08/01/2026
Quba rayonu Talabıqışlaq bələdiyyəsinin 2025-ci ildə gördüyü işlər barədə
H E S A B AT I
Talabıqışlaq bələdiyyəsi öz işində Azərbaycan Respublikası Prezidentinin bələdiyyələrlə bağlı imzaladığı fərman və sərəncamlardan, Milli Məclisin yerli özünüidarə ilə əlaqədar qəbul etdiyi qərar və qanunlardan, Ədliyyə Nazirliyi Bələdiyyələrlə iş Baş İdarəsinin , Xaçmaz Regional Ədliyyə İdarəsinin təklif və tövsiyyələrindən , bələdiyyənin öz Nizamnaməsindən irəli gələn vəzifələri, eləcə də bələdiyyə iclasları tərəfindən qəbul edilmiş qərarları, həmçinin, Quba rayon icra Hakimiyyətinin tövsiyyələrini rəhbər tutaraq fəaliyyətini qurur.
Bələdiyyə olaraq fəaliyyətimizi əsasən quruculuq-abadlıq, bələdiyyə ərazisində səliqə-sahman işlərinin görülməsinə, eyni zamanda ərazidə yaşayan şəhid ailələri ,qazilər, müharibə iştirakçıları, imkansız ailələrə yardımlar göstərilməsinə yönəldirik. Talabıqışlaq bələdiyyəsi Talabıqışlaq İnzibati Ərazi Dairəsinin ərazisini əhatə edir. Biz nümayəndəliklə birlikdə yerli əhali ilə sıx əməkdaşlıq şəraitində fəaliyyətimizi həyata keciririk.
Hesabat ilində bələdiyyənin 12 iclası keçirilib. İclasların gündəliyinə 46 məsələ daxil edilib və müvafiq qərarlar qəbul olunub. Bundan başqa, iclaslarda sakinləri narahat edən bir sıra cari məsələlər müzakirə edilib, komissiyaların rəy və təklifləri, arayışları dinlənilib. İclaslarda qəbul edilən qərarların icrası təmin edilmişdir.
Cari ildə bələdiyyəyə vətəndaşlar tərəfindən 15 müraciət olmuşdur. Müraciətlərin əksəriyyəti maddi yardım. mülkiyyətə, icarəyə torpaq sahəsinin ayrılması və suvarma suyu ilə ilə bağlı olmuşdur. Suvarma suyu ilə təminat daim bələdiyyənin diqqətində saxlanılır. Bələdiyyə ərazisində əhalinin suvarma suyuna olan ehtiyaclarını ödəmək məqsədi ilə suvarma arxlarının 1000 metrə yaxın məsafəsi lil və palçıqdan təmizlənərək əhalinin istifadəsinə verilmişdir. Bu istiqamətdə aparılan efektiv işlərin nəticəsində ərazidə suvarma suyunda problem yaranmayıb.
Talabıqışlaq bələdiyyəsinin Cağacıq kəndində yerləşən “Giriş qapısı” arkoda qopmuş ağlaylar bələdiyyə tərəfindən yenilənərək təmir edilmişdir.
Ərazinin Talabıqışlaq kəndinin əsas su mənbəyi olan təbii bulaqlar ekskovatorla lil və palçıqdan təmizlənmiş, bulaqların gözü açılmış içməli su xətlərində bəzi xırda təmir işləri görülmüşdür. Hazırda kəndin fasiləsiz su təminatı bərpa edilmişdir.
Aprel ayında yağan intensiv yağışlardan sonra baş vermiş selin fəsadlarının aradan qaldırılması istiqamətində təxirə salınmaz işlər görülmüşdür. Belə ki, bələdiyyənin əsasən Küçeyi və Xaruşa kəndlərində sel keçən yollar şeben və qrabillə daşlanmış, qreyderlə hamarlanaraq təmir edilmişdir.
Ərazidə olan Şəhid ailələri,Qarabağ qaziləri daim diqqətdə saxlanılır, onlara bələdiyyə tərəfindən mütamadi olaraq yardımlar edilir, onların problemlərinin vaxtında həlli istiqamətində işlər görülür, bundan sonra da onlara edilən diqqət və qayğımız daha da artırılacaqdır.
Bələdiyyə tərəfindən Cağacıq kənd sakini birinci qrup Qarabaq müharibəsi əlili Şahverdiyev Raqif Şahbaba oğluna 150 manat maddi yardım edilmişdir.
Abdullayev Rakif Nəcəf oğlunun Cağacıq kənd qəbirstanlığında olan məzarının təmiri üçün şəhidin qardaşı Abdullayev Rafiq Nəcəf oğluna 600 manat yardım edilmişdir.
Zəfər günü ilə əlaqədar bələdiyyə ərazisində yaşayan 18 nəfər müharibə əlilləri və vətən müharibəsi iştirakçılarının hər birinə 50.00 manat olmaqla cəmi 900.00 manat yardım edilmişdir.
Tərəfimizdən bələdiyyənin Xaruşa , Talabı, Küçeyi və Cağacıq kəndlərində vətəndaşlarla səyyar görüşlər keçirilmiş, əhalinin problemləri ilə yaxından tanış olararaq onların həlli istiqamətində işlər diqqət mərkəzində saxlanılır . Bu işlər mütəmadi davam etdirilir.
