What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00 Saturday 08:00 - 14:00

https://www.facebook.com/110889393952363/

Neftçala Mktib, M. Ə. Sabir küçəsi 65, Neftçala (2026)

24/06/2026

Bakı və Aşqabad arasında strateji tərəfdaşlığın yeni mərhələsi

2026-cı il iyunun 22-də Türkmənistan Prezidenti Sərdar Berdiməhəmmədovun Azərbaycana rəsmi səfəri iki qardaş ölkə arasındakı münasibətlərin dinamik inkişafını və strateji xarakterini bir daha nümayiş etdirdi. Ali səviyyədə keçirilən görüşlər və aparılan danışıqlar Bakı ilə Aşqabad arasında mövcud olan çoxşaxəli əməkdaşlığın gələcək perspektivlərini müəyyən etmək baxımından müstəsna əhəmiyyət kəsb edir. Azərbaycan Respublikasının Prezidenti cənab İlham Əliyevin mətbuata bəyanatı iki dövlət arasında siyasi, iqtisadi və mədəni platformalarda formalaşan sarsılmaz birliyin və gələcək müştərək hədəflərin rəsmi xülasəsi kimi qiymətləndirilməlidir. Bu səfər sadəcə diplomatik protokol çərçivəsində qalmayaraq, tərəflərin regional və qlobal müstəvidə bir-birini tamamlayan fəaliyyət proqramının icrasını sürətləndirdi. İki ölkə arasındakı münasibətlərin ən mühüm xüsusiyyətlərindən biri hər iki tərəfin milli maraqlara və qarşılıqlı hörmətə əsaslanan müstəqil xarici siyasət yürütməsidir. Məumur ki, Azərbaycan və Türkmənistan zəngin karbohidrogen ehtiyatlarına və strateji coğrafi mövqeyə malik dövlətlər kimi regionda sabitliyin və inkişafın əsas təminatçısı rolunda çıxış edirlər. Dövlət bşçısı bəyanatında bu potensialın birləşdirilməsinin vacibliyini xüsusi vurğulamışdır. İki ölkə rəhbərinin qəbul etdiyi qərarlar və verdiyi konkret tapşırıqlar yaxın gələcəkdə yeni və irimiqyaslı layihələrin reallaşdırılmasına zəmin yaradır. Xüsusilə, gələn ay Türkmənistanda keçirilməsi nəzərdə tutulan Hökumətlərarası Komissiyanın iclası bu tapşırıqların praktiki müstəviyə keçirilməsi üçün əsas icra mexanizmi olacaqdır. Komissiya çərçivəsində ticarət, energetika və digər sahələrdə yeni əməkdaşlıq modelləri hərtərəfli işlənib hazırlanacaqdır.
Bu gün Azərbaycan-Türkmənistan əlaqələri sadəcə ikitərəfli müstəvidə deyil, həm də beynəlxalq təşkilatlar çərçivəsində yüksək səviyyədə koordinasiya olunur. Rəsmi Bakı Aşqabadın uzun illərdir uğurla yürütdüyü və dünyada geniş qəbul olunan neytrallıq siyasətini hər zaman qətiyyətlə dəstəkləyir. Öz növbəsində Türkmənistan da regional inteqrasiya proseslərində Azərbaycanın rolunu yüksək qiymətləndirir. Prezidentlərin siyasi iradəsi və dövlətlər arasındakı qarşılıqlı etimad Avrasiya məkanında yeni geoiqtisadi reallıqların formalaşmasına birbaşa təsir göstərir. Sərdar Berdiməhəmmədovun bu səfəri və qəbul edilən qərarlar Bakı ilə Aşqabad arasında strateji tərəfdaşlığın yeni və daha səmərəli bir mərhələyə qədəm qoyduğunu sübut edir.

Valeh Tağıyev;
Neftçala rayonu

16/06/2026

Şuşa Bəyannaməsi ilə Azərbaycan və Türkiyə arasında yüz illərlə davam edən qardaşlıq münasibətləri yeni bir dövrə qədəm qoydu!

