Füzuli Rayon İcra Hakimiyyəti

01/06/2026

Əziz övladlar! 1 İyun - Uşaqların Beynəlxalq Müdafiəsi Günü münasibətilə hər birinizi təbrik edir, hamınıza cansağlığı və xoşbəxtlik arzulayıram.

31/05/2026

Həftənin icmalı (25-31 may 2026-cı il)

28/05/2026

İpəkqurdu bəslənilən təsərrüfatlara baxış keçirilib.
Füzuli Rayon İcra Hakimiyyətinin başçısı Alı Alıyev Bala Bəhmənli və Mahmudlu-1 kəndlərində ipəkqurdu bəslənilən təsərrüfatlarda olub, mövcud vəziyyətlə tanışlıq keçirib.
Təsərrüfatlarda yaradılmış şəraitlə tanışlıq zamanı bəzi yerlərdə sıxlığın müşahidə olunduğunu bildirən Alı Alıyev baramanın vaxtında və keyfiyyətli şəkildə tədarük olunması, həmçinin düzgün saxlanılması ilə bağlı müvafiq tövsiyələrini verib.

28/05/2026

27/05/2026

28 May - Azərbaycanın Müstəqillik Günü

27/05/2026

İpəkqurdu bəslənilən təsərrüfatlara baxış keçirilib
Füzuli Rayon İcra Hakimiyyətinin başçısı Alı Alıyev Zobucuq qəsəbələrində, Alxanlı və Yuxarı Kürdmahmudlu kəndlərində ipəkqurdu bəslənilən təsərrüfatlarda olub, mövcud vəziyyətlə tanışlıq keçirib.
Görüş zamanı Alı Alıyev baramaçılığın kənd təsərrüfatının həm iqtisadi, həm də sosial baxımdan perspektivli sahələrindən biri olduğunu bildirib. O qeyd edib ki, rayonda ipəkqurdlarının bəslənilməsi üçün əlverişli yem bazası mövcuddur. Bu sahənin inkişafı regionlarda iqtisadi dayanıqlığın təmin olunmasına, əhalinin rifahının yüksəldilməsinə, eləcə də ölkənin qeyri-neft sektoru üzrə ixrac potensialının genişlənməsinə mühüm töhfə verir.
Təsərrüfatlarda yaradılmış şəraitlə tanışlıq zamanı bəzi yerlərdə sıxlığın müşahidə olunduğunu bildirən Alı Alıyev baramanın vaxtında və keyfiyyətli şəkildə tədarük olunması, həmçinin düzgün saxlanılması ilə bağlı müvafiq tövsiyələrini verib.

26/05/2026

Hörmətli həmvətənlər!

Sizi və Azərbaycanın hüdudlarından kənarda yaşayan bütün soydaşlarımızı müqəddəs Qurban bayramı münasibətilə ürəkdən təbrik edir, hər birinizə ən səmimi arzularımı yetirirəm.

İslamın sonuncu səmavi din və mənəvi-əxlaqi qurtuluş yolu olaraq bəşəriyyətə göndərilməsini təcəssüm etdirən Qurban bayramı günlərində milyonlarla müsəlman Həcc ziyarətində bir araya gəlir, birlik və bərabərliyin, nəcib amallar uğrunda hər cür fədakarlığa hazır olmanın qürur və sevincini yaşayır.

Hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, cəmiyyətimizdə milli-mənəvi dəyərlərə bağlılığın, xeyirxah əməllərin təntənəsinə çevrilir.

Əziz bacı və qardaşlarım!

Bu mübarək günlərdə şəhidlərimizin ölməz xatirəsini bir daha minnətdarlıqla yad edir, xalqımızın və dövlətimizin əmin-amanlığı naminə etdiyiniz duaların Tanrı dərgahında qəbul olunması diləyi ilə ailələrinizə xoşbəxtlik, süfrələrinizə bol ruzi və bərəkət arzulayıram.

Qurban bayramınız mübarək olsun!

26/05/2026

Füzuli Rayon İcra Hakimiyyətinin başçısı Alı Alıyev tərəfindən 1 İyun – Uşaqların Beynəlxalq Müdafiəsi Günü münasibətilə Azərbaycan Respublikasının Ailə, Qadın və Uşaq Problemləri üzrə Dövlət Komitəsinin layihəsi əsasında fəaliyyət göstərən Uşaq Səfirlər Məclisinin Füzuli rayon nümayəndələri Turan Nəbili və Mahirə Məmmədova ilə görüş keçirilib.

