Kəpəz Rayon İcra Hakimiyyəti

29/06/2022

Gəncə Şəhər Kəpəz Rayon İcra Hakimiyyətində Dövlət Qulluqçularının Peşə Bayramı qeyd olunub

Gəncə Şəhər Kəpəz Rayon İcra Hakimiyyətinin başçısı Eldəniz Xudiyev dövlət qulluqçularını təbrik etdi və onlara fəaliyyətlərində uğurlar arzuladı. Eyni zamanda bildirdi ki, Ümummilli liderimiz Heydər Əliyevin Azərbaycana rəhbərlik etməyə başladığı dövrdən dövlət idarəetmə sisteminin təkmilləşdirilməsi və effektiv idarəetmə strukturunun yaradılması məqsədilə böyük işlər görülüb. Eldəniz Xudiyev Azərbaycan Respublikasının Prezidenti cənab İlham Əliyevin “Hər bir şəxs bilməlidir ki, dövlət qulluğunda olmaq imtiyaz deyil, məsuliyyətdir, insanlara xidmət imkanıdır” kəlamını xatırlatdı və hər bir dövlət qulluqçusunun öz gündəlik fəaliyyətində bu prinsipi rəhbər tutmalı olduğunu vurğuladı.
Gəncə Şəhər Kəpəz Rayon İcra Hakimiyyətinin başçısı Eldəniz Xudiyev Azərbaycan Respublikası Prezidenti cənab İlham Əliyevin Dövlət qulluqçularının təltif edilməsi haqqında sərəncamı ilə “Tərəqqi” medalı ilə təltif edilmiş Gəncə Şəhər Kəpəz Rayon İcra Hakimiyyəti başçısının Cavadxan qəsəbə inzibati ərazi dairəsi üzrə nümayəndənin müavini İradə Ataini və “Dövlət qulluğunda fərqlənməyə görə” Gəncə Şəhər Kəpəz Rayon İcra Hakimiyyəti başçısının Natəvan qəsəbə inzibati ərazi dairəsi üzrə nümayəndəsi Natiq Binnətovu təbrik etdi və onlara uğurlar arzuladı. Öz növbəsində İradə Ataini və Natiq Binnətovu əməyinə verilən böyük qiymətə görə dövlət başçısı cənab İlham Əliyevə dərin minnətdarlığını bildirdi və bundan sonrakı fəaliyyətində böyük etimadı doğrultmağa çalışacağını qeyd etdi.

28/05/2022

19/03/2022

Şəhid Məmmədov Vüsal Elşən oğlunun şəhadətinin ildönümü keçirilib.
Gəncə Şəhidlər Xiyabanında keçirilən anım mərasimində Kəpəz Rayon İcra Hakimiyyətinin başçısı Eldəniz Xudiyev, Gəncə Şəhər Nizami Rayon İcra Hakimiyyətinin başçısı Nizami Hacıyev, şəhidin yaxınları və şəhər ictimaiyyəti nümayəndələri iştirak ediblər.

Vətən Müharibəsinin başlaması ilə əlaqədar Azərbaycan Prezidenti İlham Əliyevin ölkədə qismən səfərbərlik elan edilməsi haqqında 28 sentyabr 2020-ci il tarxli Sərəncamına uyğun olaraq Vüsal Məmmədov hərbi xidmətə çağrılmışdır. O, Xüsusi Təyinatlı qrupun tərkibində vuruşaraq, Füzuli və Xocavənd rayonları, həmçinin İlandağ yüksəkliyi uğrunda gedən döyüşlərdə yer almışdır. Döyüş yoldaşlarının dediklərinə görə, yaralı olduğu halda döyüşü davam etdirmiş, yaralı əsgər yoldaşlarının təxliyyəsində xüsusi cəsarət göstərmişdir.
9 noyabr 2021-ci il tarixində Xocavənd rayonu istiqamətində gedən döyüşlərdə şəhid olmuşdur.
18 mart 2021-ci il tarixində Gəncə şəhərinin Şəhidlər xiyabanında dəfn edilmişdir.