Türkiyə və Azərbaycan bu gün qeyd-şərtsiz dost, qardaş və müttəfiq dövlətlər olmaqla siyasi münasibətlərin yeni səviyyəsini nümayiş etdirərək bir daha dünyaya nümunə olduqlarını göstərirlər. Hər iki dövlətin sülhə və sabitliyə, regional münasibətlərdə əməkdaşlığa, inteqrasiyaya üstünlük vermələri bir daha göstərir ki, ölkələrimiz istənilən münaqişədən uzaqdır. Lakin bununla bərabər istənilən daxili və xarici təhdidlərə qarşı ölkələrimizin kifayət qədər gücü vardır. Bu gün dünyada dünyada siyasi, iqtisadi və hərbi güc mərkəzlərindən birinə çevrilmiş qardaş Türkiyənin uğurları bizləri çox sevindirir. Qardaş ölkə həm regional, həm də beynəlxalq münasibətlərə təsir etmək gücündə olduğunu zaman-zaman nümayiş etdirir. Məhz 2020-ci ildə 44 günlük Vətən Müharibəsi zamanı Türkiyə Azərbaycana sözün əsl mənasında qardaşlıq etdi. Dünyanın bir çox ermənipərəst dövlətləri və təşkilatları Azərbaycanı haqq savaşında qınayanda qardaş Türkiyə dövləti öz mənəvi dəstəyini bir an belə əsirgəmədi. Haqqın, ədalətin ZƏFƏR çalmasına şərait yaratdı. Qardaş ölkə postmüharibə dövründə də Azərbaycana öz siyasi və mənəvi dəstəyini əsirgəmədi. Müharibənin bitməsindən az sonra qələbəmizin simvolu hesab edilən Şuşa şəhərində müttəfiqliyimizi bütün sahələr üzrə tam şəkildə rəsmiləşdirən tarixi “Şuşa Bəyannaməsi” iki qardaş ölkənin dünyaya verdikləri növbəti mesaj oldu. Qardaş Türkiyə dövlətinin Prezidenti cənab Rəcəb Tayyib Ərdoğanın Müzəffər Ali Baş Komandan cənab İlham Əliyevlə birlikdə Şuşa Bəyannaməsini imzalamaq üçün 30 ildən sonra əzəli sahiblərinə qovuşan Şuşa şəhərinə səfəri və müttəfiqlik bəyannaməsini imzalaması 44 günlük Vətən Müharibəsindən sonra Cənubi Qafqaz regionunda yeni reallıqların yarandığını nümayiş etdirdi. Bu tarixi sənəd, Azərbaycan və Türkiyə dostluğunun və qardaşlığının əbədi olduğunu bir daha dünya dövlətlərinə bəyan etmiş oldu. Qeyd edək ki, tarixi sənədin Azərbaycanın ictimai-siyasi fikir tarixində mühüm günlərdən sayılan 15 iyun Milli Qurtuluş Günündə imzalanması xüsusi rəmzi məna daşıyır. Belə ki, 15 iyun 1993-cü il tarixdə Azərbaycan öz müstəqilliyini itirməkdən qurtularaq, əbədi inkişafın əsasını qoyduğu kimi, 15 iyun 2021-ci il tarixində də Azərbaycan və Türkiyə arasında yüz illərlə davam edən qardaşlıq münasibətləri yeni bir dövrə qədəm qoymuş oldu. Tam əminliklə qeyd etməliyik ki, Şuşa Bəyannaməsinin imzalanması ilə Türkiyə-Azərbaycan münasibətləri rəsmən müttəfiqlik səviyyəsinə ucaldı. Tarixi sənədlə tanış olduqda görürük ki, qardaş Türkiyə dövləti bütün sahələr üzrə Ölkəmizlə müttəfiqlik münasibətlərinə daxil olur, ən əsası Azərbaycanın təhlükəsizliyini öz təhlükəsizliyi hesab edir. Sənəddə bundan əlavə enerji, kommunikasiya, təhsil, iqtisadiyyat və digər strateji əhəmiyyət daşıyan sferalarda da birgə əməkdaşlığın inkişaf etdirilməsi istiqamətində məsələlər öz əksini tapıb. Bu gün də bizlər hər iki dövlətin bütün istiqamətlər üzrə münasibətlərinin daha da inkişaf etdirilməsi üçün addımlar atdığını görürük. İnanırıq ki, hər iki Ölkənin Liderlərinin dostluq və qardaşlıq münasibətləri Dövlətlərimizi daha da inkişaf etdirəcək, müttəfiq Respublikalar birlikdə gələcəkdə daha böyük uğurlara imza atacaqlar.

Daxil İbadov;
Neftçala rayonu

16/06/2026

Milli Qurtuluşa aparan yol.

