01/06/2026
Prezident İlham Əliyevin müşavirədə səsləndirdiyi fikirlərin əsas mahiyyəti də məhz bundan ibarətdir: kənd təsərrüfatı ənənəvi üsullarla deyil, elmə, texnologiyaya və müasir idarəetməyə əsaslanan model üzrə inkişaf etməlidir. Gübrə istehsalının genişləndirilməsi və texniki təminatın gücləndirilməsi bu modelin iki mühüm sütununu təşkil edir. Hər iki istiqamət üzrə həyata keçirilən tədbirlər gələcəkdə daha yüksək məhsuldarlıq, daha dayanıqlı istehsal və daha güclü ərzaq təhlükəsizliyi deməkdir. Azərbaycanın aqrar siyasətində formalaşan yeni yanaşma kənd təsərrüfatını sadəcə iqtisadi fəaliyyət sahəsi kimi deyil, milli inkişafın mühüm dayaqlarından biri kimi ön plana çıxarır.
Müasir dünyada dövlətlərin gücü təkcə sənaye və enerji imkanları ilə ölçülmür. Son illərdə baş verən qlobal proseslər göstərdi ki, ərzaq təminatı ən az enerji təhlükəsizliyi qədər strateji əhəmiyyət d...