Elm və Təhsil İşçiləri Həmkarlar İttifaqı Beyləqan Rayon Komitəsi

22/05/2026

22/05/2026

28 May “Müstəqillik Günü” nə həsr olunmuş atletika idman növü üzrə turnir keçirilib.
22 may 2026 cı il tarixdə Beyləqan Olimpiya İdman Kompleksində ETİHİ Beyləqan Rayon Komtisənin, Beyləqan rayon Təhsil sektoru və Mil-Muğan Regional Gənclər və İdman İdarəsinin birgə təşkilatçılığı ilə 28 May “Müstəqillik Günü” nə həsr olunmuş Beyləqan şəhər ümumtəhsil məktəbləri arasında atletika idman növü üzrə rayon turniri keçirilib.
Turnirin nəticəsinə əsasən
Beyləqan şəhər Namiq Allahverdiyev adına 1 nömrəli ümumi orta ümumtəhsil məktəb komandası-1 ci yer
Beyləqan şəhər Elbrus Bayramov adına Təbiət və Humanitar fənlər təmayüllü lisey komandası-2 ci yer
Beyləqan rayonu Əlibala Şirinov adına Dünyamalılar kənd 1 nömrəli tam orta ümumtəhsil məktəbinin komandası isə 3 cü yerin qalibi olmuşdur.
Turnirin sonunda qalib komandalara diplom və fəxri fərmanlarla təqdim olunmuşdur.

19/05/2026

Beyləqan rayon Dünyamalılar kənd Ələmdar Rzayev adına 2 nömrəli tam orta ümumtəhsil məktəbinin IX sinif şagirdləri DİM tərəfindən keçirilmiş buraxılış imtahanında yüksək nəticə göstərərək 138 bal (orta bal) toplayaraq, Beyləqan rayon Təhsil Sektoru üzrə ümumtəhsil məktəbləri arasında I yerə yüksəlmişdir .Bu münasibətlə bir qrup şagird və müəllim Elm və Təhsil İşçiləri Həmkarlar İttifaqı Beyləqan Rayon Komitəsi tərəfindən fəxri fərman və hədiyyə ilə təltif olunmuşdur.

19/05/2026

"Təlim-Təcrübə səfəri" həyata keçirilmişdir.
ETİHİ Beyləqan Rayon Komitəsinin və Beyləqan Peşə Məktəbinin birgə təçkilatçılığı ilə 15.05.2026-cı il tarixdə Beyləqan Peşə Məktəbinin bir qrup müəllim və tələbə heyyəti Qəbələ Dövlət Peşə Təhsil Mərkəzinə təlim-təcrübə məqsədi ilə səfər etmişdirlər.
Səfər zamanı əməkdaşlar tərəfindən Beyləqan Peşə Məktəbinin müəllim və tələbə heyyətini mərkəzin maddi-texniki bazası, emalatxanaları, tədris prosesi və tələbələrin əl işləri ilə tanış etmişdirlər.
Təlim-Təcrübə səfərinin keçirilməsində əsas məqsəd tələbələrin bilik və bacarıqların artırılması, onun inkişaf etdirilməsi, oradakı innovativ texnologiyalar ilə tanış etmək, bilik və bacarıqlarını paylaşmaq üçün sıx əməkdaşlıq əlaqələri qurmaqdan ibarətdir.
Sonda hər iki müəssisənin istedadlı tələbələrinin hazırladığı bədii hissə nümayiş etdirilmişdir.

13/05/2026

Beyləqan rayonu Şahsevən kəndi Fazil Miriyev adına 3 nömrəli tam orta ümumtəhsil məktəbində tədbir keçirilib.
Tədbirdə 9-cu siniflər üzrə buraxılış imtahanında yüksək nəticə göstərmiş şagirdlər və bir qrup müəllim ETİHİ Beyləqan Rayon Komitəsi sədri Tahir Həsənov və məktəbin direktoru Zaur Qədirov tərəfindən fəxri fərmanla təltif olunublar.

12/05/2026

Ümummilli Lider Heydər Əliyevin anadan olmasının 103-cü ildönümü münasibətilə Beyləqan şəhər Humanitar Fənlər Təmayüllü Liseyin bir qrup müəllimi təltif edilib
Ulu Öndərin əziz xatirəsinə ehtiram əlaməti olaraq təşkil edilən tədbirdə liseyin direktoru Gülnarə Məmmədova və ETİHİ Beyləqan Rayon Komitəsinin sədri Tahir Həsənov iştirak etmişdir.
Təhsil sahəsində göstərdikləri səmərəli fəaliyyətə, gənc nəslin yetişdirilməsindəki xidmətlərinə görə liseyin pedaqoji və aktiv işçi heyətinin üzvləri Fəxri Fərmanlarla təltif ediliblər.

09/05/2026

Elm və Təhsil İşçiləri Həmkarlar İttifaqı Beyləqan Rayon Komitəsinin təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr olunmuş Beyləqan rayon müəssisə və təşkilatları arasında mini futbol idman növü üzrə yarış keçirilmişdir.
Yarışın nəticələrinə əsasən
Kapital Bank Beyləqan filialının komandası 1-cİ yer,
Daşınmaz Əmlakın Dövlət Kadastrı və Reyestri Publik Hüquqi Şəxsin 6 saylı Beyləqan Ərazi İdarəsinin komandası 2-cİ yer,
Beyləqan rayon Təhsil komandası isə 3-cü yerin qalibi olmuşdur.
Qalib komandalar Kubok və fəxri fərmanla təltif olunmuşdur.

08/05/2026

8 may 2026-cı il Beyləqan Peşə məktəbində, Ümummilli Lider Heydər Əliyevin anadan olmasının 103-cü ildönümünə həsr edilmiş tədbir keçirilmişdir.
Tədbir Azərbaycan Respublikasının Dövlət Himninin səsləndirilməsi və Ulu Öndərin əziz xatirəsinin bir dəqiqəlik sükutla yad edilməsi ilə başlanmışdır.
Çıxış edən məktəbin direktoru Nazim Məmmədov Ümummilli Lider Heydər Əliyevin Azərbaycan dövlətçiliyinin möhkəmləndirilməsi, milli-mənəvi dəyərlərin qorunması, təhsil siyasətinin inkişafı və müstəqil Azərbaycanın gələcəyi naminə gördüyü misilsiz xidmətlərdən bəhs etmişdir.
Tələbələrin təqdimatında Ulu Öndərə həsr olunmuş şeirlər səsləndirilmiş və ədəbi-bədii kompozisiyalar nümayiş etdirilmişdir.
Sonda tədbir xatirə şəkillərinin çəkilməsi ilə yekunlaşmışdır.

08/05/2026

ETİHİ Respublika Komitəsinin təşkilatçılığı ilə 02-03 may 2026 cı il tarixlərdə Beyləqan Rayon Komitəsi ilk həmkarlar təşkilatlarının bir qrup üzvləri üçün "Nazlı Bulaq" istirahət mərkəzinə 2 günlük tur təşkil edilmişdir.
ETİHİ Respublika komitəsinə təşəkkür edirik!