1993-cü ildə Azərbaycanda baş verən hadisələri öz gözləri ilə görən, yaşayan hər kəs 15 iyunun ölkə tarixində əhəmiyyətini gözəl bilirlər. Bəli, Azərbaycan 15 iyun 1993-cü ildən etibarən özünün ən müasir tarixini başlayıb. Bu tarixi bizlər bəxş edən Vətənini, xalqını canından çox sevən ona həyatını həsr etmiş Ulu Öndər Heydər Əliyevdir. Ümumiyyətlə, Ümummilli Lider elə bir tarixi şəxsiyyət idi ki, O, çox qlobal dairəli problemlərin qeyri-standart həlli yolunu tapa bilirdi. Sanki tarix, cəmiyyət və mühit bu şəxsiyyəti həyata ancaq bu problemləri həll etmək üçün yetirmişdir. Hələ dahi şəxsiyyət sovetlər dönəmində Azərbaycana rəhbərlik etdiyi dövrdə ölkəmiz geridə qalmış dövlətlər cərgəsindən çıxaraq sürətli inkişaf yoluna qədəm qoymuş, iqtisadiyyatımız, kənd təsərrüfatımız inkişaf etmişdir. Onun dərin zəkası, uzaqgörən siyasəti nəticəsində hələ o dövrdə həyata keçirilmiş işlər, atılmış addımlar Azərbaycanın bu günü üçün önəm kəsb edən hadisələr olmuşdur. Ölkəmiz 1991-ci ildə müstəqilliyini bərpa etdikdən sonra çətin sınaqlarla üzləşmişdi. Rəhbərlikdə səriştəsiz adamların olması Azərbaycanı ciddi təhlükə qarşısında qoymuşdu. Ümummilli Liderin Azərbaycan və SSRİ rəhbərliyində olduğu dövrlərdə mənfur ermənilərin dillərinə belə gətirə bilmədikləri, artıq keçmişdə qalmış “Dağlıq Qarabağ” xülyası artıq özünü göstərməyə başlamışdı. Təəsüflə deməliyik ki, müstəqilliyimizin bərpasının ilk illərində və AXC-Musavat cütlüyünün hakimiyyəti dövründə baş verənlər nəinki hüquqi torpaqlarımızın itirilməsi ilə nəticələndi, həm də dövlət müstəqilliyimiz şübhə altına alındı. Hakimiyyət uğrunda gedən mübarizə, parçalanmaq niyyətində olan qüvvələrə verilən dəstək xalqımızı cana doyurmuşdu. Məhz bu anda qədirbilən xalqımız tarixi bir addım atmaqla Azərbaycanın gələcəyini qaranta aldı. O zaman Naxçıvanda olan Ulu Öndər Heydər Əliyev sözün əsl mənasında burada xarüqələr yaradırdı. Belə bir anda bütöv Azərbaycanı düşdüyü ağır durumdan ancaq böyük təcrübəyə malik, xalqın sevgisini qazanmış bir şəxsiyyət xilas edə bilərdi. Belə də oldu, Azərbaycan xalqının bir qrup nümayəndəsi xalqın ümumi istəyi və təkidli tələbi ilə Heydər Əliyevə müraciət ünvanladı. Heydər Əliyev vəziyyəti görür və gözəl bilirdi ki, Azərbaycan bu gedişlə məhv olmağa məhkumdur. Və Dahi şəxsiyyət xalqın səsinə səs verdi. Bütün məhrumiyyət və çətinliklərə baxmayaraq Naxçıvandan Bakıya gələrək 15 iyun tarixində Milli Məclisin sədri seçildi. Bununla da Azərbaycanın xilas tarixi-Milli Qurtuluş tarixi başlandı. Heydər Əliyevin istəyi güclü, qüdrətli və müasir tələblərə cavab verən bir dövlət modelinin qurulması idi ki, bu model həmişə uğur gətirir. Bu gün Ulu Öndər Heydər Əliyev cismən aramızda olmasa da, Onun qurmuş olduğu dövlət yaşayır, inkişaf edir, günü-gündən qüdrətlənir. Ümumiyyətlə, Ümummilli Lider elə bir tarixi şəxsiyyət idi ki, O, çox qlobal dairəli problemlərin qeyri-standart həlli yolunu tapa bilirdi. Sanki tarix, cəmiyyət və mühit bu şəxsiyyəti həyata ancaq bu problemləri həll etmək üçün yetirmişdir. Bütün şüurlu həyatını canından artıq sevdiyi xalqına, ölkəsinə həsr etmiş bu müdrik siyasi və dövlət xadimi tariximizdə müstəqilliyimizin memarı və qurucusu kimi yer tutub. Ötən illər ərzində Azərbaycan Ulu Öndər siyasi kursunun layiqli varisi, Müzəffər Ali Baş Komandan cənab İlham Əliyevin düşünülmüş, məqsədyönlü siyasəti nəticəsində böyük inkişaf yolu keçib. Əminliklə deyə bilirik ki, bugünkü Azərbaycan Heydər Əliyevin görmək istədiyi Azərbaycandır!.

Şakir Bəşirov;
Neftçala rayonu

06/05/2026

Bu gün dünyada beynəlxalq təşkilatların obyektivlik, ədalət və bərabər yanaşma prinsiplərinə sadiq qalmaları vacib məqamlardan biridir.

