਜਰੂਰ ਬਖਸ਼ਣਾ।
ਇਸ ਦੁੱਖ ਦੀ ਘੜੀ ਵਿੱਚ ਮਨੁੱਖ ਕੇਵਲ ਅਫਸੋਸ ਹੀ ਕਰ ਸਕਦਾ ਹੈ, ਜਦਕਿ ਇਹਨਾਂ ਬਿਪਤਾਵਾਂ ਦਾ, ਆਪਦਾਵਾਂ ਦਾ ਜ਼ਿੰਮੇਵਾਰ ਜਿਆਦਾ ਕਰਕੇ ਮਨੁੱਖ ਹੀ ਹੈ।
ਗੁਰਬਾਣੀ ਵਿੱਚ ਮਹਾਨ ਵਾਕ ਦਾ ਹਵਾਲਾ ਦਿੱਤਾ ਹੈ, ਉਹ ਸਾਨੂੰ ਕੁਦਰਤ ਦੀ ਸਰਵਉੱਚ ਸ਼ਕਤੀ ਅਤੇ ਮਨੁੱਖੀ ਸੀਮਾਵਾਂ ਦਾ ਅਹਿਸਾਸ ਕਰਵਾਉਂਦਾ ਹੈ।
"ਜਲ ਤੇ ਥਲ ਕਰਿ ਥਲ ਤੇ ਕੂਆ ਕੂਪ ਤੇ ਮੇਰੁ ਕਰਾਵੈ ॥"
(ਪਰਮਾਤਮਾ ਪਾਣੀ ਨੂੰ ਥਲ ਬਣਾ ਸਕਦਾ ਹੈ, ਥਲ ਨੂੰ ਖੂਹ ਬਣਾ ਸਕਦਾ ਹੈ, ਅਤੇ ਖੂਹ (ਡੂੰਘੀ ਜਗ੍ਹਾ) ਨੂੰ ਪਹਾੜ ਬਣਾ ਸਕਦਾ ਹੈ।)
ਇਹ ਵਾਕ ਸਾਨੂੰ ਯਾਦ ਦਿਵਾਉਂਦਾ ਹੈ ਕਿ ਕੁਦਰਤ ਦੀ ਬਣਤਰ ਅਤੇ ਬਦਲਾਅ ਬਹੁਤ ਵਿਸ਼ਾਲ ਹਨ, ਪਰ ਜਦੋਂ ਅਸੀਂ ਅਜਿਹੀਆਂ ਤਰਾਸਦੀਆਂ ਨੂੰ ਸਿਰਫ਼ "ਕੁਦਰਤ ਦਾ ਕਹਿਰ" ਕਹਿ ਕੇ ਪੱਲਾ ਝਾੜ ਲੈਂਦੇ ਹਾਂ, ਤਾਂ ਅਸੀਂ ਆਪਣੀ ਜ਼ਿੰਮੇਵਾਰੀ ਤੋਂ ਭੱਜ ਰਹੇ ਹੁੰਦੇ ਹਾਂ।
ਹਰ ਵਾਰ ਕੁਦਰਤ ਜ਼ਿੰਮੇਵਾਰ ਨਹੀਂ ਹੁੰਦੀ✍🏻
