Wat zijn de openingstijden?

Maandag 09:30 - 16:00 Dinsdag 09:30 - 16:00 Woensdag 09:30 - 16:00 Donderdag 09:30 - 16:00 Vrijdag 09:30 - 16:00

Embassy of Iceland in Brussels

Startpagina
België
Brussels
Embassy of Iceland in Brussels

Welcome to the page of the Embassy of Iceland in Brussels - Icelandic Mission to the EU.

Follow us on LinkedIn , X or visit our website mfa.is/brussels. The Embassy is a Mission to the European Union as well as being a bilateral Embassy to Belgium, Luxembourg, The Netherlands, Switzerland and San Marino. The Principal role of the Mission is to coordinate Iceland’s participation in the EEA Agreement, the Schengen Convention and various other relations and co-operation with the European Union.

11/06/2026

🔹Alþingi samþykkti nýverið þingsályktun um að efna til þjóðaratkvæðagreiðslu um framhald aðildarviðræðna Íslands við Evrópusambandið. Atkvæðagreiðslan fer fram laugardaginn 29. ágúst 2026, en utankjörfundaratkvæðagreiðsla verður opin frá 27. júlí 2026.

🔹Hægt verður að kjósa í sendiráðinu og hjá ræðismönnum þar sem það á við. Nánari upplýsingar um staðsetningar, opnunartíma og fyrirkomulag verða kynntar þegar nær dregur.

🔹Af þessu tilefni hefur utanríkisráðuneytið opnað sérstaka upplýsingasíðu á íslensku og ensku sem verður uppfærð reglulega eftir því sem nýjar upplýsingar berast. Sendiráðið mun sömuleiðis veita frekari upplýsingar þegar þær liggja fyrir, en í millitíðinni hvetjum við öll til að skoða upplýsingarsíðurnar, sem eru í athugasemdum hér að neðan.

05/06/2026

🇮🇸 🇪🇺 Hinn 4. júní sl. fór fram formlegur fundur innanríkisráðherra ESB á vettvangi ráðherraráðs ESB. Þorbjörg Sigríður Gunnlaugsdóttir, dómsmálaráðherra, sótti fundinn fyrir Íslands hönd sem samstarfsríki Schengen (e. Schengen Associated Country).

Á fundinum fór fram umræða um Schengen-stöðuskýrslu 2026 og forgangsmál Schengen-ráðsins á næsta starfsári 2026-2027, samstarf við Sómalíu á sviði endursendinga, tímabundna vernd vegna fjöldaflótta frá Úkraínu, áhrif stöðunnar í Mið-Austurlöndum á innra öryggi ESB og nýja öryggisstefnu ESB (e. European Security Strategy) sem er í undirbúningi.

Í tengslum við fundinn átti ráðherra jafnframt kvöldverðarfund með ráðherrum Norðurlandanna, sem fara með málefni útlendinga, þar sem samvinna ríkjanna á málefnasviðinu var til umræðu.

📸ESB
Utanríkisráðuneytið - utanríkisþjónusta Íslands

29/05/2026

Á fundi EES-ráðsins í Brussel á miðvikudaginn lagði Ísland áherslu á sérstöðu sína með tilliti til millilandaflugs og viðskiptakerfis með losunarheimildir, auk þess að ítreka andstöðu við verndaraðgerðir ESB gagnvart járnblendi.

Í umræðum um framkvæmd EES-samningsins, samkeppnishæfni og grænan vöxt lagði Ísland áherslu á mikilvægi virks innri markaðar, einfaldara regluverk og minna skrifræði til að styðja við fjárfestingar og sjálfbæran hagvöxt.

Einnig áttu EFTA-ríkin pólitískt samráð við Kaju Kallas, utanríkismálastjóra ESB, um stöðu mála í Úkraínu, Mið-Austurlöndum og á norðurslóðum.

EES-ráðið er pólitískur vettvangur EES-samstarfsins og fara fundir þess fram tvisvar á ári. Þar hittast fulltrúar EFTA-ríkjanna innan EES auk fulltrúa framkvæmdastjórnar ESB sem og fulltrúa þess ríkis sem fer með formennsku í ráðherraráði ESB hverju sinni, en Kýpur fer nú með formennsku í ráðinu. Martin Eyjólfsson, ráðuneytisstjóri utanríkisráðuneytisins, sótti fundinn fyrir Íslands hönd.

📸Evrópusambandið
Utanríkisráðuneytið - utanríkisþjónusta Íslands

22/05/2026

Sérstakur ráðgjafahópur Norðurlandanna og Eystrasaltsríkjanna , NB8 High-Level Advisory Group (HLAG) var í Brussel í vikunni. Sendiherra Íslands í Brussel, Stefán Haukur Jóhannesson er fulltrúi Íslands í hópnum ásamt Högna Kristjánssyni, sendiherra Íslands í Osló. Hópurinn var settur á laggirnar fyrir 2 árum til þess að veita Úkraínu liðsinni vegna aðildarumsóknar að Evrópusambandinu.

