Kəlbəcər rayon 41 nömrəli ümumi orta məktəb

26/05/2026

28 May – Respublika Günü münasibətilə məktəbimizdə tədbir keçirilib.
Tədbirdə şagirdlər tərəfindən vətənpərvərlik mövzusunda şeirlər səsləndirilib, mahnılar ifa olunub və 1918-ci ildə yaradılmış Azərbaycan Xalq Cümhuriyyətinin tarixi əhəmiyyəti haqqında məktəbin tarix -coğrafiya müəllimi Nuranə Şükürova məlumat verib.
Şagirdlərimizin çıxışları böyük maraqla qarşılanıb. Tədbirin əsas məqsədi milli dəyərlərimizin, dövlətçilik tariximizin və müstəqillik ruhunun gənc nəsildə təbliği olub.
🇦🇿 Respublika Günümüz mübarək!

22/05/2026

Bu gün məktəbimizdə 4-cü və 6-cı sinif şagirdləri üçün monitorinq imtahanı keçirilib. Monitorinqin məqsədi şagirdlərin bilik və bacarıqlarının qiymətləndirilməsi, onların tədris göstəricilərinin müəyyən olunması və gələcək hazırlıq istiqamətlərinin planlaşdırılması olub.

20/05/2026

18/05/2026

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti tərəfindən təqdim olunan məlumatlar əsasında valideynlərə aşağıdakı mövzular üzrə ətraflı izahat verildi:
🔹 my.gov.az⁠� “Şəxsi kabinet”in yaradılması qaydaları
🔹 “Hərbi xidmət” bölməsindən istifadə qaydası
🔹 İlkin hərbi qeydiyyatın elektron formada aparılması
🔹 Çağırış və tibbi müayinə prosesləri haqqında məlumatlar
Maarifləndirmə zamanı valideynlərə övladlarının elektron xidmətlərdən düzgün istifadə etməsi və şəxsi kabinetlərində olan məlumatları mütəmadi izləmələrinin vacibliyi bildirildi.

15/05/2026

Bu gün məktəbimizdə şagirdlərə “Məktəblilərarası Milli Kosmik Poçt Müsabiqəsi” haqqında ətraflı məlumat verildi.
Müsabiqənin şərtlərinə uyğun olaraq V, VI, VII və VIII siniflərin şagirdləri iştirak ediblər.
Şagirdlərin diqqətinə çatdırıldı ki, xüsusi kartlar üzərində çəkdikləri rəsmlər və yazdıqları mesajlar qalib seçilərsə, kosmosa göndəriləcək. Bir neçə aydan sonra isə kosmosdan geri qayıdan həmin zərf yenidən müəllifinə təqdim olunacaq.

09/05/2026

9 May – Faşizm üzərində Qələbə Günü münasibətilə məktəbimizdə şagirdlər üçün videoçarx nümayiş etdirildi.
Videoçarxda tarixinin əhəmiyyəti, xalqımızın İkinci Dünya müharibəsində göstərdiyi qəhrəmanlıq və sülhün dəyəri haqqında məlumat verildi.
Şagirdlər böyük maraqla izlədikləri video vasitəsilə tariximizi bir daha xatırladılar, qəhrəmanlarımızın xatirəsini ehtiramla yad etdilər.

08/05/2026

Ulu öndər Heydər Əliyevin anadan olmasının 103-cü ildönümünə həsr olunmuş tədbir keçirilib.
Tədbirdə dahi şəxsiyyətin Azərbaycan dövlətçiliyinin möhkəmləndirilməsi, təhsil, gənclər siyasəti və milli-mənəvi dəyərlərimizin qorunması istiqamətində göstərdiyi xidmətlərdən bəhs olunub. Şagirdlər tərəfindən şeirlər səsləndirilib, çıxışlar təqdim edilib və Ulu Öndərin zəngin həyat yolu haqqında məlumat verilib.
Tədbirin əsas məqsədi gənc nəslə vətənpərvərlik hissinin aşılanması, Heydər Əliyev irsinin daha yaxından öyrədilməsi olub.

04/05/2026

Bu gün məktəbin təsviri incəsənət müəllimi İlkanə Abdullayeva tərəfindən dünya şöhrətli rəssam Vincent van Goghun həyat və yaradıcılığına həsr olunmuş maraqlı dərs keçirildi.
Dərs zamanı onun məşhur əsərləri, xüsusilə The Starry Night və Sunflowers kimi inciləri təhlil olundu. Şagirdlər rəssamın rənglərə özünəməxsus yanaşması, emosional ifadə tərzi və sənətə gətirdiyi yeniliklər haqqında müzakirələr apardılar.
Keçirilən dərs şagirdlərin incəsənətə marağını artırmaqla yanaşı, onların estetik zövqünün formalaşmasına da müsbət təsir göstərdi. 🎨

30/04/2026

📚 Bu gün məktəbimizdə “Tanınmış şəxsiyyətlər təqvimi” çərçivəsində məşhur rəssam Leonardo Da Vinçinin həyat və yaradıcılığına həsr olunmuş debat dərsi keçirilib.
Yuxarı sinif şagirdləri dahi sənətkarın məşhur əsərlərini təhlil edərək onun incəsənət dünyasına verdiyi əvəzsiz töhfələri müzakirə ediblər.
Debat dərsi şagirdlərin dünya incəsənətinə marağını artırmaqla yanaşı, onların analitik düşüncə və müzakirə bacarıqlarının inkişafına da töhfə verib.

28/04/2026

Bu gün məktəbimizdə şagirdlər arasında zərərli vərdişlərə qarşı maarifləndirmə tədbiri keçirildi. Tədbirin məqsədi şagirdləri sağlam həyat tərzinə təşviq etmək, zərərli vərdişlərin insan sağlamlığına və gələcəyinə mənfi təsirləri barədə məlumatlandırmaq idi.
Maarifləndirici söhbətlər zamanı şagirdlərə düzgün seçim etməyin, sağlam düşüncənin və faydalı vərdişlərin əhəmiyyəti izah olundu. Gənc nəslin sağlam, savadlı və məsuliyyətli böyüməsi üçün belə tədbirlərin rolu böyükdür