Quba-Xaçmaz Regional Mədəniyyət İdarəsi

03/06/2026

🔹Mədəniyyət Məsələləri Mediada

🔹”Azərbaycan mədəniyyəti – 2040” / Davranış mədəniyyəti cəmiyyət üçün mühüm amildir.

03/06/2026

02/06/2026

02/06/2026

Siyəzən Rayon Mədəniyyət Mərkəzində 1 İyun – Uşaqların Beynəlxalq Müdafiəsi Günü münasibətilə bayram tədbiri təşkil olunub.

Tədbirdə uşaqların iştirakı ilə maraqlı çıxışlar, musiqi nömrələri və əyləncəli proqramlar təqdim edilib.
Balaca fidanların sevinc dolu anları ilə yadda qalan tədbirin məqsədi uşaqlara qayğı və diqqətin vacibliyini bir daha vurğulamaq olub.

🌸 Uşaqlar bizim gələcəyimizdir! Onların sağlam, xoşbəxt və firavan böyüməsi hər birimizin ən mühüm vəzifəsidir.

01/06/2026

“Biz qəhrəmanlar yurdunun övladlarıyıq” adlı uşaqların yaradıcılıq festivalı keçirilib

1 İyun – Uşaqların Beynəlxalq Müdafiəsi Günü ilə əlaqədar Quba-Xaçmaz Regional Mədəniyyət İdarəsinin təşkilatçılığı ilə Qubada “Biz qəhrəmanlar yurdunun övladlarıyıq” adlı uşaqların yaradıcılıq festivalı keçirilib.

Bəşir Səfəroğlu adına Quba Rayon Mədəniyyət Mərkəzinin, Quba Rayon Mərkəzləşdirilmiş Kitabxana Sisteminin və Quba Uşaq-Gənclər İnkişaf Mərkəzinin kollektivlərinin birgə iştirakı ilə Quba şəhərindəki Nizami Parkında təşkil olunan festivalda şəhid ailələrinin övladları və yaradıcı uşaq kollektivləri iştirak edib.

Uşaqlar öz istedad və qabiliyyətlərini, bədii və intellektual bacarıqlarını nümayiş etdirib, müxtəlif əyləncəli oyun və müsabiqələrə qatılıblar.

Park ərazisində milli sənətkarlıq nümunələri, əl işləri, rəngkarlıq və qrafika əsərlərindən ibarət sərgilər nümayiş olunub.

Festival çərçivəsində Qubada fəaliyyət göstərən bədii kollektivlərin vətənpərvərlik ruhunda təqdimatları, musiqi və rəqs qruplarının rəngarəng çıxışları iştirakçılar tərəfindən maraqla qarşılanıb.

Qeyd edək ki, festivalın əsas məqsədi uşaqların vətənpərvərlik tərbiyəsinin möhkəmləndirilməsi, onların yaradıcılıq potensialının üzə çıxarılması, asudə vaxtlarının səmərəli təşkili və istedadlarının geniş ictimaiyyətə təqdim edilməsidir.

Festival bayram əhval-ruhiyyəli konsert proqramı ilə davam etdirilib.

01/06/2026

1 İyun - Uşaqların Beynəlxalq Müdafiəsi Günü münasibətilə bayram tədbiri keçirilib

Qusar rayon Heydər Əliyev Mərkəzində 1 İyun - Uşaqların Beynəlxalq Müdafiəsi Günü münasibətilə bayram tədbiri keçirilib. Tədbirdə şəhid və qazi övladları, həmçinin Qusar şəhər 2 və 3 saylı uşaq bağçalarının kollektivi və uşaqları iştirak edib. Tədbirdən əvvəl Ulu Öndər Heydər Əliyevin abidəsi ziyarət olunaraq əziz xatirəsi ehtiramla yad edilib. Rəsmi hissədə Quba-Xaçmaz Regional Mədəniyyət İdarəsinin rayon üzrə nümayəndəsi və Mərkəzin direktoru çıxış edərək uşaqları təbrik edib, dövlətin uşaqlara, xüsusilə də şəhid və qazi övladlarına göstərdiyi diqqət və qayğıdan bəhs ediblər. Daha sonra tədbir çay süfrəsi arxasında bayram tortunun kəsilməsi ilə davam etdirilib. Proqram çərçivəsində balacaların ifasında rəqslər, şeirlər nümayiş olunub və şən klounun iştirakı ilə maraqlı oyunlar təşkil edilib. Sonda uşaqlara kiçik hədiyyələr təqdim olunub və Mərkəzin kinozalında maraqlı filmlər nümayiş etdirilib.

