Sabirabad Gənclər Evi / Sabirabad Youth House

Sabirabad Gənclər Evi / Sabirabad Youth House 🏛 Sabirabad Gənclər Evi
✉️ [email protected]
☎️(+994 2123) 8-90-35
🌟 Sənin üçün imkanlar, hər kəs üçün bərabər imkanlar!

🎓 Kompüter kursunu uğurla başa vuran gənclərimizi təbrik edirik!3 ay ərzində göstərdiyiniz əzm, səbr və fəallıq nəticəsi...
15/09/2026

🎓 Kompüter kursunu uğurla başa vuran gənclərimizi təbrik edirik!

3 ay ərzində göstərdiyiniz əzm, səbr və fəallıq nəticəsində kursu uğurla tamamlayaraq sertifikatlarınızı əldə etdiniz. 👏

💻 Qazandığınız bilik və bacarıqların gələcək təhsil və karyera yolunuzda sizə uğur gətirməsini arzulayırıq. 🌟

✨ Kursu bu dəfə tamamlaya bilməyən gənclərimizə isə demək istəyirik: bu, son deyil, yeni başlanğıcdır! Özünüzə inanın, öyrənməyə davam edin və növbəti fürsətdə məqsədinizə mütləq çatacaqsınız. 💪

Hər birinizə gələcək fəaliyyətinizdə uğurlar arzulayırıq! ❤️

📚 15 Sentyabr – Bilik Günü15 Sentyabr – Bilik Günü münasibətilə bütün şagird, tələbə və müəllimləri səmimi qəlbdən təbri...
15/09/2026

📚 15 Sentyabr – Bilik Günü

15 Sentyabr – Bilik Günü münasibətilə bütün şagird, tələbə və müəllimləri səmimi qəlbdən təbrik edirik! 🌟

Yeni tədris ilinin hər biriniz üçün bilik, yeni uğurlar və gözəl nailiyyətlərlə yadda qalmasını arzulayırıq. 🎓

Qoy yeni tədris ili yeni məqsədlərə, böyük arzulara və uğurlu gələcəyə aparan addımlarla zəngin olsun! ✨

Yeni tədris iliniz mübarək! 🇦🇿

BirKimiBirlikdə

“Vətəni tanıyaq” layihəsi çərçivəsində görüş keçirilib“Sabirabad Gənclər evi” sosial xidmət müəssisəsinin təşkilatçılığı...
14/09/2026

“Vətəni tanıyaq” layihəsi çərçivəsində görüş keçirilib

“Sabirabad Gənclər evi” sosial xidmət müəssisəsinin təşkilatçılığı ilə “Şəhərsalma və Memarlıq İli”nə həsr olunmuş “Vətəni tanıyaq” layihəsi çərçivəsində “Sabirabad rayonunun tarixi-memarlıq abidələri” mövzusunda görüş keçirilib. 🇦🇿

Görüş zamanı gənclərə Sabirabad rayonunun tarixi və mədəni irsi, ərazidə yerləşən tarixi-memarlıq abidələri haqqında məlumat verilib. Təqdimatda xüsusilə rayonun qədim tarixi irs nümunələrindən biri olan Baba Səmid türbəsi haqqında ətraflı məlumat təqdim olunub. 📚

Baba Səmid türbəsinin tarixi əhəmiyyəti, memarlıq xüsusiyyətləri və yerli mədəni irsdəki rolu barədə danışılıb, tarixi abidələrin qorunması və gələcək nəsillərə çatdırılmasının vacibliyi vurğulanıb. 🏛️

Görüşün sonunda gənclərin mövzu ilə bağlı sualları cavablandırılıb və onların tarixi-mədəni irsimizə dair biliklərinin artırılmasına töhfə verilib. 💡

"Sabirabad Gənclər evi" sosial xidmət müəssisəsi olaraq, gənclərimizin intellektual inkişafı, sosial aktivliyi və bacarı...
14/09/2026

"Sabirabad Gənclər evi" sosial xidmət müəssisəsi olaraq, gənclərimizin intellektual inkişafı, sosial aktivliyi və bacarıqlarının təkmilləşdirilməsi istiqamətində həyata keçiriləcək növbəti həftənin (14 sentyabr - 18 sentyabr) tədbirlər və fəaliyyət qrafikini təqdim edirik.

