Azərbaycan Respublikası Naxçıvan MR Təhsil Nazirliyi

31/05/2026

ℹ️ Məktəblilərimiz Respublika Fənn Müsabiqələrinin və Lütfi Zadə adına Riyaziyyat-Məntiq Olimpiadasının final mərhələsində iştirak ediblər

📢 Final mərhələsində Lütfi Zadə adına Riyaziyyat-Məntiq Olimpiadası üzrə iştirakçılara 25 qapalı tipli sual, Fənn Müsabiqələri üzrə isə açıq və yarımqapalı tipli suallar təqdim olunub.

🔗 Qeyd edək ki, VI və VII sinif şagirdlərinin iştirak etdiyi fənn müsabiqələrinin keçirilməsində məqsəd müvafiq istiqamətlər üzrə istedadı ilə seçilən şagirdlərin müəyyənləşdirilməsi, onların həvəsləndirilməsi və həmin istiqamətlərə olan marağının artırılmasından ibarətdir.

✅ ️Lütfi Zadə adına məntiq olimpiadası isə V sinif şagirdləri arasında keçirilir. Olimpiadanın keçirilməsində əsas məqsəd şagirdlərdə riyazi məntiqlə yanaşı məntiqi təfəkkür, yaradıcılıq, diqqət, hafizə, analiz, müqayisə, planlama və təhlil kimi bacarıqlarının inkişafına müsbət təsir göstərməkdir.

✨ ️Final mərhələsində iştirak edən bütün şagirdlərə uğurlar arzulayırıq.

31/05/2026

ℹ️ Şagirdlərimiz Kenquru Beynəlxalq Riyaziyyat Müsabiqəsinin final mərhələsində iştirak ediblər

📢 Riyaziyyat sahəsində istedadlı şagirdlərin müəyyənləşdirilməsi, onların məntiqi təfəkkürünün inkişaf etdirilməsi və fənnə marağının artırılması məqsədilə təşkil olunan Kenquru Beynəlxalq Riyaziyyat Müsabiqəsinin final mərhələsi keçirilib.

Ⓜ️üsabiqənin final mərhələsində Naxçıvan Muxtar Respublikasının ümumi təhsil müəssisələrinin şagirdləri də iştirak ediblər. Final mərhələsinə vəsiqə qazanan şagirdlər müsabiqənin əvvəlki seçim mərhələlərində uğurla iştirak edərək yüksək nəticələr nümayiş etdirib və bu mərhələdə iştirak etmək hüququ əldə ediblər.

🔗 Qeyd edək ki, Kenquru Beynəlxalq Riyaziyyat Müsabiqəsi hər il mərkəzi Fransada yerləşən Sərhədsiz Kenquru Assosiasiyasının razılığı və koordinasiyası ilə dünyanın 80-dən çox ölkəsində təşkil olunur. Müsabiqə beynəlxalq səviyyədə məktəblilər arasında ən geniş iştirakçı kütləsinə malik intellektual yarışmalardan biri hesab edilir.

Ⓜ️üsabiqənin əsas məqsədi ümumi təhsil müəssisələrinin II-X sinif şagirdlərinə riyaziyyat fənni üzrə biliklərini yoxlamaq, onların analitik düşünmə, problem həll etmə və məntiqi nəticə çıxarma bacarıqlarını inkişaf etdirməkdən ibarətdir.

27/05/2026

ℹ️ 28 May Azərbaycanın Müstəqillik Günüdür 🇦🇿

27/05/2026

🇦🇿 Prezident İlham Əliyev 28 May - Azərbaycanın Müstəqillik Günü münasibətilə paylaşım edib.

28 May - Azərbaycanın Müstəqillik Günü

27/05/2026

ℹ️ Məktəblimiz 🇦🇿 ölkə birincisi olub 🥇

📢 Şamaxı Olimpiya Mərkəzində kadetlər arasında ölkə birinciliyinin final mərhələsi keçirilir. Yarışda 57 komandadan ümumilikdə 159 boksçu iştirak edir. Final mərhələsində Naxçıvan şəhər Uşaq Gənclər İdman məktəbinin müəllimi, baş məşqçi Elnur Kərimli və zona birinciliyinin qalibi olmuş iki idmançı təmsil olunublar.

✅️ Yarışda Naxçıvanı təmsil edən Naxçıvan şəhər Uşaq -Gənclər İdman məktəbinin idmançısı Sadiq Xəlilov 54 kq çəki dərəcəsində keçirdiyi 3 görüşün hər birində qalib gəlməklə birinci yerə sahib çıxıb.

🔗 Qeyd edək ki, Sadiq Xəlilov Naxçıvan şəhər 7 nömrəli tam orta məktəbin Vlll sinif şagirdidir.

✨ ️Sadiqi bu uğur münasibətilə təbrik edirik!

27/05/2026

ℹ️ Cari ildə sertifikatlaşdırma imtahanına ilk dəfə cəlb olunacaq fənn müəllimlərinə (fiziki tərbiyə, musiqi, tarix, təsviri incəsənət, texnologiya) dəstək məqsədilə “MS TEAMS” platformasında sınaq imtahanı təşkil olunacaq.

