Samux rayonu üzrə gənclər və idman sektoru

01/06/2026

🇦🇿 SAMUX GƏNCLƏRİ QARABAĞDA🇦🇿

🟢 Gəncə-Daşkəsən Regional Gənclər və İdman İdarəsinin Samux rayonu üzrə gənclər və idman sektorunun təşkilatçılığı ilə 30-31 may 2026-cı il tarixlərdə "Beynəlxalq Muzeylər Günü" münasibəti ilə "Keçmişdən gələcəyə səyahət" başlığı altında bir qrup Samux gəncinin Qarabağ bölgəsinə — Şuşa, Xankəndi şəhərləri, Xocalı rayonunun Əsgəran qəsəbəsinə ekskursiyası təşkil olunub.
Bu ekskursiyanın əsas məqsədi gənclərə vətənpərvərlik hisslərini daha dərindən aşılamaq, tariximizin şanlı səhifələrini yerində, canlı şəkildə təqdim etmək olub.
Ekskursiya zamanı gənclər azad edilmiş torpaqlarımızı yaxından görüb, Qarabağın zəngin tarixi, mədəni irsi və keçdiyi şərəfli yol haqqında ətraflı məlumat əldə ediblər.
Bu ekskursiya gənclərin yaddaşında qürur, məsuliyyət və vətən sevgisi ilə dolu unudulmaz xatirə kimi qalıb.

01/06/2026

1 İyun – Uşaqların Beynəlxalq Müdafiəsi Günüdür.

29/05/2026

🍑 III ƏRİK FESTİVALI

Əziz rayon sakinləri və qonaqlar!

Sizi 20 iyun 2026-cı il tarixində Samuxda artıq ənənə halını almış “III ƏRİK FESTİVALI” na dəvət edirik. Festival Samux şəhərinin mərkəzində yerləşən Samux Parkında keçiriləcək.

III Ərik Festivalında sizi nələr gözləyir?

Festival proqramı çərçivəsində festivalda iştirak edənlər üçün müxtəlif əyləncə tədbirləri, kənd təsərrüfatı məhsullarının sərgi və satışı, eləcə də ailəvi istirahət imkanları təqdim olunacaqdır.

Həm yerli sakinlər, həm də bölgəyə səfər edən qonaqlar üçün unudulmaz təəssüratlar və zəngin istirahət imkanları vəd edən III Ərik Festivalı Samux rayonunun turizm cəlbediciliyini daha da artıracaqdır.

Festival iştirakçıları üçün konsert proqramı təqdim olunacaq, tanınmış ifaçıların çıxışları tədbirə xüsusi rəng qatacaq, Festivalın sonunda sizləri möhtəşəm atəşfəşanlıq nümayişi gözləyir.

Gəlin, birlikdə təbiətin gözəlliyini, əriyin bənzərsiz dadını və festival coşqusunu paylaşaq! ✨

29/05/2026

Quba İdman, İstirahət, Təlim və Tədris Kompleksində Gənclər və İdman Nazirliyi və Əmək və Əhalinin Sosial Müdafiəsi Nazirliyinin dəstəyi, “Əlilliyi Olan Şəxslərin Müstəqil Həyat Mərkəzi” İctimai Birliyinin təşkilatçılığı ilə “Əlilliyi olan şəxslərin hüquqlarının dövlət qurumlarında təmin edilməsi” mövzusunda təlim proqramı keçirilib.

Təlimdə Gənclər və İdman Nazirliyinin, Gənclər Evi sosial xidmət müəssisələrinin və Regional Gənclər və İdman idarələrinin əlilliyi olan gənclərlə çalışan əməkdaşları iştirak ediblər.

Tədbir çərçivəsində iştirakçılar ümumilikdə 9 saat davam edən müxtəlif mövzularda təlimlərə, əlilliyi olan şəxslərin dövlət qurumlarında xidmətlərə əlçatanlığının effektiv təmin olunmasına dair situasiya analizlərinə və interaktiv qrup işlərinə cəlb ediliblər.

Proqram çərçivəsində Əmək və Əhalinin Sosial Müdafiəsi Nazirliyinin Əlillik siyasəti şöbəsinin Əlilliyi olan şəxslərin hüquqlarının müdafiəsi sektorunun müdiri Nərmin Fətəliyeva və “Əlilliyi Olan Şəxslərin Müstəqil Həyat Mərkəzi” İctimai Birliyinin sədri Aydın Xəlilov təlimçi qismində çıxış edərək mövzu üzrə fəaliyyət strategiyalarını iştirakçılarla bölüşüblər.