“Avropa Siyasi Birliyi”nin 8-ci Zirvə toplantısında videobağlantı formatında çıxış edən cənab İlham Əliyev diqqəti yalnız əldə olunmuş nailiyyətlərə deyil, eyni zamanda sülh prosesinə mane olan və ya onu zəiflədən yanaşmalara da yönəltdi. Belə ki, Dövlət başçısı nitqində bəzi Avropa təsisatlarının mövqeyinin regionda davamlı sülhün möhkəmlənməsinə töhfə vermək əvəzinə, əksinə, prosesə kölgə saldığını xüsusi vurğuladı. Xüsusilə Avropa Parlamenti və Avropa Şurası Parlament Assambleyasının (AŞPA) Ermənistan-Azərbaycan münasibətlərinin normallaşması prosesində konstruktiv mövqe nümayiş etdirmədikləri, ikili standartlara yol verdikləri Ölkə başçısının dilindən açıq şəkildə bəyan edildi. Əlbəttə ki, bu yanaşma regionda yaranmış yeni reallıqların obyektiv qiymətləndirilməsinə mane olur və tərəflər arasında formalaşmaqda olan etimad mühitinə mənfi təsir göstərir. Bununla yanaşı, Dövlət başçısı sülh prosesinin mühüm nəticələrindən biri kimi regional bağlantıların açılmasını xüsusi vurğuladı. Qeyd olundu ki, “Trampın Beynəlxalq Sülh və Rifah Marşrutu” adlandırılan təşəbbüs Azərbaycanın əsas hissəsini onun ayrılmaz tərkib hissəsi olan Naxçıvan Muxtar Respublikası ilə birləşdirəcəkdir. Bu marşrut eyni zamanda beynəlxalq əhəmiyyətli Orta Dəhlizin mühüm komponentinə çevrilərək regionda nəqliyyat və logistika imkanlarını daha da genişləndirəcək. Bu cür layihələr sülhün yalnız siyasi deyil, həm də iqtisadi baxımdan real dividendlər verdiyini açıq şəkildə nümayiş etdirir. Cənab Prezident çıxışında həmçinin Avropa Komissiyasının Ermənistan-Azərbaycan sülh prosesində tutduğu mövqeyi müsbət qiymətləndirərək təşəkkürünü ifadə edib. Bildirilib ki, bəzi Avropa qurumlarından fərqli olaraq, Avropa Komissiyası daha balanslı və konstruktiv yanaşma sərgiləyərək dialoqun təşviqinə töhfə verir. Dövlət başçısı Azərbaycanın Avropa Şurası ilə əməkdaşlıq tarixini də xatırladıb. Qeyd olunub ki, Azərbaycan 2001-ci ilin yanvar ayından bu qurumun üzvüdür və uzun illər ərzində təşkilat çərçivəsində fəal fəaliyyət göstərib. Prezident İlham Əliyev özü də həmin dövrdə parlament üzvü və milli nümayəndə heyətinin rəhbəri kimi AŞPA-da aktiv iştirak edib. Bununla belə, 2024-cü ilin yanvar ayına qədər Azərbaycan nümayəndə heyətinə qarşı heç vaxt məhdudiyyətlər tətbiq olunmadığı halda, 2023-cü ilin sentyabrında ölkəmizin öz suveren ərazilərində separatçılığa son qoymasından sonra vəziyyət dəyişib. Prezident qeyd edib ki, Azərbaycan bununla əslində BMT Təhlükəsizlik Şurasının 1993-cü ildə qəbul etdiyi və uzun illər icra olunmayan dörd qətnamənin yerinə yetirilməsini təmin edib. Buna baxmayaraq, cəmi dörd ay sonra AŞPA tərəfindən Azərbaycan nümayəndə heyətinə qarşı sanksiyaların tətbiqi ədalətsiz və qərəzli addım kimi qiymətləndirilib. Şübhə yoxdur ki, bu cür yanaşma ikili standartların açıq təzahürüdür və bu gün sanki AŞPA-nın fəaliyyətində sistemli xarakter daşıyır. Möhtərəm Prezident İlham Əliyev bildirib ki, Azərbaycanın ərazi bütövlüyü hər bir digər dövlətin ərazi bütövlüyü qədər dəyərlidir və bu məsələdə fərqli yanaşmaların tətbiqi qəbuledilməzdir. Bu baxımdan, beynəlxalq təşkilatların obyektivlik, ədalət və bərabər yanaşma prinsiplərinə sadiq qalmasının vacibliyi xüsusi olaraq diqqətə çatdırılıb.

Nazim Dadaşov;
Neftçala rayonu

06/05/2026

Azərbaycanın və İtaliyanın ortaq maraqlara əsaslanan əməkdaşlığı

Azərbaycan Respublikasının Prezidenti cənab İlham Əliyevin İtaliya Respublikası Nazirlər Şurasının sədri Ciorcia Meloninin 4 may tarixində Azərbaycana səfəri zamanı verdiyi bəyanat Azərbaycan ilə İtaliya arasında mövcud olan strateji tərəfdaşlığın yüksək səviyyəsini bir daha nümayiş etdirir. 2014-cü və 2020-ci illərdə imzalanmış strateji tərəfdaşlığa dair mühüm sənədlər iki ölkə arasında münasibətlərin hüquqi və siyasi əsasını təşkil edir və bu sənədlərdə əksini tapan müddəalar bu gün real əməkdaşlıq müstəvisində uğurla həyata keçirilir. Ölkə başçısı nitqində qeyd etmişdir ki, Azərbaycan ilə İtaliya arasında əlaqələr yalnız siyasi dialoqla məhdudlaşmır, eyni zamanda iqtisadiyyat, enerji, ticarət, humanitar və mədəni sahələri də əhatə edən geniş və çoxşaxəli əməkdaşlıq platformasına çevrilmişdir. Xüsusilə enerji sahəsində tərəfdaşlıq Avropanın enerji təhlükəsizliyinə mühüm töhfə verir və bu kontekstdə İtaliya Azərbaycanın əsas strateji tərəfdaşlarından biri kimi çıxış edir. Dövlət başçısı Ciorcia Meloninin səfərinin əhəmiyyətinə toxunaraq bildirmişdir ki, onun Ermənistandakı proqramını başa vurduqdan sonra Azərbaycana səfər etməsi xüsusi rəmzi məna daşıyır. Bu addım regionda balanslı və obyektiv yanaşmanın göstəricisi olmaqla yanaşı, Azərbaycana göstərilən hörmətin və dost münasibətin bariz ifadəsidir. Prezident bunu həm də iki ölkə arasında qarşılıqlı etimadın və yüksək səviyyəli siyasi dialoqun nəticəsi kimi qiymətləndirmişdir. Əminliklə deyə bilərik ki, belə səfərlər dövlətlərarası münasibətlərin daha da möhkəmləndirilməsinə, yeni əməkdaşlıq istiqamətlərinin müəyyənləşdirilməsinə və mövcud layihələrin genişləndirilməsinə xidmət edir. Azərbaycanın və İtaliyanın ortaq maraqlara əsaslanan əməkdaşlığı gələcəkdə də davamlı inkişaf edəcək, regionda sabitlik, tərəqqi və qarşılıqlı faydalı tərəfdaşlıq üçün mühüm rol oynayacaqdır.