Görüşdə Füzuli Rayon İcra Hakimiyyətinin başçısı Alı Alıyev uşaqları 1 İyun – Uşaqların Beynəlxalq Müdafiəsi Günü münasibətilə təbrik edərək, onlara gələcək həyatlarında uğurlar arzulayıb. Bildirib ki, ölkəmizdə uşaqlara göstərilən dövlət qayğısı, onların hərtərəfli inkişafı, keyfiyyətli təhsil almaları və vətənpərvər ruhda formalaşmaları dövlət siyasətinin əsas prioritet istiqamətlərindən biridir.

Görüş zamanı Uşaq Səfirlər Məclisinin Füzuli rayon nümayəndələrinin ictimai fəallığı, həyata keçirdikləri təşəbbüslər və rayonun ictimai həyatında aktiv iştirakları yüksək qiymətləndirilib.

Sonda fəxri fərman və hədiyyələr təqdim olunub, xatirə şəkli çəkdirilib.

26/05/2026

Azərbaycan Respublikası Prezidentinin 637 nömrəli, 25.06.2025-ci il tarixli Sərəncamı ilə təsdiq edilmiş “Cəzaçəkmə müəssisələrində peşə təhsilinin keyfiyyətinin yüksəldilməsinə və mövcud infrastrukturun təkmilləşdirilməsinə dair 2025–2030-cu illər üçün Fəaliyyət Planı”nın həyata keçirilməsinə dair tədbirlər planının 8.5.1, 8.5.2 və 8.5.3-cü yarımbəndlərinin Füzuli rayonunda icrasının təmin edilməsi məqəsədi ilə Füzuli Rayon İcra Hakimiyyəti tədrəfindən Füzuli rayon Statistika İdarəsinin akt zalında cəzaçəkmə müəssisələrindən azad edilmiş şəxslərin və sahibkarların iştirakı ilə maarifləndirmə tədbiri keçirilmişdir.
Tədbirdə Füzuli Rayon İcra Hakimiyyəti başçısının müavini-Sosial-iqtisadi və memarlıq-tikinti məsələləri şöbəsinin müdiri Vüqar Teymurov, Ərazi-təşkilat və ictimai-siyasi məsələlər şöbəsinin müdir müavini, Ərazi-təşkilat məsələləri sektorunun müdiri Qabil Əliyev, Füzuli RPŞ-nin ictimai təhlükəsizlik bölməsinin rəisi Xankişi Səfərli, Füzuli rayon Statistika İdarəsinin rəisi, icra nümayəndələri, sahibkarlar və cəzaçəkmə müəssisələrindən azad edilmiş bir qrup şəxs iştirak etdilər.
Əvvəlcə Ulu Öndər Heydər Əliyevin və torpaqlarımızın azadlığı və suverenliyi uğrunda canlarından keçmiş Şəhidlərimizin xatirəsi bir dəqiqəlik sükutla yad edildi.
Tədbirdə çıxış edən Rayon İcra Hakimiyyəti başçısının müavini-Sosial-iqtisadi və memarlıq-tikinti məsələləri şöbəsinin müdiri Vüqar Teymurov çıxış edərək cəzaçəkmə müəssisələrindən azad edilmiş şəxslərin işlə təmin olunması üçün dövlət tərəfindən məşğulluq kvotaları tətbiq edildiyini və işsizlikdən sığorta vəsaiti hesabına əməkhaqlarının maliyyələşdirilməsi proqramları həyata keçirildiyini bildirdilər. Bu prosesin birbaşa Dövlət Məşğulluq Agentliyi tərəfindən tənzimləndiyini və dəstəkləndiyini vurğulandı. Cəzaçəkmə müəssisələrindən azad edilmiş şəxslərin cəmiyyətə inteqrasiyası, onların məşğulluğunun təmin olunması və sosial adaptasiyası dövlət siyasətinin əsas istiqamətlərindəndir. Bu sahədə maarifləndirmə tədbirlərinin keçirilməsi, işəgötürənlərlə əməkdaşlığın genişləndirilməsi və uğurlu nümunələrin ictimaiyyətə təqdim olunması mühüm əhəmiyyət daşıyır.
Füzuli Rayon İcra Hakimiyyətinin Ərazi-təşkilat və ictimai-siyasi məsələlər şöbəsinin müdir müavini, Ərazi-təşkilat məsələləri sektorunun müdiri Qabil Əliyev çıxış edərək bildirdi ki, cəzaçəkmə müəssisələrindən azad edilmiş şəxslərin işlə təmin olunması məqsədilə maarifləndirmə tədbirlərinin təşkili, uğurlu məşğulluq təcrübələrinin mediada işıqlandırılması, sahibkarlar və aidiyyəti qurumların iştirakı ilə görüşlərin keçirilməsi sosial reinteqrasiya baxımından xüsusi əhəmiyyət kəsb edir. Bu istiqamətdə müsbət təcrübələrin təşviqi həm məşğulluğun artırılmasına, həm də cəmiyyətə faydalı fərdlərin formalaşmasına xidmət edir.
Daha sonra çıxış edən Füzuli RPŞ-nin ictimai təhlükəsizlik bölməsinin rəisi Xankişi Səfərli çıxış edərək bildirdi ki, cəzaçəkmə müəssisələrindən azad edilmiş şəxslərin yenidən cəmiyyətə qazandırılması, onların işlə təmin olunması və sağlam sosial mühitə inteqrasiyası təkrar hüquqpozmalara qarşı ən effektiv vasitələrdən biridir. Bu istiqamətdə aidiyyəti qurumlarla birgə maarifləndirmə və dəstək tədbirlərinin həyata keçirilməsi vacibdir.
Sonda işə götürən tərəf olaraq sahibkarlıq fəaliyyəti ilə məşğul olan şəxslərin və cəzaçəkmə müəssisələrindən azad edilmiş şəxslərin fikirləri dinlənildi.