Qeyd olunan tədbirlərdə iştirak edərək öz potensialınızı üzə çıxara və yeni imkanlar kəşf edə bilərsiniz. Hər kəsi aktiv iştiraka dəvət edirik.

"Sabirabad Gənclər Evi"ndə "İnnovativ bacarıqlar" adlı layihə çərçivəsində növbəti məşğələ təşkil olunub.Məşğələ zamanı ...
13/09/2026

"Sabirabad Gənclər Evi"ndə "İnnovativ bacarıqlar" adlı layihə çərçivəsində növbəti məşğələ təşkil olunub.

Məşğələ zamanı iştirakçılar informasiya texnologiyaları və kompüter savadlılığı üzrə praktiki bacarıqlarını inkişaf etdirib, müasir proqram təminatları ilə işləmək qaydalarını mənimsəyiblər.

🇦🇿 “Böyük Qayıdışın Qəhrəmanları” layihəsi çərçivəsində şəhid Rəsul Ağayevin xatirəsinə həsr olunan anım tədbiri keçiril...
13/09/2026

🇦🇿 “Böyük Qayıdışın Qəhrəmanları” layihəsi çərçivəsində şəhid Rəsul Ağayevin xatirəsinə həsr olunan anım tədbiri keçirilib.

“Böyük Qayıdışın Qəhrəmanları” layihəsi çərçivəsində Birinci Qarabağ müharibəsi şəhidi Ağayev Rəsul Babaxan oğlunun ailəsi ziyarət olunub və şəhidimizin əziz xatirəsinə həsr olunmuş anım tədbiri keçirilib. 🇦🇿

Anım tədbirində şəhidimizin həyatı və döyüş yolu haqqında məlumat verilib, onun Vətən uğrunda göstərdiyi qəhrəmanlıqlardan bəhs olunub. Rəsul Ağayev 25 avqust 1968-ci ildə Sabirabad rayonunun Nərimankənd kəndində anadan olub. 1992-ci ildə könüllü olaraq cəbhəyə yollanaraq Ağdərə və Ağdam istiqamətlərində gedən döyüşlərdə iştirak edib, tank heyətində xidmət göstərib. Sırxavənd kəndi uğrunda gedən döyüşlər zamanı döyüş yoldaşları ilə birlikdə mühasirəyə düşərək itkin hesab olunub.

1992-ci ildən itkin hesab edilən Rəsul Ağayevin nəşinin qalıqları uzun illər sonra Ağdam rayonu ərazisində aşkar edilib. 2026-cı ilin fevral ayında şəxsiyyəti müəyyənləşdirilərək ailəsinə təhvil verilib və 19 fevral 2026-cı ildə Nərimankənd kənd qəbiristanlığında torpağa tapşırılıb.

Tədbir zamanı “Sabirabad Gənclər evi” sosial xidmət müəssisəsinin direktoru Rəşad Qurbanov çıxış edərək şəhid Rəsul Ağayevin keçdiyi şərəfli döyüş yolundan və Vətən uğrunda göstərdiyi fədakarlıqdan söz açıb. O, şəhidlərin həyat və mübarizə yolunun gənc nəslə çatdırılmasının, onların əziz xatirəsinin daim yaşadılmasının vacibliyini vurğulayıb.

Şəhidimizin ailə üzvləri də tədbirdə çıxış edərək Rəsul Ağayevlə bağlı xatirələrini bölüşüblər.

Anım tədbirində şəhidimizin əziz xatirəsi ehtiramla yad edilib.

Rəsul Ağayevin şərəfli döyüş yolu və Vətən sevgisi heç vaxt unudulmayacaq. Şəhidlərimizin əziz xatirəsi daim qəlblərdə yaşayacaq. 🇦🇿

🕊️ “Gələcək üçün sülh” adlı yaradıcılıq görüşü keçirilib“Sabirabad Gənclər evi” sosial xidmət müəssisəsi və Mil-Muğan Re...
11/09/2026

🕊️ “Gələcək üçün sülh” adlı yaradıcılıq görüşü keçirilib

“Sabirabad Gənclər evi” sosial xidmət müəssisəsi və Mil-Muğan Regional Gənclər və İdman İdarəsinin birgə təşkilatçılığı ilə, “Sülh Aylığı” çərçivəsində gənclərin yaradıcılıq bacarıqlarının inkişaf etdirilməsi və sülh dəyərlərinin təbliği məqsədilə “Gələcək üçün sülh” adlı yaradıcılıq görüşü keçirilib. 🎨