Rauf Ələkbərov;
Neftçala rayonu

29/04/2026

Azərbaycan nefti Çexiyanın enerji balansında mühüm yer tutur

Azərbaycan Respublikasının Prezidenti İlham Əliyev 27 aprel tarixində Çex Respublikasının Baş naziri Andrey Babiş ilə keçirilən görüş və mətbuata bəyanatı zamanı Azərbaycan ilə Çex Respublikası arasında münasibətlərin geniş spektrini əhatə edən mühüm məqamları diqqətə çatdırdı. Dövlət başçısı bildirdi ki, iki ölkə arasında fəal siyasi dialoq mövcuddur və bu, münasibətlərin dinamik inkişafını göstərir. İlk görüşün məhsuldar keçdiyi, bir çox regional, ikitərəfli və qlobal məsələlər ətrafında geniş fikir mübadiləsi aparıldığı qeyd olunub. Qeyd edək ki, Çexiya Baş nazirinin Azərbaycana rəsmi səfəri əlaqələrin daha da dərinləşməsi baxımından xüsusi əhəmiyyət daşıyır. İqtisadi sahədə əməkdaşlıq perspektivlərinə toxunan Möhtərəm Prezident qeyd etdi ki, konkret layihələr üzrə intensiv müzakirələr aparılır. Çexiyadan Azərbaycana böyük iş adamı nümayəndə heyətinin gəlməsi və biznes-forumun keçirilməsi yeni iqtisadi əlaqələrin qurulması üçün geniş imkanlar yaradır. Hazırda iki ölkə arasında ticarət dövriyyəsi 800 milyon dollardan çoxdur və artım dinamikası müşahidə olunur. Lakin ticarət dövriyyəsinin əsas hissəsini neft ixracı təşkil etdiyindən, məqsəd strukturun daha tarazlı və şaxələndirilmiş olmasına nail olmaqdır. Bunun üçün sənaye, investisiya, kənd təsərrüfatı və texnologiya sahələrində əməkdaşlığın genişləndirilməsi nəzərdə tutulur. Energetika sahəsi də ikitərəfli münasibətlərin əsas istiqamətlərindən biri kimi qiymətləndirilir. Azərbaycan ilə Çex Respublikası uzun illərdir bu sahədə etibarlı tərəfdaşdır. Azərbaycan nefti Çexiyanın enerji balansında mühüm yer tutur və ölkə Avropa bazarlarında etibarlı enerji təchizatçısı kimi tanınır. Eyni zamanda Avropa İttifaqı Azərbaycanın bu sahədə etibarlı tərəfdaş olduğunu təsdiqləyir. Prezident qeyd edib ki, Azərbaycan qazı hazırda 16 ölkəyə ixrac edilir və onlardan 10-u Avropa İttifaqının üzvüdür. Eyni zamanda Azərbaycanın Çexiyaya qonşu ölkələrə də qaz ixracı həyata keçirməsi regional enerji əməkdaşlığını daha da gücləndirir. Bu əməkdaşlıq təkcə kommersiya xarakteri daşımır, daha genişmiqyaslı və uzunmüddətli strateji tərəfdaşlıq kimi nəzərdə tutulur. Müdafiə sənayesi sahəsində əməkdaşlıq da xüsusi qeyd olunub. Məlum olduğu kimi bu sahədə uzunmüddətli və uğurlu əməkdaşlıq mövcuddur, Azərbaycan Çexiyadan hərbi təyinatlı məhsullar alır və hazırda birgə istehsal layihələri üzrə danışıqlar aparılır. Azərbaycanın müdafiə potensialının həm yerli istehsal, həm də beynəlxalq tərəfdaşlıq əsasında gücləndirildiyi vurğulanıb. Bu kontekstdə Çexiya kimi təcrübəli ölkələrlə əməkdaşlığın xüsusi önəm daşıdığı qeyd edilib.
Görüş zamanı digər sahələr üzrə də geniş fikir mübadiləsi aparılıb, hökumətlərarası komissiyanın fəaliyyətinin aktivləşdirilməsi və yaxın zamanda yeni iclasın keçirilməsi barədə razılıq əldə olunub. Dövlət başçısı bildirib ki, bu səfər və aparılan danışıqlar Azərbaycan–Çexiya münasibətlərinin yüksək səviyyəsini bir daha təsdiq edir və qarşıda daha geniş əməkdaşlıq perspektivləri açır.

