Suraxanı Rayon Məhkəməsi

06/03/2026

Bakı şəhəri Suraxanı Rayon Məhkəməsinin böyük məsləhətçisi Maqsudov İsa Sabir oğlunun Azərbaycan Respublikası Prezidentinin 03 mart 2026-cı il tarixli Sərəncamı ilə Bakı şəhəri Nizami Rayon Məhkəməsinin hakimi təyin edilməsi ilə əlaqədar 06 mart 2026-cı il tarixdə Bakı şəhəri Suraxanı Rayon Məhkəməsində tədbir keçirilmiş və məhkəmənin sədri Kazımov Rasim Sarı oğlu hakim təyin olunmuş Maqsudov İsa Sabir oğluna hakimlik fəaliyyətində müvəffəqiyyətlər arzu etmiş və məhkəmə kollektivinin adından xatirə hədiyyəsini təqdim etmişdir.

20/01/2026

Bakı şəhəri Suraxanı Rayon Məhkəməsinin hakim kollektivi 20 Yanvar- Ümumxalq Hüzn Günü ilə bağlı Şəhidlər xiyabanını ziyarət edib.

13/10/2025

https://azertag.az/xeber/bakida_beynelxalq_hakimler_assosiasiyasinin_67_ci_bas_assambleyasi_ise_baslayib___yenilenib-3799431?fbclid=IwY2xjawNZsahleHRuA2FlbQIxMQBicmlkETFqREdvYllNUjh4NjlKRDlqAR6uyUeLbqBjNAMVtHrvtNHKWfeuT0_iRw3Jv6gMOtkyR-_jtR1NhVLw6TyBLw_aem_2P18A0gxm1S4jHShd2nAnQ

Oktyabrın 12-də Bakı Konqres Mərkəzində Beynəlxalq Hakimlər Assosiasiyasının (IAJ – International Association of Judges) 67-ci Baş Assambleyası öz işinə başlayıb.

10/05/2025

Bu gün görkəmli dövlət xadimi, ölkəmizin ümummilli lideri Heydər Əliyevin anadan olmasının 102-ci il dönümü münasibətilə Suraxanı Rayon Məhkəməsinin hakim kollektivi tərəfindən fəxri xiyabanda ulu öndərin xatirəsi ehtiramla yad edilib, məzarı ziyarət edilərək, önünə gül dəstələri qoyulmuşdur.

05/05/2025

25 aprel 2025-ci il tarixdə Bakı Apellyasiya Məhkəməsinin Mülki Kollegiyasının sədri Rafael Eyvazov və Cinayət Kollegiyasının hakimi Ramin Qaraqurbanlı metodik kömək göstərilməsi məqsədilə Bakı şəhəri Suraxanı Rayon Məhkəməsində olublar.
Görüşdə mülki işlər,cinayət işləri və cinayət təqibi ilə bağlı olan digər materiallar üzrə ümumi statistik məlumatlar tədqim edilib, daha sonra təcrübədə rast gəlinən və müzakirəsinə ehtiyac duyulan məsələlər ətrafında qarşılıqlı fikir mübadiləsi aparılıb.
Hakimlər ədalət mühakiməsinin səmərəliliyinin artırılması, hüquqi məsələlərin həllinə yanaşmanın sabitliyi və normativ hüquqi aktların tətbiqi ilə bağlı hüquqi mövqeyin proqnozlaşdırılan olması baxımından bu kimi görüşlərin səmərəli olduğunu qeyd ediblər.

20/01/2025

Bu gün Suraxanı Rayon Məhkəməsinin kollektivi ümumxalq Hüzn günü ilə əlaqədar Şəhidlər xiyabanını ziyarət edib.Azərbaycanın azadlığı uğrunda canından keçən qəhrəman 20 yanvar şəhidlərinin məzarları üzərinə qərənfillər düzülüb, onların əziz xatirəsi dərin ehtiramla yad edilmişdir.

26/12/2024

12/12/2024

Bu gün Suraxanı Rayon Məhkəməsində xalqımızın ümummilli lideri Heydər Əliyevin anım günü ilə bağlı tədbir keçirilmişdir.Əvvəlcə dahi şəxsiyyətin xatirəsi bir dəqiqəlik sükutla yad edilmiş, sonra tədbiri giriş sözü ilə açan məhkəmənin sədri Rasim Kazımov Heydər Əliyevin Azerbaycanın inkişafında rolu, eləcə də ölkəmiz və xalqımız üçün çətin zamanlarda onun qətiyyətli və müdrik siyasi iradəsinin əhəmiyyətindən bəhs etdi. Sonra məhkəmənin hakim kollektivi anım günü ilə bağlı çıxışlar etdilər.

20/11/2024

08/11/2024

Suraxanı Rayon Məhkəməsində 8 noyabr Zəfər bayramına həsr olunmuş tədbir keçirilmişdir. Tədbiri giriş sözü ilə açan məhkəmənin sədri cənab Rasim Kazımov Zəfər bayramının ölkəmiz və xalqımız üçün siyasi, mənəvi və tarixi əhəmiyyətini vurğuladı.Sonra Suraxanı Rayon Məhkəməsinin hakim köməkçisi vəzifəsində çalışan vətən müharibəsinin iştirakçısı Almuradov Ülvi Ramiz oğluna məhkəmənin kollektivinin adından xatirə hədiyyəsi təqdim edildi. Tədbir məhkəmənin hakimlərinin Vətən müharibəsi və Zəfər bayramı haqqında fikirləri ilə davam etdirildi.

27/09/2024

Bu gün Suraxanı Rayon Məhkəməsində torpaqlarımızın bütövlüyü uğrunda canından keçən əsgər və zabitlərimizin şərəfinə anım günü qeyd olunmuşdur.Əvvəlcə, respublikamızın müstəqilliyi və ərazi bütövlüyü uğrunda şəhid olan vətən övladlarının xatirəsi bir dəqiqəlik sükutla yad edilmişdir.Daha sonra məhhkəmənin sədri 44 günlük şanlı zəfər yolu barədə çıxış etmişdir.Tədbir məhkəmənin hakim heyətinin çıxışları ilə davam etmişdir.

24/09/2024

Ölkəmizdə könüllülük hərəkatının, eyni zamanda məhkəmə-hüquq sisteminin ayrılmaz parçasına çevrilən “Femida Könüllüləri” Təşkilatı artıq 1 ildir ki, fəaliyyətdədir.

Bu qısa müddət ərzində göstərdikləri səmərəli fəaliyyətə görə hər bir könüllünü təbrik edir, onlara gələcək işlərində uğurlar arzu edirik!