An Coimisiún Eorpach - Aistriúchán Gaeilge

15/09/2026

𝐀𝐭𝐞𝐚𝐧𝐠𝐚𝐢𝐫𝐞𝐚𝐜𝐡𝐭 𝐛𝐡𝐞𝐨 𝐠𝐨 𝐆𝐚𝐞𝐢𝐥𝐠𝐞! 🗣🎙

Ar 09:00 (am Strasbourg) maidin an 16 Meán Fómhair, tabharfaidh Uachtarán an Choimisiúin, Ursula von der Leyen, a hóráid bhliantúil ar Staid an Aontais Eorpaigh i bParlaimint na hEorpa. Is féidir amharc ar an mbeoshruth ach dul chuig an nasc seo: https://commission.europa.eu/strategy-and-policy/state-union_ga

Ach tá dea-scéala eile againn i mbliana: DEN CHÉAD UAIR RIAMH, cuirfear ateangaireacht bheo go Gaeilge ar fáil don phobal den óráid seo! Mar sin beidh tú in ann éisteacht le leagan Gaeilge den óráid agus í á rá ag an Uachtarán. Chun sin a dhéanamh, roghnaigh 'Gaeilge [ga]' ó liosta na dteangacha i roghchlár an fhíseáin bheo. 🔈

Céim stairiúil eile chun cinn don Ghaeilge! 🇮🇪 🇪🇺

27/08/2026

Tá an sprioc seo ag teannadh linn! Tapaigh an deis 📅

Tá go dtí 10:00 (am na Bruiséile), an 4 Meán Fómhair 2026 agat chun d’iarratas a sheoladh isteach! 🤗

An tusa an chéad oiliúnaí eile Blue Book a bheidh ag Cuallacht na Gaeilge? 🤩

Dhá uair sa bhliain, cuireann an Coimisiún Eorpach deis ar fáil do chéimithe tréimhse oiliúna a dhéanamh sna hInstitiúidí Eorpacha mar chuid de scéim Blue Book.

Na hiarratasóirí a roghnófar, caithfidh siad 5 mhí ag obair linn, ón 1 Márta 2027 go dtí an 31 Iúil 2027, agus íocfar liúntas míosúil dóibh.

Tá an tréimhse iarratais don chéad bhabhta eile de scéim oiliúna Blue Book ar oscailt anois! Tá go dtí 10:00 (am na Bruiséile), an 4 Meán Fómhair 2026 agat chun d’iarratas a sheoladh isteach.

Tá gach eolas faoin scéim, na critéir incháilitheachta agus an chaoi le hiarratas a dhéanamh le fáil ag https://traineeships.ec.europa.eu/

Go n-éirí leat! 💙

19/08/2026

:: TRÍ FHOLÚNTAS! ::
D'fhógraíomar cúpla seachtain ó shin go bhfuil dhá fholúntas ar fáil i gCuallacht na Gaeilge in Ard-Stiúrthóireacht an Aistriúcháin, agus tá an tríú folúntas ar fáil anois! 🤩

Ar mhaith leat post le Gaeilge a bheith agat sa Choimisiún Eorpach sa Bhruiséil?

Gheobhaidh tú an t-eolas ar fad faoi na trí fholúntas ag na naisc thíos. Molaimid go láidir cur isteach ar na trí cinn acu chun go mbeidh an seans is fearr is féidir agat ar phost.

Is é an 25/08/2026 ar 12:00 (am na Bruiséile) an sprioc-am le hiarratas a chur isteach.

Go n-éirí go geal leat!

https://eu-careers.europa.eu/en/job-opportunities/linguist-assistant/dgt-com-2026-1397

https://eu-careers.europa.eu/en/job-opportunities/linguist-assistant/dgt-com-2026-1523

https://eu-careers.europa.eu/en/job-opportunities/linguist-assistant/dgt-com-2026-1524

EPSO’s website is the host of the European Commission’s dedicated webpage for Temporary Agents’ vacancy announcements. The content published on this page is the sole responsibility of the European Commission’s Directorate-General for Human Resources and Security. Any questions regarding the...

30/07/2026

:: DHÁ FHOLÚNTAS ::

Tá Cuallacht na Gaeilge in Ard-Stiúrthóireacht an Aistriúcháin ag lorg beirt chúntóirí teanga!

Ar mhaith leat post le Gaeilge a bheith agat sa Choimisiún Eorpach sa Bhruiséil? Táimid ag cur dhá dheis éagsúla ar fáil duit.

Cliceáil ar na naisc thíos chun an t-eolas ar fad agus na foirmeacha iarratais a fháil don dá phost:

Cúntóir teanga in aonad GA1:
https://eu-careers.europa.eu/en/job-opportunities/linguist-assistant/dgt-com-2026-1523

Cúntóir teanga in aonad GA2:
https://eu-careers.europa.eu/en/job-opportunities/linguist-assistant/dgt-com-2026-1397

Is féidir leat cur isteach ar an dá fholúntas (dhá iarratas éagsúla a dhéanamh), agus moltar duit sin a dhéanamh.

Is é an 25/08/2026 ar 12:00 (am na Bruiséile) an sprioc-am le hiarratas a chur isteach.

Go n-éirí go geal leat!