Hópurinn kom saman í Brussel til þess að öðlast betri innsýn í sjónarmið stofnana ESB og aðildaríkjanna til þess að geta veitt úkraínskum stjórnvöldum markvissari ráðgjöf nú þegar aðildarferlið er að þróast úr rýni yfir í samningaviðræður.

Í Brussel áttu þau fundi með sendiherra Úkraínu gagnvart ESB, Vsevolod Chensov, stækkunardeild framkvæmdastjórnar ESB og ráði ESB. Einnig voru haldnar hringborðs umræður með hugveitum í Brussel og ráðgjöfum í stefnumótun. Í lok ferðar var haldinn fjarfundur hópsins með Taras Kachka, vara forsætisráðherra Úkraínu. Þá bauð Stefán Haukur hópnum til móttöku í sendiherrabústað Íslands.

22/05/2026

Fulltrúar Landsvirkjunar heimsóttu sendiráð Íslands í Brussel í vikunni og áttu gott spjall við starfsmenn sendiráðsins um EES samstarfið, starfsemi sendiráðsins og áherslur í hagsmunagæslu Íslands gagnvart ESB. Þá bar einnig á góma mál á borð við iðnaðarhraðallinn, opinber innkaup, einföldun umhverfislöggjafarinnar, endurnýjanlegir orkugjafar og upprunaábyrgðir.

Á myndin má sjá frá vinstri Harald Hallgrímsson, forstöðumann viðskiptaþróunar Landsvirkjunar, Gerði Björk Kjærnested, verkefnastjóra lögfræðimála hjá Landsvirkjun, Daða Ólafsson sendiráðunaut atvinnuvegaráðuneytisins, Sigurbjörgu Sæmundsdóttur sendiráðunaut umhverfis-, orku- og loftslagsráðuneytisins, Kristínu Lindu Árnadóttur, aðstoðarforstjóra Landsvirkjunar, Finn Þór Birgisson, sendifulltrúa og varamann sendiherra, Hörð Arnarson, forstjóra Landsvirkjunar og Geir Arnar Marelsson, yfirmann lögfræðimála hjá Landsvirkjun.

29/04/2026

Starfsmenn heilbrigðisráðuneytisins heimsóttu sendiráð Íslands í Brussel á sumardaginn fyrsta, 23. apríl síðastliðinn, undir forystu Ástu Valdimarsdóttur, ráðuneytisstjóra. Þar fékk hópurinn kynningu á starfsemi sendiráðsins og helstu málum á döfinni í heilbrigðismálum, auk þess að eiga gott samtal við Stefán Hauk Jóhannesson, sendiherra, um hagsmunagæslu Íslands gagnvart ESB.

Daginn eftir sótti hópurinn fræðslu hjá NATO og fastanefnd Íslands hjá Atlantshafsbandalaginu, þar sem fjallað var um áfallaþol og heilbrigðisviðbúnað. Sama dag fundaði hópurinn einnig með DG SANTE hjá framkvæmdastjórn ESB, þar sem starfandi aðstoðarframkvæmdastjóri (DDG) hjá DG SANTE Marco Marsella tók á móti hópnum. Á fundinum var farið yfir forgangsmál í lýðheilsu og heilbrigðisöryggi, þar á meðal stafræna þróun í heilbrigðisþjónustu, forvarnir, aðgengi að lyfjum, sýklalyfjaónæmi og mat á heilbrigðistækni (HTA).

21/04/2026

📣 Utankjörfundaratkvæðagreiðsla vegna sveitarstjórnarkosninga 2026 er nú hafin í sendiráðinu í Brussel.

🔵 Hægt er að kjósa í sendiráðinu á þriðjudögum kl. 10-17. Ekki þarf að bóka tíma fyrirfram.

📆 Síðasti dagur utankjörfundaratkvæðagreiðslu í sendiráðinu er þriðjudaginn 12. maí. Við hvetjum þó kjósendur til þess að huga að kosningu sem fyrst þar sem póstsendingar til Íslands geta gengið hægt, sérstaklega vegna verkfalls starfsmanna póstþjónustunnar í Belgíu

Kjósendur eru minntir á að framvísa skal persónuskilríki með mynd.
Athugið að í sveitarstjórnarkosningum byggir kosningarréttur á lögheimili. Kjósendur þurfa því að hafa lögheimili á Íslandi til þess að kjósa.

Íslendingar staðsettir í Lúxemborg, Hollandi og Belgíu (utan Brussel) geta leitað til kjörræðismanna Íslands vegna kosninganna. Vinsamlegast hafið samband við viðeigandi kjörræðismann til þess að bóka tíma hjá viðkomandi. Sjá nánari upplýsingar um kjörræðismenn í eftirfarandi hlekk:
https://www.stjornarradid.is/sendiskrifstofur/sendirad-islands-i-brussel/umdaemislond/

Nánari upplýsingar um utankjörfundaratkvæðagreiðslu má nálgast hér:
https://island.is/v/sveitarstjornarkosningar-2026

Sérstök athygli er vakin á því að kjósendum ber sjálfum að póstleggja atkvæði sín eða koma þeim á annan hátt í tæka tíð til viðkomandi kjörstjórnar á Íslandi.