Elşən Ağalarov;
Neftçala rayonu

28/04/2026

Azərbaycan və Ukrayna münasibətləri hər zaman qarşılıqlı hörmət və ehtirama əsaslanıb.

Bu gün Azərbaycan ilə Ukrayna arasında əməkdaşlıq möhkəm və etibarlı siyasi təməl üzərində qurulmuşdur. Ukrayna prezidenti Volodimir Zelenskinin Azərbaycana 25 aprel tarixli səfəri zamanı Dövlət başçısı cənb İlham Əliyev qeyd etmişdir ki, bu təməl illər ərzində imzalanmış mühüm sənədlərlə daha da gücləndirilmişdir. Belə ki, 2008-ci ildə Kiyevdə, 2011-ci ildə isə Bakıda strateji tərəfdaşlığa dair imzalanmış sənədlər iki ölkə münasibətlərinin Əsas istiqamətlərini müəyyən edən və qarşılıqlı öhdəlikləri təsbit edən fundamental siyasi sənədlərdir. Qeyd edək ki, həmin sənədlərdə Azərbaycan və Ukraynanın bir-birinin ərazi bütövlüyünə, suverenliyinə VƏ beynəlxalq səviyyədə tanınmış sərhədlərinin toxunulmazlığına verdiyi dəstək açıq şəkildə öz əksini tapmışdır. Bu prinsipial mövqe bu gün də dəyişməz olaraq qalır və hər iki ölkə beynəlxalq təşkilatlar çərçivəsində bir-birinin haqlı mövqeyini ardıcıl şəkildə müdafiə edir və bundan sonra da edəcəkdir. Diqqət yetirsək görərik ki, ötən il Azərbaycan-Ukrayna əlaqələrinin inkişafı baxımından mühüm hadisələrlə yadda qalmışdır. Belə ki, Bakı şəhərində iki ölkənin Xarici İşlər nazirlikləri arasında məsləhətləşmələr keçirilmiş, eləcə də Hökumətlərarası Komissiyanın iclası baş tutmuşdur. Bu görüşlər qarşılıqlı əməkdaşlığın genişləndirilməsi, yeni istiqamətlərin müəyyənləşdirilməsi və mövcud əlaqələrin daha da dərinləşdirilməsi baxımından mühüm rol oynamışdır. Cənab Prezident bəyantında qeyd etmişdir ki, bugünkü görüş zamanı bu mühüm mexanizmlərin davamlılığının təmin olunması məqsədilə növbəti iclasların Ukraynada keçirilməsi ilə bağlı da fikir mübadiləsi aparılmışdır. Bu isə tərəflərin əməkdaşlığın institusional əsaslarını daha da möhkəmləndirmək niyyətində olduqlarını göstərir. Bəli, Azərbaycan ilə Ukrayna arasında siyasi, iqtisadi və digər sahələrdə çoxşaxəli və səmərəli əməkdaşlıq mövcuddur. Bu gün keçirilən görüşlər və aparılan müzakirələr isə bu əməkdaşlığın uğurla davam etdiyini və gələcəkdə daha da genişlənəcəyini bir daha təsdiqləmişdir.