Əmək və Əhalinin Sosial Müdafiəsi Nazirliyi

28/05/2026

27/05/2026

Qurban bayramınız mübarək!

26/05/2026

Samuxda “Gənclərin iş bacarıqları - müasir tələblər” mövzusunda təlim keçirilib.

Samux rayon Sərkar kənd tam orta məktəbində Samux rayonu üzrə gənclər və idman sektoru və Samux rayonu üzrə təhsil sektorunun birgə təşkilatçılığı ilə“Gənclərin iş bacarıqları - müasir tələblər” mövzusunda təlim keçirilmişdir. Təlimdə Samux rayonu üzrə təhsil sektorunun aparıcı məsləhətçisi Etibar Məmmədli, Samux rayonu üzrə gənclər və idman sektorunun baş məsləhətçisi Tural Qurbanov, Samux rayon Sərkar kənd tam orta məktəbin direktoru Afaq Möyləyeva və peşə təmayüllü siniflərdə oxuyan məktəbli gənclər iştirak etmişdir.Təlimdə çıxış edənlər ölkədə həyata keçirilən gənclər siyasətindən danışıblar, gənclərin hərtərəfli inkişafına xüsusi diqqət yetirildiyini və bu kimi təşəbbüslərin onların düzgün peşə seçiminə mühüm töhfə verdiyini diqqətə çatdırıblar. Mövzu ilə bağlı videoçarx təqdim olunub.

25/05/2026

Samuxda "28 May -Müstəqillik Günü" münasibəti ilə tədbir keçirilib.

🇦🇿🤼🏻24 may 2026-cı il tarixdə Samux rayon Ziyadlı kənd idman zalında "28 may Müstəqillik Günü" münasibəti ilə 2011-2013-cü il təvəllüdlü idmançılar arasında sərbəst güləş idman növü üzrə turnir keçirilib.
✅Turnirin açılış mərasimində Samux rayonu üzrə gənclər və idman sektorunun müdiri Rasim İmamquliyev, məşqçi müəllimlər və idmançılar iştirak etmişdir.
📌Turnirdə Zaqatala 2 komanda, Şəmkir 2 komanda, Gəncə 4 komanda, Samux 1 komanda olmaqla 125 nəfər idmançı iştirak etmişdir.
🏆Komanda hesabı ilə 1ci yer Samux komandası, 2-ci yer Gəncə komandası, 3-cü yer Şəmkir komandası layiq görülmüşdür.
🥇🥈🥉1-ci, 2-ci və 3-cü yer tutan idmançılar Gəncə-Daşkəsən Regional Gənclər və İdman İdarəsi tərəfindən medal və diplomla təltif edilmişdir.

25/05/2026

25/05/2026

Fövqəladə Hallar Nazirliyi Gəncə Regional Mərkəzi tərəfindən “Gənc xilasedici və yanğınsöndürən” Ümumrespublika yarışlarının zona birinciliyi keçirilib.

Fövqəladə Hallar Nazirliyinin təşkilatçılığı, Elm və Təhsil Nazirliyinin dəstəyi ilə keçirilən birinciliyin əsas məqsədi şagirdlərin fövqəladə hallara hazırlıqla bağlı fiziki və intellektual səviyyəsinin yoxlanılması, məktəblilərdə fərdi və ictimai təhlükəsizliyə məsuliyyətli yanaşma hissinin artırılması və yetişməkdə olan gənc nəslin nümayəndələrinə sağlam həyat tərzinin aşılanmasından ibarətdir.

Dövlət Himninin səsləndirilməsi ilə başlanan tədbirdə çıxış edənlər yarışın əhəmiyyətindən danışıb, iştirakçılara uğurlar arzulayıblar.

Keçirilən yarışda Gəncə Regional Mərkəzinin əhatə etdiyi şəhər və rayonların təhsil müəssisələri iştirak ediblər.

Yarış “Kombinə edilmiş yanğın estafeti” və “Maneələr zolağı” adlı iki mərhələdən ibarət olub.

Gərgin mübarizə şəraitində keçən yarışların yekunlarına əsasən, Gəncə şəhər M.Müşfiq adına 14 nömrəli tam orta məktəbi I yerə, Gədəbəy rayon Çanaxçı kənd tam orta məktəbi II yerə, Samux rayonu Lək kənd tam orta məktəbi isə III yerə layiq görülüb.

Samux rayonu üzrə gənclər və idman sektoru adından komandamızı təbrik edirik.