29/07/2026

An tusa an chéad oiliúnaí eile Blue Book a bheidh ag Cuallacht na Gaeilge? 🤩

Dhá uair sa bhliain, cuireann an Coimisiún Eorpach deis ar fáil do chéimithe tréimhse oiliúna a dhéanamh sna hInstitiúidí Eorpacha mar chuid de scéim Blue Book.

Na hiarratasóirí a roghnófar, caithfidh siad 5 mhí ag obair linn, ón 1 Márta 2027 go dtí an 31 Iúil 2027, agus íocfar liúntas míosúil dóibh.

Tá an tréimhse iarratais don chéad bhabhta eile de scéim oiliúna Blue Book ar oscailt anois! Tá go dtí 10:00 (am na Bruiséile), an 4 Meán Fómhair 2026 agat chun d’iarratas a sheoladh isteach.

Tá gach eolas faoin scéim, na critéir incháilitheachta agus an chaoi le hiarratas a dhéanamh le fáil ag https://traineeships.ec.europa.eu/

Go n-éirí leat! 💙

08/06/2026

Ná caill an deis! ⚠️

Beidh an seisiún eolais seo ar siúl Déardaoin an 11 Meitheamh. Féach leat!

01/06/2026

Tá sé i gceist ag seirbhís earcaíochta an Aontais Eorpaigh comórtas earcaíochta d’aistritheoirí a reáchtáil i mbliana!

Ar mhaith leat a fháil amach faoi na deiseanna atá ar fáil d’aistritheoirí ardchumasacha? Ar mhian leat post ar phá maith a fháil i gceartlár na hEorpa?

Bí linn ag an seisiún eolais ar líne seo an 11 Meitheamh 2026 atá dírithe ar aistritheoirí gairmiúla agus gairmithe eile a d’fhéadfadh cur isteach ar phoist san Aontas!

Cluinfidh tú ó ionadaithe ó sheirbhísí aistriúcháin agus acmhainní daonna an Choimisiúin Eorpaigh agus ó Rialtas na hÉireann, agus beidh tú in ann do cheisteanna a chur orthu.

Tá gach eolas le fáil ag an nasc thíos:

Deiseanna gairme d’aistritheoirí leis an Aontas Eorpach

06/05/2026

Cuireadh fáilte chroíúil roimh mhic léinn de chuid Óstaí an Rí a tháinig ar cuairt chuig Cuallacht na Gaeilge an tseachtain seo caite 😃

Thug baill foirne na Cuallachta cainteanna faoinár gcuid oibre. Rinne Aislínn McCrory, Ceann Aonaid, Cuallacht na Gaeilge, cur i láthair faoi Ard-Stiúrthóireacht an Aistriúcháin agus Cuallacht na Gaeilge. Bhí cainteanna ann faoi obair an aistritheora agus na tréimhsí oiliúna atá ar fáil linn! 💡📚

Tá súil againn gur bhain na mic léinn sult as an turas chuig príomhchathair na hEorpa! 🤩

05/05/2026

FÓGRA: Síneadh ama curtha leis an sprioc-am!

Tá go dtí an 15 Bealtaine agat anois chun iarratas a dhéanamh ar intéirneacht linn in institiúidí an Aontais Eorpaigh.

Tá na sonraí uile le fáil, an fhoirm iarratais san áireamh, ach cliceáil ar an nasc seo: https://ionadbarrfeabhais.ie/inteirneachtai/

29/04/2026

Abair heileo le Noah, duine de na hintéirnigh iontacha atá ag obair linn faoi láthair! Chuireamar agallamh beag air le gairid lena fháil amach cad é mar atá ag éirí leis ar an intéirneacht sa Choimisiún Eorpach.

Ar shuim leatsa tréimhse mar sin a chaitheamh linn? Cliceáil anseo: https://ionadbarrfeabhais.ie/inteirneachtai/

---: Cad chuige ar chuir tú isteach ar an intéirneacht? :.
N: "Táim ag obair leis an nGaeilge le tamall de bhlianta anuas, agus theastaigh uaim triail a bhaint as rud nua agus cur le mo chumas. Bhíodh sé ráite agam le tamall gur bhreá liom taisteal agus maireachtáil i dtír san Eoraip, ach go mbeadh orm fanacht in Éirinn áit a raibh an obair leis an teanga. Ach tháinig mé ar an deis seo, agus bhí sí foirfe."

---: Cad é an rud is mó a thaitníonn leat faoin obair atá tú a dhéanamh linn agus faoin mBruiséil? :.
N: "Is aoibhinn liom a bheith mar chomhalta i bhfoireann mhór lán-Ghaeilge. Oireann an saol sa Bhruiséil go han-mhaith dom. Cuireann sí Baile Átha Cliath i gcuimhne dom go minic; an trácht, an torann, muintir dheas sa chathair, éagsúlacht daoine agus dream mór bríomhar a thagann anseo chun obair agus staidéar a dhéanamh."

---: Cé na 3 fhocal is mó a thagann chun cinn nuair a smaoiníonn tú ar an mBruiséil? :.
N: "Éagsúlacht, bríomhar, comhluadar"

---: Cén dóigh ar chuir an scéim nó an Bhruiséil le do chuid scileanna teanga go dtí seo? :.
N: "Bím ag síorchaint i gcomhluadar Gaeilge agus canúintí éagsúla ann, agus tá deis agat Fraincis nó Pléimeannais (nó Araibis, nó Iodáilis, nó Gréigis, etc.) a úsáid sa Bhruiséil."