21/01/2022

Qanlı Yanvar faciəsinin 32-ci ildönümü keçirilib.
32 il öncə 20 Yanvar 1990-cı ildə keçmiş SSSR dövlətinin Qızıl Ordusu Bakıya və Azərbaycan Respublikasının digər bölgələrinə daxil olaraq dinc əhaliyə qarşı ağır silahlardan istifadə edərək faciə törətmişdir. 20 Yanvar Faciəsi tariximizə qara hərflərlə Qanlı Yanvar kimi həkk olunub.
Anım mərasimində Gəncə Şəhər İcra Hakimiyyəti başçısı Niyazi Bayramov, Kəpəz Rayon İcra Hakimiyəti başçısı Eldəniz Xudiyev, Nizami Rayon İcra Hakimiyyəti başçısı Nizami Hacıyev, Kəpəz və Nizami Rayon Bələdiyyə sədrləri, aparatın işçıləri, hüquq-mühafizə orqanlarının və ictimai-siyasi təşkilatların rəhbərləri, iştirak ediblər. Anım mərasimi 20 Yanvar abidəsi önündə qərənfil düzməklə başlanılıb, daha sonra Şəhidlər Xiyabanı ziyarət edilib "Azərbaycanın ərazi bütövlüyü uğrunda gedən döyüşlərdə itkin düşmüş şəxslərin xatirəsinə" inşa edilmiş və üzərində 100-ə yaxın şəxsin adı qeyd edilmiş lövhənin önünə güllər düzülüb, Gəncənin şəhidlərinin şəkillərinin əks olunduğu lövhəyə baxış keçirilib.
Saat 12:00-da Azərbaycanın bütün ərazisində olduğu kimi Gəncədə də şehidlerin ruhu 1 deqiqelik sükütla anılıb.

06/01/2022

Kəpəz rayonunda qanunsuz küçə ticarətinə qarşı reyd keçirilib.
Kəpəz rayonunda Kəpəz Rayon İcra Hakimiyyəti və Kəpəz Rayon Polis idarəsi birgə qanunsuz küçə ticarətinə qarşı profilaktik tədbirlər keçirilib. Keçirilən tədbirlər zamanı səkiləri zəbt edərək piyadaların hərəkətinə maneçilik yaradan və küçələrdə antisanitar vəziyyətlər aşkarlanmışdır.
Reyd zamanı 10-a yaxın vətəndaşa xəbərdarlıq edilmiş və onlara yalnız ticarət üçün müəyyən olunmuş yerlərdə ticarətlə məşğul olmaları diqqətinə çatdırılmışdır və öncədən xəbərlıq olunmuş lakin xəbərdarlığa baxmayaraq qanunsuz küçə ticarətini davam etdirən vətəndaşlara İnzibati Xətalar Məcəlləsinin 454-cü (Qanunsuz küçə ticarəti, yəni müvafiq icra hakimiyyəti orqanı tərəfindən müəyyən edilməmiş yerlərdə malların satılmasına və ya işlərin görülməsinə görə) maddəsi ilə protokol tərtib olunub.