15/04/2026

🇮🇸🇳🇴🇱🇮🇨🇭Sendiherrar EFTA ríkjanna funduðu með ráðgjafanefnd EFTA í gær, þriðjudaginn 14. apríl, í EFTA húsinu í Brussel.

Ræddu sendiherrarnir og aðilar vinnumarkaðsins meðal annars um áhrif alþjóðlegrar og evrópskrar þróunar á EES samstarfið, breytta nálgun á iðnaðarstefnu ESB og aukningu á þverfaglegri stefnumótun hjá ESB.

Ráðgjafanefnd EFTA (e. Consultative Committee) er vettvangur verkalýðsfélaga og samtaka atvinnuveitanda í EFTA ríkjunum fjórum: Íslandi, Noregi, Liechtenstein og Sviss. Hún þjónar mikilvægum tilgangi sem vettvangur fyrir umræður og samráð um efnahags- og félagsleg atriði fríverslunarsamninga EFTA og Evrópska efnahagsvæðisins.

Utanríkisráðuneytið - utanríkisþjónusta Íslands
Stefán Haukur Jóhannesson

15/04/2026

🔴 ATH! Breyttur opnunartími - Hægt verður að kjósa í sendiráðinu á þriðjudögum á milli klukkan 10-17.

🔴 Síðasti dagur utankjörfundaratkvæðagreiðslu í sendiráðinu er þriðjudaginn 12. maí nk.

📣Utankjörfundaratkvæðagreiðsla vegna sveitarstjórnarkosninga 2026 hefst í sendiráðinu í Brussel mánudaginn 20. apríl nk. Síðasti dagur utankjörfundaratkvæðagreiðslu í sendiráðinu er miðvikudagurinn 13. maí þar sem sendiráðið er lokað 14. og 15. maí.
Við hvetjum þó kjósendur til þess að huga að kosningu sem fyrst þar sem póstsendingar til Íslands geta gengið hægt, sérstaklega vegna verkfalls starfsmanna póstþjónustunnar í Belgíu.

Opnunartímar utankjörfundaratkvæðagreiðslu í sendiráðinu eru eftirfarandi:
🔵Mánudaga og miðvikudaga kl. 13-16
🔵Fimmtudaga kl. 09:30-12:30

Ekki þarf að bóka tíma fyrirfram.

Kjósendur eru minntir á að framvísa skal persónuskilríki með mynd.

Athugið að í sveitarstjórnarkosningum byggir kosningarréttur á lögheimili. Kjósendur þurfa því að hafa lögheimili á Íslandi til þess að kjósa.

Íslendingar staðsettir í Lúxemborg, Hollandi og Belgíu (utan Brussel) geta leitað til kjörræðismanna Íslands vegna kosninganna. Vinsamlegast hafið samband við viðeigandi kjörræðismann til þess að bóka tíma hjá viðkomandi. Sjá nánari upplýsingar um kjörræðismenn í eftirfarandi hlekk:
https://www.stjornarradid.is/sendiskrifstofur/sendirad-islands-i-brussel/umdaemislond/

Nánari upplýsingar um utankjörfundaratkvæðagreiðslu má nálgast hér:
https://island.is/v/sveitarstjornarkosningar-2026

Sérstök athygli er vakin á því að kjósendum ber sjálfum að póstleggja atkvæði sín eða koma þeim á annan hátt í tæka tíð til viðkomandi kjörstjórnar á Íslandi.

27/03/2026

🇮🇸🇳🇴🇩🇰🇫🇮🇸🇪This week we marked the 25th anniversary of the Nordic countries´ participation in the Schengen Area at a reception kindly hosted by the Mission of Norway to the EU.

🤝For Iceland, Schengen has been a cornerstone of our cooperation with European partners—facilitating the free movement of people, strengthening security cooperation, and bringing our societies closer together.

✈️Together with our participation in the European Economic Area, Schengen has made it easier for Icelanders to live, work, travel, and engage across Europe. For many, this openness has become a natural part of everyday life.

As we look ahead, Iceland remains firmly committed to close cooperation with our Nordic and European partners to ensure that Schengen continues to be strong, secure, and resilient.

We thank Norway for bringing colleagues and friends together to celebrate this important milestone.

Utanríkisráðuneytið - utanríkisþjónusta Íslands
Stefán Haukur Jóhannesson

Adres

Rue Archimède 17
Brussels
1000

Openingstijden

Maandag	09:30 - 16:00
Dinsdag	09:30 - 16:00
Woensdag	09:30 - 16:00
Donderdag	09:30 - 16:00
Vrijdag	09:30 - 16:00

Website

http://mfa.is/brussels

Meldingen

Wees de eerste die het weet en laat ons u een e-mail sturen wanneer Embassy of Iceland in Brussels nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.