Böyükkişi Cəbrayılov; Neftçala rayonu

24/04/2026

Azərbaycan ilə Latviya arasında münasibətlər hər ötən gün daha da inkişaf edir

Latviya Prezidenti Edqars Rinkeviçsin bu günlərdə Azərbaycana rəsmi səfəri zamanı iki ölkə prezidenti tərəfindən səsləndirilən fikirlərə, razılaşdırılan məsələlərə nəzər yetirsək gələcək üçün böyük ümüdlər olduğunu aydın görə bilərik. Bu baxımdan tərəflər arasında əməkdaşlığın inkişafı baxımından nəzərdən keçirilən mühüm istiqamətlərdən biri də birbaşa uçuşların təşkili məsələsidir. Qeyd edilən sahə həm iqtisadi, həm də humanitar əlaqələrin genişləndirilməsi üçün strateji əhəmiyyət daşıyır. Prezident İlham Əliyev vurğulamışdır ki, birbaşa hava əlaqələrinin yaradılması ölkələr arasında məsafəni yalnız coğrafi deyil, həm də iqtisadi və sosial baxımdan daha da yaxınlaşdırır. Məlum olduğu kimi hazırkı dövr qlobal aviasiya sektorunda müəyyən çətinliklərlə müşayiət olunur. Xüsusilə bəzi marşrutlarda fasilələrin yaranması, logistika zəncirlərində pozulmalar və bəzi hava şirkətləri üçün aviayanacağın çatışmazlığı kimi hallar müşahidə edilir. Bununla belə, Dövlət başçısı qeyd etmişdir ki, Azərbaycan Hava Yolları bu kimi çətinliklərdən təsirlənmir və stabil fəaliyyət göstərir. Bu isə Azərbaycan üçün əlavə üstünlük yaradır və yeni uçuş istiqamətlərinin açılması baxımından real imkanlar formalaşdırır. Məhz bu şərait birbaşa uçuşların təşkili üçün yeni fürsət kimi qiymətləndirilməlidir. Bu addım həm turizmin inkişafına, həm işgüzar səfərlərin artmasına, həm də ümumilikdə insanlar arasında əlaqələrin intensivləşməsinə mühüm töhfə verə bilər. Əlbəttə ki, hava nəqliyyatı sahəsində əməkdaşlığın genişləndirilməsi iqtisadi münasibətlərin dərinləşməsinə də xidmət edəcəkdir. Möhtərəm Prezident insanlar arasında təmasların əhəmiyyətinə xüsusi diqqət yetirmişdir. O bildirmişdir ki, xalqlar arasında dostluq münasibətlərinin möhkəmləndirilməsi yalnız rəsmi səviyyədə deyil, məhz insanlararası əlaqələr vasitəsilə mümkün olur. Bu baxımdan təhsil sahəsində əməkdaşlıq xüsusi önəm kəsb edir. Ölkə başçısı qeyd etmişdir ki, Latviyada 450-dən artıq azərbaycanlı tələbənin təhsil alması sevindirici haldır. Bu, iki ölkə arasında humanitar körpünün formalaşdığını və gələcək nəsillərin bu münasibətlərin inkişafında mühüm rol oynayacağını göstərir. Şübhəsiz həmin tələbələr Latviyada yüksək səviyyəli təhsil almaqla yanaşı, eyni zamanda bu ölkənin cəmiyyətini, mədəniyyətini və dəyərlərini yaxından tanımaq imkanı əldə edirlər. Prezident İlham Əliyev öz çoxsaylı səfərlərini xatırlayaraq qeyd etmişdir ki, Latviyanın inkişaf yolu və əldə etdiyi nailiyyətlər yüksək qiymətləndirilməlidir. Bu baxımdan o, həmkarı Edqars Rinkeviçsə və Latviya xalqına ölkənin sosial-iqtisadi inkişafında qazandıqları uğurlar münasibətilə təbriklərini çatdırmışdır. Bəli, nəqliyyat, təhsil və insanlararası əlaqələrin inkişafı Azərbaycan ilə Latviya arasında münasibətlərin daha da möhkəmlənməsinə, qarşılıqlı anlaşmanın dərinləşməsinə və uzunmüddətli tərəfdaşlığın təmin olunmasına xidmət edəcəkdir.

Mətanət Quliyeva;
Neftçala rayonu

16/04/2026

Əsl sədaqət simvoluna çevrilmiş ömür – Zərifə xanım Əliyeva!

Azərbaycan tarixinə xalqımızın Ümummili lideri, görkəmli siyasətçi, Azərbaycanın xilaskarı kimi daxil olmuş Heydər Əliyev, həm də nümunəvi ailə başçısı idi. Faktdır ki, hər bir dahi şəxsiyyətin fəaliyyətində, qazandığı uğurların təməlində onun ailəsinin böyük rolu vardır. Bu mənada Ulu Öndərin ailəsində olan yüksək mənəvi dəyər və xüsusiyyətlər Onun uğurlarının bünövrəsini təşkil edən əsas amillərdəndir. Zərifə xanım Əliyevanın dahi şəxsiyyət Heydər Əliyevin ideyalarının reallaşmasında verdiyi mənəvi dəstək onun timsalında əsl Azərbaycan qadını obrazını gözlər önünə sərir. Zərifə xanım sadəliyi, nəcibliyi ilə indi də onu tanıyanların yaddaşında xoş xatirələrlə yad edilir. Görkəmli akademik Əziz Əliyevin ailəsində dünyaya göz açan Zərifə xanıma bu ziyalılıq heç şübhəsiz aldığı tərbiyədən irəli gəlirdi. Zərifə xanım Əliyeva, həm də şəfalı həkim kimi insanlara ziya, nur vermək kimi ağır bir vəzifəni daşıdı bir ömrü boyu. O, savadı, xarakteri, insanlara qarşı insani münasibətilə sözün əsl mənasında nümunəvi bir Azərbaycan xanımı idi. Zərifə xanım eyni zamanda yaşadığı həyat yolu ilə əsl sədaqət simvoluna çevrilib. SSRİ-nin mürəkkəb bir dövründə böyük siyasi vəzifə daşıyan, Ulu Öndər üçün əsl mənəvi güc, qüvvət mənbəyi idi Zərifə xanım. Məhz bu iki dahi şəxsiyyət çoxəsrlik tariximizin ən mürəkkəb problemini öz zəkası, qətiyyəti ilə həll edən Müzəffər Ali Baş Komandanımız cənab İlham Əliyevi böyüdüb xalqımıza bəxş ediblər. Əminliklə deyə bilərik ki, tariximizin ən şanlı səhifələrinin yazıldığı son dörd il Azərbaycanın qızıl dövrü kimi xatırlanacaqdır. Qələbənin simvolu sayılan qədim Şuşanın düşməndən azad edildiyi gün Ölkə başçısı bu ifadəni işləti; “Xoşbəxt adamam ki , ata vəsiyyətini yerinə yetirdim”. Bəli, kifayət qədər dərin məna kəsb edən bu sözlər Möhtərəm Prezidet cənab İlham Əliyevin valideynlərinə verdiyi dəyərin bariz nümunəsidir.