📢 Sınaq imtahanının səhifəsi 3 iyun tarixində saat 10:00-dan başlayaraq 20:00-dək aktiv olacaq. Bu müddət ərzində hər müəllimin yalnız bir dəfə (120 dəqiqə) sınaq imtahanında iştirak etmək imkanı olacaq.

✅ ️Sınaq imtahanlarında namizədlərə ixtisas fənni üzrə 50, metodika və pedaqogika üzrə 10 test tapşırığı təqdim olunacaq. İmtahan vaxtı bitən kimi nəticəniz ekranda görünəcək.

🔗 Qeyd: Hörmətli müəllimlər, sınaq imtahanında iştirak etmək üçün 1, 2 iyun tarixlərində virtual məktəbdəki (TEAMS) mövcud qrupunuza daxil olub sizə dəvət gəldiyindən əmin olun. Virtual məktəbdə qeydiyyatdan keçməyən şəxslərin sınaq imtahanında iştirak etməsi mümkün olmadığı üçün qeyd edilən tarixə qədər qeydiyyatı olmayanların qeydiyyatdan keçməsi mütləqdir.

26/05/2026

ℹ️ Qurban Bayramı münasibətilə hər birinizi səmimi qəlbdən təbrik edirik! 🌙

✅ ️Bu müqəddəs bayramın hər evə sevinc, bərəkət və ruzi, hər bir ailəyə sağlamlıq və xoşbəxtlik gətirməsini arzulayırıq. Qurban Bayramı birlik, paylaşma və mərhəmət dəyərlərinin təntənəsidir.

✨ ️Qurban Bayramınız mübarək!

26/05/2026

🇦🇿 Prezident İlham Əliyev Qurban bayramı münasibətilə paylaşım edib.

Hörmətli həmvətənlər!

Sizi və Azərbaycanın hüdudlarından kənarda yaşayan bütün soydaşlarımızı müqəddəs Qurban bayramı münasibətilə ürəkdən təbrik edir, hər birinizə ən səmimi arzularımı yetirirəm.

İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır.

Hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Əziz bacı və qardaşlarım!

Bu mübarək günlərdə şəhidlərimizin ölməz xatirəsini bir daha minnətdarlıqla yad edir, xalqımızın və dövlətimizin əmin-amanlığı naminə etdiyiniz duaların Tanrı dərgahında qəbul olunması diləyi ilə ailələrinizə xoşbəxtlik, süfrələrinizə bol ruzi və bərəkət arzulayıram.

Qurban bayramınız mübarək olsun!

26/05/2026

ℹ️ Naxçıvan məktəbinin növbəti uğuru: şagirdimiz ümumi (9 illik) orta təhsil səviyyəsi üzrə buraxılış imtahanında maksimum nəticə - 300 bal topladı

📢 Dövlət İmtahan Mərkəzi tərəfindən 26 aprel 2026-cı il tarixində ümumi (9 illik) orta təhsil səviyyəsi üzrə keçirilmiş buraxılış imtahanının nəticələri elan olunub.

✅ ️Sevindirici və qürurverici haldır ki, imtahanda Naxçıvan Şəhəri 14 nömrəli tam orta məktəbin şagirdi Cəfərli Əli Nazim oğlu 300 bal toplayıb.

🔷 ️Bu möhtəşəm nəticə zəhmətin, əzmkarlığın və məqsədyönlü çalışmanın parlaq təzahürüdür. Əlini bu böyük uğur münasibətilə ürəkdən təbrik edir, gələcək təhsil həyatında yeni nailiyyətlər arzulayırıq!

26/05/2026

ℹ️ Naxçıvanda yüksək texniki peşə təhsili səviyyəsi üzrə təhsil alan tələbələr üçün istehsalat təcrübəsinə başlanılıb

📢 Naxçıvan Muxtar Respublikası Təhsil Nazirliyinin tabeliyində fəaliyyət göstərən Naxçıvan Dövlət Peşə Təhsil Mərkəzində yüksək texniki peşə təhsili səviyyəsi üzrə təhsil alan tələbələrin 2025-2026-cı tədris ili üzrə istehsalat təcrübəsinə start verilib.

✅️ Tələbələr Naxçıvan Muxtar Respublikası Maliyyə Nazirliyində, STEAM Təlim-Tədris Mərkəzində, Naxçıvan Avtomobil Zavodunda, APF Tikinti Məhdud Məsuliyyətli Cəmiyyətində, “Naxçıvan Palace” və “Mariam” moda evində təcrübəyə cəlb olunublar.

🔷 ️Mayın 21-dən iyunun 25-nə kimi davam edəcək istehsalat təcrübəsində 100-ə yaxın tələbə iştirak edir.

🔗 Qeyd edək ki, istehsalat təcrübəsi tələbələrin nəzəri biliklərini real iş mühitində tətbiq etmələrinə, peşə bacarıqlarını inkişaf etdirmələrinə və əmək bazarına daha hazırlıqlı çıxmalarına mühüm imkan yaradır. Eyni zamanda, istehsalat təcrübəsi peşə təhsilinin keyfiyyətinin artırılması, təhsil ilə əmək bazarı arasında əlaqələrin gücləndirilməsi baxımından mühüm əhəmiyyət daşıyır.