26/05/2026

Füzuli rayonunda “28 May Müstəqillik Günüdür” adlı dəyirmi masa keçirildi.
Füzuli Rayon İcra Hakimiyyətinin təşkilatçılığı ilə keçirilən tədbirdə Füzuli RİH-nin əməkdaşları, ziyalılar, şəhid ailələri, qazilər, gənclər və ictimaiyyət nümayəndələri iştirak etdilər.
Tədbir başlamazdan əvvəl, Ulu Öndər Heydər Əliyevin və bütün şəhidlərin əziz xatirəsi bir dəqiqəlik sükutla yad edildi.
Füzuli Rayon İcra Hakimiyyətinin Başçının müavini–Sosial-iqtisadi və memarlıq-tikinti məsələləri şöbəsinin müdiri Vüqar Teymurov çıxış edərək, Ulu Öndər Heydər Əliyevin tarixi keçmişimizə, eləcə də Xalq Cümhuriyyəti tarixinə xüsusi önəm verməsindən, ölkə başçısı cənab İlham Əliyevin 15 oktyabr 2021-ci il tarixli Sərəncamı ilə Mayın 28-nin Müstəqillik Günü elan edilməsindən söz açdı. Vüqar Teymurov müzəffər Azərbaycan ordusunun qazandığı böyük Zəfərin müstəqilliyimizin qorunması və möhkəmlənməsi yolunda ən mühüm qalibiyyət olduğunu diqqətə çatdırdı.
Daha sonra Ərazi təşkilat məsələləri sektoru şöbə müdirinin müavini, sektor müdiri Qabil Əliyev çıxış edərək, 1918-ci il mayın 28-də Şərqdə ilk parlamentli respublika olan Azərbaycan Xalq Cümhuriyyətinin yaradılmasının xalqımızın tarixində mühüm və şərəfli səhifə olduğunu vurğuladı. Bildirildi ki, dövlət müstəqilliyimizin qorunması və möhkəmləndirilməsi Ulu Öndər Heydər Əliyevin siyasi kursu nəticəsində təmin edilmiş, bu gün isə Azərbaycan Respublikasının Prezidenti İlham Əliyev tərəfindən uğurla davam etdirilir. Çıxış zamanı müstəqil Azərbaycanın əldə etdiyi uğurlar, işğaldan azad olunmuş ərazilərdə aparılan genişmiqyaslı quruculuq və bərpa işləri barədə ətraflı məlumat verildi.
Sonra Vətən Müharibəsi Qəhrəmanı,şəhid Fəqan Zalovun atası Amil Zalov, Vətən Müharibəsi qazisi Anar Azadov və Füzuli rayonu Ə.Səlimov adına Kərimbəyli kənd tam orta ümumtəhsil məktəbin tarix müəllimi Muxtar Əmənov mövzu ətrafında çıxış etdilər.
Sonda mövzu ilə bağlı videoçarx izlənildi.