Ambasada e Republikës së Shqipërisë në Kanada

06/17/2026

Me rastin e Ditës Ndërkombëtare të Grave në Diplomaci, Ambasada e Shqipërisë ishte anëtare e Komitetit Organizues të aktivitetit të organizuar nga Women Heads of Diplomatic Missions of Ottawa (WHDMO), i cili mblodhi së bashku diplomate, ambasadore dhe përfaqësuese të misioneve diplomatike në Ottawa.

Ky aktivitet shërbeu si një platformë e rëndësishme për të vlerësuar kontributin e grave në diplomaci dhe për të theksuar rolin e tyre në forcimin e dialogut, bashkëpunimit ndërkombëtar dhe ndërtimin e paqes.

Ishte një nder të kontribuoja në organizimin e një ngjarjeje që promovon lidershipin e grave dhe fuqizimin e tyre në arenën ndërkombëtare.

06/16/2026

Në episodin e radhës të ShqipCan, iu prezantojmë me arkitektin dhe sipërmarrësin Denis Shehu, një tjetër histori suksesi në komunitetin shqiptar në Kanada.

Sot një emër i njohur i arkitekturës, Denis Shehu ishte vetëm 12 vjeç kur emigroi së bashku me familjen e tij në Kanada.

Denis Shehu ka përfunduar studimet Bachelor në degën e Arkitekturës në Universitetin e Otavës, ndërsa studimet e nivelit master i ka kryer në IAAC Miami University.

Përtej angazhimit profesional, Denis ka një pasion të veçantë për teknologjinë dhe automobilizmin. Ky interes e ka shtyrë të ndërmarrë edhe iniciativa sipërmarrëse, duke investuar në Tiranë për hapjen e një showroom-i të dedikuar prezantimit të automjeteve luksoze Mercedes-Benz në Shqipëri.

Denis Shehu është një shembull i përkushtimit dhe angazhimit jo vetëm në shoqërinë kanadeze, por edhe në dhënien e kontributit në zhvillimin e sektorëve ekonomik të Shqipërisë, si pjesë e diasporës shqiptare.

06/16/2026

Me kënaqësi njoftojmë se verërat shqiptare të kantinave Çobo, Perla dhe Pelium kanë hyrë zyrtarisht në rrjetin e shpërndarjes së Bordit të Kontrollit të Likerit të Ontarios (LCBO), duke shënuar një hap të rëndësishëm në promovimin e produkteve shqiptare “Made in Albania” në tregun kanadez.

Ky sukses është rezultat i një bashkëpunimi të ngushtë me me LCBO-në, si edhe angazhimit të veçantë të Ambasadës së Shqipërisë në Kanada, z. Arqile Karanxha, Drejtorisë së Diplomacisë Ekonomike, Kulturës dhe Diasporës pranë Ministrisë për Evropën dhe Punët e Jashtme të Republikës së Shqipërisë dhe Dhomës së Biznesit të Diasporës Shqiptare.

Verërat shqiptare tashmë janë të disponueshme për konsumatorin shqiptar dhe atë ndërkombëtar në filialin e LCBO në adresën 160 Elgin Street, në Ottawa, duke sjellë në zemër të kryeqytetit kanadez traditën, cilësinë dhe identitetin e veçantë të prodhimit shqiptar të verës.

Ndërkohë, shumë shpejt këto produkte do të jenë të pranishme në Toronto. Kjo arritje përbën një nga rezultatet më domethënëse për gjashtëmujorin e parë të vitit 2026, në funksion të forcimit të marrëdhënieve ekonomike Shqipëri–Kanada, mbështetjes së eksporteve shqiptare dhe promovimit të produkteve "Made in Albania" në tregjet ndërkombëtare.

06/16/2026

06/15/2026

Ambasadorja e Republikës së Shqipërisë në Kanada, Sh.S.Znj. Artemis Malo, mori pjesë në aktivitetin “Women’s Inclusion, Diplomacy and Leadership”, organizuar nga Delegacioni i Bashkimit Evropian në Kanada.

