Tovuz Heydər Əliyev Mərkəzi

03/06/2026

Mədəniyyət naziri Adil Kərimli Şuşada vətəndaşları qəbul edəcək.

Mərkəzi icra hakimiyyəti orqanları və digər idarəetmə qurumlarının rəhbərlərinin şəhər və rayonlarda vətəndaşların qəbulu cədvəlinə əsasən Azərbaycan Respublikasının mədəniyyət naziri Adil Kərimli tərəfindən 2026-cı il iyunun 19-da Şuşa şəhərindən olan vətəndaşların qəbulu keçiriləcəkdir. Qəbulun keçirilmə saatı və məkan barədə əlavə məlumat veriləcəkdir.

📍Vətəndaşlar 2026-cı il iyunun 15-dək Nazirliyin [email protected] elektron poçt ünvanı, (012) 493-43-98 telefon nömrəsi vasitəsilə müraciət etməklə qəbula yazıla bilərlər.

01/06/2026

Tovuzda 1 İyun – Uşaqların Beynəlxalq Müdafiəsi Gününə həsr olunmuş tədbir keçirilib
Tovuz Rayon İcra Hakimiyyəti və Qazax-Tovuz Regional Mədəniyyət İdarəsinin Tovuz rayonu üzrə mədəniyyət müəssisələrinin birgə təşkilatçılığı ilə 1 İyun – Uşaqların Beynəlxalq Müdafiəsi Gününə həsr olunmuş tədbir keçirilib.
Tədbirdə Tovuz Rayon İcra Hakimiyyətinin başçısı Məmməd Məmmədov, şəhid övladları, rayonun müxtəlif təhsil və mədəniyyət müəssisələrinin şagirdləri, eləcə də ictimaiyyət nümayəndələri iştirak ediblər.
Əvvəlcə uşaqların hazırladıqları rəsm əsərlərindən ibarət sərgiyə baxış keçirilib.
Nizami adına Mədəniyyət Evində davam edən tədbirdə Azərbaycan Respublikasının Dövlət Himni səsləndirilib, Ulu Öndər Heydər Əliyevin və Vətən uğrunda canlarından keçmiş şəhidlərimizin əziz xatirəsi bir dəqiqəlik sükutla yad olunub.
Tədbirdə çıxış edən Tovuz Rayon İcra Hakimiyyətinin başçısı Məmməd Məmmədov uşaqları bayram münasibətilə təbrik edib, ölkəmizdə uşaqlara göstərilən dövlət qayğısından danışıb. Bildirib ki, uşaqların hərtərəfli inkişafı, onların sağlam və vətənpərvər ruhda böyüməsi Azərbaycan dövlətinin prioritet istiqamətlərindən biridir. Ulu Öndər Heydər Əliyev tərəfindən əsası qoyulan dövlət uşaq siyasəti bu gün Azərbaycan Respublikasının Birinci vitse-prezidenti Mehriban xanım Əliyevanın təşəbbüsləri və həyata keçirdiyi layihələr vasitəsilə uğurla davam etdirilir.
Bayram tədbiri çərçivəsində uşaqlar tərəfindən bayram tortu kəsilib
Daha sonra şəhid övladlarına və tədbirdə iştirak edən uşaqlara hədiyyələr təqdim edilib.
Tədbirin bədii hissəsində uşaqların ifasında rəngarəng musiqi və rəqs nömrələri nümayiş olunub, ədəbi-bədii kompozisiyalar təqdim edilib. Şən əhval-ruhiyyə şəraitində keçən tədbir iştirakçılar tərəfindən böyük maraq və alqışlarla qarşılanıb

