Kəlbəcər rayon 85 nömrəli ümumi orta məktəb

25/05/2026

Hörmətli həmkarlar,

Azərbaycan Respublikasının İnsan Hüquqları üzrə Müvəkkilinin (Ombudsmanın) Aparatından nəzarətlə “İnsan Hüquqları Aylığı”nın elan olunması ilə bağlı məktub daxil olmuşdur.

Məktubda qeyd olunur ki, Müvəkkilin təşəbbüsü ilə 18 may – 18 iyun 2026-cı il tarixləri ölkə üzrə “İnsan Hüquqları Aylığı” elan edilmişdir. Bu çərçivədə insan hüquq və azadlıqlarının təbliği, vətəndaşların öz hüquqları barədə məlumatlılığının artırılması, eləcə də insan hüquqlarının müdafiəsi sahəsində mövcud çağırışlara diqqətin yönəldilməsi məqsədilə ümumtəhsil müəssisələrində müvafiq tədbirlərin həyata keçirilməsi nəzərdə tutulur.

və

06/05/2026

26/04/2026

Dinləyib-anlama.
Dinləyib-anlama bacarığı şagirdlərin nitqi qavrama, məlumatı təhlil etmə və mənimsəmə qabiliyyətidir. Bu bacarıq xüsusilə oxuyub-anlama vərdişi formalaşana qədər ən əsas fəaliyyət növü hesab olunur.

23/04/2026

https://www.yap.org.az/az/view/news/104334/umummilli-lider-heyder-eliyev-musteqil-azerbaycanin-xilaskaridir-

Xəbərlər “Ümummilli Lider Heydər Əliyev müstəqil Azərbaycanın xilaskarıdır” 22 Aprel 2026    10:05 “Şəhərsalma və Memarlıq İli” çərçivəsində Yeni Azərbaycan Partiyası (YAP) Kəlbəcər rayon təşkilatı tərəfindən Yevlax şəhərində fəaliyyət göstərən K...

23/04/2026

https://www.yeniazerbaycan.com/YAPxeber_e140921_az.html

“Ümummilli Lider Heydər Əliyev müstəqil Azərbaycanın xilaskarıdır” mövzusunda tədbir keçirib

22/04/2026

YAP Kəlbəcər rayon təşkilatının sədri Həbib Misirov, məktəbin direktoru Xəqani Verdiyev və məktəbin müəllim kollektivi ilə görüş keçirilib. Məktəbin direktoru, Ərazi partiya təşkilatının sədri Xəqani Verdiyevə partiyanın fəaliyyətində və təhsilin inkişafında göstərdiyi xidmətlərə, eləcə də 60 illik yubileyi münasibətilə Yeni Azərbaycan Partiyası tərəfindən Fəxri Fərman təltif edildi.Yeni Azərbaycan Partiyasına yeni qəbul olunmuş üzvlərə partiya vəsiqələri, həmçinin partiyanın fəaliyyətində fəal olan şəxslərə Fəxri Fərmanlar təqdim olundu.

18/04/2026

Kəlbəcər karvanı

Dolaşıbdı, bələd yollar çaş durub,
Dağlar, - təzə, hava, - nübar, yaş, - qürub!
Qoysaydılar ev tikərdim daş qırıb,
Sağ-solum yol gedir qaya karvanı...

Tamarzıya görüşməyə yol qoyun,
Məzar boyda yer verməyə ol boyun...
Sərt daşlarla ömür sürəm qol-boyun,
Tərtər də daşanda soya karvanı.

Mamırlı qayalar təzədi, tərdi,
Yoxuşda yorulmaq " təzə hünərdi".
Solda Laçınqaya yorulmuş nərdi,
Bulaqlar, - tövşüyən maya karvanı.

Göyləri təzəcə dəlinib yazın,
Şimşəkdi, simləri qırılıb sazın?
Həkəri düyüsü, Naxçıvan duzu
islanıb, vermişəm suya karvanı.

Çiçəkləri Nərgiz, Solmaz, Hürüdü,
Çiskin gəlib dərələri bürüdü.
Bura abır, bura ismət yeridi,
Kəlbəcərdə duman, - həya karvanı.

Gərək tez böyüdəm dəvələrimi,
Üstünə sərəcəm gəvələrimi,
Belinə mindirib nəvələrimi,
Gün gələ aparam toya karvanı...

17/04/2026

Elm və Təhsil İşçiləri Həmkarlar İttifaqı Kəlbəcər Rayon komitəsinin rəhbərliyi ilə məktəbimizdə görüş keçirmişdir.
Görüş zamanı uzun illər təhsil sahəsində səmərəli fəaliyyət göstərmiş Xəqani müəllimə 60 illik yubileyi münasibətilə səmimi təbriklər çatdırılıb, onun pedaqoji fəaliyyətinin gənc nəslin yetişdirilməsində mühüm rolu xüsusi vurğulanıb. Sonda yubley münasibətilə Verdiyev Xəqani Həbib oğluna hədiyyə və Fəxri Fərman təqdim olunub. Ona uzun ömür, möhkəm can sağlığı və gələcək fəaliyyətində yeni uğurlar arzulanıb.

Həmçinin görüş zamanı Kəlbəcər rayon 85 nömrəli məktəbin bir neçə müəllimi təhsildə səmərli fəaliyyətlərinə görə ETİHİ Kəlbəcər Rayon Komitəsi rəhbərliyi tərəfindən Fəxri Fərmanlarla təltif olunublar.

14/02/2026