322 nömrəli tam orta məktəb - rəsmi səhifə

13/06/2026

13 iyun 2026-cı il tarixində məktəbimizdə ənənəvi “Son zəng” tədbiri keçirildi. Bu il məktəbimiz 19-cu məzun buraxılışını yola saldı.
Tədbirdə məktəb direktoru Taleh Şahbazov, müəllimlər, valideynlər, məzunlar və qonaqlar, o cümlədən Xəzər Rayon İcra Hakimiyyətinin nümayəndələri iştirak etdilər. Şəhid Vüsal İsmayılzadənin anası Lalə xanım ,şəhid Əmrah Əkbərovun anası Dürdanə xanım və şəhid Xəyyam Əliyevin həyat yoldaşı Xəyalə Əlixanzadə da tədbirin qonaqları sırasında idi.
Azərbaycan Respublikasının Dövlət Himni səsləndirildi, şəhidlərin xatirəsi bir dəqiqəlik sükutla yad edildi və tədbir açıq elan olundu.
Direktor Taleh Şahbazov məzunları təbrik edərək onlara gələcək həyatlarında uğurlar arzuladı. Müəllimlər və valideynlər də öz xoş diləklərini çatdırdılar.
Tədbir şagirdlərin musiqi nömrələri, rəqslər və bədii çıxışları ilə davam etdi. Məzunlar müəllimlərinə və valideynlərinə minnətdarlıqlarını bildirdilər.
Sonda “Son zəng” səsləndi və məzunlar məktəb həyatına duyğulu şəkildə vida etdilər. 322 nömrəli tam orta ümumtəhsil məktəbinin kollektivi bütün məzunlara sağlam, uğurlu və parlaq gələcək arzulayır. 🔔

13/06/2026

Son zəng münasibətilə bütün məzunlarımızı təbrik edir, onlara gələcək həyatlarında uğurlar və yeni nailiyyətlər arzulayırıq.

10/06/2026

15 İyun – Milli Qurtuluş Günü və “Bakı 2026 – Dünyanın İdman Paytaxtı” təşəbbüsü çərçivəsində Xəzər rayonu üzrə Gənclər və İdman Sektorunun təşkilatçılığı ilə orta ümumtəhsil məktəblərinin şagirdləri arasında şahmat yarışı keçirilmişdir.
Yarışda məktəbimizin 7 “Ə” sinif şagirdi Abışova Nuray yüksək nəticə göstərərək I yerə layiq görülmüşdür. Bu münasibətlə məktəbimizin direktoru Taleh Şahbazov şagirdimizi təbrik etmiş, ona təhsil və idman sahəsində yeni-yeni uğurlar arzulamışdır. Direktor şagirdlərin intellektual inkişafında şahmatın mühüm rol oynadığını vurğulayaraq Nurayın nailiyyətinin məktəbimizin uğurları sırasına əlavə olunan dəyərli töhfə olduğunu qeyd etmişdir.
Şagirdimizi qazandığı uğur münasibətilə bir daha təbrik edir, gələcək yarışlarda ona daha böyük nailiyyətlər arzulayırıq!

10/06/2026

“Ayın İdman Layihəsi” çərçivəsində atletika idman növü üzrə qısa məsafəyə və kross qaçışı yarışları keçirilmişdir.
Yarışın keçirilməsində məqsəd şagirdlərdə sağlam həyat tərzinə marağın artırılması, fiziki fəallığın təşviqi, dözümlülük, sürət və çeviklik keyfiyyətlərinin inkişaf etdirilməsi olmuşdur.
🏃‍♂️ Yarışın nəticələri:
🥇 I yer – Hüseyn Hamlet oğlu Əhədov
🥈 II yer – Rəsul Etibar oğlu Məmmədov
🥉 III yer – İbrahim Vasif oğlu İbrahimzadə
Yarışın təşkilatçısı məktəbimizin fiziki tərbiyə müəllimi Aslan Nəsibov olmuşdur.
Qalibləri təbrik edir, onlara gələcək yarışlarda yeni uğurlar arzulayırıq! 🏆👏🌟

