Yeni Azərbaycan Partiyası Lənkəran Rayon Təşkilatı

28/05/2026

25/05/2026

Yeni Azərbaycan Partiyası Lənkəran rayon təşkilatının qərargahında Azərbaycan Xalq Cümhuriyyətinin yaranmasının 108 illiyinə həsr olunmuş “Müstəqilliyimiz əbədidir, dönməzdir...” adlı tədbir keçirilib.
Əvvəlcə Ümummilli Lider Heydər Əliyevin və Azərbaycanın ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad olunub.
Tədbirdə YAP Lənkəran rayon təşkilatının sədri və əməkdaşları, Lənkəran Ağsaqqallar Şurasının nümayəndələri, rayonun ali və orta ixtisas təhsili müəssisələrinin tələbə-gəncləri iştirak ediblər.
Tədbiri giriş sözü ilə açan YAP Lənkəran rayon təşkilatının sədri İqbal Əmənullayev Azərbaycan dövlət müstəqilliyinin tarixi əhəmiyyətindən, xalqımızın azadlıq və müstəqillik uğrunda apardığı mübarizədən, dövlətçilik ənənələrinin bu gün uğurla davam etdirilməsindən, eləcə də müstəqilliyimizin qorunub saxlanılmasında Ümummilli Lider Heydər Əliyevin müstəsna xidmətlərindən bəhs edib.
Daha sonra Lənkəran Ağsaqqallar Şurasının sədri Eldar Hüseynov, sədr müavini Güloğlan Bağırov, şura üzvləri Əlimərdan Əliyev, Ələkbər Əliyev, Fəxrəddin Caniyev və Səyavuş Süleymanlı çıxış edərək Azərbaycanın müstəqilliyinin əbədi və dönməz olduğunu vurğulayıb, gənclərə dövlətçilik ənənələrinə daim sadiq qalmağı tövsiyə ediblər.
Tədbir gənclərlə diskussiya formatında davam edib, iştirakçıları maraqlandıran suallar ətrafında fikir mübadiləsi aparılıb.
Sonda tədbirdə fəallığı ilə seçilən bir qrup şəxsə təşəkkürnamə və qiymətli hədiyyələr təqdim olunub, həmçinin Yeni Azərbaycan Partiyasına yeni qəbul olunan gənclərə partiya üzvlük vəsiqələri verilib.
Tədbir xatirə şəkillərinin çəkilməsi ilə başa çatıb.

https://sesqazeti.az/news/politics/1339097.html

22/05/2026

22 may 2026-cı il tarixində Masallı şəhəri Heydər Əliyev Mərkəzində YAP Masallı rayon təşkilatı, Masallı Dövlət Regional Kolleci, Türk Ağsaqqalları Arasında Əlaqələrin İnkişafı İctimai Birliyi və YAP Lənkəran rayon təşkilatının birgə təşkilatçılığı və Masallı rayon Heydər Əliyev Mərkəzinin tərəfdaşlığı ilə Müstəqillik gününə həsr olunmuş "Müstəqilliyimizin təntənəsi" adli tədbir keçirilib.

Konfrans iştirakçıları əvvəlcə Ümummilli Lider Heydər Əliyevin abidəsini ziyarət edərək önünə gül dəstələri qoyub, onun əziz xatirəsini dərin ehtiramla yad ediblər.

Konfrans başlamazdan əvvəl Ulu Öndərin və Azərbaycanın ərazi bütövlüyü uğrunda şəhid olmuş qəhrəmanların xatirəsi bir dəqiqəlik sükutla yad edilərək Azərbaycan Respublikasının Dövlət Himni səsləndirilib.