01/06/2026

“Xoşbəxt olsun uşaqlar” adlı tədbir keçirilib

Xaçmaz Tarix-Diyarşünaslıq Muzeyində 1 İyun – Uşaqların Beynəlxalq Müdafiəsi Gününə həsr olunmuş “Xoşbəxt olsun uşaqlar” adlı tədbir keçirilib.

Dövlət Himninin səsləndirilməsi və Vətən uğrunda canlarından keçmiş şəhidlərin xatirəsinin bir dəqiqəlik sükutla yad edilməsi ilə başlayan tədbir çıxışlarla davam edib.

Çıxışlarda uşaqların xoşbəxt və sağlam böyüməsi istiqamətində göstərilən dövlət qayğısından, onların layiqli vətəndaş kimi yetişməsində təhsil və mədəniyyət müəssisələrinin rolundan danışılıb. Qeyd olunub ki, gələcəyimizin təməli bugünün yetişən fidanları ilə qoyulur.

Xaçmaz Tarix-Diyarşünaslıq Muzeyi və Xaçmaz Rayon Mərkəzi Kitabxanasının Uşaq şöbəsinin birgə təşkilatçılığı ilə baş tutan tədbirin əsas məqsədi uşaqların müdafiəsinin və hüquqlarının qorunmasının vacibliyini diqqətə çatdırmaq, onlarda vətənpərvərlik və milli-mənəvi dəyərlərə bağlılıq hisslərini gücləndirmək, eləcə də asudə vaxtlarının səmərəli təşkilinə töhfə vermək olub.

Tədbirdə Xaçmaz Rayon İcra Hakimiyyətinin məsul əməkdaşı, Xaçmaz Rayon Ağsaqqallar Şurasının üzvü, təhsil və mədəniyyət işçiləri, məktəblilər, eləcə də uşaq bağçalarında tərbiyə alan balacalar iştirak ediblər.

Tədbirdə xüsusi rəssamlıq qabiliyyətinə malik, fərdi təhsil alan, sağlamlıq imkanları məhdud və ümumrespublika təqdimat müsabiqəsinin qalibi olan məktəblilər də iştirak ediblər. Onlar muzeyin fəxri diplomu ilə mükafatlandırılıblar.

Tədbir çərçivəsində uşaqların ifasında şeirlər səsləndirilib, rəngarəng rəqslər nümayiş etdirilib, mahnılar oxunub və müxtəlif əyləncəli səhnəciklər təqdim olunub.

Tədbir çərçivəsində Xaçmaz Rayon Mərkəzi Kitabxanasının Uşaq Şöbəsinin təşkil etdiyi kitab sərgisinə və Xaçmaz Şəhər Uşaq İncəsənət Məktəbinin şagirdlərinin rəsm əsərlərindən ibarət sərgiyə də baxış keçirilib.

Sonda tədbirdə fəal iştirak edən uşaqlara təşəkkür edilib, onların daim xoşbəxt, sağlam və firavan böyümələri arzulanıb. Xatirə şəkilləri çəkdirilib.

01/06/2026

Əziz övladlar! 1 İyun - Uşaqların Beynəlxalq Müdafiəsi Günü münasibətilə hər birinizi təbrik edir, hamınıza cansağlığı və xoşbəxtlik arzulayıram.