Aktiviteti mblodhi ambasadore, diplomate dhe përfaqësuese të organizatave ndërkombëtare për të diskutuar mbi rëndësinë e lidershipit gjithëpërfshirës, promovimin e barazisë gjinore dhe rolin e grave në diplomacinë moderne.

Përmes shkëmbimit të përvojave dhe perspektivave të ndryshme, pjesëmarrëset theksuan nevojën për forcimin e rolit të grave në proceset vendimmarrëse dhe avancimin e një diplomacie më gjithëpërfshirëse. Shqipëria mbetet e angazhuar në promovimin e barazisë gjinore dhe fuqizimin e grave si vlera themelore për zhvillimin e qëndrueshëm dhe bashkëpunimin ndërkombëtar.

06/15/2026

Ambasada e Republikës së Shqipërisë në Kanada mori pjesë në tryezën e shtatë vjetore të partnerëve kryesorë financues të UN Women, organizuar nga Global Affairs Canada dhe UN Women.

Aktiviteti mblodhi përfaqësues të institucioneve qeveritare, organizatave ndërkombëtare dhe partnerëve strategjikë për të diskutuar mbi avancimin e barazisë gjinore, forcimin e multilateralizmit gjithëpërfshirës, zhvillimin e diplomacisë ekonomike dhe sfidat e sigurisë globale.

Pjesëmarrja në këtë forum rikonfirmon angazhimin e Shqipërisë për promovimin e barazisë, përfshirjes dhe bashkëpunimit ndërkombëtar, si dhe mbështetjen e iniciativave që kontribuojnë në zhvillimin e qëndrueshëm dhe fuqizimin e grave në nivel global.

06/13/2026

NEW REDUCTIONS IN OUR GARDEN CENTRE!

Bring colour, beauty, and life to your outdoor spaces for less!

🌺 Hanging baskets
🌼 Mixed planters
🌿 Ferns & greenery
🌸 Annual flowers
🏡 Perfect for patios, porches & gardens

Now is the perfect time to refresh your garden and save on your favourite seasonal blooms.

📍Visit Russell Foodland today and discover amazing deals while quantities last!

🌷🌼🌺🌿

06/10/2026

Përmbledhja e aktivitete të Ambasadës së Republikës së Shqipërisë në Kanada gjatë muajit Maj. 🇨🇦🫱🏻‍🫲🏼🇦🇱

06/08/2026

📢 Thirrje për aplikim në Regjistrin Shtetëror të Mësuesve të Gjuhës Shqipe dhe Kulturës Shqiptare në Diasporë – 2026

Agjencia e Sigurimit të Cilësisë së Arsimit Parauniversitar (ASCAP) fton mësuesit e gjuhës shqipe dhe kulturës shqiptare në diasporë të aplikojnë për t’u bërë pjesë e Regjistrit Shtetëror të Mësuesve për vitin 2026.

📅 Afati i aplikimit: 1 qershor – 30 shtator 2026

📌 Aplikimi dhe dorëzimi i dokumenteve të cituara më sipër do të bëhet vetëm nëpërmjet shërbimit postar në adresën postare: ASCAP, Rruga Naim Frashëri, Nr. 37, Tiranë.

Ftojmë të gjithë mësuesit që plotësojnë kriteret të aplikojnë dhe të bëhen pjesë e këtij regjistri të rëndësishëm për mësimin e gjuhës shqipe dhe ruajtjen e identitetit kombëtar në diasporë.

Për më shumë informacion:
https://www.ascap.edu.al/wp-content/uploads/2026/05/Njoftim-aplikimi-regjistri-i-Diaspores-2026-1.pdf?fbclid=IwY2xjawSKL0JleHRuA2FlbQIxMABicmlkETFPWW9MRU5PTDRMVmQ2ekxjc3J0YwZhcHBfaWQQMjIyMDM5MTc4ODIwMDg5MgABHv0ttUw6-a-RCISMB3VJZ9bBh_S7ZF6gEfl3FH_Htbf0kFUYTSt2jTasulVK_aem_mktOg5h9Uu-Dq6b1NXHosg