Tədbirdə çıxış edən Masallı Dövlət Regional Kollecinin direktoru, filologiya üzrə fəlsəfə doktoru Rövşən Qurbanov, Türk Ağsaqqalları Arasında Əlaqələrin İnkişafı İctimai birliyinin sədri Sudeif İmamverdiyev, Yeni Azərbaycan Partiyası Masallı rayon təşkilatının sədri Seyfəddin Əliyev, Türk Ağsaqqalları Arasında Əlaqələrin İnkişafı İctimai birliyinin İdarə Heyətinin üzvü, Azərbaycan Yazıçılar birliyinin üzvü, beynəlxalq mükafatlar laureatı, teleradio jurnalisti, şair-publisist Mübariz Süleymanlı, və Azərbaycan Jurnalistlər Birliyinin üzvü Əməkdar jurnalist, “Gurşad” jurnalının baş redaktoru Zakir Abbas çıxış edərək bildirmişdir ki, 28 may Azərbaycan xalqının tarixinə qızıl hərflərlə yazılmış ən möhtəşəm və unudulmaz günlərdən biridir. 1918-ci il mayın 28-də xalqımız əsrlər boyu arzuladığı azadlıq idealını gerçəkləşdirərək müstəqil dövlətini – Azərbaycan Xalq Cümhuriyyətini yaratdı. Bu, yalnız Azərbaycan üçün deyil, bütün Şərq aləmi üçün böyük bir tarixi hadisə idi. Çünki Azərbaycan Xalq Cümhuriyyəti Şərqdə ilk demokratik, hüquqi və parlamentli respublika kimi tarixə düşmüşdür. Lakin tariximizin bəzi dönəmlərində müstəqilliyimiz əlimizdən alınsa da, xalqımız heç zaman azadlıq ruhunu itirməmişdir. Uzun illərdən sonra 1991-ci ildə Azərbaycan yenidən öz dövlət müstəqilliyini bərpa etdi. Ümummilli Lider Heydər Əliyev müstəqilliyimizin qorunması və möhkəmləndirilməsi istiqamətində misilsiz xidmətlər göstərdi. Onun uzaqgörən siyasəti nəticəsində Azərbaycan sabitliyə, inkişaf və tərəqqi yoluna qədəm qoydu. Bu gün isə ölkəmiz İlham Əliyev cənablarının rəhbərliyi ilə daha da güclənir, beynəlxalq aləmdə öz mövqeyini möhkəmləndirir. Xalqımız öz müstəqilliyini yalnız qoruyub saxlamaqla kifayətlənmir, onu hər gün daha da gücləndirir. Xüsusilə Azərbaycanın ərazi bütövlüyünün təmin olunması, tarixi torpaqlarımızın azadlığı xalqımızın birliyinin, gücünün və vətən sevgisinin bariz nümunəsinə çevrilmişdir.

Masallı Dövlət Regional Kollecinin müəllim və tələbələrin təqdimatında kompazisiya nümayiş olundu.

Tədbirin sonunda rayonun ictimai-siyasi həyatında, eləcə də konfransın işində fəal iştirak edən bir qrup şəxsə fəxri fərman və xatirə hədiyyələri təqdim olunub.

https://aia.az/125280-masallida-28-may-musteqillik-gununun-108-ci-ildonumu-munasibetile-tedbir-kecirilib.html

https://www.facebook.com/share/p/1EmSu45aqy/

https://ikisahil.az/post/644332-masallida-musteqilliyin-tentenesi-movzusunda-konfrans-kechirilib?fbclid=IwQ0xDSwR-YipjbGNrBH5iJmV4dG4DYWVtAjExAHNydGMGYXBwX2lkDDM1MDY4NTUzMTcyOAABHjtyTD5oY9qzPbZMx-0NMj9dRl7Q8Zso6z2IvsoyWyMlDqYBYhLKijxPPJ8n_aem_fJ69TXYOS9xzjEzUXryn-g