27/05/2026

27/05/2026

27/05/2026

26 may 2026-cı il tarixdə 28may Müstəqillik Günü ilə əlaqədar Tovuz rayonu Heydər Əliyev Mərkəzində mədəniyyət müəssisələrinin birgə təşkilatçılığı ilə "28 may xalqımızın qürur və birliyinin simvolu" mövzusunda konfrans keçirilib.
Tədbirdə çıxış edənlər bildiriblər ki, 28 May – Müstəqillik Günü xalqımızın dövlətçilik tarixində dönüş nöqtəsi kimi xüsusi yer tutur. 1918-ci il mayın 28-də qəbul edilmiş İstiqlal Bəyannaməsi ilə Azərbaycan Xalq Cümhuriyyətinin yaradılması uzun illər formalaşan milli azadlıq ideyasının siyasi ifadəsi idi. Bu tarix Şərqdə və müsəlman dünyasında ilk parlamentli, demokratik və dünyəvi respublikanın yaranması ilə yadda qaldı.
Azərbaycan Xalq Cümhuriyyətinin qurulması xalqımızın milli özünüdərk prosesinin yetkin mərhələyə çatmasının nəticəsi idi. XIX əsrin sonu və XX əsrin əvvəllərində maarifçilik hərəkatı, ictimai-siyasi düşüncənin inkişafı və milli ideyaların güclənməsi müstəqil dövlət ideyasını reallığa çevirdi. Bu proses nəticəsində xalqımız öz siyasi iradəsini ortaya qoyaraq dövlət qurmaq imkanını həyata keçirdi.
İstiqlal Bəyannaməsi ilə elan edilən yeni respublika bərabərlik, hüquq və azadlıq prinsiplərinə əsaslanan idarəçilik sistemi yaratdı.
Cəmi 23 ay fəaliyyət göstərməsinə baxmayaraq, Azərbaycan Xalq Cümhuriyyəti dövlət quruculuğu sahəsində mühüm nailiyyətlər əldə etdi. Parlament təsis olundu, hökumət strukturları formalaşdırıldı, dövlət atributları qəbul edildi. Milli ordu yaradıldı, hüquqi sistemin əsasları qoyuldu, dövlət idarəçiliyində müasir prinsiplər tətbiq edildi. Bu addımların gələcəkdə dövlətçilik üçün möhkəm təməllər rolunu oynayacağından danışdılar.
Sonda müstəqillik gününə həsr olunmuş videoçarx nümayiş olunub.

19/05/2026

Qazax-Tovuz Regional Mədəniyyət İdarəsinin rəisi vəzifəsini icra edən Səbuhi Xasməmmədova Tovuz rayon Heydər Əliyev Mərkəzinin fəaliyyətinə verdiyi dəyər üçün kollektivimiz adından xüsusi minnətdarlığımızı bildiririk.

19/05/2026

18/05/2026

18 may 2026-cı il tarixdə Beynəlxalq Muzeylər Günü ilə əlaqədar Tovuz rayonu Heydər Əliyev Mərkəzinin, Tarix-Diyarşünaslıq Muzeyinin və MKS-in birgə təşkilatçılığı ilə "Keçmişin izləri, gələcəyin dəyərləri" adlı tədbir təşkil edilib.
Tədbirdə çıxış edənlər bildiriblər ki, Azərbaycanda milli-mənəvi dəyərlərimizə, o cümlədən muzey işinə daim dövlət qayğısı olub. Ölkəmizdə muzey işinin inkişafı ümummilli lider Heydər Əliyevin adı ilə bağlıdır. Xalqımızın milli tarixi və mədəni irsinin qorunmasında muzeylərin dəyərini dərindən və həssaslıqla duyan Ulu Öndər respublikada müvafiq şəbəkənin genişləndirilməsini, onun maddi-texniki bazasının gücləndirilməsini daim diqqətdə saxlayıb.
Azərbaycan dövlətinin uğurlu mədəniyyət siyasəti nəticəsində son illər muzeylərimizin dünyanın nüfuzlu muzeyləri ilə əlaqələri genişlənib, bu sahədə beynəlxalq əməkdaşlıq sahəsində yeni nailiyyətlər əldə edilib.
Ümummilli Liderimizin siyasi irsinin öyrənilməsi, azərbaycançılıq məfkurəsinin formalaşdırılaraq inkişaf etdirilməsi məqsədilə yaradılan Heydər Əliyev muzeyləri isə respublikada muzey şəbəkəsinin genişləndirilməsi sahəsində mühüm hadisə kimi qiymətləndirilməlidir.
Hazırda ölkəmizdə fəaliyyət göstərən muzeylər və onların ekspozisiyaları azərbaycançılıq məfkurəsini uğurla təbliğ edirlər deyə söyləyiblər.Daha sonra qonaqlar muzeyi ziyarət edərək tariximiz olan eksponatlarla yaxından tanış olublar.

15/05/2026

15 may 2026-cı il tarixdə Tovuz rayonu Heydər Əliyev Mərkəzində 2026-cı ilin Şəhərsalma və Memarlıq ili elan olunması ilə bağlı "Tarixi irsimiz uşaqların gözü ilə" adlı rəsm sərgisi keçirilib.
Sərgidə Tovuz rayonu üzrə mədəniyyət müəssisələrinin və ümumtəhsil məktəblərinin şagirdləri və müəllimləri iştirak ediblər.
Sərgidə məktəblilərin əl işlərindən ibarət rəsm əsərləri, təbiət mənzərələri, tarixi abidələr və Ulu öndər Heydər Əliyev və mədəniyyət sərgisi rəsm nümunələri nümayiş olunub.
Tədbir iştirakçıları sərgi ilə yaxından tanış olub, təqdim edilən əsərlər haqqında geniş məlumat əldə ediblər.