29/12/2021

Gəncədə Vətən müharibəsi şəhidinin il mərasimi qeyd olunub
Prezident İlham Əliyevin tapşırıq və tövsiyələrinə uyğun olaraq Gəncə şəhərində şəhid və qazi ailələri daim diqqətdə saxlanılırlar. Aidiyyəti qurumların rəhbərləri mütəmadi şəkildə şəhid ailələrini ziyarət edir, onların qayğıları ilə maraqlanırlar. Şəhid yaxınlarını narahat edən problemlərin aradan qaldırılması istiqamətində qanunamüvafiq formada tədbirlər həyata keçirilir.
Bununla yanaşı, şəhər rəhbərliyi mütəmadi şəkildə şəhidlərimizin il mərasimlərində iştirak edir, ailələrlə birlikdə onların məzarları ziyararət olunur. Həmçinin, Gəncə Şəhər İcra Hakimiyyəti tərəfindən Vətən müharibəsi şəhidlərinin il mərasimlərinin təşkili üçün hər bir ailəyə müvafiq qaydada maddi yardım göstərilir.
Bu gün Gəncə Şəhər İcra Hakimiyyətinin başçısı Niyazi Bayramov şəhid bayramov Rəhman Dilcan oğlunun il mərasimində iştirak edib, şəhid yaxınları ilə birlikdə onun məzarı ziyarət olunub. Şəhid yaxınlarının qayğıları ilə maraqlanan şəhər rəhbəri, onları narahat edən məsələlərin qısa vaxt ərzində qanunamüvafiq formada həll edilməsi üçün tapşırıq verib.
Şəhid ailələri onlara göstərilən diqqət və qayğıya görə Prezident İlham Əliyev, Birinci vitse-prezident Mehriban Əliyeva və şəhər rəhbərliyinə təşəkkürlərini bildiriblər.

24/12/2021

Vətən müharibəsi şəhidlərinin övladları üçün "Qəhrəman övladları" adlı ekskursiya həyata keçirilib

Gəncə Şəhər İcra Hakimiyyətinin təşkilatçılığı Gəncə Şəhər Nizami və Kəpəz Rayon İcra Hakimiyyətlərinin, həmçinin "Gənclənd- istirahət və əyləncə mərkəzi"nin dəstəyi ilə Gəncədə Vətən müharibəsi şəhidlərinin övladları üçün "Qəhrəman övladları" adlı yeni il şənliyi və ekskursiya təşkil olunub.
Valideynləri ilə birgə dəvət olunan uşaqları ekskursiya ərzində icra hakimiyyətlərinin əməkdaşları müşayiət edib.
Gəncə Şəhər İcra Hakimiyyəti başçısının birinci müavini Səməd Tomuyev, Gəncə Şəhər Nizami Rayon İcra Hakimiyyətinin başçısı Nizami Hacıyev və Kəpəz Rayon İcra Hakimiyyətinin başçısı Eldəniz Xudiyev uşaqları Heydər Əliyev Park Kompleksində qarşılayıblar.
Səməd Tomuyev körpələri şəhər rəhbəri Niyazi Bayramovun adından salamlayaraq, onları 31 dekabr - Dünya azərbaycanlılarının həmrəyliyi günü münasibətilə təbrik edib. Balacalara Azərbaycan Dövlət İdarələri və İctimai Xidmət İşçiləri Həmkarlar İttifaqının hədiyyələri təqdim olunub.
Şəhid övladları ekskursiya boyunca Heydər Əliyev mərkəzi ilə tanış olub, mərkəzin önündə xatirə şəkli çəkdirdikdən sonra "Gənclənd ailəvi istirahət və əyləncə mərkəzi"nə yollanıblar. Burada onlara attraksionlardan istifadə etmək üçün xüsusi kartlar hədiyyə olunmuş, əyləncəli səhnəciklər təşkil olunmuşdur. Əyləncə mərkəzi tərəfindən uşaqlara yemək süfrəsi açılmış, yemək fasiləsindən sonra uşaqlar vətənpərvər ruhlu şeirlər söyləyib, musiqi sədaları altında rəqs ediblər.
Uşaqlar həmçinin "İstiqlal parkı"nda yerləşən "Memorial Abidə Kompleksi"ni ziyarət edib, şəhidlərin xatirəsinə ehtiram əlaməti olaraq abidənin önünə gül dəstələri qoyublar.
Şəhid övladları və valideynlər göstərilən diqqət və qayğıya görə Ali Baş Komandan İlham Əliyevə və Mehriban xanım Əliyevaya öz minnətdarlıqlarını bildiriblər.