https://www.facebook.com/share/v/1FsYq8RAcJ/

11/05/2026

Lənkəranda umummilli liderHeydər Əliyevin 103-cü ildönümu qeyd olunub

07/05/2026

Heydər Əliyevin anadan olmasının 103-cü ildönümünə həsr olunmuş bilik yarışı keçirilmişdir
Ümummilli lider Heydər Əliyevin anadan olmasının 103-cü ildönümü münasibətilə Lənkəran rayonunda məktəblilər arasında bilik yarışı keçirilmişdir.
Tədbir Yeni Azərbaycan Partiyası Lənkəran rayon təşkilatı və Lənkəran şəhəri üzrə təhsil sektorunun birgə təşkilatçılığı ilə baş tutmuşdur.
Yarışda rayon üzrə 5 coğrafi zonanı təmsil edən komandalar iştirak etmiş, hər komanda 9, 10 və 11-ci sinif şagirdlərindən ibarət 6 nəfərlə təmsil olunmuşdur. İştirakçılar Ümummilli lider Heydər Əliyevin həyatı, siyasi fəaliyyəti, dövlətçilik təcrübəsi və Azərbaycan tarixində rolu ilə bağlı sualları cavablandırmışlar.
Tədbir 7 may 2026-cı il tarixində saat 10:00-da Lənkəran-Astara Regional Təhsil İdarəsinin akt zalında keçirilmişdir.
Əvvəlcə Ümummilli lider Heydər Əliyevin və Vətən uğrunda şəhid olmuş qəhrəmanlarımızın xatirəsi bir dəqiqəlik sükutla yad edilmiş, daha sonra Azərbaycan Respublikasının Dövlət Himni səsləndirilmişdir.
Açılış nitqi ilə çıxış edən YAP Lənkəran rayon təşkilatının sədri İqbal Əmənullayev tədbirin əhəmiyyətindən danışaraq Ümummilli Lider Heydər Əliyevin dövlətçilik siyasətinin gənc nəsil üçün örnək olduğunu bildirib. O qeyd edib ki, belə bilik yarışları məktəblilərin vətənpərvərlik ruhunda formalaşmasına mühüm töhfə verir. İqbal Əmənullayev iştirakçılara uğurlar arzulayıb.
Lənkəran-Astara Regional Təhsil İdarəsinin müdiri Bəhruz Mehdiyev çıxışında bu cür tədbirlərin şagirdlərin bilik və dünyagörüşünün inkişafında mühüm rol oynadığını vurğulayıb. O, Heydər Əliyev irsinin öyrənilməsinin gənclər üçün xüsusi əhəmiyyət daşıdığını qeyd edib. Bəhruz Mehdiyev iştirakçı komandaları təbrik edib.
Lənkəran şəhəri üzrə təhsil sektorunun müdiri Ağamməd Şəmmədov çıxışında yarışın təşkilinə görə əməyi olanlara təşəkkürünü bildirib. O qeyd edib ki, belə tədbirlər şagirdlərin elmə marağının artırılmasına xidmət edir. Ağamməd Şəmmədov iştirakçılara gələcək fəaliyyətlərində uğurlar arzulayıb.
Tədbirdə Yeni Azərbaycan Partiyası Lənkəran rayon təşkilatının əməkdaşları, YAP fəalları, Lənkəran-Astara Regional Təhsil İdarəsinin əməkdaşları və müəllim heyəti iştirak etmişlər.
Yarışın yekununda qalib komandalar müəyyən edilərək Yeni Azərbaycan Partiyası Lənkəran rayon təşkilatı tərəfindən diplom, təşəkkürnamə və qiymətli hədiyyələrlə təltif olunmuşdur. Eyni zamanda Yeni Azərbaycan Partiyasına yeni qəbul olunmuş təhsil işçilərinə üzvlük vəsiqələri təqdim edilmişdir.
Tədbirin sonunda çıxış edənlər bu kimi maarifləndirici tədbirlərin şagirdlərin bilik səviyyəsinin artırılmasında, onların vətənpərvərlik ruhunda tərbiyəsində mühüm əhəmiyyət kəsb etdiyini vurğulamışlar.

https://sesqazeti.az/news/politics/1335722.html

07/05/2026

10 may – Ümummilli Lider Heydər Əliyevin anadan olmasının 103-cü ildönümü ilə əlaqədar Yeni Azərbaycan Partiyası Lənkəran rayon təşkilatının sədri İqbal Əmənullayevin “Heydər Əliyev ideyaları ölməzdir. Səhiyyəmizin dünya miqyasına çıxarılmasında Ulu Öndərin rolu...” adlı məqaləsi Yeni Azərbaycan qəzetində dərc olunmuşdur.