Görüş zamanı gənclər sülh mövzusunda pankart və posterlər hazırlayaraq öz yaradıcı yanaşmalarını nümayiş etdirib, eyni zamanda sülh, həmrəylik və gələcəyə dair fikir və mesajlarını hazırladıqları işlər üzərində ifadə ediblər. 🕊️

Yaradıcılıq fəaliyyəti gənclərin sülh dəyərlərinə münasibətinin ifadə olunmasına, fərdi düşüncə və yaradıcılıq qabiliyyətlərinin inkişafına şərait yaradıb. 🤝

Gənclər BirKimiBirlikdə

Region gəncləri arasında “İnnovasiya və gənclik” adlı intellektual yarış keçirilib“Sabirabad Gənclər evi” sosial xidmət...
11/09/2026

Region gəncləri arasında “İnnovasiya və gənclik” adlı intellektual yarış keçirilib

“Sabirabad Gənclər evi” sosial xidmət müəssisəsinin, Sabirabad STEAM Mərkəzinin və GİKM-in Mil-Muğan Regional Nümayəndəliyinin birgə təşkilatçılığı ilə Nə? Harada? Nə zaman? (NHN) formatında “İnnovasiya və gənclik” adlı intellektual yarış keçirilib. 🧠

Yarışın əsas məqsədi region gənclərinin bilik və dünyagörüşünün artırılması, məntiqi və analitik düşünmə bacarıqlarının inkişaf etdirilməsi, komanda işinin gücləndirilməsi və asudə vaxtlarının səmərəli təşkilinə töhfə vermək olub. 💡

Yarış zamanı komandalar müxtəlif sahələri əhatə edən sualları cavablandıraraq öz bilik və dünyagörüşlərini nümayiş etdiriblər. Maraqlı və rəqabətli şəraitdə keçən intellektual yarış iştirakçılar tərəfindən böyük maraqla qarşılanıb. 🤝

Yarışın yekun nəticələri aşağıdakı kimi olub:

🥇 “Bigbang” komandası – I yer
🥈 “Liberallar” komandası – II yer
🥉 “Türksoy” komandası – III yer

Qalib komandalar təşkilatçılar tərəfindən medal, diplom və hədiyyələrlə təltif olunublar. 🏆

STEAM Bigbang Liberallar Türksoy GənclərEvi2026

Sentyabrın 3-dən 6-dək Qazax Olimpiya İdman Kompleksində Gənclər Evlərinin direktorları, əməkdaşları və könüllü gəncləri...
11/09/2026

Sentyabrın 3-dən 6-dək Qazax Olimpiya İdman Kompleksində Gənclər Evlərinin direktorları, əməkdaşları və könüllü gənclərin iştirakı ilə “Media Akademiyası” adlı təlim düşərgəsi keçirilib.

Təlim düşərgəsində “Sabirabad Gənclər evi” sosial xidmət müəssisəsinin direktoru, əməkdaşları və könüllü gənci də iştirak ediblər. 📚

Təlim proqramı çərçivəsində iştirakçılara media və kommunikasiya sahəsinin müxtəlif istiqamətləri üzrə nəzəri və praktiki biliklər təqdim olunub. Proqram müddətində press-relizlərin hazırlanması, informasiya təhlükəsizliyi, sosial medianın effektiv idarə edilməsi, televiziya kommunikasiyası, vizual informasiya idarəçiliyi, media və böhran kommunikasiyası kimi mövzular üzrə təlimlər keçirilib.

Təlim düşərgəsi iştirakçıların media savadlılığının artırılması, kommunikasiya bacarıqlarının inkişaf etdirilməsi və Gənclər Evlərinin fəaliyyətinin ictimaiyyətə daha peşəkar və effektiv şəkildə təqdim olunması baxımından faydalı olub. 💡

BirKimiBirlikdə Maarifləndirmə

Address

Sabirabad şəhər, H. Əliyev Pr. , 95
Sabirabad

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00

Telephone

+994555591614

Website

Alerts

Be the first to know and let us send you an email when Sabirabad Gənclər Evi / Sabirabad Youth House posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Sabirabad Gənclər Evi / Sabirabad Youth House:

Shortcuts

Share

Category