02/06/2026

Məktəb psixoloqu Həsənova Milananın təşkilatçılığı ilə İnsan Hüquqları Aylığı çərçivəsində məktəbimizin 8-ci sinif şagirdləri ilə maarifləndirici tədbir keçirildi. Tədbirdə insan hüquq və azadlıqlarının mahiyyəti, bərabərlik, qarşılıqlı hörmət, tolerantlıq və vətəndaş məsuliyyəti mövzuları müzakirə olundu. Şagirdlər mövzu ətrafında fikir mübadiləsi apararaq hüquq və vəzifələri barədə məlumatlarını genişləndirdilər.

01/06/2026

🌈 Uşaqların gülüşü dünyanı daha gözəl edir!

1 İyun – Beynəlxalq Uşaqların Müdafiəsi Günü münasibətilə məktəbimizin ibtidai sinif şagirdləri üçün bayram tədbiri təşkil olundu. Balaca fidanlarımız bu əlamətdar günü mahnılar, şeirlər, rəqslər və maraqlı çıxışlarla qeyd etdilər.

Tədbir boyu uşaqların sevinc dolu anları, parlaq təbəssümləri və xoş əhval-ruhiyyələri bayrama xüsusi rəng qatdı. Onların hər biri öz bacarıq və istedadını nümayiş etdirərək tədbiri daha da yaddaqalan etdi.

Bütün uşaqları bu gözəl bayram münasibətilə təbrik edir, onlara sağlam, xoşbəxt və uğurlu gələcək arzulayırıq!

🎉 Bayramınız mübarək, əziz uşaqlar!

01/06/2026

Uşaqların gülüşü dünyamızı daha işıqlı edir. 1 İyun – Beynəlxalq Uşaqlar Günü mübarək!

28/05/2026

27/05/2026

Müqəddəs Qurban Bayramı münasibətilə məktəb kollektivi adından hər kəsi səmimi qəlbdən təbrik edir, xalqımıza rifah, sülh və bərəkət arzulayırıq.

26/05/2026

Məktəbimizdə fəaliyyət göstərən Kiçik Akademiyanın 2025/2026-cı tədris ili üzrə növbəti iclası keçirilib.
İclas zamanı akademiya üzvlərinin hazırladıqları layihə və tədqiqat işləri təqdim edilib. 9 “A” sinif şagirdləri, eyni zamanda Kiçik Akademiyanın üzvləri olan Məmmədov Onur, Mürsəlzadə Cavidan və Məmmədli Fuad tərəfindən hazırlanmış “Parkradar” sistemi iştirakçılar tərəfindən maraqla qarşılanıb.
“Parkradar” sistemi yaxınlıqdakı obyektləri radiodalğalar vasitəsilə müəyyən edərək 3 səviyyəli məsafə təyini qabiliyyətinə malikdir. Müasir və elektro-hibrid avtomobillərdə istifadə olunan sensor sistemlərinə bənzər şəkildə hazırlanan aparat Tinkercad və Arduino IDE proqramları vasitəsilə müxtəlif kodlaşdırmalar əsasında işlənib hazırlanıb.
Tədbirdə Kiçik Akademiyanın rəhbəri Heydərova Ulduz çıxış edərək şagirdlərin elmi-tədqiqat bacarıqlarının inkişaf etdirilməsinin, onların texnologiya və innovasiya sahəsinə marağının artırılmasının əhəmiyyətini vurğulayıb. O, bu cür layihələrin şagirdlərin gələcək ixtisas seçimində və praktiki biliklərinin formalaşmasında mühüm rol oynadığını qeyd edib.
Tədbirdə direktor müavinləri Əhmədova Fəridə, Nəcəfova Camalə və Allahverdiyeva Gülxanım da iştirak edərək şagirdlərin təqdim etdikləri layihələri izləyib, onların fəaliyyətini yüksək qiymətləndiriblər.