Məqalə ilə aşağıdakı link vasitəsilə tanış ola bilərsiniz:

https://www.yeniazerbaycan.com/yukle/pdf/2026_05_07_01_07.05.2026_Yeni%20Azerbaycan%20qazeti.pdf

06/05/2026

Yeni Azərbaycan Partiyasının Lənkəran rayon təşkilatı və Lənkəran Dövlət Universitetinin nəzdində Sosial və Aqrar-Texnoloji Kollecin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş “Heydər Əliyev fenomeni: tarixi-siyasi təhlil və müasir çağırışlar” mövzusunda konfrans keçirilib.

Konfrans başlamazdan əvvəl Ümummilli Lider Heydər Əliyevin və şəhidlərin əziz xatirəsi bir dəqiqəlik sükutla yad edilib, daha sonra Azərbaycan Respublikasının Dövlət Himni səsləndirilib.

Açılış nitqi ilə çıxış edən kollecin direktoru Leyla İbrahimova Ümummilli Liderin zəngin dövlətçilik irsindən, Azərbaycan xalqı qarşısındakı misilsiz xidmətlərindən bəhs edib və bu irsin gənc nəslə aşılanmasının vacibliyini vurğulayıb.

Tədbirdə çıxış edən Yeni Azərbaycan Partiyası Lənkəran rayon təşkilatının sədri İqbal Əmənullayev isə Heydər Əliyevin siyasi kursunun bu gün də uğurla davam etdirildiyini qeyd edərək, ölkənin inkişafında bu ideyaların mühüm rol oynadığını diqqətə çatdırıb.

Daha sonra konfrans çərçivəsində müxtəlif məruzələr dinlənilib. Çıxış edənlər Ümummilli Liderin Azərbaycan dövlətçiliyinin möhkəmləndirilməsi, milli ideologiyanın formalaşdırılması və müasir çağırışlara uyğun siyasətinin əhəmiyyəti barədə fikirlərini bölüşüblər. Məruzələrdə Heydər Əliyev fenomeni tarixi-siyasi kontekstdə təhlil olunaraq onun aktuallığı xüsusi vurğulanıb.

Sonda qeyd olunub ki, belə tədbirlər gənclərin vətənpərvərlik ruhunda tərbiyəsində, dövlətçilik ənənələrinin öyrənilməsində və Yeni Azərbaycan Partiyasının ideoloji prinsiplərinin təbliğində mühüm əhəmiyyət daşıyır. Tədbirin sonunda bir qrup əməkdaş fəxri fərman və qiymətli hədiyyələrlə təltif olunmuş, həmçinin partiya sıralarına yeni qəbul olunmuş şəxslərə üzvlük vəsiqələri təqdim edilmişdir.

https://yap.org.az/az/view/news/104915/heyder-eliyev-fenomeni-tarixi-siyasi-tehlil-ve-muasir-chagirishlar

https://sesqazeti.az/news/politics/1335374.html

https://xeber24.online/2026/05/07/l%c9%99nk%c9%99randa-heyd%c9%99r-eliyev-fenomeni-tarixi-siyasi-t%c9%99hlil-v%c9%99-muasir-cagirislar-movzusunda-konfrans-kecirilib/

05/05/2026

📌 Ulu öndər Heydər Əliyevin anadan olmasının 103-cü ildönümü münasibətilə bilik yarışı təşkil olunacaq.

Lənkəran məktəbliləri üçün müasir Azərbaycan dövlətinin qurucusu, ümummilli lider Heydər Əliyevin anadan olmasının 103-cü ildönümünə həsr olunmuş bilik yarışı keçiriləcək.

🤝 Yarış Yeni Azərbaycan Partiyası Lənkəran rayon təşkilatı və Lənkəran şəhəri üzrə təhsil sektorunun birgə təşkilatçılığı ilə baş tutacaq.

👥 Yarışda 5 coğrafi zona üzrə seçilmiş komandalar iştirak edəcək və hər komanda 6 nəfər şagirddən ibarət olacaq. Şagirdlər ümummilli lider Heydər Əliyevin zəngin həyatı və siyasi fəaliyyəti ilə bağlı sualları cavablandıracaqlar.

🗓 7 may 2026
⏰ 10:00
📍 Lənkəran-Astara Regional Təhsil İdarəsinin akt zalı

Şagirdlərimizə sözügedən yarışda biliklərini uğurla nümayiş etdirməyi arzulayıram!