Bələdiyyə ərazisində kənd içi yollara əsasən Talabıqışlaq , Küçeyi, Xaruşa , Cağacıq kəndlərinə kamaz markalı yük maşını ilə 70 reys qrabil və 65 reys şebel 5000 metr məsafədə daşınıb tökülmüş və qreyderlə hamarlanaraq istifadəyə verilmişdir.
Talabıqışlaq-Küçeyi və Cağacıq kənd qəbirstanlığında iməclik yolu ilə təmizlik işləri aparılmış, ərazi kol-kosdan təmizlənmişdir.
Bələdiyyənin əsas məqsədlərindən biri də büdcə gəlirlərini artırmaq, maliyyə sabitliyini təmin etməkdir.Vergilərin yığılması zamanı SMS xidmətindən, bildirişlərin paylanmasından, reyestr məlumatlarının əldə edilməsindən istifadə olunur. Son olaraq 432 nəfərə son xəbərdarlıq sms-i göndərilmiş, müsbət nəticə vermədiyi təqdirdə aidiyyati üzrə məcburi ödəməni təmin etmək üçün növbəti bələdiyyə iclasında ödəməyən vergi ödəyiciləri barəsində qərar qəbul edib icra probasiya şöbəsinə müraciət etmək nəzərdə tutulub. Bu istiqamətdə görülən işlərin nəticəsində hazırda Talabıqışlaq bələdiyyəsinn heç bir DSMF və əmək haqqı borcu yoxdur.
Eyni zamanda vətəndaşlar tərəfindən zəbt edilmiş bələdiyyə torpaqlarının invertarizasiyasının aparılması və zəbtdən azad edilməsi məqsədi ilə bələdiyyə üzvlərindən ibarət komissiya təşkil edilmişdir. Artıq Cağacıq kəndində yaşayış məntəqələri torpaqlarında invertarizasiya başa çatdırılmışdır. Komissiyanın fəaliyyəti nəticəsində Talabı kəndində 0.18 ha, Toxmar kəndində 0.45 ha yaşayış məntəqələri torpaqları kategoriyalı, küçeyi kəndində 3.5 ha örüş, Talabı kəndində 0.55 ha əkin təyinatlı torpaqlar zəbtdən azad edilmişdir. Komissiyanın fəaliyyəti davam etdirilir.
Talabı kənd sakini, beş ildən artıq ərazidə daimi yaşayan Əliyev Ağamurad Hacımurad oğlunun özünə 0.10 ha həyətyanı torpaq istəməsi ilə etdiyi yazılı müraciəti bələdiyyənin 16 dekabr 2025-ci il tarixli 12 saylı iclasında baxılmış və bələdiyyə üzvlərinin yekdil qərarı ilə vətəndaş Əliyev Ağamurad Hacımurad oğlunun ərizəsi nəzərə alınaraq, bələdiyyənin KPİ torpaqlarına aid 0.10 ha torpaq sahəsinin fərdi yaşayış evi tikintisi məqsədi ilə bilavasitə satılması üçün müvafiq icra hakimiyyəti orqanlarının rəyinin alınmasından ötrü aidiyyati qurumlara müraciət edilməsi məqsədi ilə 3 saylı qərar qəbul edilmişdir.
Bələdiyyə üzvlərimiz nəinki sosial-iqtisadi məsələlərin həllində, eləcədə bələdiyyənin iş üslubunun,forma və metodlarının təhkimləşdirilməsi prosesesində də fəallıq göstərirlər. Bələdiyyənin fəaliyyəti, strukturu və iş prinsiplərində şəffaflıq və hesabatlılıq vardır.
Talabıqışlaq bələdiyyəsinin şəxsi Facebook səhifəsi vardır. Bələdiyyə olaraq biz ərazidə olan görülən işləri, maliyyə hesabatlarımızı işıqlandırırıq, həm də lazım olan bəzi qanunvericiliyə aid olan digər məlumatları paylaşırıq. Talaqbıqışlaq bələdiyyəsi olaraq, biz, çalışırıq ki, bələdiyyə vətəndaş yaxınlığı yaradılsın, bələdiyyədə aşkarlıq, şəffaflıq təmin edilsin.
Talabıqışlaq bələdiyyəsinin 2025-ci ildə
G Ə L İ R L Ə R İ: 37210.00
Ondan ;
Torpaq vergisi 6176.19
Əmlak vergisi 4407.32
İcarə t/vergisi 1159.49
Debitor borc 20980.00
Dotasiya 4000.00
Səhv köçürmə 487.00
X Ə R C L Ə R İ: 41981.12
Ondan ;
Əmək haqqı 22373.45
DSMF ayırmaları 7392.71
Yanacaq xərci 2010.57
Bank xidməti 596.80
Dəftərxana xərci 200.00
Audit xidmətinə 1600.00
Abunə üçün 986.40
AFRİN PRİCE MMC –yə 470.00
Yol təmirinə 2980.00
Sərəncama əsasən DSMF tutulub 557.66
Milli Assosiasiyaya 360.00
Yardımlar 1953.00
Bələdiyyə otaqlarının icarə haqqısı 444.80
Atəşgah Həyat Sığortaya 31.68
BOXM –nə SMS xidməti üçün 24.05
Talabıqışlaq bələdiyyəsinin sədri M.M.Məmmədov.