Gündüz Əsgərov;
Neftçala rayonu

08/04/2026

Cənubi Qafqaz regionu artıq yeni inkişaf mərhələsinə qədəm qoyur.

Ölkə başçısı cənab İlham Əliyev tərəfindən bu günlərdə Gürcüstana dövlət səfəri zamanı səsləndirilən fikirlər Cənubi Qafqaz regionunda baş verən mühüm geosiyasi dəyişiklikləri və formalaşmaqda olan yeni reallıqları aydın şəkildə əks etdirir. Dövlət başçısının vurğuladığı kimi, bu gün Cənubi Qafqazda tamamilə yeni bir vəziyyət yaranmaqdadır və bu vəziyyət region ölkələri üçün həm yeni çağırışlar, həm də mühüm imkanlar təqdim edir. Uzun illər ərzində münaqişələr, qarşıdurmalar və təhlükəsizlik problemləri ilə yadda qalan Cənubi Qafqaz regionu artıq yeni inkişaf mərhələsinə qədəm qoyur. Tarixi baxımdan regionda sabitliyin pozulması, xüsusilə də müharibələr və silahlı toqquşmalar xalqların rifahına ciddi təsir göstərmişdir. Lakin bu gün müşahidə olunan tendensiyalar onu deməyə əsas verir ki, region tədricən qarşıdurma məkanından əməkdaşlıq və sabitlik məkanına çevrilməkdədir. Cənab Prezident İlham Əliyevin qeyd etdiyi kimi, hazırkı mərhələdə əsas məsələ bu yaranmış fürsətləri düzgün dəyərləndirmək və davamlı sülh mühitinin qurulmasına nail olmaqdır. Dövlət başçısı çıxışında haqlı olaraq vurğulayır ki, bu gün dünyada bir çox bölgələrdə sülh və sabitlik pozulmaqda davam edir. Müxtəlif coğrafiyalarda baş verən müharibələr, qanlı toqquşmalar və humanitar böhranlar fonunda Cənubi Qafqazda yaranmaqda olan müsbət dinamika xüsusi əhəmiyyət kəsb edir. Bu baxımdan region ölkələrinin üzərinə böyük məsuliyyət düşür. Onlar əldə olunmuş nisbi sabitliyi qorumaqla yanaşı, onu daha da möhkəmləndirmək üçün birgə səylər göstərməlidirlər. Dövlət başçısı xüsusilə Gürcüstanın rolunu qeyd etməklə bu ölkənin regionda sabitliyin və əməkdaşlığın təşviqində oynadığı mühüm funksiyanı ön plana çıxarır. Gürcüstan coğrafi mövqeyi və həyata keçirdiyi balanslaşdırılmış siyasət nəticəsində region ölkələri arasında əlaqələrin qurulmasında mühüm körpü rolunu oynayır. Bu rol təkcə siyasi dialoqla məhdudlaşmır, eyni zamanda iqtisadi və ticarət əlaqələrinin inkişafında da özünü göstərir. Çıxışda diqqət çəkən əsas məqamlardan biri də Azərbaycan ilə Ermənistan arasında gedən sülh prosesinə münasibətdir. Ölkə başçısı açıq şəkildə bildirir ki, sülhün təmin olunması üçün yalnız rəsmi sənədlərin imzalanması kifayət deyil. Sülh real məzmun kəsb etməli, gündəlik münasibətlərdə və praktiki addımlarda öz əksini tapmalıdır. Bu yanaşma müasir beynəlxalq münasibətlər sistemində də geniş qəbul olunan bir prinsipdir: davamlı sülh yalnız siyasi razılaşmalarla deyil, eyni zamanda iqtisadi və sosial inteqrasiya vasitəsilə möhkəmlənir. Bu kontekstdə iqtisadi əməkdaşlıq, xüsusilə də ticarət əlaqələri sülhün gücləndirilməsi üçün ən effektiv vasitələrdən biri kimi təqdim olunur. Ümumilikdə, Möhtərəm Prezident cənab İlham Əliyevin bu bəyanatı Cənubi Qafqaz regionunun gələcəyi ilə bağlı nikbin və realist baxışı əks etdirir. Bu baxışa əsasən, region artıq münaqişələrdən əməkdaşlığa keçid mərhələsindədir. Əlbəttə ki, bu prosesin uğurla davam etdirilməsi region ölkələrinin birgə səylərindən asılıdır. Cənubi Qafqazda yaranmaqda olan yeni vəziyyət təkcə regional deyil, həm də beynəlxalq əhəmiyyətə malikdir. Əgər mövcud imkanlar düzgün qiymətləndirilsə, region yaxın gələcəkdə sabitlik, təhlükəsizlik və əməkdaşlıq məkanı kimi daha da möhkəmlənə bilər.

Yalçın Abıyev;
Neftçala rayonu

Neftçala Mktib

24/06/2026

16/06/2026

16/06/2026

06/05/2026

06/05/2026

29/04/2026

28/04/2026

24/04/2026

16/04/2026

08/04/2026

Address

Opening Hours

Telephone

Website

Alerts

Shortcuts

Share

Category

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00
Saturday	08:00 - 14:00