GİKM-in Quba-Xaçmaz regional nümayəndəliyi

20/09/2026

🇦🇿Qubada “20 Sentyabr – Suverenlik Günü” münasibətilə tədbir keçirilib.

Quba Rayon İcra Hakimiyyəti, Quba Rayon Heydər Əliyev Mərkəzi, Quba-Xaçmaz Regional Gənclər və İdman İdarəsi və Gənclərin İnkişaf və Karyera Mərkəzinin Quba-Xaçmaz regional nümayəndəliyinin birgə təşkilatçılığı ilə “20 Sentyabr – Suverenlik Günü” münasibətilə tədbir keçirilib.

Tədbir Azərbaycan Respublikasının Dövlət Himninin səsləndirilməsi və Vətənimizin ərazi bütövlüyü və suverenliyi uğrunda canından keçmiş şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

Daha sonra Quba rayon Heydər Əliyev Mərkəzinin direktoru Sevinc Səlimova tədbiri açıq elan edərək çıxış edib və öz dəyərli fikirlərini gənclərlə bölüşüb.

Tədbirdə, həmçinin Quba Rayon İcra Hakimiyyətinin əməkdaşı Aynur Yəhyayeva, Quba-Xaçmaz Regional Gənclər və İdman İdarəsinin rəisi Qumru Məmmədova və Gənclərin İnkişaf və Karyera Mərkəzinin Quba-Xaçmaz regional nümayəndəliyinin koordinatoru Eyvaz Xeyrullayev çıxış ediblər.

Çıxışlar zamanı Azərbaycanın suverenliyinin bərpasına aparan yol, bu istiqamətdə həyata keçirilən tədbirlər və ölkə rəhbərliyinin dövlət siyasəti barədə fikirlər səsləndirilib.

Tədbirin sonunda gənclər mövzu ilə bağlı öz fikir və düşüncələrini bölüşüblər.🇦🇿

20/09/2026

Ərazi bütövlüyümüz və suverenliyimiz milli sərvətimizdir! 🇦🇿

18/09/2026

16/09/2026

Xaçmaz gəncləri Heydər Əliyev Mərkəzinə ziyarət təşkil edib.

Ziyarət zamanı gənclər Mərkəzdə nümayiş olunan eksponatlar və Ulu Öndər Heydər Əliyevin həyat və fəaliyyətini əks etdirən materiallarla tanış olublar.

Bu cür maarifləndirici ziyarətlər gənclərin tariximizə və milli dəyərlərimizə olan marağının artırılmasına töhfə verir.🇦🇿

15/09/2026

Quba gənclərinin asudə vaxtlarının səmərəli təşkili məqsədilə “Inception” filmi nümayiş etdirilib.

Film vasitəsilə iştirakçılara müstəqil düşünməyin, öz fikirlərini formalaşdırmağın və öz sözünün sahibi olmağın əhəmiyyəti çatdırılıb. 🧠💭

Tədbir gənclərin həm maraqlı və faydalı vaxt keçirməsinə, həm də film üzərindən müxtəlif mövzular haqqında düşüncə və fikir mübadiləsi aparmasına imkan yaradıb.

15/09/2026

Bilik Günü münasibətilə gənclərimizi təbrik edir, onlara yeni tədris ilində uğurlar arzulayırıq!💡

14/09/2026

Gənclərin şəxsi və peşəkar inkişafına dəstək məqsədilə “Liderlik” mövzusunda təlim keçirilib.

📍Heydər Əliyev Mərkəzində baş tutan təlim zamanı iştirakçılar liderlik anlayışı, effektiv ünsiyyət, komanda işi, qərarvermə və liderlik bacarıqlarının inkişaf etdirilməsi barədə faydalı məlumatlar əldə ediblər.

Təlim interaktiv formatda keçirilib, iştirakçılar müxtəlif müzakirə və praktiki fəaliyyətlərdə fəal iştirak ediblər.💬

Bu kimi görüşlər gənclərin öz potensiallarını kəşf etməsinə, yeni bacarıqlar qazanmasına və gələcək fəaliyyətlərində daha inamlı addımlar atmasına imkan yaradır.

11/09/2026

Gənclərin rəqəmsal savadlılığının və kibertəhlükəsizlik sahəsində məlumatlılığının artırılması məqsədilə “Heç bir sistem tam təhlükəsiz deyil!” mövzusunda maarifləndirici təqdimat təşkil olunub.

Təqdimat zamanı iştirakçılara fişinq hücumları, saxta mesaj və keçidlər, sosial mühəndislik üsulları, ictimai Wi-Fi şəbəkələrindən istifadənin yaratdığı risklər, şəxsi hesabların qorunması və güclü kibertəhlükəsizlik vərdişləri barədə ətraflı məlumat verilib.

👤Təqdimatı kibertəhlükəsizlik üzrə məzun İkram İbrahimov həyata keçirib.

10/09/2026

📢Təlimçiliyə marağı olan gənclərin nəzərinə! “Gənc Təlimçilər Məktəbi 2” layihəsinə qeydiyyat başladı.

Əgər auditoriya qarşısında çıxış etmək, biliklərinizi paylaşmaq və təlimçi olmaq istəyirsinizsə, bu fürsəti qaçırmayın.

Layihə çərçivəsində təlim metodikası, təqdimat texnikası və auditoriya idarəetməsi üzrə biliklər qazanacaq, mentor dəstəyi ilə real təlimlərə hazırlaşacaqsınız.

Proqram onlayn və əyani formatda olmaqla, oktyabr-dekabr aylarını əhatə edəcək.

📆 Son müraciət: 30 sentyabr, 23:59
🔗 Qeydiyyat və ətraflı məlumat üçün link: https://forms.gle/CpPkF4qGmBDDCJ7R8

Gələcəyin peşəkar təlimçiləri arasında yerinizi almaq üçün bu fürsəti qaçırmayın! 💡