24/12/2021

18/12/2021

Şəhid Oruc Vəliyev şəhadətinin ildönümündə anılıb.
Gəncə Şəhər İcra Hakimiyyətinin başçısı Niyazi Bayramov və Səfərbərlik və Hərbi Xidmətə Çağırış üzrə Dövlət Xidmətinin rəis müavini general-mayor Mayıl Şahverdiyev Gəncə Şəhidlər xiyabanını ziyarət edərək, şəhid məzarlarına gül dəstələri düzüblər. Həmçinin şəhid Vəliyev Oruc Ramiz oğlunun şəhadətinin ildönümündə iştirak ediblər.
Anım mərasimində Gəncə Şəhər İcra Hakimiyyəti başçısının birinci müavini Səməd Tomuyev, Gəncə Şəhər Nizami və Kəpəz Rayon İcra Hakimiyyətlərinin başçıları Nizami Hacıyev, Eldəniz Xudiyev, Səfərbərlik və Hərbi Xidmətə Çağırış üzrə Dövlət Xidməti Gəncə Şəhər Nizami Rayon şöbəsinin rəisi Lətif Heydərov, Xidmətin şəxsi heyəti, Gəncə Şəhər Nizami və Kəpəz Bələdiyyələrinin sədrləri Qoşqar Məmmədov, Yaşar Abdullayev, Aparatıın məsul əməkdaşları, şəhidin yaxınları və digər ictimai nümayəndələr iştirak ediblər.
Vəliyev Oruc Ramiz oğlu Ermənistan işğalı altında olan ərazilərin azad edilməsi üçün başlanan Vətən müharibəsində iştirak etmiş, Azərbaycan Respublikasının ərazi bütövlüyü uğrunda vuruşmuşdur, Murov zirvəsinin işğaldan azad edilməsində yaxından iştirak etmişdir.
1 oktyabr 2020-ci il tarixində yaralı yoldaşını döyüş bölgəsindən çıxarmaq istəyərkən şəhidlik zirvəsinə yüksəlmişdir. 18 dekabr 2020-ci ildə Gəncə şəhərinin Şəhidlər xiyabanında dəfn olunmuşdur.

Azərbaycan Respublikasının Prezidenti İlham Əliyevin 24.06.2021-ci il tarixli Sərəncamına əsasən Oruc Vəliyev ​ölümündən sonra "Kəlbəcərin azad olunmasına görə" medalı ilə təltif edilib.

14/12/2021

Gəncədə qanunsuz küçə ticarəti ilə bağlı reydlər keçirilib

Gəncə Şəhər İcra Hakimiyyətinin başçısı Niyazi Bayramovun tapşırığına əsasən, Nizami və Kəpəz Rayon İcra Hakimiyyətləri, o cümlədən Nizami və Kəpəz Rayon Polis İdarələri tərəfindən şəhərin müxtəlif yerlərində qanunsuz küçə ticarəti ilə məşğul olanlara qarşı profilaktik tədbirlər həyata keçirilib.

Reydlərdə Nizami və Kəpəz Rayon İcra Hakimiyyətlərinin başçıları, eyni zamanda Kəpəz və Nizami Rayon Polis idarələrinin rəisləri iştirak ediblər.

Reydlər zamanı şəhərin müxtəlif ərazilərində səkiləri zəbt edərək piyadaların hərəkətini çətinləşdirən, küçələrdə antisanitar vəziyyət yaradaraq pərakəndə ticarətlə məşğul olan şəxslərlə maarifləndirici söhbətlər aparılıb. Həmin şəxslərə yalnız müəyyən olunan yerlərdə ticarətlə məşğul olmaları barədə xəbərdarlıq ediblər.

Bəziləri barəsində isə İnzibati Xətalar Məcəlləsinin 454-cü (Qanunsuz küçə ticarəti, yəni müvafiq icra hakimiyyəti orqanı tərəfindən müəyyən edilməmiş yerlərdə malların satılmasına və ya işlərin görülməsinə görə) maddəsi ilə protokol tərtib olunub.

Bildiririk ki, bu kimi reydlər mütəmadi olaraq şəhərin müxtəlif ərazilərində davam etdiriləcəkdir.